Connect with Us

Kush e vrau kulturën?!

Opinione

Kush e vrau kulturën?!

Publikuar

-

Kush e vrau kulturën?!

Nga Përparim Kabo

Kultura vritet me dy mënyra, vritet me antikulturën dhe kjo është e dallueshme, e prekshme dhe tejet provokuese, por ka edhe një mënyre tjetër. Kultura vritet me pseudokulturën që arrin kulmin me snobizmin i cili kur ka edhe mundësi monetare, blen modernitetin vezullonjës, e vesh atë, e kreh e nanurit e bojatis dhe me tej e deklamon, e shet dhe e sjell fal propagandës si gjendje shpëtimi. Kultura është investim i gjatë i vështirë që kërkon punë, kohë, që do përkushtim, motivim dhe vlera të cilat ushqehen nga liria.

Një shtet që mbledh vetëm taksa dhe vë gjoba dhe tregon forcën vetëm me njerëzit me uniformë, ia ka mbyllur shtegun kulturës, atje nuk ka më klimë ku njerëzit të ndjehen mirë shpirtërisht dhe të mekuar me ushqimin kulturor. Kultura ndërtohet edhe nga kritika e shëndetshme, por kjo formë sjellje e specializuar nuk duhet të shëndrohet në një thikë që fillimisht të përkëdhel lekurën dhe me tej ngulet thellë e më thellë, deri sa ç’ka është krijuar vritet, ose është e përmbysur dhe e pështyrë. Kultura është komunikim dhe ne kohën që jetojmë mediatizimi ka në dorë si të thuash fatin e saj.

Media e paguar mund që t’i shërbejë një kulturë të vjetër, të prapambetur, të helmuar dhe të padenjë ashtu si edhe mund të ndodhi që media e frymëzuar nga ndjenjat e skupit dhe të blerjes së vëmendjes mund të të përmbysi gjëra principiale dhe të t’a bej të zezën të bardhe, të bardhën të zezë, grin jeshile dhe të kuqen mavije…Kultura është investim historik dhe si e tillë ajo ka njerëzit e saj, ka të vetsakrifikuarit e saj, ka dëshmorët e saj.

Tashme në Shqipëri ne s’kemi më njerëz të tillë, jo se ata dhe ato nuk ekzistojnë; jo se ata dhe ato nuk punojnë dhe nuk rropaten, përkundrazi kemi dhe ata/ato luftojne me mish dhe me shpirt, por në një shoqëri pa ideale, ku injorantet kanë pushtetin dhe bëjnë ligjin, është e kuptueshme, të parët që goditen janë njerëzit e kulturuar ata që bëjnë dallimin. Pikërisht ata nuk duhen lejuar të ndërtojne klimën e shoqërisë. Kështu dalin të fortët të pasurit me rrugë kriminale, femra pa tru që shesin trupin të ata, e me tej media on line që bëjnë lajm jetët e tyre banale dhe i shesin ata si model të shoqërisë.

LEXO EDHE:  E rëndë/ Ekzekutohet me një plumb në kokë shkodrani

Kultura është në hall në këtë vend sepse u shkatrrua çfarë u ndërtua se paku në 100 vite. Tashmë prej 30 vitesh ne thasët e magazinës së historisë gjen eshtrat e saj….Pakultura dhe kriza e ideve ka shkaktuar gjendjen ku jemi, aq sa kemi njerëz me “armë në dorën e mendjes” që tanimë ndajnë fatet e ish kulturës sipas protokollit se cili është mik cili armik, cili është që bën e cili duhet hedhur në koshin e plehrave. Kultura sjell të ardhmen madje e parasjell atë, por tek ne syte e mendjes dhe të kulturës ose nuk janë ose janë prapa kokës, shohin të shkuarën dhe meren me të duke gjetur agjenta, tradhetare, të paafte, anti-atdhetare dhe turli emërtimesh që i takojnë fjalorit të rregjimit të djeshem…

Ja përse Shqipëria krahës krizës në fusha të tjera ka edhe një krizë kaq thelbësore…Një shoqëri e pakulturuar ose e keqkulturuar nuk ndërton dot sitemin e lirisë të rregullit edhe të demokracisë.

Për të rejat më të fundit behuni pjesë e grupit tonë në facebook : City News Albania
KLIKO PER TE KOMENTUAR

Komentoni

Your email address will not be published. Required fields are marked *

Opinione

Nga Kreshnik Spahiu/ Nekro-fantazia me mijëra viktima nga Covid, alibi për të harruar Bellanicën, shkakton karantinimin fatal

Publikuar

-

Nga

Nga Kreshnik Spahiu/ Loja e pisët me 6000 kandidaturat e “Besnikut”, si thikë pas shpine për opozitën dhe LSI

Dje Lulzim Basha gjeti mënyrēn më të poshtër për të spostuar akuazat e kosovarve që ai bashkpunin me Serbinë.

Nuk kish si ndodhte ndryshe.

Lulzim Bashës i duhej një lajm bomb që të shpërqëndronte debatin.

Tema iu ofrua nga nekrofilët që drejtojnë Partinë Demokratike.

Dje Lulzim Basha plasi tymnajën e mijra të vdekurve nga Covid.

Me pak fjalë, zgjodhi rrugën e izolimit të Shqipërisë, si e vetmja mënyrë që askush mos ketë vëmëndjen te e kaluara e tij e ndyrë që filloi me financimet e shkollës nga SOROS, vazhdoi me veprimtarinë kundër UÇK dhe u mbyll me shitjen e hapsirës detare Greqisë.

Tre ditë më parë Gjermania si drejtuese e rradhës së BE, vendosi të mbyll përkohësisht shërbimet konsullore me Shqipërinë. Pas Gjermanisë, të gjitha ambasadat e BE pritet të mbyllin konsullatat.

Shqipëria është në kufijtë e rrezikshëm të statndardit europian për infeksione për banore.

Një shtim artifical do ketë dy pasoja fatale:

1- Karantinën totale dhe shtetrrethim të qytetarve dhe bizneseve në çdo cep të Shqipërisë,

2- Mbylljen e kufijve pa afat deri në vaksinim të gjithe vendeve europiane që do zgjas dy vjet.

Demokratët dje festuan se lideri i tyre paska zbuluar nje skandal të madh.

LEXO EDHE:  Patozi kërkon ndryshime rrënjësore/ “Politika shqiptare ka nevojë për një tërmet”

LEXO EDHE:  Vrasje të vogla/ Merve kap mat Ojan dhe Serhanin, ja ç’do ndodhë sot

Luli paska zbuluar mbi 1000 te vdekur nga Covid por pa emra.

Të vdekurit nuk janë as mace dhe as qen, por kane identitet. Madje dhe qentë e Gjirit Lalzit kanë emra dhe kartel mjeksore.

1000 të vdekur nuk mund futen në xhepin e doktor Kalos  apo Piperos.

Demokratët mund të festojnë një lajm, që po përdoret si alibi për tu harruar kaseta e gazetarit kosovar Bellanica, por mos harrojnë që një izolim total i Shqipërisë, do ishte shërbimi më i madh që i bëjnë Edi Ramës dhe partisë.

Nekro fantazia e Luli Bashës mund të fundos Shqipërinë dhe partinë.

Një karantinē e dytë do shkatrronte zgjedhjet e 25 Prill dhe karrierën qyl, të Luli Bashës.

Por Luli është aq gomar sa nuk mund ta kuptoj, që rritja e numrit artificial të viktimave e favorizon Edi Ramën dhe i sjell Lulit, dramën.

Uroj, që Shqipëria mos futet në një shtetrrethim dhe karantin të dytë, bazuar mbi lajmet dhe prrallat e Lulzim Bashës, sepse në të kundërtën “tymi” do duket aq larg sa do përvëlohet, Luli, partia dhe Shqipëria.

LEXO TE PLOTE

Opinione

Nga Mentor Kikia/ Veri iku, ndërsa neve na mbeti Llapa

Publikuar

-

Nga

Nga Mentor Kikia/ Veri iku, ndërsa neve na mbeti Llapa

Një njeri u nda nga jeta sot. Quhej Enver Veseli, por veç të afërmëve, të gjithë të tjerët e njihnin si Ver Llapa. Nuk i binte askujt më qafë, qëndronte në anë të rrugës, e disa herë edhe mes makinave, tek 21 Dhjetori.

Vdekja e tij u bë lajm sot në të gjithë mediat sociale. Lexova shumë dedikime të ndjera, prekëse, të dhimbshme, për një njeri të mirë që madje i “nxirrte llapën këtij realiteti të ndyrë”. Vdekja e tij u bë lajm sepse Veri ishte një personazh publik. Në fakt ai nuk kishte bërë asgjë për të qenë i tillë, por ne të tjerët e kishim bërë një “hero”.

Mjafton një kërkim i thjeshtë në rrjet dhe do të shikoni se sa shumë fotomontazhe të Verit ka, me Berishën, Ramën, Metën e të tjerë poshtë tyre. Do të shikoni se sa shumë ofendime aderesojnë politikanët ndaj njëri-tjeterit, duke përdorur si njësi ofendimi pikërisht Verin.

Berisha si Ver Llapa

Rama si Ver Llapa

Talundat Balla si Ver Llapa

Ilir Meta si Ver Llapa

Pak kush ndër ata që janë sot në majat e politikës ka mbetur pa u ofenduar dhe pa ofenduar, përmes këtij njeriu që as kishte bërë gjë, as dinte gjë se çfarë bëhej me të.

LEXO EDHE:  E rëndë/ Ekzekutohet me një plumb në kokë shkodrani

LEXO EDHE:  Patozi kërkon ndryshime rrënjësore/ “Politika shqiptare ka nevojë për një tërmet”

Veri ishte bërë etaloni i budallallëkut, i injorancës, i përbuzjes, i ofendimit, sharjes. Politikanë, gazetarë, njerëz të ditur e të paditur, e përdornin epitetin “Ver Llapa” për të ofenduar këdo që nuk mendonte apo vepronte si ai.

Socialistët qeshnin kur Berishës i bënin një gjuhë të madhe, e i thonin: Versioni i ri i Ver Llapës. Po kështu demokratët, kur “llapën” e Verit ia montonin Ramës. Ata që nuk qeshnin, thjeshtë heshtinin. Heshtnin edhe ata që të nxjerrin sytë nëse guxon të ofendosh dikë për shkak të orientimit seksual, ata që ulërasin për të drejtat e njeriut, për të drejtat e personave me aftësi të kufizuara etj etj.

Tani Veri nuk do të jetë më tek hekurat ndarës të rrugës tek 21 Dhjetori. Ndërsa në rrjet do të vazhdojë të jetojë hipokrizina e një shoqërie të tërë llapaqene, e pafytyrë, pa moral që e përdor dhe shpërdor një njeri fatkeq pa pikën e turpit.

Veri iku tani, ndërsa neve na mbeti Llapa.

Një Llapë ku ne duhet të shikohemi në pasqyrë, për të parë se sa të shëmtuar e të pashpirt jemi.

LEXO TE PLOTE

Opinione

Nga Klodian Tomorri/ Parku i Spitallës, kur marrëzia shitet si sukses

Publikuar

-

Nga

Tomorri publikon skandalin/ Shefat e Bankers ndanë 500 mijë USD bonuse nga paratë e garancisë sovran

Hapja e garës për ndërtimin e Parkut Diellor të Spitallës me ccmim tavan për energjinë 55 euro për mega, qe u njoftua sot nga qeveriam është në kundërshtim jo vetëm me logjikën ekonomike, por edhe praktikat më elementare të qeverisjes. Në fakt, ajo që qeveria e shpall si sukses është një veprim me kosto financiare për qytetarët.

Në maj të këtij viti, qeveria hapi ankandin për dhënien me koncesion të Parkut Diellor të Karavastasë. Fituese në ankand u shpall kompania franceze Voltalia, e cila ofroi që gjysmën e energjisë së prodhuar nga centrali t’ja shiste shtetit shqiptar me ccmimin e favorshëm 24.89 euro për mega.

Por 6 muaj më vonë qeveria hap garën për një tjetër central diellor, atë të Spitallës, i cili do të ketë një fuqi të instaluar 100 mega. Por këtë herë shteti do të blejë 70 për qind të energjisë së prodhuar nga centrali, ndërkohë që ccmimi tavan është lënë sërish 55 euro për mega. Në këtë situatë natyrshëm lind një pyetje;

Si shpjegohet çmimi 55 euro i ankandit të ri kur në fakt si çmimm referencë duhej të merrej çmimi i ankandit të fundit, pra 24.89 Euro per MË, që u ofrua nga kompania fituese në Karavasta. E njëjta logjikë dhe rregull u ndoq nga ERE dhe u percaktua edhe në strategjinë e rishikuar të energjive të rinovueshme në 2019, ku si baze për hapjen e ankandit të ri merrej çmimi i ankadit të mëparshem, siç ishte ankandi i Akërnisë në 2018 që doli 59 Euro.

Po të marrësh në konsideratë, që gara për Spitallën pritet të përfundojë në fillim të vitit 2021, përfshirë dhe lidhjen e kontratës, kjo e bën procesin akoma më të dyshimtë nisur nga fakti që kostot e investimeve në energjinë diellore bien me një mesatare të paktën 15% çdo vit.

Të gjitha gjasat të çojnë në hamendësimin se tenderi i Spitallës është korrigjim për atë të Karavastasë. Nuk është ccudi që edhe Spitalla të jetë paracaktuar për kompaninë franceze Voltalia. Me sa duket, kompania franceze është bërë pishman për ccmimin dumping që ofroi në Karavasta dhe tani nuk i dalin llogaritë.

LEXO EDHE:  Patozi kërkon ndryshime rrënjësore/ “Politika shqiptare ka nevojë për një tërmet”

LEXO EDHE:  Patozi kërkon ndryshime rrënjësore/ “Politika shqiptare ka nevojë për një tërmet”

Ndaj ankandi për Spitallën po shpallet me një çmim mbi dy herë më të lartë se sa ai që u ofrua në tenderin e Karavastasë, madje më i lartë edhe se ai që u ofrua në vitin 2018 në Akerni, po të marresh parasysh rënien e çmimeve në harkun e një periudhe gati 3 vjeçare, me qëllimin e vetëm që t’ju vijë në ndihmë përsëri fituesve të Karavastasë. Kështu ata do të mesatarizonin çmimin, ndërsa qeveria do të shmangte dështimin e ankandit të Karavastasë, por duke i ngarkuar qytetarëve një kosto më të lartë në kurriz.

Të gjithë këtë skenar e pata parlajmëruar përmes një editoriali me titull “Karavasta- Spitallë, dritëhijet e një afere”, që në fillim të këtij muaji. Qeveria nuk zhgënjeu sërish, Spitalla u hap me ccmim 55 euro për mega ashtu sicc ishte paralajmëruar, tashmë mbetet vetëm të konfirmohet nëse edhe ky park do të shkojë për kompaninë Voltalia.

Por edhe sikur koncesioni i Spitallës të fitohet nga një tjetër kompani sërish kjo nuk e ndryshon thelbin. Hapja e ankandit të Spitallës me një çmim dy herë më të lartë se ai i Karavastasë nuk është më një lajthitje si ato që bën shpesh së fundmi Ministria e Energjisë në raportimet e saj publike, por një faj i rëndë me pasoja të rënda në kurriz të ligjit dhe financave të drobitura të sektorit te energjisë. Në fund, ata që paguajnë të gjitha këto janë gjithmonë qytetarët.

LEXO TE PLOTE