Connect with Us

Çështja e Butrintit/ Profesor Solar: Menaxhimi i siteve kulturore duhet të bëhet nga organizatat qeveritare

Lajme

Çështja e Butrintit/ Profesor Solar: Menaxhimi i siteve kulturore duhet të bëhet nga organizatat qeveritare

Publikuar

-

Shqipërisë nuk i mungon ekspertiza vendase për menaxhimin e Butrintit. Ky qëndrim u mbajt nga eksperti i trashëgimisë kulturore, profesor Giora Solar, i cili shton se menaxhimi i qendrave kulturore dhe natyrore të vendit duhet bërë nga një organizatë qeveritare.

Menaxhimi i siteve kulturore duhet të bëhet nga një organizatë qeveritare, pasi kjo është praktika normale në shumë vende. Është ky rekomandimi i Giora Solar, sekretar i përgjithshëm i Këshillit Ndërkombëtar të Monumenteve dhe Siteve, në një intervistë për Euronews Albania.

“Do t’ju tregoj si funksionon në shumë vende. Unë kam punuar nga Brazili deri në Kinë, nga Çekia në Tanzani dhe në Afrikën e Jugut, ndaj i njoh disa prej këtyre sistemeve. Shumë vende kanë një sistem kombëtar për të menaxhuar trashëgiminë kombëtare dhe kulturore. Qofshin parqe kombëtare ose të tjera organizata. Ato janë organizata kombëtare dhe kjo është rruga më e zakonshme për të menaxhuar sitet”, tha ai.

Sipas profesor Solar, ekspert i trashëgimisë kulturore, kjo organizatë do të funksiononte në këtë mënyrë.

“Ministria vetë nuk mund ta menaxhojë sitin, por për këtë arsye, shumica e ministrive të kulturës apo të tjera krijojnë trupat e tyre. Në Izrael quhet autoriteti kombëtar i parkut apo autoriteti i antikiteteve. Kanë një ligj të veçantë, janë qeveritare. Janë jashtë ministrisë, jashtë qeverisë, por ministria është përgjegjëse. Ata kanë një bord dhe ministri është kryetar i atij bordi. Dhe kështu kontrollohet nga ministria”,  theksoi ai.

Për Solar, në Shqipëri nuk mungon ekspertiza vendase në menaxhimin e siteve kulturore, ndaj ai është kundër menaxhimit nga një organizatë e huaj.

“Mendoj se keni ekspertizën tuaj. Nuk e di prej sa kohësh Shqipëria është shtet demokratik dhe njerëzit kanë udhëtuar dhe studiuar jashtë, ndaj ka ekspertizë dhe nuk ka nevojë për trajnim për menaxhimin”, u shpreh Solar.

Profesori beson se diskutimi për Butrintin do të inkurajojë qeverinë të krijojë një organizatë kombëtare për menaxhimin e siteve kulturore dhe natyrore.

Për të rejat më të fundit behuni pjesë e grupit tonë në facebook : City News Albania
KLIKO PER TE KOMENTUAR

Komentoni

Your email address will not be published. Required fields are marked *

Lajme

Vijon pastrimi i Plazhit të Fortesave/ Bashkia Pogradec: Sezonin e ardhshëm veror do kemi…

Publikuar

-

Nga

Vijon pastrimi i Plazhit të Fortesave/ Bashkia Pogradec: Sezonin e ardhshëm veror do kemi…

Bashkia Pogradec prej disa ditësh po punon për pastrimin dhe më pas rehabilitimin e plotë të Plazhit të Fortesave.

Në faqen zyrtare, Bashkia Pogradec paralajmëron se sezoni i ardhshëm veror do ketë plazhin aq shumë të dashur nga të gjithë pushuesit.

Gjithashtu Bashkia bën të ditur se për pak ditë do të nisë edhe ndërhyrja tek problematika e kodrës së kalasë dhe aksit nga Tunelet Panoramikë deri në hyrje të qytetit.

Vijon me intesitet puna për pastrimin dhe më pas rehabilitimin e plotë tek Plazhi i Fortesave. Sezoni i ardhshëm veror do ketë plazhin aq shumë të dashur nga të gjithë pogradecarët por jo vetëm. Ndërkohë që për pak ditë nis ndërhyrja tek problematika e kodrës së kalasë në rrugën unazë dhe aksit nga Tunelet Panoramikë deri në hyrje të qytetit”, thuhet në deklaratën e bashkisë së Pogradecit, e cila ka publikuar edhe disa pamje nga puna./ CNA.al

 

View this post on Instagram

 

Vijon me intesitet puna për pastrimin dhe më pas rehabilitimin e plotë tek Plazhi i Fortesave. Sezoni i ardhshëm veror do ketë plazhin aq shumë të dashur nga të gjithë pogradecarët por jo vetëm. Ndërkohë që për pak ditë nis ndërhyrja tek problematika e kodrës së kalasë në rrugën unazë dhe aksit nga Tunelet Panoramikë deri në hyrje të qytetit. #Çdoditënëpunë

A post shared by Bashkia Pogradec Faqja Zyrtare (@bashkiapogradec) on

LEXO TE PLOTE

Lajme

Agron Tufa publikon dokumentin/ Spartak Braho jepte dënime dhe kundër ligjeve të kohës

Publikuar

-

Nga

Ish-kreu i Institutit të Studimeve dhe Pasojave të Krimeve të Komunizmit, Agron Tufa ka publikuar një dokument, sipas të cilit, deputeti i Partisë Socialiste, Spartak Braho ka dhënë dënime kundër ligjeve të kohës në Gjykatën e Rrethit Durrës.

Sipas dokumentit të publikuar, dhe sipas atyre që shkruan Tufa, me përfundimin e Fakultetit Juridik, në vitin 1981 Braho u emërua gjyqtar, e më pas kryetar i kolegjit ushtarak dhe detyrën e mbajti deri në vitin 1987, kur u bë i njohur për një skandal të paparë, dënimin në mungesë të një shtetasi, të cilin e internoi.

Tufa thekson se Braho shkoi në Degën e Punëve të Brendshme Durrës dhe në dhomat e hetuesve bëri komunikimin formal me të pandehurin. Tufa shkruan më tej se gjyqtari Braho dhe sekretarja e tij ishin përgjegjës për dy vepra penale: shpërdorim i pozitës zyrtare dhe falsifikim dokumentesh. Por meqë Braho vinte nga “shtëpi lufte”, shton ai, partia e mbylli njërin sy dhe nuk e dërgoi në dhomat e hetuesve.

“SPARTAK BRAHO JEPTE DËNIME DHE KUNDËR LIGJEVE TË KOHËS
Para një viti i drejtova një pyetje publike deputetit Spartak Braho, nëse ishte bërë problem ai ndonjëherë për falsifikim dokumentesh dhe si ishte larguar nga detyra e gjyqtarit popullor në Gjykatën e Rrethit Durrës.
Braho vigjilent për nderin e komunistëve nuk dha përgjigje. Gjë që dihej kjo. Këtë anë të errët të jetës së tij, Braho ishte përpjekur gjithnjë ta mbante të panjohur. Kur u bë për herë të parë njeri publik, pra kur u zgjodh deputet i kallashparlamentit të vitit 1997, në manualin e Kuvendit për biografitë e deputetëve, nuk kishte asgjë për pozicionet e punës që kishte mbajtur Braho më parë.
Braho që më “akuzonte” mua se kisha “falsifikuar” ligjin e ISKK-së, vinte për vete nga një përvojë falsifikuese. Në vitin 1974 ai u diplomua gazetar dhe menjëherë filloi punë si punëtor partie në Bashkimin e Rinisë së Punës së Shqipërisë në Rrethin e Durrësit.
Këtë detyrë e mbajti deri në vitin 1978 për të shkuar jurist në Portin e Durrësit. Braho kishte nisur me korrespondencë Fakultetin Juridik në Tiranë për t’u bërë një vishinsk i përkushtuar i partisë për të dënuar armiqtë e klasës.

LEXO EDHE:  Tallja e Kryemadhit: S’kam qenë në pushtet/ LSI banda e grykësve me krokodilin Meta

LEXO EDHE:  Goxhaj tregon mënyrën/ Si mund të largohet banda Sorosiane nga pushteti

Partia e emëroi jurist pa mbaruar shkollën se ishte djalë partizani de. Me përfundimin e Fakultetit Juridik, në vitin 1981 Braho u emërua gjyqtar, e më pas kryetar i kolegjit ushtarak. Këtë detyrë Braho e mbajti deri në vitin 1987, kur u bë i njohur për një skandal të paparë, dënimin në mungesë të një shtetasi, të cilin e internoi.
Me iniciativën e tij si një bolshevik i vendosur kundër armiqve të klasës, shkon në Degën e Punëve të Brendshme Durrës dhe në dhomat e hetuesve bën komunikimin formal me të pandehurin. Për të qenë në rregull, përpilojnë një procedurë të falsifikuar sikur ishte zhvilluar gjyq.
Pasi i dënuari B.H. u ankua, Gjykata e Lartë nisi një hetim administrativ ndaj Spartak Brahos dhe sekretares Tatjana Doko. Kryesia e Gjykatës së Lartë, që ishte edhe organi epror për sistemin gjyqësor në vend, i thirri të dy shkelësit për t’i kërkuar llogari për “shkelje të rënda procedurale në një çështje penale”.
Gjyqtari Braho dhe sekretarja e tij ishin përgjegjës për dy vepra penale: shpërdorim i pozitës zyrtare dhe falsifikim dokumentesh. Por meqë Braho vinte nga “shtëpi lufte”, bazë e luftës “nacionalçlirimtare”, partia e mbylli njërin sy dhe nuk e dërgoi në dhomat e hetuesve.

Gjithë gjykatave iu dërgua qarkorja nr.240, datë 24.3.1987, në të cilën i tërhiqej vëmendja që raste të tilla mos të përsëriteshin më. Njëkohësisht, partia pati zemër të madhe me birin e saj. U ra dakord që Braho të largohej nga sistemi gjyqësor. Braho gjeti fijen dhe i ra në qafë Ministrit të Tregtisë së Jashtme, shokut Shane Korbeci, i cili e emëroi jurist në një drejtori të rëndësishme të kësaj ministrie. Në mbledhjen e organizatës bazë ku bënte pjesë, shoku Spartak bëri autokritikë që është e nivelit të lartë politik, e cila nuk u administrua vetëm në dosjen e tij si komunist. Në kartë iu shënua një vërejtje. (Në foto dokumenti dhe Spartak Braho me Nasho Jorgaqin “Dragoi”, në një mastrubim kolektiv me rastin e dekorimit të Brahos nga një shoqatë enveriste)”, shkruan Tufa./CNA.al

LEXO TE PLOTE

Lajme

Kandidatja e PD për deputete e thotë hapur/ Jam në kërkim të dashurisë

Publikuar

-

Nga

“Mafia e plehrave kërkon të fshehë vjedhjen e shqiptarëve”/ PD kërkesë SPAK “të zgjohet nga gjumi”

Sportistja e njohur Klodiana Shala është futur në listën e kandidatëve të Partisë Demokratike për zgjedhjet e ardhshme parlamentare.

Kjo ka bërë që kohët e fundit sportistja të jetë në qendër të vëmendjes. Mirëpo mbrëmjen e sotme është bërë kryefjalë e mediave rozë për një deklaratë që ka të bëjë me jetën e saj personale.

Në një prej lojërave të emisionit “Shiko Kush Luan”, ajo u pyet nëse e ka gjetur dashurinë dhe demokratja është përgjigjur pa komplekse.

LEXO EDHE:  “Bashën do e bëj votues të PS-së”/ Veliaj: Është pasuruar me socialistët në pushtet

LEXO EDHE:  Reforma zgjedhore/ Dakordësi për ekspertizë të shpejtë e cilësore

Jam në kërkim të dashurisë” deklaroi Klodiana, duke na treguar kështu se nuk e ka gjetur ende personin ideal për të kaluar jetën./ CNA.al

LEXO TE PLOTE