Connect with Us

Dy penallti në fund dhe dy kartonë të kuq, Jorgji bën namin në Ligën e Europës

Sport

Dy penallti në fund dhe dy kartonë të kuq, Jorgji bën namin në Ligën e Europës

Publikuar

-

Enea Jorgji ishte arbitri ndërkombëtar shqiptar, që ishte caktuar nga UEFA të drejtonte një ndeshje të raundit të dytë kualifikues. Elbasanasi vendosi drejtësi në sfidën Ararat-Armenia kundër luksenburgasve të Fola. Kjo sfidë ka rezultuar shumë e komplikuar dhe e vështirë për arbitrin e Superiores.

Në minutën e 43-të, kur shifrat ishin 1-1, Jorgji ndëshkoi me kartonin e dytë të verdhë Kristian Zhunior, duke e lënë Ararat me një lojtar më pak. Më pas në minutën e 56-të Jorgji akordon një penallti në favor të Fola, e cila shndërrohet në gol nga Bensi.

Miqtë nga Luksenburgu gjejnë golin e tretë në minutën e 81-të dhe u krijua ideja se gjithçka përfundoi. Por jo sepse ndeshja u tensionua dhe Jorgji në minutën e parë shtesë akordoi penallti për Ararat dhe karton të kuq për lojtarin e Fola, Pimentel (i dyti i verdhë), duke barazpeshuar numrin e lojtarëve në fushë.

Nuk mjaftoi me aq sepse Fola shkakton sërish penallti, që shndërrohet në gol dhe barazon shifrat në 3-3, falë edhe Jorgjit, që akordoi dy penallti brenda tre minutash. Në shtesë skuadra armene gjeti golin e katërt dhe vulosi fitoren, pas një ndeshje tërësisht të çmendur dhe të vështirë për Jorgjin. Mbetet të shihet sesi do të vlerësohet gjykimi i tij nga UEFA.

Për të rejat më të fundit behuni pjesë e grupit tonë në facebook : City News Albania
KLIKO PER TE KOMENTUAR

Komentoni

Your email address will not be published. Required fields are marked *

Seria A

Milani nuk di të ndalet/ Mposht edhe Celtic, shënon Hague

Publikuar

-

Nga

Milan ka marrë një fitore më të lehtë sesa është pritur kundër Celtic. Skuadra e Milan ka fituar 1-3 në transferte kundër skuadrës skoceze, ‘Rossoneri’ vulosën fitoren e tyre në pjesën e parë, kur gjetën golin dy herë.

Ishte fillimisht Krunic ai që shënoi me kokë, pas asistimit të Samu Castillejo, atëherë kur luhej minuta e 14’. Brahim Diaz e çoi skuadrën më të qetë në dhomat e zhveshjes kur në minutën e 42’ shënoi pë 0:2.

Celtic provuan të kthehen në lojë me golin e Elyounoussi (76’), por kjo ishte krejt çfarë nikoqirët bënë. Shpresat e skocezëve u shuan në minutën e 92′ nga goli i Hague, i cili vulosi rezultatin final.

Milan kanë shënuar kështu 2+ gola në 10 ndeshje radhazi për herë të parë që nga dhjetori i vitit 1964, pas 56 viteve. ‘Rossoneri’ e nisin kështu fazën e grupeve me tri pikë, kurse Celtic do të shpresojë për pikët e para në xhiron tjetër.

LEXO TE PLOTE

La Liga

“El Clasico”, caktohet arbitri që do vendosë drejtësi

Publikuar

-

Nga

Është mësuar gjyqtari për ndeshjen më të madhe në botën e futbollit. Këtë të shtunë, Barcelona pret Real Madridin në ‘Camp Nou’, për ndeshjen spektakolare.

Është mësuar se Martinez Munuera do të jetë gjyqtari që ndanë drejtësinë në këtë takim. Ndeshja mes Barcelonës dhe Real Madridit do të luhet me fillim nga ora 16:00.

Të dy skuadrat vijnë nga një formë jo e mirë në La Liga, kurse në Ligën e Kampionëve, Barcelona ka shënuar fitore të thellë, përkundër Realit që pësoi nga Shakhtar Donetsk. Mbetet të shihet se kujt do t’i sjell më shumë fat Munuera.

LEXO TE PLOTE

Seria A

Përmbysi rezultatin me golin e tij/ Kumbulla habit gazetarin pas ndeshjes: Ja kujt ja dedikoj

Publikuar

-

Nga

Marash Kumbulla ka realizuar një debutim ëndrrash në Europa League. Në të parën ndeshje jashtë Italisë arrin të shënojë gol. I pari në Europë dhe i pari me fanellën e Romës për të. E vlera i shtohet edhe më shumë nga fakti se mban peshën e fitores, pasi ishte pikërisht mbrojtësi shqiptar ai që i dha 3 pikët e para në Europa League verdhekuqve.

Në një intervistë për “Sky Sport” pas përfundimit të ndeshjes, “heroi” Kumbulla ka rrëfyer emocionet e golit, si dhe është shprehur se kalimin nga Verona në një skuadër si Roma po e menaxhon mjaft mirë vetëm për shkak të klubit verdhekuq.

“Ishte një debutim i pabesueshëm, shënova dhe falë golit tim fituam. Jam më i lumtur me ekipin sesa me golin personal. Në pjesën e parë ata bënë më shumë presion, ne luftuam por kjo është normale në këtë fushë. Në pjesën e dytë kemi pasur më shumë kontroll të lojës dhe më shumë shanse.

A jam ndjerë gati për kalimin te Roma? Kjo falë vetëm ekipit, trajnerit dhe stafit që më bëri të integrohem menjëherë: pa to nuk do të ishte e mundur. Golin ia dedikoj skuadrës, ne fituam në një fushë të vështirë”, ka thënë Marash Kumblla./Sport Ekspres

LEXO TE PLOTE