Connect with Us

Presidenti Trump do të emërojë një grua si anëtare të Gjykatës së Lartë

Bota

Presidenti Trump do të emërojë një grua si anëtare të Gjykatës së Lartë

Publikuar

-

Presidenti Trump do të emërojë një grua si anëtare të Gjykatës së Lartë

Presidenti Donald Trump duket i përqendruar në emërimin e një prej dy juristeve konservatore gra që ai ka caktuar në gjykatat federale të apelit për të zëvendësuar anëtaren e Gjykatës së Lartë Ruth Bader Ginsburg, e cila vdiq javën e kaluar. Në një intervistë për televizionion Fox News të hënën në mëngjes, zoti Trump tha se do ta bëjë të njohur zgjedhjen e tij të premten ose të shtunën dhe se lista e tij tani ka pesë emra.

Gjatë një tubimi politik të shtunën në Fayetteville të Karolinës së Veriut zoti Trump kishte thënë se kandidatura që ai do të zgjedhë “do të jetë një grua”. Presidenti ka përmendur emrin e Amy Coney Barrett të Gjykatës së Apelit të Rrethit të 7-të Gjyqësor me bazë në Çikago dhe Barbara Lagoa të Rrethit të 11-të Gjyqësor me bazë në Atlanta si kandidate të mundshme.

Gjatë takimit elektoral mbështetësit e zotit Trump brohorisnin duke I kërkuar atij “të plotësojë vendin e mbetur bosh në gjykatë”, gjë që Presidenti tha se do ta bënte.

Por kandidati demokrat për president, Joe Biden i nxiti republikanët e Senatit të mos votojnë për asnjë kandidaturë për Gjykatën e Lartë përpara zgjedhjeve të nëntorit.

“Votuesit e këtij vendi duhet të dëgjohen. Kushtetuta parashikon se janë ata që vendosin se kush ka fuqinë për ta bërë këtë emërim”, tha zoti Biden të dielën në Filadelfia.

“Ta kryesh me forcë këtë emërim përmes Senatit është një tregues një papjekurie politike”, tha ai.

Synimi i Presidentit Trump për ta bërë emërimin gjashtë javë përpara një gare jo të lehtë për t’u rizgjedhur kundër zotit Biden më 3 nëntor, është bërë shkak për një luftë të beftë e të ashpër politike në Uashington. Republikanët e Senatit thonë se do ta mbështesin emërimin e zotit Trump por demokratët po bëjnë thirrje që plotësimi i vendit bosh në gjykatë të shtyhet deri pas marrjes së detyrës në janar ose nga zoti Trump ose nga zoti Biden.

Presidenti Trump kërkon që Senati ta miratojë sa më parë kandidaturën që ai do të propozojë, por është e paqartë nëse republikanët, të cilët gëzojnë një shumicë prej 53 vendesh në këtë dhomë krahasuar me 47 të demokratëve, do të veprojnë para ditës së zgjedhjeve.

Në vitin 2016, republikanët refuzuan të lejojnë shqyrtimin e kandidaturës përfundimtare për Gjykatën e Lartë të ish-Presidentit Barack Obama, Merrick Garland, i cili do të zëvendësonte pas vdekjes gjykatësit Antonin Scalia, në shkurt të po atij viti. Ata argumentuan se vakanca e krijuar në Gjykatën e Lartë duhet të lihen të paplotësuar gjatë një viti zgjedhor në mënyrë që populli amerikan të vendoste se kujt do t’i takonte ta bënte emërimin.

LEXO EDHE:  Nga Altin Goxhaj/ Shkëlqimi dhe rënia e skemës sorosiane me votën shqiptare kundër Trump

Donald Trump, aso kohe kandidat për president tha gjithashtu se plotësimi i vendit në Gjykatën e Lartë duhet të shtyhet derisa të bëhet betimi i një presidenti të ri.

Të paktën disa republikanë kanë thënë tashmë se duan ta shtyjnë konfirmimin për një të vend në Gjykatën e Lartë, të paktën deri pas zgjedhjeve.

Si zonja Barrett 48 vjeç dhe zonja Lagoa 52, do të siguronin mbështetjen e palëkundur të republikanëve dhe opozitën e mundshme e të fortë të demokratëve. Zgjedhja e tyre do të krijonte një shumicë konservatore edhe më të madhe në Gjykatën e Lartë nga 5 me 4 aktualisht në 6 me 3 me zëvendësimin e zonjës Ginsburg, e cila shërbeu në gjykatë për 27 vite.

Kushdo që zgjidhej do të luante një rol në marrjen e vendimeve të rëndësishme të gjykatës në vitet e ardhshme mbi të drejtat e abortit, kufizimet lidhur me armët, çështje që lidhen me lirinë fetare, atë të fjalës, imigracionin, ligjin e kujdesit shëndetësor dhe një sërë çështjesh të tjera të diskutueshme.

Ky do të ishte emërimi i tretë i zotit Trump për Gjykatën e Lartë pas miratimit në seanca të nxehta në Senat të dy gjyqtarëve të tjerë konservatorë, Neil Gorsuch dhe Brett Kavanaugh.

Krahas emrit të zonjës Barrett dhe zonjës Lagoa si kandidatura që mundëshme zoti Trump ka diskutuar edhe emrin e një tjetër gruaje Allison Jones Rushing, të Gjykatës së Apelit të Rrethit të 4-t Gjyqësor të Apelit në atë që njihet si rajoni i mesëm i Atlantikut. Të treja këto kandidatura gëzojnë mbështetje të gjerë të ligjvënësve konservatorë./voa

Për të rejat më të fundit behuni pjesë e grupit tonë në facebook : City News Albania
KLIKO PER TE KOMENTUAR

Komentoni

Your email address will not be published. Required fields are marked *

Bota

Protesta anti-franceze në disa vende me shumicë myslimane

Publikuar

-

Nga

Protesta anti-franceze në disa vende me shumicë myslimane

Dhjetëra mijëra myslimanë në Bangladesh, Pakistan, Liban, në territoret Palestineze, dhe vende tjera arabe, protestuan kundër presidentit të Francës, Emmanuel Macron, i cili ka mbrojtur të drejtën e publikimit të karikaturave të profetit Muhamed në Francë.

Demonstratat në kryeqytetin e Pakistanit, Islamabad, ishin të dhunshme pasi rreth 2,000 njerëz u përpoqën të marshonin drejt Ambasadës Franceze, por ndaj tyre ndërhyri policia, duke përdorur gaz lotsjellës dhe duke rrahur protestuesit me shkopinj.

Turmat e protestuesve, varën fotografinë e Macronit në një mbikalim të autostradës dhe e goditën atë me këpucët e tyre. Disa demonstrues u plagosën në përleshjet me policinë. Në mbrëmje demonstruesit u ulën në një rrugë kryesore për të protestuar ndaj përdorimit të forcës nga autoritetet.

Protestat po ndodhin derisa Franca është ende e tronditur, pasi të enjten, një shtetas tunizian vrau tre persona në bazilikën Notre-Dame të Nicës. Presidenti i Francës, Emmanuel Macron, e cilësoi incidentin si “sulm terrorist islamist”.

Sulmuesi u qëllua nga policia dhe ndodhet në gjendje kritike për jetën.

Dy nga viktimat vdiqën brenda kishës: një grua 60-vjeçare, që iu pre koka, dhe një 55-vjeçar, që iu pre fyti. Një grua tjetër, 44 vjeçe, arriti të ikë në një kafene pranë, pasi u godit disa herë me thikë, por vdiq më vonë.

Macron është zotuar se Franca nuk do të heqë dorë nga “vlerat” dhe gjithashtu u bëri thirrje njerëzve të të gjitha feve të mos “dorëzohen në frymën e përçarjes”.

LEXO EDHE:  Nga Kastriot MYFTARAJ/ Deklaratat anti-Trump të Ramës, pjesë e planit sorosian për atentat ndaj Trump, me anë të një shqiptaro-amerikani

LEXO EDHE:  Pse Trump nuk do ndryshojë dot politikën e jashtme të SHBA-së

“Franca u sulmua për shkak të vlerave tona, për shkak të ndjenjës sonë të lirisë, për shkak të aftësisë sonë për të pasur liri të besimit në tokën tonë, sepse nuk i nënshtrohemi asnjë terrori. Më lejoni ta them këtë shumë qartë: kurrë nuk do të dorëzohemi”, ka thënë Macron.

Ky sulm vjen derisa Franca ende po rimëkëmbet nga shoku që ka përjetuar për shkak të një sulmi tjetër, që ka ndodhur më herët gjatë këtij muaji atje.

Mësuesit, Samuel Paty, i është prerë koka në Paris nga një sulmues me origjinë çeçene. Sulmuesi i Payt ka thënë se ka dëshiruar që ta ndëshkojë mësuesin pse u ka treguar nxënësve karikaturat e Profetit Muhamed në një orë mësimore.

Karikaturat – të publikuara vite më parë nga revista satirike franceze, Charlie Hebdo, zyrat editoriale të së cilës janë sulmuar më 2015 nga sulmues që kanë lënë të vdekur 12 persona – shihen si blasfemi nga disa myslimanë.

Që nga vrasja e mësuesit, karikaturat janë shfaqur në disa pjesë të Francës, në shenjë solidariteti, derisa Macron, i cili është takuar me komunitetin mysliman në Francë, është zotuar se do ta luftojë “separatizmin islamist”./ REL

LEXO TE PLOTE

Bota

Dy viktima në ishullin Samos/ Humbin jetën nga tërmeti, një vajzë dhe një djalë adoleshent

Publikuar

-

Nga

Dy viktima në ishullin Samos/ Humbin jetën nga tërmeti, një vajzë dhe një djalë adoleshent

Si pasojë e tërmetit 6.6 ballë në ishullin Samos njoftohet se kanë humbur jetën 2 persona, një 15 dhe një 17 vjeçare.

Mësohet se një djalë 17 vjeç dhe një vajzë 15 vjeçare i ka zënë poshtë një mur i një ndërtese të vjetër. Sipas të dhënave të fundit është njoftuar se deri tani në Izmir të Turqisë janë regjistruar të paktën 6 viktima dhe 202 persona janë të lënduar

Në terren vazhdojnë ende kërkimet nën rrënoja, në të paktën 12 ndërtesa të shembura./CNA.al

LEXO TE PLOTE

Bota

Tërmeti i fuqishëm tronditi Turqinë dhe Greqinë/ Pamje nga ndërtesat e shkatërruara në ishullin e Samos

Publikuar

-

Nga

Një tërmet prej 6.7 të shkallës Rihter goditi ishullin e Samos mesditën e sotme.

Ky tërmet zgjati për disa sekonda dhe u ndje në të gjithë Greqinë. Epiqendra e tërmetit, i cili tronditi të gjithë kombin, ishte në ishullin e Samos, pak larg bregdetit turk. Në Samos disa ndërtesa u dëmtuan, duke përfshirë një kishë. Autoritetet në Samos tani po vlerësojnë situatën. Një seri mini-tsunami goditi ishullin pas goditjes fillestare.

Kryetari i bashkisë së Samosit lindor, George Stantzos, duke folur për mediat greke, tha se autoritetet po përpiqeshin të “organizonin situatën, me të gjitha shërbimet, sa më shumë që të mundeshin. Ne jemi në anën e banorëve. Orët e ardhshme janë vendimtare”, raporton Greek Reporter./CNA.al

LEXO TE PLOTE