Connect with Us

Shteti të detyrojë, jo të mashtrojë

Opinione

Shteti të detyrojë, jo të mashtrojë

Publikuar

-

Antikorrupsioni si aleat në korrupsionin e Blushit

Nga Ing.Tanush Çaushi

Tashmë kanë kaluar muaj të tërë nga ngjarja e fundit sizmike, tërmeti i Nëntorit 2019.

Kur ngjarja kulmonte në jetën e saj, ekspertë të ndryshëm dhanë mendimin e tyre sesi duhej që të vazhdohej më tutje. Politikanët dhe qeveritarët më shumë se kurrë u bënë njësh me inxhinierët dhe “tani e tutje gjithcka do të rregullohej”.

Po cfarë ndodhi vallë me këtë cështje?

Fillimisht, për të gjithë ata lexues që kanë njohuri të pakta në fushën e sizmikës,

desha t’u shpjegoj disa gjëra të thjeshta:

Cdo shtet, nisur nga studimet që kryen, përgatit kode të projektimit dhe të zbatimit për ndërtesat dhe strukturat inxhinierike për një nivel të caktuar sigurie.

Pra, shteti shqiptar, nisur nga studimet shkencore i detyron projektuesit dhe zbatuesit që të projektojnë dhe zbatojnë objekte me 8 apo nëntë ballë sipas MSK 64.

Kjo do të thotë që apartamenti ku ju banoni ka një siguri të caktuar bazuar në kodet e projektimit në Republikën e Shqipërisë.

Tërmeti i 26 Nëntorit dhe niveli i riskut që ne kemi pranuar

Tërmeti i Nëntorit, zyrtarisht me vlere 6.4 shkalla Richter nuk ishte maksimumi i mundsshëm sipas shkallës së vlerësimit. Po ta konvertosh në shkallën Ballë, ai arrin në 8.4 ballë.

Maksimumi i mundshëm që ne kemi pranuar në projektimin e objekteve në Shqipëri sipas legjislacionit në fuqi është 9-ballë maksimumi, pra deri në afërsisht vlerën 7 të shkallës Richter.

Por sipas studimeve të shumta që janë bërë edhe nga studiues shqiptarë, rreziku për vendin tonë është më i madh sesa 7 shkalla Richter, ai shkon deri në 7.5 Richter. Dhe kjo vlerë mund të jetë edhe më e madhe sepse jemi në kushtet që nuk kemi bërë studime më të detajuara dhe investime në këtë fushë.

Dëmet e 26 Nëntorit ishin minimale në raport me pasojat që mund të sillte zbatimi i legjislacionit në fuqi. Ishte pikërisht vizioni i projektuesve dhe përgjegjshmëria që në shumicën e objekteve janë aplikuar normat europiane dhe hartat e përditësuara nga shkencëtarët.

Kjo, të dashur lexues na ka shpëtuar deri tani.

Çfarë ndodh nëse riskohemi me një fatkeqësi të tillë natyrore?…

Sipas ligjit në fuqi, askush nuk mban përgjegjësi sepse kaq është niveli i sigurisë që kemi pranuar për objektet tona.

Është ende në fuqi ligji i vitit 1980 edhe pse 4 sizmologë të njohur shqiptarë me në krye Sulstarovën kërkuan përditësimin e hartave të rrezikut sizmik duke e rritur sigurinë në 7.5 Richter.

Ajo që do të ndodhë me shtëpinë tuaj nëse kalohet risku sizmik do të jetë shembja e objektit dhe humbja e pasurisë dhe jetës suaj.

LEXO EDHE:  Xhorxh Soros po merr peng sistemin e drejtësisë në SHBA

A nuk mjafton kjo për t’u alarmuar politika dhe shoqëria dhe për të sanksionuar norma të reja të sigurisë?!..

Çfarë pritet të ndodhë?…

Ndoshta do të jetë me pasoja tepër fatale për të gjithë ne që jetojmë nën një risk të tillë, por tërmeti është një ngjarje që propabilitetin e të ndodhurit e ka 1, pra ai do të ndodhë një ditë.

A po përgatitemi ne për ngjarjen e ardhshme, e cila mund të jetë më fatale se e ndodhura?

Unë mendoj që tashmë e kemi harruar 26 Nëntorin 2019 dhe kemi mbetur tek papagalli i humorit ku shkruhet:

“Pendët i janë rralluar,

flatrat i kanë rënë,

shumë fjalë ka mësuar,

po pak janë për të qënë!”

Nga del ky përfundim? Pikërisht nga fakti se nuk po shohim masa konkrete për t’u zbatuar ato që u premtuan.

Normat e projektimit sizmik janë po ato të vitit 1980.

Pyetjet e zotit Tërmet

Të dashur lexues, më e keqja nuk ka kaluar dhe nuk kalon asnjëherë. Ne kemi qenë dhe do të jemi vend sizmik me Risk shumë të lartë.

Zoti tërmet përsëri do të trokasë në dyert tona dhe nuk do të na pyesë shumë për fondet që po harxhojmë për qoka politikanësh. Përkundër zoti Tërmet do të na pyesë duke na kapur veshin apo frymën:

– Nisur nga paralajmërimi i fundit që u bëra a ndërtuat me rregulla të përditësuara anisizmike?

– A e ndryshuat legjislacionin e ndërtimit apo mbetet tek fjalë dhe mashtrimet?

– Meqënëse potencialet shkencore i keni dhe gjasme i pyetët a po kryeni studime për ngjarjen tragjike të tërmetit?

– A po përdorni pajisje shuarese antisizmike dhe modifikuese në ndërtesat e larta?

– A më moret seriozisht apo me hoka e tallje?

Do flasim përsëri dhe do shkruajmë me shpresën se dikush dëgjon zërin e shkencëtarit e të qytetarit të thjeshtë.

Si drejtues, jo si mashtrues…

Domosdo, ta dëgjojë dhe ta zbatojë si drejtues serioz dhe jo si kameleoni mashtrues! Kjo sepse:

Është koha dhe ka kaluar që të kujtojmë tërmetin dhe të investojmë edhe në studime të reja.

Është koha, ndonëse të vonuar, të vendosim në ligj edhe pajisjet antisizmike, siç jane shuarësit.

Është koha dhe po kalon që të mos harrojmë, por të kujtojmë viktimat e kësaj fatkeqësie natyrore.

Është koha, por jo si papagalli, të ngremë nivelin e sigurisë.

Është koha ta marrim tërmetin seriozisht duke paraparë pasojat e tij fatale…

Nëse do të bëjmë vetëm në vend numero, si kemi bërë deri sot, atëherë lufta jonë me termetin është e humbur pa nisur.

Për të rejat më të fundit behuni pjesë e grupit tonë në facebook : City News Albania
KLIKO PER TE KOMENTUAR

Komentoni

Your email address will not be published. Required fields are marked *

Opinione

Robt ku t’i kesh Rama!

Publikuar

-

Nga

Robt ku t'i kesh Rama!

Nga Elona Caslli

Rama, u përballa me policët e tu sot tek Liceu Artistik. Fiilimisht nga makina më thanë të vija maskën. U thashë natën e mirë dha vazhdova rrugën.

Ndryshuan mendjen pas pesë minutash. Kthyen makinën dhe copë 2 policë më ndaluan. Duke qenë se refuzova të ndaloja luajtëm e ka kush e ka nga një trotuar në tjetrin.

Copë dy policët që më ndaluan thërritën përforcime nga baza për të më shoqëruar në komisariat. Mes tyre ishte edhe një grua e ngjashme me Spiropalin në tonalitet që kish ardhur për faktin se në komisariat do të shoqërohej një grua. Trashi zërin Rama ajo grua, por kur u përball me një zë më të trashë u zbyth siç zbythet njëri nga ministrat e tu, kur u ulëret ti.

Nuk e kisha gjetur veten ndonjëherë të rrethuar nga policë, Rama. Me këtë përvojë më përballi marrëzia jote. U revoltova teksa po nënshkruaja gjobën dhe e gjeta veten me copë pesë policë të rrethuar.

Shqiptarët ti i ngatërron me bandën e kurvave dhe të kriminelëve që ke futur në parlament, që komisariatin dhe semaforin e kanë shtëpi të dytë dhe përballjen me policinë e kanë aq të zakonshme sa kafen e mëngjesit.

LEXO EDHE:  Xhorxh Soros po merr peng sistemin e drejtësisë në SHBA

LEXO EDHE:  Balla në mbrojtje të inceneratorëve/ Basha po i vë gjobë kompanisë, nuk ka për parim plehrat

Jo, Rama! Ka dhe njerëz që kanë jetuar siç duhet në këtë vend dhe rrethimin nga policia e ndiejnë të huaj.

Unë maskën nuk e vë dhe nuk do ta vë kurrë për sa kohë ti zbaton logjikën absurde që në rrugë vetëm duhet maska dhe kur të hysh në kafe mund ta heqësh.

Talle bythën me skllevërit dhe skllavet e tua.

Ta kam thënë dhe ta rithem unë nuk jam Elisa që ha burra në mëngjes apo Antoneta Dhima që kombinon maskën me të brendshmet.

Ti jo një gjobë të më vësh, por edhe në burg të më fusësh unë maskën nuk e vë. Pikë.

Kur polici më pyeti se çfarë do shkruaja tek rubrika ” Unë deklaroj se” iu përgjigja- Do shkruaj veç një fjali- Robt ku t’i kesh Rama!

Post Scriptum- Mos e vrit mendjen për gjobat Rama se rrogat që më japin Basha, Meta, Cim Peka, më dalin e më teprojnë.

 

 

LEXO TE PLOTE

Opinione

Nga Bardhyl Londo/ Ku janë ata që kërkonin prishjen e Teatrit?

Publikuar

-

Nga

Nga Bardhyl Londo/ Ku janë ata që kërkonin prishjen e Teatrit?

Tirana ka kaq kohe qe ndryshe edhe nga kryeqytete fare te humbur te botes nuk ka fare Teater. Kjo eshte gjysma e se keqes. E keqja me e madhe eshte se nuk po flitet fare per te si per nje te vdekur te bezdisshem. Llogaritni kohen sa te perfundojne pazarlleqet per truall,tendera etj. etj., llogarisni pastaj kohen e ndertimit dhe mendoni pas sa vjetesh mund te ngrihet i famshmi Teater i ri.

Natyrisht une dhe shumica e kryeqytetasve nuk presim gje nga zyrtaret e larte qe ideuan prishjen e Teatrit,por pyetja qe shtroj une eshte: ku jane ata aktore qe neneshkruan me aq zell e entusiazem shkaterrimin e Teatrit dhe ne predikonin perralla per nje teater te ri madheshtor.

LEXO EDHE:  Artan Hoxha zbulon emrin/ Kush është personi që i shkoi në zyrë Azem Hajdarit dhe i tha që është në rrezik

LEXO EDHE:  S’ka burra, ky shtet ofron 5 mijë euro për të “lënë shtatzënë” vajzat

Ku jane ata aktore qe u futen mish tek Erion Veliaj dhe dolen sallam? Perse nuk mblidhen perseri dhe neneshkruajn nje peticion tjeter ku te kerkojne ngritjen sa me pare te teatrit sic e enderonin ata ose sic e i urdheruan te enderojne me sy hapur?

Le ta dije kushdo se talljen me Teatrin Kombetar nuk do ta fale apo toleroje askush. Teatri me shume se i firmetareve peticioniste eshte i njerezve,qytetareve.

 

LEXO TE PLOTE

Opinione

Armiqtë e mediave të Ramës si armiq të medias

Publikuar

-

Nga

Armiqtë e mediave të Ramës si armiq të medias

Nga Andi Bushati 

Kundërshtarët e Edi Ramës nuk e kanë luksin të përdorin dy standarte në gjykimin e tij: edhe ti shajnë metodat edhe ti’a kopjojnë ato.

Konfikti i fundit i hapur nga Presidenti i republikës, po dëshmon pikërisht këtë paradoks. Kreu i shtetit është ngulfatur në përplasje të fortë me një media pro qeveritare si ‘Shqiptarja.com”, e cila prej ditësh ka hapur një fushatë për mënyrën se si Ilir Meta ka dhënë gjatë presidencës së tij mbi 800 nënshtetësi shqiptare.

Qëndrimi më normal që duhet të kishte mbajtur presidenca në këtë rast do të qe se sa të vërteta ishin këto akuza, sqarimi një për një i tyre, si dhe hedhja poshtë, nëse kishte fakte dhe argumente për këtë gjë. Kjo, pra mënyra se si i përdorin kompetencat njerëzit të cilëve u kemi dhënë pushtet, është shumë më e rëndësishme për publikun sesa tenderat që ka fituar Karlo Bolino, bashkëpronësitë e gruas së tij apo letrat prej militanti që i shkruan ndonjë reporter i tyre hirarkëve socialistë për ti kapur ndonjë vend pune.

Ashtu sikurse ndodh rëndom në Shqipëri edhe njëherë para njerëzve shpërfaqet dilema midis ndershmërisë së gazetarëve në ushtrimiin e misionit të tyre dhe sjelljes së politikanëve ndaj akuzave që u vijnë nga pushteti i katërt.

Në këtë dilemë përplasja nuk është bardhë e zi. Ajo nuk është një ndeshje mes ëngjëjve dhe djajve.

Gazetarët, reporterët, mediat për të cilat ata punojnë kanë shumë mëkate në mënyrën se si ata sillen ndaj misionit të tyre. Le të marrim për ilustrim vetëm një shembull. Të njëtët që masakruan Ilir Metën kur u kap me bllok në dorë, e amnistuan atë kur u bë “bashkëdrejtues i koalicionit” me Ramën dhe rifilluan akuzat po aty ku i kishin lënë, në momentin që ai u nda nga rilindja.

Pra këtu nuk kemi aspak si qëllim informimin e publikut, por vënien e shtypit në shërbim të një rryme politike.

Por, duke pranuar këto mëkate që shpesh ulërasin, duke qenë të ndërgjegjshëm për partizanizmin, korruptimin dhe devijimin nga misioni të shumë TV-ve, gazetarëve, portaleve, ka një kriter që duhet të na shërbejë për të qenë më të qartë: sa herë që togfjalëshi personalizues “kush po e thotë” tenton të mbysë pyetjen thelbësore: “çfarë po thotë”, po aq herë duhet të dyshojmë se po përpiqen të na manipulojnë.

Këtë mënyrë sjelljeje e ka ngritur në strategji Edi Rama. Prej kur ka marrë mandatin, prej kur shpiku fjalën “kazan”, ai nuk ka lënë pa ofenduar, atakuar personalisht, në përpjekje për ti asgjesuar argumentin, asnjë prej gazetarëve që është përballur në studio. Sa herë është kapur me preshë në duar, ai ka zgjedhur si taktikë të sulmojë mediat, madje nuk ka kursyer as ato me famë ndërkombëtare, të cilat më pas e kanë nxjerrë bllof. Pikërisht në emër të kësaj strategjie për të mos u prballur kurrë me dëmet që shkakton politika e tij, ai, nëdrkohë që “bleu” me favoret e pushtetit të gjitha ekranet e TV-ve të mëdha, për ato që nuk arriti ti kontrollonte dot, tentoi të rikthente në kodin penal shpifjen dhe më pas po mëton të miratojë një ligj që e kanë hedhur poshtë njërzëri disa institucione ndërkombëtare bashkë.

LEXO EDHE:  S’ka burra, ky shtet ofron 5 mijë euro për të “lënë shtatzënë” vajzat

LEXO EDHE:  “Rama i keqpërdori mësuesit për pushtet”/ Bardhi publikon videon: Faktet që nxjerrin mashtrimet

Falë kësaj sjellje që në thelb ka vullnetin për të grabitur pa kokëçarje, liria e fjalës në Shqipëri (e tregojnë edhe raportet ndërkombëtare) ka zbritur në nivelet e qeverisjes së Berishës së parë (1992- 1996).

Prandaj nëse duan të japin shembullin si kundër modele të Ramës, kundërshtarët e tij nuk mund të përdorin të njëjtat metoda si ai, duke lënë mënjanë argumentin dhe duke u fokusuar me personin që po e bërtet atë në publik.

Ilir Meta sapo e bëri në sherrin e fundit me Karlo Bolinion dhe me Report TV, pavarësisht nga qëllimet që ata kanë në denoncimin ndaj tij. Edhe Lulzim Basha nuk i ka shpëtuar këtij tundimi. Herë duke etiketuar analistë dhe TV-të si shërbëtorë të qeverisë, herë duke shpallur lista mediash të padëshëruara dhe herë duke anatemuar me mjetet e veta të propagandës ish gazetarë pranë tij si të blerë nga Rama, ai ka bërë të njëjtën lojë.

Natyrisht, gjithkush e di se shpesh herë ata mund të kenë pasur të vërtetë në denoncimin publik që i kanë bërë sahanlërirësve të qeverisë. Çdokush e sheh sesi mjedisi ynë mediatik kundërbon nga klithmat e puthadorëve të pushtetit.

Por ama, në këtë rast, më e rëndësishme se nxjerja në dritë e një të vërtete është ruajtja e një parimi, është përdorimi i të njëjtës masë dhe së njëtës peshë në gjykimin e të njëjtit problem.

Dhe ajo është fare e thjeshtë : “Çdo politikan që ka një akuzë në publik, qoftë kjo me qëllime politike, qoftë e projektuar për të tërhequr vëmendjen, apo thjeshtë e gënjështërt, duhet të japë shpjegime për të dhe jo ta mbysë debatin në një sherrnajë mashtruese me artikuluesin e saj”.

Secili kundërshtar i Ramës, që e ka seriozisht denoncimin e luftës barbare që ai i ka shpallur lirisë së medias, e ka për obligim të adoptojë këtë sjellje. Në përbaltejen që i ka bërë kryeministri aktual këtij mjedisi, shembulli i tij mund të luftohet vetëm me krijimin e një anti modeli. Çdo lloj sjelljeje tjetër, çdo lloj huazimi sado i zbehtë dhe episodik i mjeteve që përdor Rama është në një farë mënyre vetëm një amnistim i strategjisë së tij. Rënia në këtë kurth vetëm sa i jep frymë shprehjes dëshpëruese: “këta janë të gjithë njësoj”./ Lapsi

LEXO TE PLOTE