Connect with Us

“Ç’i pret shqiptarët këtë dimër?”/ Dasho thirrje Ministrisë dhe Komitetit Teknik: Pasojat do jenë të rënda

Shëndeti

“Ç’i pret shqiptarët këtë dimër?”/ Dasho thirrje Ministrisë dhe Komitetit Teknik: Pasojat do jenë të rënda

Publikuar

-

Maska njëpërdorimëshe apo sharlatanë shumëpërdorimësh?!

Eksperti i Shëndetit Publik Erion Dasho, ka bërë një parashikim lidhur me pandeminë e koronavirusit për javët në vijim, duke qenë se ka ardhur edhe stina e virozave.

Dasho thotë se vetëm sot katër miq realë dhe virtualë kanë patur familjarë me shenja tipike virozash, me pak temperaturë, pak dhimbje fyti dhe ndonjë kollitje apo tështimë të lehtë.

Ai tregon se të katër janë të frikësuar deri në palcë se mos vetë apo familjarët e tyre janë të prekur nga COVID, ndonëse thekson se pothuajse asnjë nuk manifeston ndonjë prej faktorëve të njohur tashmë të riskut – moshë e kaluar, sëmundje kronike që predispozojnë për komplikacione nga COVID, apo profesione të riskuar.

Dasho rrëfen se të katër kanë nisur menjëherë mjekimin me antibiotik, deksametazon dhe anticoagulant, dy prej tyre kanë bërë tashmë testin në privat kurse të tjerët presin strukturat publike të tamponimit.

Eksperti i Shëndetitt Publik paralajmëron se fatkeqësisht ky është vetëm fillimi, ndërsa bën edhe një thirrje të fortë për ministrinë e Shëndetësisë dhe Komitetin Teknik.

“Në çdo stinë virozash, janë me qindra e mijëra shqiptarët që preken nga gripi apo ndonjë prej 200 patogjenëve që shkaktojnë virozat e stinës. 99% e tyre i kalojnë virozat “në këmbë” siç jemi mësuar t’a quajmë kur me përjashtim të çajit dhe aspirinës, aktiviteti ditor pothuajse nuk ndikohet aspak nga sëmundja.

Në kohën e COVID, po ndodh e kundërta duke rrezikuar që stina e virozave të kthehet në një epidemi paniku! Çdo tështimë dhe kollitje rrezikon të pasohet nga një kombinim tresh antibiotikësh ku më “i lehti” është azitromicina dhe ku antikoagulantët oralë merren në vend të karameleve.

Pasojat shëndetësore të kësaj çmendurie kolektive do të jenë të rënda duke prekur në radhë të parë shëndetin dhe në radhë të dytë xhepin e shqiptarëve. Ç’duhet bërë dhe ç’mund të bëhet?

LEXO EDHE:  Moderatorja flet për largimin nga Top Channel/ Gjithçka ka një fillim dhe një fund

Deri tani mjeku i familjes është lënë të luajë rolin pasiv të vëzhguesit që jep këshilla telefonike, nuk është trajnuar, nuk është furnizuar me puls-oksimetër dhe nuk i është dhënë mundësia e përdorimit të aplikacioneve të telemjeksisë. Kjo situatë duhet korrigjuar urgjentisht duke e kthyer mjekun e familjes në aktorin kryesor të përgjigjes ndaj COVID dhe virozave të tjera (sikundër ka qënë historikisht).

Deri tani mjekut të familjes nuk i janë dhënë as protokolle të rifreskuara që bëjnë të mundur diagnozën e COVID, diagnozën diferenciale me gripin dhe virozat e stinës, trajtimin sipas stadit të sëmundjes dhe monitorimin aktiv të pacientëve në zonën e mbuluar prej tij. Komiteti dhe ministria duhet të hartojnë dhe bëjnë publik këto protokolle të cilat deri para një muaji antarët e komitetit ja fshihnin edhe njëri-tjetrit.

Deri tani COVID-i është “tajtuar” me një lloj amalgami midis urgjencës mjeksore dhe spitaleve COVID. Kjo situatë duhet të marrë fund. Në një stinë virozash ku dhjetëra mijëra persona mund të preken njëkohësisht, asnjë urgjencë mjeksore nuk mund të reagojë me efiçiencë. Urgjenca duhet lënë të bëjë punën e saj sikundër duhet t’i rikthehet normalitetit edhe spitali COVID-2 i cili ka lënë pa shërbime thelbësore një masë të gjerë njerëzish. Mjeku i familjes duhet të jetë përgjegjës për diagnozën, mjekimin dhe monitorimin e pacientëve!

Nëse përgjigja e dështuar shqiptare deri tani e ka lënë popullatën në mëshirën e tekave të Sars-Cov-2, vazhdimi i këtij qëndrimi edhe në prag të stinës së virozave do të ishte papërgjegjshmëri!

Uroj që së fundi ministria dhe komiteti të kuptojnë se loja me shëndetin dhe jetën e shqiptarëve duhet të marrë fund dhe se papërgjegjshmëria duhet t’i lërë vendin profesionalizmit! Shpresoj të mos jetë vonë…”, shkruan Dasho./ CNA.al

Për të rejat më të fundit behuni pjesë e grupit tonë në facebook : City News Albania
KLIKO PER TE KOMENTUAR

Komentoni

Your email address will not be published. Required fields are marked *

Shëndeti

“Jam i vetmi mjek që i jam lutur Kryeministrit”/ Pipero kritika qeverisë: Ky vendim ishte i nxituar

Publikuar

-

Nga

“Jam i vetmi mjek që i jam lutur Kryeministrit”/ Pipero kritika qeverisë: Ky vendim ishte i nxituar

Mjeku i njohur infeksionist Pëllumb Pipero, ishte i ftuar mbrëmjen e sotme në Report Tv, ku ka komentuar dhe vendimin e qeverisë për hapjen e kinemave.

Ai u shpreh se hapja e kinemave ishte një hap i nxituar njësoj edhe për teatrot.

“Nuk ka të bëjë me ndërgjegjësimin se sa më urbanizimin. Ku ka më shumë qytetarë, ekspozimi është më i lartë. Kjo është një sëmundje urbane. Nuk mund të presim raste të mëdha në fshatra. Unë e kam konsideruar hapjen e kinemave një hap të nxituar, njësoj edhe për teatrot. Ky virus nuk na mundëson për këtë kohë të shijojmë dhe të ndajmë me artistët emocionet tona, njësoj dhe me kinematë. Jam ndoshta i pari dhe i fundit mjek që i jam lutur kryeministrit që gjoba të rishikohet dhe të shtohen më shumë mundësitë për ne bluzat e bardha të jemi në komunikim” , tha Pipero./CNA.al

LEXO TE PLOTE

Shëndeti

“Numri i të infektuarve disa herë më i lartë së raportohet”/ Pipero ngre alarmin: Vetëm dje janë shtruar 30 persona

Publikuar

-

Nga

“Numri i të infektuarve disa herë më i lartë së raportohet”/ Pipero ngre alarmin: Vetëm dje janë shtruar 30 persona

Mjeku infeksionit Pëllumb Pipero, ka folur sërish në lidhje me situatën e pandemisë në vendin tonë.

Pipero ngriti dhqetësimin për numrin e të të shtruarve në spitale, ku tha se vetëm dje u shtruan 30 persona.

Shifrat e ditëve të fundit dëshmojnë atë që virusi po qarkullon kudo. Me fillimin e stinës së dimrit, shtohet numri i rasteve të infektuara. Në vendin tonë, unë e kam thënë disa herë që numri i raste të prekur është disa herë më i lartë se sa ai që njohim neve.

Tashmë që i gjithë aktiviteti jetësor është hapur, shkolla apo lokale, rastet normalisht do jenë të larta. Numri i rasteve të shtruara në spital është shtruar shumë.

Vetëm dje janë shtuar 30 persona. Kjo është shqetësuese ndaj apeli ynë është që qytetarët të bëjnë sa më shumë kujdes. Shqetësimi ynë është maksimal por duhet të shoqërohet me respektimin e masave anticovid nga ana e qytetarëve. Unë personalisht nuk kam thënë që mbajtja e maskës në ambientet e jashtme do të ulë raste. Për këtë numër të kufizuar të infektuarish, ajri nuk është transmetues i lartë. Është ende herët që të presim rezultatin e vendosjes së maskave në mjedis. Janë efikasiteti dhe efektiviteti. Duam që efikasiteti i vendosjes së maskës në ambientet e jashtme të jetë sa më i lartë. Dua ta ritheksoj, mjediset kryesore ku transmetohet ky virus janë vendet e mbyllura, shtëpi, lokale shkolla dhe në shtëpi”, tha Pipero./CNA.al

LEXO TE PLOTE

Shëndeti

Infektohet me Covid edukatorja/ Mbyllet kopshti i fëmijëve në Peqin

Publikuar

-

Nga

Infektohet me Covid edukatorja/ Mbyllet kopshti i fëmijëve në Peqin

Një kopësht publik në Peqin është mbyllur pasi një edukatore ka rezultuar pozitive me Covid-19

Ndërkohë 10 punonjësve të tjerë i është bërë tamponi.

Ndërkohë në 24 orët e fundit është konfirmuar me Covid-19 edhe një zyrtar i Ujësjellësit të Peqinit, raporton ABC news.

Gjithashtu sot  janë konfirmuar pozitiv me koronavirus 302 raste të reja dhe tre persona kanë humbur jetën në të gjithë vendin./CNA.al

 

LEXO TE PLOTE