Connect with Us

A mund të shkaktojë koronavirusi një valë sëmundjesh kardiake?

Shëndeti

A mund të shkaktojë koronavirusi një valë sëmundjesh kardiake?

Publikuar

-

A mund të shkaktojë koronavirusi një valë sëmundjesh kardiake?

Nga Euan Ashley “Los Angeles Times”

Një mësues që po mendonte ta braktiste këtë profesion për shkak të koronavirusit, më kontaktoi kohët e fundit. Ai kishte lexuar se infeksioni shkakton një valë sëmundjesh kardiake, dhe mbi pacientët simptomatikë për javë apo muaj me radhë, pasi ishin shëruar nga infeksioni i tyre fillestar me koronavirus.

Ai ishte i shqetësuar për rikthimin e vet në shkollë, për mundësinë e bartjes së virusit në shtëpi, dhe infektimin e familjes së tij. Sigurisht, problemet e vazhdueshme shëndetësore pas shërimit nga Covid-19, duket se janë të zakonshme.

Në një studim italian, 87 për qind e pacientëve raportuan të paktën një simptomë dy muaj pas fillimit të sëmundjes. Një studim tjetër në Gjermani, raportoi se midis pacientëve të shëruar së fundmi, 78 për qind e tyre kishin një anomali të zbuluar nga skanimi me rezonancë magnetike i zemrës.

Një studim tjetër evropian, duke përdorur ultratingujt tregoi se 55 për qind e pacientëve të shtruar në spital, kishin parametra jo normalë të zemrës. Një studim tek sportistët e shëruar nga Covid, zbuloi se rreth 40 për qind e tyre kishin një anomali të zemrës pas skenarit MRI.

Pra, a duhet të shqetësohemi për miliona pacientë me sëmundje të zemrës, të shkaktuara nga Covid-19?

Përgjigjja nuk është aq e thjeshtë. Shumica e pacientëve me koronavirus nuk kanë simptoma, ose i kanë ato minimale. Sipas disa vlerësimeve, rreth 40 për qind janë asimptomatikë, dhe rreth 40 për qind të tjera sëmuren lehtë.

Përveç kësaj, profesioni i mjekut na ka mësuar ndër shekuj, që pas një sëmundjeje virale, një grup i vogël pacientësh do të duhet të presin të kenë një shërim që zgjat më shumë në kohë. Sindroma e lodhjes që e pason gripin e zakonshëm, njihet mjaft mirë.

Ndaj pritet që një lodhje afatgjatë të ndjekë mononukleozën infektive. Këto simptoma post-virale nuk zhduken menjëherë. Nuk është habi pse po shohim prova se Covid-19 ndikon

në trup përtej mushkërive. Që në fillim të pandemisë, shkencëtarët e dinin se “brava” që “zgjedh” virusi të hapë për të hyrë në qelizat tona (një receptor i njohur si ACE2), është e pranishme në qelizat e zemrës, veshkës dhe sistemit gastrointestinal.

Ne do të prisnim të gjenim prova të sistemit imunitar, që e lufton virusin në secilën prej këtyre indeve, sidomos me teknologjinë e skanerit MRI. Shumica e pacientëve shërohen plotësisht, madje edhe në rastet e miokarditit, një inflamacion i rëndë i zemrës ku qelizat imune pushtojnë vazhdimisht zemrën, një simptomë që duket se është e pazakontë në mesin e pacientëve me Covid-19.

Së fundmi, studimet e raportuara në Evropë mbi dëmet e shkaktuara nga koronavirusi në zemër, përfaqësojnë popullata më të prekura sesa mesatarja. Kështu në studimin gjerman me MRI, pacientët ishin prekur më rëndë nga dëmet në zemër sesa popullata në përgjithësi.

LEXO EDHE:  Vijon të rritet numri i të prekurve me Covid-19/ Qindra të infektuar në 24 orë, humbin jetën pesë persona

Prandaj titujt e fundit në media për një valë të ardhshme të sëmundjeve së zemrës, janë spekulative, ose të paktën të parakohshme.

zemer atak

Ajo që harrohet është se sëmundjet ekzistuese të zemrës nuk janë zhdukur nga qarkullimi. Fatkeqësisht, disa pacientë vazhdojnë të hezitojnë të vijnë në spital kur ndiejnë shenjat klasike të një sulmi në zemër – një ngushtim në gjoks që mund të përhapet në qafë, nofull ose krahë, të përziera, marramendje dhe palpitacione të zemrës.

Mjekët e zemrës përdorin një frazë:Koha është flori. Sa më gjatë që pret dikush që ka pësuar një sulm në zemër, aq më shumë funksione të zemrës mund të humbasin, dhe aq më i madh është rreziku për jetën e tij. Mesazhi është i qartë: Mos prisni.

Më shumë se 6 milionë amerikanë janë dokumentuar zyrtarisht si të infektuar me SARS-CoV-2, e cila shkakton sëmundjen e Covid-19. Disa vlerësime thonë se numri duhet të jetë 5 herë më i lartë nëse përfshihen edhe rastet e pa dokumentuara.

Me kaq shumë raste, komuniteti mjekësor duhet të përgatitet të monitorojë me kujdes përqindjen e vogël të pacientëve që kanë simptoma të vazhdueshme. Përveç testimit në spital, aplikacionet digjitale mund t’i ndihmojnë mjekët të monitorojnë nga shtëpia simptomat e pacientëve të tyre.

Lajmi më qetësues në lidhje me simptomat kronike të Covid-19, është se sa shumë kemi mësuar në lidhje me shmangien dhe trajtimin e Covid-19 akut. Ritmi i përparimit shkencor, ka qenë marramendës – më shumë se 50.000 studime janë botuar vetëm këtë vit mbi Covid-19.

Tani e kuptojmë mirë dinamikën e transmetimit SARS-CoV-2, dhe për pasojë dimë se si të hartojmë strategjitë parandaluese për të zvogëluar ekspozimin tonë ndaj virusit (maskat, distancimi social, ventilim i ambienteve të mbyllura, të dalurit jashtë).

Ne e dimë se kush është më i rrezikuar (të moshuarit, të sëmurët kronikë, invalidët). Kemi trajtime që janë dëshmuar se shpëtojnë jetë njerëzish (steroidi deksametazon), apo që e zvogëlojnë ndikimin e sëmundjes (ilaçi antiviral remdesivir).

Vaksina të shumta premtuese janë në fazën e fundit të testimit, dhe ka të ngjarë që t’i raportojnë rezultatet e tyre gjatë 2-3 muajve të ardhshëm. E gjitha kjo duhet të na japë shpresë. Pasi i shpjegova mësuesit disa nga kontekstet e studimeve për të cilat shqetësohej, ai më tha se nuk do ta linte punën si mësues, të paktën jo tani.

Shënim: Euan Ashley, është profesor i mjekësisë kardiovaskulare dhe gjenetikës në Universitetin e Stenfordit, SHBA./ Përshtatur nga CNA.al

 

 

Për të rejat më të fundit behuni pjesë e grupit tonë në facebook : City News Albania

Komentoni

Adresa juaj email nuk do të bëhet publike. Fushat e domosdoshme shënohen *

Shëndeti

MSH nxjerr shifrat/ Mbi 440 raste të reja me Covid, ja sa persona humbën jetën sot

Publikuar

-

Nga

cna news, cna lajme, lajme cna, lajme flash cna, cna.al, cna lajme politike, cna kronike, cna lajme bote, cna show

Ministria e Shëndetësisë dhe Mbrojtjes Sociale ka publikuar të dhënat e 24 orëve të fundit sa i përket situatës së pandemisë në vendin tonë.

Sipas të dhënave mësohet se në 24 orët e fundit janë kryer 3572 testime, kanë rezultuar pozitivë 441 qytetarë, ndërsa kanë humbur jetën 10 qytetare.

Rastet pozitive të konfirmuara janë identifikuar në këto bashki:200 qytetarë në Tiranë, 36 në Fier, 24 në Elbasan, 19 në Durrës, 14 në Krujë, Vlorë, 13 në Lushnje, 12 në Berat, 11 në Kamëz, 9 qytetarë në Shkodër, Korçë, 8 në Vorë, 6 në Kukës, Patos, Gjirokastër, 4 në Pogradec, Peqin, 3 në Kurbin, Mallakastër, Sarandë, Tepelenë, Dimal, 2 në Vau i Dejës, Has, Lezhë, Mirditë, Kavajë, Dibër, Rroskovec, Dropull, Këlcyrë, Devoll, Kolonjë, 1 në Malësi e Madhe, Tropojë, Divjakë, Selenicë, Himarë, Konispol, Kuçovë, Skrapar, Librazhd.

Janë 6,365 pacientë aktivë me COVID19 në të gjithë vendin.



Aktualisht në Spitalet COVID po marrin trajtim 146 pacientë, nga të cilët 22 janë në gjendje më të rënduar. Me gjithë përpjekjet e mjekëve, në 24 orët e fundit nuk e kanë fituar betejën me COVID19, 10 qytetarë: një qytetar nga Fieri 21 vjeç, një qytetar nga Përmeti 42 vjeç, një qytetar nga Lezha 63 vjeç, një qytetar nga Pogradeci 64 vjeç, një qytetar nga Durrësi 70 vjeç, një qytetar nga Vlora 71 vjeç, një qytetar nga Berati 79 vjeç, një qytetar nga Saranda 81 vjeç, dy qytetarë nga Tirana 73 dhe 82 vjeç. Ministria e Shëndetësisë dhe Mbrojtjes Sociale u shpreh ngushëllimet familjarëve.
Janë shëruar 628 qytetarë gjatë 24 orëve të fundit, duke e çuar numrin e të shëruarve në 167,936 që nga fillimi i epidemisë.

LEXO EDHE:  Në ditën e saj të lindjes, moderatorja e njohur tregon se është prekur nga Covid-19

LEXO EDHE:  Përmirësohet situata epidemiologjike/ Ulet numri i të infektuarve në Maqedoninë e Veriut

Statistika (15 Tetor 2021)
Raste të reja ditore        441
Të shëruar në 24 orë      628
Të shtruar në spitale       146
Humbje jete në 24 orë    10
Testime ditore                3,572

Testime totale              1,253,624
Raste pozitive                177,108
Raste të shëruara           167,936
Raste Aktive                     6,365
Humbje jete                     2,807

Shpërndarja gjeografike e rasteve aktive sipas qarqeve:
Tiranë            2,993
Durrës            778
Fier                 664
Shkodër         497
Elbasan          258
Lezhë              205
Gjirokastër      204
Berat              196
Vlorë              195
Korçë             148
Kukës             139
Dibër              88

LEXO TE PLOTE

Shëndeti

Vaksinë megjithë rrezikun e inflamacionit të muskulit të zemrës?

Publikuar

-

Nga

cna news, cna lajme, lajme cna, lajme flash cna, cna.al, cna lajme politike,

Edhe pse vaksina e Modernas në vendet skandinave nuk do t’u jepet për momentin të rinjve, ekspertët rekomandojnë edhe më tej vaksinimin, kjo për shkak të rrezikut të Long-Covid, pasojave pas infektimit me virusin.

Lajme të tilla e rrisin pasigurinë tek fëmijët dhe prindërit: Pas Suedisë e Danimarkës tani edhe Finlanda i kufizon vaksinat kundër Coronës të koncernit amerikan, Moderna. Në Suedi kufizimi vlen për nën 30 vjeçarët, në Danimarkë për personat nën 18 vjeç, kurse në Finlandë si rregull për meshkujt nën 30 vjeç. “Lidhja është veçanërisht e dukshme, sidomos tek vaksina Spikevax e Modernas, veçanërisht pas dozës së dytë”, thuhet në deklaratën e autoriteteve shëndetësore suedeze.

Thjesht masa kujdesi paraprak

Megjithatë autoritetet përkatëse theksojnë, se bëhet fjalë për një masë kujdesi paraprak, sepse rreziku i inflamacionit të muskulit të zemrës, miokardit dhe perikardit është shumë i vogël. Në vend të kësaj kjo grupmoshë e prekur është më mirë të vaksinohet mevaksinën BioNTech/Pfizer, rekomandojnë autoritetet suedeze. Kjo është pak e habitshme, pasi si tek vaksina e BioNTech ashtu si tek ajo e Modernas bëhet fjalë për vaksinat e tipit mARN.

E ndërkohë konsiderohet e provuar në masë të gjerë, që ky efekt anësor i rrallë, pra inflamacioni i muskulit të zemrës, mund të shfaqet pas një vaksinimi me njërën nga vaksinat e mARN që përdoren kundër SARS-CoV-2. Një analizë e fundit e një sigurimi shëndetësor amerikan konfirmon, se pas dozës së dytë të vaksinës së tipit mARN të BioNTech dhe Modernas në raste të veçanta mund të shfaqet miokardi, inflamacioni i muskulit të zemrës, sidomos tek djemtë e rinj. Që në mesin e korrikut të dy koncernet, BioNTech dhe Moderna kishin informuar për një lidhje të mundshme me vaksinën të miokardit tek djemtë e rinj.

Këshilla: Megjithatë më mirë vaksinohuni

Shumë ekspertë të shëndetësisë megjithatë i këshillojnë të rinjtë nëse është e mundur të vaksinohen. Vaksina mbetet mbrojtja më e mirë, sipas tyre, sepse rreziku i inflamacionit të muskulit të zemrës është shumë herë më i vogël, se infektimi me Corona apo pasojat afatgjata të mundshme të sëmundjes, të njohura si long-Covid. “Miokardet pas vaksinës mes vaksinat mARN janë të provuara, por pasoja shumë të rralla, që shfaqen më shpesh tek djemtë, se tek vajzat (..) Zhvillimi akut i miokardit shpesh nën trajtim spitalor kalon lehtë; për pasoja afatgjata nuk ka dijeni deri tani”, shkroi Instituti Gjeman Robert Koch në “Buletinin Epidemiologjik” të 19 gushtit 2021.

LEXO EDHE:  Përmirësohet situata epidemiologjike/ Ulet numri i të infektuarve në Maqedoninë e Veriut

LEXO EDHE:  Vijon të rritet numri i të prekurve me Covid-19/ Qindra të infektuar në 24 orë, humbin jetën pesë persona



Fëmijët e të rinjtë vërtet në shumicën e rasteve kur infektohen me Corona e kalojnë lehtë sëmundjen, por mbetet rreziku i long-Covid, pra i një dëmtimi të vazhdueshëm tek këta të rinj në zhvillim, tregon një studim suedez mbi pasojat afatgjata tek fëmijët e të rinjtë në nëntor 2020. Këtu bëjnë pjesë sindroma e inflamacionit multisistemik e njohur si MIS-C, sindroma e inflamacionit PIMS dhe ajo e lodhjes kronike, ME/CFS.

Inflamacionet e muskulit të zemrës shpesh nuk diagnostikohen

Inflamacionet e muskulit të zemrës tek të rinjtë nuk shkaktohen vetëm nga vaksinat e mARN. Edhe pas vaksinës kundër viruseve Papillom, influencës, meningjitit, tifos, encefalitit japonez, antraksit, ose variolës mund të ketë në raste të rralla komplikacione të tilla, sipas një raporti të vitit 2018 të Autoritetit amerikan të Shëndetësisë, FDA.

Por një miokard mund të shkaktohet edhe nga infektimi i rrugëve të frymëmarrjes, herpesit apo virusit inflenca. Por edhe infektimet bakteriale si borrelia, streptokokët apo legionelat mund të shkaktojnë miokardin. Shpesh ndodh që inflamacioni i muskulit të zemrës nuk dallohet, sepse simptomat e kollës, temperaturës, dhimbjet e kokës shpesh nuk lidhen me miokardin. Gjatë miokardit pacientët ndjejnë vështirësi në frymëmarje, kanë marrje mendsh, angështi në kraharor, zemra rreh fort apo ritmi i rrahjes së zemrës ndryshon. Nëse inflamacioni diagnostikohet në elektrokardiogram atëherë duhet që pacienti të mënjanojë strapacimet fizike. Më parë mjekët porosisnin për regjim shtrati, sot lejohen shëtitjet e vogla. Pacientët marrin dhe ilaçe që e lehtësojnë zemrën dhe stabilizojnë funksionin e pompimit të gjakut. Më pasj një kardiolog duhet ta kontrollojë zemrën në intervale 2-3 javore.

Pas një infeksioni nuk duhet bërë shpejt sport

Parimisht pas një infeksioni nuk duhet filluar herët me sportin. Ngarkesa trupore dhe aktivitete sportive të nivelit të lartë duhet të mënjanohen pas një infeksioni për një gjysmë viti. Miokardi është delikat edhe për një të rritur, kurse për të rinjtë e fëmijët është një rrezik edhe më i madh. Tejlodhja kur ata hidhen e lodrojnë, luajnë me pasion futboll apo kërcejnë mund të kalojë miokardin në komplikacione si probleme me frymëmarrjen, dobësim të zemrës, aritmi deri edhe në vdekjen e papritur.

E në këtë rast nuk ka rëndësi, nëse inflamacioni i muskulit të zemrës u shkaktua nga një infeksion “normal” apo një vaksinë e Coronës. Pra pas një infeksioni të rëndë rikthehuni me ngadalë në normalitetin e mëparshëm!/DW

LEXO TE PLOTE

Shëndeti

Proçesi i vaksinimit/ Manastirliu nuk ndalet, jep mesazhin e radhës

Publikuar

-

Nga

cna lajm shendetesi

Në kuadër të aksionit kombëtar të vaksinimit anti-COVID “derë më derë”, për të nxitur qytetarët për t’u vaksinuar, Ministrja e Shëndetësisë dhe Mbrojtjes Sociale, Ogerta Manastirliu me kryetarin e Bashkisë së Tiranës, Erion Veliaj kanë zhvilluar një takim me drejtues të njësive administrative të bashkisë më të madhe në vend.
Nisur nga të dhënat e vaksinimit në Tiranë, Manastirliu u ka kërkuar drejtuesve vendorë angazhimin e tyre në mënyrë që të forcohet zinxhiri i solidaritetit dhe të intensifikohet fushata “derë më derë” ndaj qytetarëve.

“E vetmja armë që ne kemi që të ulim transmetueshëmrinë e virusit dhe që të këpusim zinxhirin e infeksionit është të rrisim dhe të forcojmë zinxhirin tonë të solidaritetit. Dhe zinxhiri ynë i solidaritetit duhet të bëhet më i fortë se kurrë, tani, për të mbrojtur jetën dhe shëndetitn e qytetarëve tanë, ndaj unë besoj fort në angazhimin e Bashkisë Tiranë, në prioritetin që kryetari i Bashkisë do t’i japë këtij aksioni, për të vajtur derë më derë, për të komunikuar me çdo qytetar dhe sidomos me të rinjtë”, nënvizoi Manastirliu.

Teksa bëri me dije se në Tiranë janë 80 pika vaksinimi ndaj COVID19, Manastirliu ka vënë theksin tek puna e strukturave vendore për të rritur mbluesën vaksinale tek të rinjtë përpara fillimit të sezonit të ri akademik.

Nuk ka nevojë të kesh asnjë prenotim dhe rezervim për t’u vaksinuar. Mjafton karta e identitetit. Një proces fare i lehtë në qendër, në stadium, në qendrat shëndetësore. Janë 80 pika vaksinimi në Tiranë. Janë në qendrat shëndetësore, ambulancat dhe dy pikat kryesore, ku aksesi është shumë i shpejtë. Një kartë identiteti, prezenca fizike, 5 minuta, shpëton jetën. Por kjo kërkon angazhim. Nëse ne sot bëjmë dhe një vaksinë më shumë, jemi më mirë se dje. Nëse nesër bëjmë dhe një vaksinë më shumë, jemi më mirë se sot”, nënvizoi Manastirliu.

LEXO EDHE:  12 viktima në 24 orë/ Kufizohet sërish lëvizja në Kosovë

LEXO EDHE:  Në ditën e saj të lindjes, moderatorja e njohur tregon se është prekur nga Covid-19



Ministrja e Shëndetësisë tha se qeveria shqiptare është e gatshme për çdo skenar që mund të propozohet nga ekspertët dhe e angazhuar për të rritur disponibilitetin e vaksinave.

“Deri më sot kemi arritur të kemi në vendin tonë, mbi 2 milion e 262 mijë doza vaksine, ndërkohë që kemi siguruar nëpërmjet kontratave që kemi lidhur dhe po lidhim, që deri vitin tjetër të kemi rreth 5 milion doza vaksine të mbërritura, për të garantuar që jo vetëm popullata target +18 vjeç, por edhe për skenarë të tjerë në raport me rekomandimet që do të japë Komiteti i Ekspertëve për dozat e treta, pra dozën buster apo edhe për uljen e fashës së grupmoshës në momentin që ato do të japin, ne jemi të gatshëm”, u shpreh ministrja

Nga ana tjetër, kryetari i Bashkisë, Erion Veliaj, u shpreh se do të bëhet një plan për mobilizimin e njësive vendore në Tiranë dhe çdo fshat të saj për vaksinimin kapilar antiCOVID.
Një plan mobilizimi masiv për vaksinimin deri në nivel kapilar, nivel kapilar quaj shkallën e fundit të çdo pallati dhe fshatin më të humbur të Tiranës. Është e rëndësishme sidomos Tirana sepse shumica e popullsisë është këtu, kemi kaluar mbi 1 milion, është e rëndësishme Tirana sepse insituticionet janë këtu, universitetet janë këtu”, tha Veliaj.
Ministrja Ogerta Manastirliu ka nisur një seri takimesh me drejtuesit vendorë, për mobilizimin e të gjitha strukturave për vaksinimin masiv.
Prej fillimit të vaksinimit janë kryer në total 1,822,603 doza të vaksinës ndaj COVID19, 849,571 qytetarë i kanë kryer të dy dozat e vaksinës antiCOVID.

LEXO TE PLOTE