Connect with Us

PD e LSI në Këshillin Politik/ Dje i kundërshtuan opinionet, sot kërkojnë ndihmën e OSBE

Politikë

PD e LSI në Këshillin Politik/ Dje i kundërshtuan opinionet, sot kërkojnë ndihmën e OSBE

Publikuar

-

PD e LSI në Këshillin Politik/ Dje i kundërshtuan opinionet, sot kërkojnë ndihmën e OSBE

Opozita jashtëparlamentare bojkotoi mbledhjen e sotme të Këshillit Politik me kërkesën se ky organizëm duhet t’i drejtohet ODIHR-it për të dhënë opinion mbi ndryshimet kushtetuese që u miratuan në 30 Korrik në Kuvendin e Shqipërisë.

Përfaqësuesit e opozitës jashtëparlamentare, Oerd Bylykbashi dhe Petrit Vasili, shkruajnë se “në emër të Opozitës kërkojmë që Këshilli Politik t’i kërkojë zyrtarisht OSBE/ODIHR-it asistencë për gjetjen e një zgjidhje të pranueshme për palët, në përputhje me standartet e OSBE-ODIHR dhe Këshillit të Europës për zgjedhje të lira dhe demokratike”.

Kujtojmë se në mbledhjen e datës 29 Maj 2020, teksa diskutohej për çështjen e depolitizimit të administratës zgjedhore, teknologjisë në zgjedhje dhe kuotave gjinore, mazhoranca kërkoi të merrej në konsideratë opinion i ODIHR-it për këto çështje.
Nga ana tjetër përfaqësuesit e opozitës jashtëparlamentare në përgjigje të kërkesës për të marrë për bazë mendimin e ODIHR u shprehën kategorikisht kundër.

LEXO EDHE:  Kërkuan mbledhjen e Këshillit Politik për listat/ Rama i përgjigjet Metës dhe Bashës

Përfaqësuesit e PD dhe LSI në Këshillin Politik vazhdimisht gjatë punës së kësaj strukture kanë kundërshtuar opinionet e ODIHR-it. Ndërkohë sot ngrihen disa pikëpyetje për opozitën jashtëparlamentare: A i qendrojn akoma kërkesave për depolitizim të administratës zgjedhore? A e duan akoma atë që kanë kërkuar?

Sot PD-LSI duan te pyesin OSBE për një gjë që nuk i dihet akoma formulimi.

Të pakten duhet të formulonin propozimin alternativ dhe t’i nisnin të 2 opsionet OSBE-së.

Meqe jemi te OSBE, si opozita jashtë parlamentit është dakord të pyesë OSBE, kryesimin e të cilës e ka Rama?!/CNA.al

Kërkesa e Opozitës jashtëparlamentare: OSBE/ODIHR të japë asistencë për gjetjen e një zgjidhjeje

Vasili: PS po bojkoton marrëveshjen e 14 janarit, do i drejtohemi OSBE/ODIHR

 

Për të rejat më të fundit behuni pjesë e grupit tonë në facebook : City News Albania
KLIKO PER TE KOMENTUAR

Komentoni

Your email address will not be published. Required fields are marked *

Politikë

“Ata kanë vjedhur më shumë, ne do vjedhim më pak”/ Revoltohet Shehi: A ka tallje më të madhe me shqiptarët?

Publikuar

-

Nga

“Ata kanë vjedhur më shumë, ne do vjedhim më pak”/ Revoltohet Shehi: A ka tallje më të madhe me shqiptarët?

Kreu i LZHK-së, Dashamir Shehi ka komentuar deklaratat e kryeministrit Edi Rama, i cili në disa dalje mediatike, është shprehur se “Ne nuk jemi të mirë, por më të mirë se ne nuk ka.”.

Sipas Shehit, Rama po iu thotë shqiptarëve se “Ata kanë vjedhur më shumë , ne do vjedhim më pak.

“Ne nuk jemi të mirë, por më të mirë se ne nuk ka. Pra, ai po thotë se ata kanë vjedhur më shumë , ne do vjedhim më pak?

Kështu justifikohet, ata kanë vjedhur dhe ne do vjedhim?

LEXO EDHE:  Nga Agron Gjekmarkaj/ Opozitës nuk i ka faj Kryeministri!

LEXO EDHE:  Nga Mero BAZE/“Burrëri” pas Kuvendit dhe “trima” pas beteje

Nxori një leje të Bashës, po pse ky është justifikim? Sepse edhe të tjerë kanë menduar se mund të vjedhin. A ka tallje më të madhe me shqiptarët?

Ata që kanë firmosur në emër të shtetit shqiptar dhe kanë vjedhë paratë e shqiptarëve, duhet të vihen në pranga.”-tha Dashamir Shehi në A2 CNN./ CNA.al

LEXO TE PLOTE

Politikë

“Nuk është korrupsion, është grabitje me dhunë”/ Deklarata e fortë e Shehit: Duhen vënë prangat  

Publikuar

-

Nga

“Nuk është korrupsion, është grabitje me dhunë”/ Deklarata e fortë e Shehit: Duhen vënë prangat  

Kreu i LZHK-së, Dashamir Shehi është shprehur sot se skandalet e qeverisë së kryeministrit Edi Rama janë të njëpasnjëshme.

I ftuar në A2 CNN, Dashamir Shehi tha se “Këtu skandalet janë mbivendosur, ka skandal pas skandali. Mjafton të shohim buxhetin e këtij viti, mënyra si është formuluar është një skandal me vete.”

Ndërsa duke u ndalur tek çështja e koncesionit të inceneratorëve, Dashamir Shehi theksoi se nuk kemi të bëjmë thjeshtë me korrupsion, por është vjedhje me dhunë e parave të taksapaguesve shqiptarë.

“Vetë fjala incinerator, është një fjalë e zhdukur në Europë. Jemi kthyer në fillim të viteve 90. Që në princip është gabim le pastaj mënyra e financimit.

Nuk është as korrupsion, është vjedhje, është grabitje me dhunë. Ai po thotë “unë do ti marr këto para, e do tia jap filanit, do t’ia jap të tre të njëjtit person”.

Nuk do të them më shumë detaje, unë nuk jam as prokuror, por në çdo vend të botës do i ishin vënë prangat”-tha Shehi.

LEXO EDHE:  8 orë diskutime/ Ndërpritet mbledhja në rezidencën e SHBA, Këshilli Politik sërish sonte në tryezë

LEXO EDHE:  8 orë diskutime/ Ndërpritet mbledhja në rezidencën e SHBA, Këshilli Politik sërish sonte në tryezë

Më tej, ai bëri edhe një apel të fortë për politikën, ku theksoi se duhet lënë drejtësia të bëjë punën e saj.

“SPAK, jo i mirë jo i keq, le ta lëmë të bëjë punën e vet, sapo ka filluar.

Politika bën keq, me të mirat e të këqiat e kësaj drejtësie, duhet ta lëmë të bëjë punën e vet. Edhe unë kam të gjitha dyshimet e  mia për institucionet e drejtësisë, por deri kur të verifikohet nëse punojnë apo jo, duhet ta lëmë të bëjë punën e saj. Detyra jonë është që ta dorëzojmë këtë dosje para drejtësisë”-tha Dashamir Shehi./ CNA.al

LEXO TE PLOTE

Politikë

Shqipëria, rekord në Europë për koncesionet e Partneritetit Publik Privat/ Cila janë rreziqet

Publikuar

-

Nga

Partneritet Privat-publik

Shqipëria shënon një rekord në Europë sa i përket angazhimeve jashtë bilancit të qeverisë, që ka marrë për koncesionet e formës së partneritetit publik privat (PPP), në 9.5% të Prodhimit të Brendshëm bruto (PBB).

Kjo përqindje është të paktën tre herë më e lartë sesa shtetit që shpenzon më shumë për PPP-të në Europë, Sllovakia, sipas përllogaritjeve të Monitor, bazuar në të dhënat e projektbuxhetit 2021 nga Ministria e Financave dhe të dhënave të Eurostat për shtetet e BE-së për angazhimet jashtë bilancit të PPP-ve.

Sipas relacionit të projektbuxhetit 2021, për 13 kontrata koncesionare, qeveria ka nënshkruar kontrata me një vlerë totale prej 195 miliardë lekë, ose gati 1.6 miliardë euro, të cilat do të shlyhen gradualisht për një periudhë 10 apo më shumë vjeçare.

Nga kjo shumë, deri në fund të vitit 2020 janë paguar dhe pritet të paguhen në total 36 miliardë lekë, ose rreth 18% e vlerës totale të kontratave. Në dekadat e ardhshme (maksimumi deri në 2046, kur përfundon dhe koncesioni i fundit i inceneratorit të Tiranës) do të duhet të paguhen edhe gati 160 miliardë lekë të tjera (1.3 miliardë euro). Kjo shumë është sa 9.5% e Prodhimit të Brendshëm Bruto (PBB) të pritshëm të vitit 2021.

Ministria e Financave, ka sqaruar se referuar kuadrit ligjor për koncesionet/PPP, dhënia me koncesion/PPP e një pune, shërbimi apo vepre nuk është një instrument borxhi, por një alternativë e njohur edhe ndërkombëtarisht, e cila përzgjidhet nëse ofron vlerën më të mirë për para, në përputhje me dispozitat e ligjit 125/2013 “Për koncesionet/PPP”, të ndryshuar. Financat llogarisin në shpenzimet korente apo kapitale vetëm pagesat e vitit përkatës që kryhen për kontratat koncesionare.

Si rrjedhojë, ky detyrim i lidhur me PPP-të që duhet paguar në vitet në vijim, që është sa 9.5% e PBB-së (shiko tabelën) llogaritet si vlerë jashtë bilancit të qeverisë e partneriteteve publike private.

Nëse krahasojmë të njëjtën të dhënë për shtetet e Bashkimit Europian, Shqipëria ka një angazhim shumë të lartë me projektet PPP, në raport me madhësinë e ekonomisë së saj. Sipas Eurostat, për vitin 2018, Sllovakia ka nivelin më të lartë të detyrimeve të lidhura me PPP-të të regjistruara jashtë bilancit, prej 3.15% të PBB-së, e ndjekur nga Portugalia me 2.96%, Hungaria (1.65%), Mbretëria e Bashkuar (1.56), ndërsa Italia, Austria, Kroacia, Greqia, Spanja etj, e kanëkëtë tregues nën 1% të PBB-së.

LEXO EDHE:  Kërkuan mbledhjen e Këshillit Politik për listat/ Rama i përgjigjet Metës dhe Bashës

LEXO EDHE:  Nga Mero BAZE/Merreni më seriozisht çështjen e opozitës!

Shumë shtete të BE-së si Bullgaria, Çekia, Gjermania, Franca, Lituania, Luksemburgu, Holanda, Polonia, Rumania, Sllovenia, Suedia kanë një ekspozim zero ndaj PPP-ve.

Rreziqet

Shqetësimet për PPP-të shihen nga ekspertët dhe institucionet ndërkombëtare në tre këndvështrime:

-Së pari, projektet PPP nuk raportohen si borxh, por në buxhet shfaqen vetëm pagesat korrente të vitit, në formën e shpenzimeve operative dhe atyre kapitale. Nëse detyrimet potenciale të mbetura prej 1.3 miliardë eurosh do të llogariteshin si borxh, atëherë borxhi i përgjithshëm qeveritar do të rritej menjëherë me 9.5 pikë përqindje, duke e çuar atë në 93% të Prodhimit të Brendshëm Bruto, nga rreth 83% që pritet të mbërrijë në fund të 2020-s, sipas FMN-së.

-Së dyti, nëse rrezikohet që pagesat e koncesioneve të tejkalojnë kufirin prej 5% të të ardhurave tatimore faktike të vitit të mëparshëm, qeveria do të detyrohej të korrektonte të ardhurat, ku veprimi që sjell më shpejt para në buxhet është rritja e taksave. Pasi i pezulloi dhe uli një pjesë të pagesave për 2020, pas krizës së Covid-19, për vitin e ardhshëm qeveria është detyruar t’i rikthehet normalitet, duke dyfishuar pagesat për koncesionet në 14.4 miliardë lekë, ose rreth 120 mln euro.

Edhe për 2021, financat presin që të ruhet rregulli fiskal, në nivelin e 3.7%, nëse kriza vazhdon dhe të ardhurat tatimore ulen, kryerja e pagesave të koncesioneve është e detyrueshme sipas kontratave, duke rrezikuar kalimin e kufirit prej 5%.

-Së treti, ka munguar një analizë e qartë kosto-përfitime dhe ndarje rreziku, nëse zgjedhja për t’i dhënë shumë shërbime me koncesion ka qenë alternativa më e mirë. Përvoja po tregon se në shumë raste, kostot kanë rezultuar të fryra dhe vazhdojnë e rriten pa kontroll, apo se kompanitë po i gëzohen një fitimi të sigurt pa marrë përsipër asnjë rrezik (si në rastin e koncesioneve në mjekësi). Vetë Financat kanë pranuar se për shumë projekte koncesionare, rreziku financiar është marrë përsipër nga shteti./O.Liperi-Monitor

LEXO TE PLOTE