Connect with Us

Çfarë e lidh sekretaren e re të Lleshajt me Lulzim Bashën

Politikë

Çfarë e lidh sekretaren e re të Lleshajt me Lulzim Bashën

Publikuar

-

Çfarë e lidh sekretaren e re të Lleshajt me Lulzim Bashën

Pas skandalit të publikuar nga CNA.al për makinën luksoze të ministrit të Brendshëm, Sandër Lleshaj, është larguar nga detyra sekretari i Përgjithshëm i Ministrisë së Brendshme, Plarent Ndreca.

Ndërkohë vendin e Ndrecës e ka zënë Elena Pici. Elena Pici vajza rreth të 30-tave, që vjen nga Këshilli i Ministrave është një emër i panjohur, ndërsa sot fitoi vëmendjen e mediave, pasi u emërua sekretare e Përgjithshme e Ministrisë së Brendshme.

Sekretarja e re e Përgjithshme e kësaj ministrie, Elena Pici para se të merrte këtë post ka qenë koordinatore e Engjëll Agaçit dhe njihet si një nga njerëzit e afërt të tij. Më parë ka qenë dhe figurante nëpër klipe këngëtarësh të njohur si Alban Skënderaj. Elena Pici është vajza me flokë të zeza, e cila shfaqej në klip në rolin e kamarieres që shërbente kafen. Pas eksperiencës si modele në klip ajo ka fituar një post të rëndësishëm në Ministrinë e Brendshme.

LEXO EDHE:  "Momente tragjike"/ Basha falenderon dhe shpërndan mesazhe solidariteti

Mirëpo çfarë ka njësoj Elona Pici me kreun e PD, Lulzim Basha.

Po t’i bëjmë një krahasim Pici dhe Basha kanë disa të përbashkëta duke filluar nga profesioni si juristë. Por më e rëndësishmja është përvoja e tyre si kamarierë. Kujtojmë se Luli ka qenë kamarier dhe më pas karriera e tij ka shkuar deri në kandidat për kryeminister.

Ndryshimi mes tyre qendron se Elona Pici ka marrë pjesë vetëm në spot si kamariere ndërsa Basha ka punuar vërtet në Rinas. Por, nuk përjashtohet mundësia që edhe Elona Pici të ketë të gjitha gjasat që duke punuar me kapter Lleshaj, një ditë të mund të bëhet kryeministre.

Por më e pakta që mund të bëjë, Elona Pici duhet të na kursejë ndonjë BMW luksoze që ministri i do nga 50 mijë euro dhe që qarkullojnë me targa false dhe pa dokumenta./CNA.al

Për të rejat më të fundit behuni pjesë e grupit tonë në facebook : City News Albania
KLIKO PER TE KOMENTUAR

Komentoni

Your email address will not be published. Required fields are marked *

Politikë

Meta kthen në Kuvend ligjin për “Kodin Zgjedhor”

Publikuar

-

Nga

Meta kthen në Kuvend ligjin për “Kodin Zgjedhor”

Presidenti Ilir Meta ka dekretuar sot kthimin në Kuvend për rishqyrtim të ligjit “Për disa shtesa dhe ndryshime në ligjin nr. 10019, datë 29.12.2008, ‘Kodi Zgjedhor i Republikës së Shqipërisë’, i ndryshuar”.

Meta thekson se ndryshimet në ligjin për Kodin Zgjedhor, nuk garantojnë zgjedhje me lista të hapura.

“Përpara se të kaloj në vlerësimin e detajuar të ndryshimeve në Kodin Zgjedhor, vlerësoj si shumë të domosdoshme të evidentoj në këtë arsyetim edhe një here, në mënyrë të përmbledhur, disa fakte e rrethana të renditura në mënyrë kronologjike, të cilat sjellin në kujtesë zhvillimet në vend dhe veprimtarinë antikushtetuese të Kuvendit të Shqipërisë përgjatë kësaj legjislature, duke filluar me lindjen e krizës së rëndë politike, kushtetuese, institucionale që ka përfshirë vendin prej shumë kohësh, si dhe veprimtarinë e shumicës qeverisëse parlamentare që ka patur ndikim dukshëm në përkeqësimin e cilësisë së jetesës së qytetarëve të Republikës së Shqipërisë.

Evidentimi i këtyre fakteve tregon qartë se, gjithçka që është përmbyllur me miratimin e ndryshimeve të njëanshme në Kodin Zgjedhor në datë 5 tetor 2020, ka qenë një skenar i paramenduar me autor kryesor mazhorancën qeverisëse.”-thuhet ndër të tjera në arsyetimin e Metës./ CNA.al

Arsyet për kthimin e ligjit.

LEXO TE PLOTE

Politikë

“Gratë nuk lihen pa bukën e fëmijëve”/ Ish-deputetja thirrje Ramës: Paguaji, pastaj ik

Publikuar

-

Nga

“Gratë nuk lihen pa bukën e fëmijëve”/ Ish-deputetja thirrje Ramës: Paguaji, pastaj ik

Ish-deputetja e Partisë Demokratike, Dhurata Çupi ka reaguar në lidhje me grevën e urisë së naftëtarëve të Ballshit.

Në një postim në rrjetet sociale, Çupi tha se në një familje të vërtetë, gratë nuk lihen pa bukën e fëmijëve.

Po ashtu ajo i drejton një thirje të fortë kryeministrit Edi Rama, të cilit i kërkon që t’u japë këtyre punonjësve atë çka iu takon.

“Zoti kryeministër në ikje, në një familje të vërtetë, gratë nuk lihen pa bukën e fëmijëve. Zonjat e nderuara, nga të cilat ti kërkon që të dalin nga greva, ishin në Tiranë, por nuk denjove as t’i presësh, as t’i dëgjosh. Këto gra gjithë halle erdhën për dialog nga Ballshi në Tiranë dhe ti u përplase derën në fytyrë! Të paktën, bëhu një here njerëzor dhe jepu atë që u takon! Është cinike, e pashpirt, barbare sfida që ti zoti kryeministër u bën atyre grave të mbytura në halle nga parajsa e luksit ku jeton. Shko tek ato gra, kërkoju ndjesë, paguaji dhe pastaj ik!”-shkruan ish-deputetja./ CNA.al

LEXO TE PLOTE

Politikë

Meta kujton Gjergj Fishtën/ Mesazhi për Ramën: Fshikulloi politikanët mercenarë e të korruptuar

Publikuar

-

Nga

Meta kujton Gjergj Fishtën/ Mesazhi për Ramën: Fshikulloi politikanët mercenarë e të korruptuar

Presidenti Ilir Meta ka kujtuar sot 149 vjetorin e lindjes së pyetit të madh shqiptar At Gjergj Fishta.

Në një postim në rjetet sociale, Meta shkruan se At Gjergj Fishta me kryeveprën e tij “Lahuta e Malësisë” dhe me gjithë krijimtarinë e jashtëzakonshme, pjesë e trashëgimisë kulturore kombëtare, idealizoi dhe kërkoi shqiptarin e përjetshëm, heroin dhe misionarin e kombit që duhet të ndërmarrë impenjime shoqërore konkrete.

Më tej, kreu i shtetit shkruan se ky është një mesazh që edhe sot mbetet më i fortë dhe i vlefshëm se kurrë: Të punojmë vetëm për të mirën dhe të ardhmen e ndritur të Shqipërisë.

Po ashtu, Meta i drejton edhe një mesazh kryeministrit Edi Rama, ndërsa thekson se Padre Fishta fshikulloi si rrallëkush politikanët mercenarë e të korruptuar që minonin interesat kombëtare për përfitime personale, duke na lënë amanet për të qenë gjithmonë të vëmendshëm në mbrojtjen e vlerave kombëtare dhe të shtetit nga çdo kërcënim.

“Si sot, 149 vite më parë lindi Epiku ynë më i madh, poeti i shquar At Gjergj Fishta, një nga figurat më të ndritura dhe më mbizotëruese të letërsisë shqipe, shprehësi më i fortë i idealeve atdhetare dhe demokratike, i cili jetësoi vlerat e Rilindjes sonë Kombëtare.

Figurë qendrore e veprimtarisë politike, artistike, klerike dhe diplomatike, roli dhe kontributi i tij ishin dhe mbeten gurthemel i rëndësishëm i vetëdijes shqiptare.

Spikat veçanërisht roli i tij thelbësor në Kongresin e Manastirit ku u unifikua Alfabeti i Gjuhës Shqipe, me një angazhim të vyer për Pavarësinë dhe konsolidimin e shtetit modern shqiptar, deputet, anëtar i delegacionit në Konferencën e Paqes në Paris, i angazhuar për njohjen diplomatike të Shqipërisë, gjithmonë në ballë të lëvizjeve për mbrojtjen e interesave kombëtare.

Edhe pse i përkushtuar ndaj një besimi, për të Shqiptaria ishte misioni më fisnik i kombit, që na e la trashëgimi dhe prej së cilës ne frymëzohemi edhe sot.

At Gjergj Fishta me kryeveprën e tij “Lahuta e Malësisë” dhe me gjithë krijimtarinë e jashtëzakonshme, pjesë e trashëgimisë kulturore kombëtare, idealizoi dhe kërkoi shqiptarin e përjetshëm, heroin dhe misionarin e kombit që duhet të ndërmarrë impenjime shoqërore konkrete.

Ky është një mesazh që edhe sot mbetet më i fortë dhe i vlefshëm se kurrë: Të punojmë vetëm për të mirën dhe të ardhmen e ndritur të Shqipërisë.

Padre Fishta fshikulloi si rrallëkush politikanët mercenarë e të korruptuar që minonin interesat kombëtare për përfitime personale, duke na lënë amanet për të qenë gjithmonë të vëmendshëm në mbrojtjen e vlerave kombëtare dhe të shtetit nga çdo kërcënim, që aq mjeshtërisht e ka shprehur në vargjet:

“Ju rrugaca sallahana

vagabonda shakllabana

rricna t’ndyet, mikrobe të kqi

qi të mjerës moj Shqipni

kthelltë hi i keni në mushkni

pa dhimbë gjakun tuj ia pi,

por der kur, bre batakçi!

Bre coftina, kalbe mbi dhè

der kur ju, tu tallë npër ne,

do t’na qelbi fis e Atdhè?”-shkruan Ilir Meta në postimin e tij./ CNA.al

LEXO TE PLOTE