Connect with Us

Jetë luksoze dhe me miliona/ Nga Ronaldinho te Maradona, ja 12 futbollistët që përfunduan të varfër

Sport

Jetë luksoze dhe me miliona/ Nga Ronaldinho te Maradona, ja 12 futbollistët që përfunduan të varfër

Publikuar

-

Nga varfëria në pasuri dhe rikthim në origjinë – fatkeqësisht, ky është një trend që përsëritet në botën e futbollit.

SunSport ka bëtë një listë prej dhjetë futbollistëve të njohur, të cilët i shpenzuan milionat e tyre në alkool, bixhoz, luks të tepruar, investime të dështuara dhe gjëra të tjera.

Asamoah Gyan

Ish-sulmuesi i Sunderlandit dikur voziste Rolls-Royce, por së fundmi ka njoftuar se në xhirollogarinë e tij bankare ka vetëm 650 euro dhe nuk është në gjendje ta mbajë familjen e tij.

Kur luante për Shanghai SIPG përfitonte 250.000 euro në javë, por duket se i ka shpenzuar të gjitha paratë e tij dhe në fund i ka prishur raportet edhe me familjen.

Ronaldinho

Legjenda braziliane ka mbetur me pesë euro në llogarinë e tij bankare, ndërkohë që ka borxhe në vlerë prej afro dy milionë euro.

Ai ka marrë një gjobë të madhe për ndërtime ilegale në një zonë të mbrojtur në Brazil. Përkundër rimbursimit të pronës së tij, ish-futbollisti nuk ka qenë në gjendje që t’i mbulojë borxhet, ashtu që një gjykatës kishte vendosur që t’i sekuestrohej pasaporta.

Për ta shtuar mjerimin e tij, Ronaldinho së fundmi ka qenë i burgosur në Paraguai, me dyshimin se kishte hyrë në atë vend me dokumente false.

David James

Edhe pse kishte fituar pasuri prej 22 milionë eurosh gjatë karrierës së tij, ish-portieri i Anglisë, David James, falimentoi në vitin 2014.

Krahas karrierës së suksesshme me klube, si Liverpool dhe Manchester City, James ka qenë edhe model për Armanin dhe ka qenë poseduar prona të shumta.

Megjithatë, shkurorëzimi i kushtueshëm në vitin 2005 e shtyri atë në borxhe të shumta duke e detyruar që t’i shiste pronat e tij dhe në fund falimentoi.

Diego Maradona

Ai ishte quajtur lojtari i shekullit nga FIFA, dy herë e theu rekordin botëror të transferimeve, mirëpo në vitin 2009 falimentoi.

Autoritetet tatimore të Italisë i kërkuan që të paguante tatim prej 46 milionë eurosh për periudhën që kishte luajtur te Napoli.

Paul Merson

Bixhozi, alkooli dhe drogat, bënë që legjenda e Arsenalit të humbte pasurinë prej nëntë milionë eruosh.

Megjithatë, ish-mesfushori është rikuperuar dhe punon si analist i Sky Sports duke përfituar mjaftueshëm.

John Arne Riise

Dy vjet pasi e fitoi Ligën e Kampionëve me Liverpoolin, mbrojtësi falimentoi.

Norvegjezi ishte vetëm 26 vjeçar kur përfitonte rreth 55.000 euro në javë në Anfield. Mirëpo, një borxh i papaguar prej 110.000 eurosh, bëri që të nisej një hetim, me ç’rast Riise i humbi 3.3 milionë euro.

Eric Djemba-Djemba

Pasi kishte luajtur me Cristiano Ronaldon e Ryan Giggsin te Manchester Unitedi, Djemba-Djemba e deklaroi falimentimin katër vite pas transferimit te Aston Villa.

Mesfushori kamerunas kaloi kohë në St Mirren dhe në Superligën e Indisë për t’i rikthuer fondet, ndërsa në fund luante në ligën e katërt të Zvicrës derisa u pensionua.

Brad Friedel

Planet ambicioze për ndërtimin e një akademie futbolli në Shtetet e Bashkuara të Amerikës, bënë që ish-portieri i Tottenham Hotspur dhe Aston Villa të hynte në borxhe prej 5.5 milionë eurosh.

Si lojtar i Aston Villas, ai dikur përfitonte 55.000 euro në javë, ndërsa pas borxheve iu sekuestrua edhe shtëpia.

Lee Hendrie

Depresioni dhe vartësia nga bixhozi ia humbën pasurinë futbollistit anglez, i cili paguhej 33.000 euro në javë kur luante te Aston Villa.

Ish-mesfushori e shpalli falimentimin në janar të vitit 2012, pasi kishte borxhe të mëdha. Ai më vonë kishte deklaruara se në pesë apop gjashtë raste kishte dashur të bënte vetëvrasje.

Keith Gillespie

Një tjetër i varur nga bixhozi, produkti i Manchester Unitedit humbi më shumë se nëntë milionë euro pasuri.

Ish-mesfushori i Newcastle United e shpalli falimentimin në vitin 2010 kur ishte 35 vjeçar. Ai ka treguar se krahas bixhozit, kishte shpenzuar edhe në prona dhe në skema filmike.

Paul Gascoigne

Edhe pse kishte probleme me tatime të papaguara, ai shmangu falimentimin në vitin 2016. Megjithatë, hyri në borxhe prej më shumë se 220.000 eurosh.

Gascoigne kishte probleme me depresionin dhe abuzimin me alkool dhe substanca narkotike, që çuan edhe te problemet e tij financiare.

Celestine Babayaro

Ai ishte një mbrojtës i majtë i popullarizuar te Chelsea dhe Newcastle United në vitet 2000 dhe përfitonte shumë të majme.

Mirëpo, në janar të vitit 2011, nigeriani shpalli falimentimin në gazetën publike, London Gazette.

Për të rejat më të fundit behuni pjesë e grupit tonë në facebook : City News Albania
KLIKO PER TE KOMENTUAR

Komentoni

Your email address will not be published. Required fields are marked *

Sport

Mirel Josa: Kukësi i favorizuar kundër Wolsburgut, edhe Teuta ka shanse

Publikuar

-

Nga

Të enjten tre nga katër skuadrat shqiptare do të luajnë shanset e tyre në turin e dytë eliminator të Europa League. Përballë do të kenë ekipe tepër të vështira, por duke parë specifikat e ndeshjeve në periudhën e koronavirusit, sipas Mirel Josës shanset janë për të kaluar. Ish-trajneri i disa skuadrave në Superligë, për Wolsburgu-n, kundërshtarin e Kukësit në Air Albania thotë:

“Wolsburgu është një skuadër që shënon, por edhe pranon gola. Ndeshja është komplet e hapur. Me një takim është sfida dhe gol në fushë kundërshtare nuk ka dhe unë them se Kukësi është i favorizuar. Kjo sepse do të bëj lojën e saj, por duhet të jetë edhe shumë i përqendruar. Duke parë edhe mënyrën se si luan Gega Wolsburgu nuk do ta ketë aspak të lehtë,”-tha ai.

Mirel Josa thotë se Teuta do ta ketë më të vështirë me Granada-n, megjithëse ajo kohët e fundit është shfaqur me dy fytyra.



“E para punës duhet të dimë që luhet në orën 16:00 dhe kjo e favorizon Teutën. Rastësisht e pashë Granadën me Bilbaon në fundjavë dhe ishte me dy tablo. Në pjesën e parë nuk ishte e përqendruar në lojë, ndërsa në të dytën po,”-deklaroi ai.

Sipas Josës ekipi më i favorizuar për të kaluar në turin e tretë është Laçi, që përballë do të ketë Hapoel Beer-Sheva-n, një skuadër e cila e eliminoi sezonin e kaluar.

“Laçi ka një skuadër më të mirë, më solide nga sezoni i shkuar. Laçin nga ekipet shqiptare e shoh më të favorizuar sepse e njeh këtë kundërshtar edhe më para,”-u shpreh ai.

LEXO TE PLOTE

Seria A

Milani nuk ndalet, pranë akordit me një nga mbrojtësit më të mirë të Serisë A

Publikuar

-

Nga

“Gazzetta Dello Sport” pretendon se Milani po vazhdon të insistojë për mbrojtësin e Fiorentinës, Nikola Milenkoviç.

Kuqezinjtë e cilësojnë të lartë çmimin prej 40 milionë eurosh që klubi vjollcë kërkon për serbin, dhe agjenti i tij Fali Ramadani po punon që të gjejë një marrëveshje mes dy ekipeve.



Milenkoviç ka luajtur 96 ndeshje me Fiorentinën dhe ka kontratë deri në 2022, kurse Milani shpreson të marrë për një çmim më të ulët.

Raportimet zbulojnë se drejtori sportiv i Fiorentinës, Daniele Prade ka pikasur mbrojtësin e Romës, Federiko Fazion si një zëvendësues të mundshëm për Milenkoviç duke lënë të hapur mundësinë e largimit të mbrojtësit serb këtë verë.

LEXO TE PLOTE

Sport

Ngarkesa dhe dilema për Ahmatajn, ja situata te Skënderbeu para fillimit të kampionatit

Publikuar

-

Nga

Skënderbeu po vazhdon përgatitjet për startin e sezonit të ri në Durrës, megjithëse ende nuk ka një datë se kur do të nisë futbolli elitar në Shqipëri.

Nën drejtimin e Julian Ahmatajt po punojnë me dy seanca në ditë, për të kapur një formë sa më të mirë fizike. Veç dilemave të shumta që mbulojnë klubin, trajneri kërkon të qartësojë idetë e tij rreth grupit që do të ketë në dispozicion.



Ai po mundohet që dita-ditës të nxjerrë përgjigjet e duhura për gjendjen e ekipit dhe ku duhet të ndërhyjë. Për fat të mirë faza po shkon normalisht dhe pa probleme të rënda fizike.

LEXO TE PLOTE