Connect with Us

Rroca largohet nga Kukësi, zbulohet ekipi ku do transferohet

Sport

Rroca largohet nga Kukësi, zbulohet ekipi ku do transferohet

Publikuar

-

Zbulohet klubi turk që ka bërë një ofertë zyrtare te Kukësi për blerjen e fantazistit Eduard Rroca. “Panorama Sport” shkruan se ekipi që militon në Ligën e Parë, Istanbulspor AS, ka ofruar 130 mijë euro për të marrë shërbimet e mesfushorit.

Këtij të fundit i skadon kontrata me Kukësin në janar të vitit 2021 dhe interesi i verilindorëve është ta shesin në këtë periudhë merkatoje, gjithnjë nëse shuma e ofruar për kartonin e lojtarit kënaq presidencën blu. Gazeta zbulon se drejtuesit e klubeve janë në fazën finale të “operacionit”, duke negociuar tashmë detajet.

Në parim është rënë dakord mes palëve, teksa Istanbulspor AS ka bindur Rrocën për kontratë që i ka ofruar, por mbetet për t’u thënë fjala e fundit nga Kukësi në lidhje me marrëveshjen. Burime në klub tregojnë se drejtuesit nuk duan të përfitojnë thjesht 130 mijë euro, por kërkojnë të ruajnë edhe 20% të kartonit. Në këtë pikë palët janë ende në negociata, pasi turqit janë të vendosur ta kenë të plotë kartonin e lojtarit dhe nëse Kukësi refuzon, atëherë ata mund të pranojnë të ulin vlerën e blerjes.

Pra, nga 130 mijë euro që ofrojnë të japin vetëm 100 mijë euro. Në ditët e ardhshme do të mësohet më tepër për këtë transferim që po shkon drejt finalizimit. Në klubin verilindor janë të fokusuar aktualisht te ndeshja me Volfsburgun, e cila mund të jetë e fundit për Rrocën me fanellën e Kukësit.

Ai erdhi në janar të vitit 2019 te verilindorët, teksa u ble për 50 mijë euro te Luftëtari. Performanca mjaft e mirë e 27- vjeçarit ndaj Slavias së Sofjes ka bindur turqit, të cilët prej ditësh i kanë dërguar ofertën zyrtare Kukësit dhe presin mbylljen e marrëveshjes.

Për të rejat më të fundit behuni pjesë e grupit tonë në facebook : City News Albania

Komentoni

Your email address will not be published. Required fields are marked *

Sport

Operohet me sukses Kristian Eriksen, sot del nga spitali

Publikuar

-

Nga

Christian Eriksen ka përfunduar operacionin me sukses. Doktorët i kishin sugjeruar danezit që të implantojnë një defibrilator tek zemra e tij pasi në rast që një arrest kardiad do të ndodh në të ardhmen, pajisja do të reagojë menjëherë për ta rikthyer zemrën e tij në funskion.

Sipas La Gazzetta dello Sport, një kontroll tjetër do të bëhet pas katër apo pesë javësh në Milano.

Gazeta zbulon se Erikseni do të rikthehet në shtëpinë e tij në Kopenhagë sot. Eriksen kishte ndjekur nga spitali ndeshjen ndaj Belgjikës ku në grupin e Whats App iu kishte thënë bashkëlojtarëve që: “Keni qenë të mrekullueshëm”.

LEXO TE PLOTE

Sport

Lukaku kundër Ronaldos, i kërkon bashkëpunim Coca-Cola-s

Publikuar

-

Nga

Para disa ditëve, ylli portugez Cristiano Ronaldo largoi dy shishe të Coca-Colas në konferencë për shtyp dhe shumë yje të tjerë kanë ndjekur hapat e tij.

Ishte Paul Pogba që hoqi birrën Heineken, ndersa edhe Locatelli u bë protagonist duke lëvizur sponsorat. Por, ndryshe nga këta, ylli i Belgjikës, Romelu Lukaku befasoi të gjithë duke propozuar bashkëpunim me Coca-Cola-n.

“Coca Cola ne mund të punojmë se bashku”, tha ai dhe filloi të qeshte. Kujtojmë se 24 orë pas veprimit të Ronaldos, Coca-Cola humbi 4 miliardë euro.

LEXO TE PLOTE

Sport

Rregullorja e Euro 2020/ Ja çfarë ndodh nëse ka barazim pikësh në fazën e grupeve

Publikuar

-

Nga

Nëse dy apo më shumë skuadra në të njëjtin grup renditen me pikë të barabarta pas ndeshjes së tretë, këto janë kriteret që e përcaktojnë renditjen e tyre përfundimtare:

a. numri i pikëve të fituara në ndeshjet direkte mes skuadrave në fjalë.

b. golavarazhi më i mirë nga ndeshjet direkte mes skuadrave në fjalë.

c. numri më i madh i golave të shënuar në ndeshjet direkte mes skuadrave në fjalë.

d. nëse pasi janë aplikuar kriteret nga a) në c) dhe skuadrat janë të renditura në barazim, atëherë kriteret nga a) në c) riaplikohen edhe një herë për ndeshjet mes skuadrave të mbetura të grupit për të përcaktuar renditjen e tyre përfundimtare. Nëse as kjo procedurë nuk i jep zgjidhje situatës, atëherë aplikohen kriteret nga e) deri në i) për t’i dhënë zgjidhje renditjes së dy apo më shumë skuadrave ende në barazim.

e. golavarazhi në të gjitha ndeshjet e grupit.

f. numri më i madh i golave të shënuar në të gjitha ndeshjet e grupit.

g. numri më i madh i fitoreve në të gjitha ndeshjet e grupit.

h. pikët më të pakta disiplinore bazuar vetëm te kartonët e verdhë dhe të kuq, të marra në të gjitha ndeshjet e grupit (kartoni i kuq = 3 pikë, kartoni i verdhë = 1 pikë, kartoni i kuq pas dy të verdhave në një ndeshje = 3 pikë).

i. renditja e përgjithshme në kualifikueset e Europianit. Nëse dy skuadra kanë të njëjtin numër pikësh dhe të njëjtin numër golash të shënuar dhe pësuar, e luajnë ndeshjen e tyre të fundit në grup përballë njëra-tjetrës dhe janë sërish në barazim total në fund të ndeshjes, atëherë renditjet e tyre përfundimtare do të përcaktohen nga goditjet e 11-metërshave, me kusht që asnjë skuadër tjetër brenda grupit të mos ketë të njëjtin numër pikësh, pasi të kenë përfunduar të gjitha ndeshjet e grupit.

LEXO TE PLOTE