Politikë
Zbardhen emrat e Bashës për anëtarë të KQZ
Partia Demokratike ka nisur kandidaturat për anëtarët e Komisionit Qendror të Zgjedhjeve.
CNA.al ka zbardhur tre emrat e Bashës për anëtarë të KQZ: Hysen Osmanaj, Haki Mustafa dhe Arben Xhiku.
Në listën e propozuar janë shumë emra por deri tani këta të tre kanë dërguar letrat për llogari të PD.
Hysen Osmanaj ka qenë Deputet i Kuvendit të Shqipërisë për qarkun e Kukësit në vitin 1995-1996.
Osmanaj gjithashtu ka qenë anëtar i KQZ-së që prej vitit 2012. Në vitin 2016 ai u zgjodh zv/kryetar i Komisionit Qendror të Zgjedhjeve.
Haki Mustafa u emërua drejtor i OSHEE pas marrëveshjes Rama-Basha në vitin 2017.
Mustafa ishte ndër pesë drejtorët e rinj që erdhën në institucionet kyçe për të shmangur pjesëmarrjen e administratës në fushatë elektorale.
Emri i tretë i propozuar është Arben Xhiku me profesion inxhinier, ka qenë anëtar i Këshillit Kombëtar të PD-së dhe ish-anëtar i KQZ-së në vitin 1996. Në vitin 2005 kryesia e PD-së vendosi emrin e Arben Xhikut në garën për kreun e degës së Tiranës./CNA.al
Politikë
Skandali i nënshtetësive/ Meta: Tentativë për të hequr vëmendjen nga afera e incineratorëve
Mbrëmjen e sotme presidenti Ilir Meta është pyetur për skandalin e nënshtetësive.
Meta pretendon se lajmet për nënshtetësinë janë krijuar nga mazhoranca për të hequr vëmendjen nga afera e incineratorëve.
“Këta duan të heqin vëmendjen nga afera e incineratorëve, thelbi është ky që u thashë, për të fshehur këto skandalet, sajojnë një skandal se presidenti i ka dhënë nënshtetësinë një terroristi”, tha Meta.
Ndërkohë, teksa u pyet në emisionin “Zonë e Lirë” për futbollistin me precedentë penalë, Kreu i Shtetit deklaroi: “Ai ka marrë konfirmimin nga institucioni përkatës. Të kalojmë tek personi në fjalë, Gjykata Themelore e Prishtinës thotë se nuk është i dënuar. Për këtë person është dhënë konfirmimi përmes dokumentit që nuk përbën problem për sigurinë kombëtare, dokumenti që tregon se nuk ka probleme penale është marrë për herë të dytë. Ka marrë konfirmimet, verifikimet, nënshtetësinë nuk e jep presidenti, por Presidenti nxjerr dekretin. Nënshtetësinë e jep ministria e Brendshme, ministria atje nëse ka diçka që nuk shkon, duhet ta thotë”./ CNA.al
Politikë
Meta “sherr” me Arian Çanin/ Ke marrë porosi në telefon që t’më ndërpresësh
Presidenti Ilir Meta i është kthyer ashpër gazetarit Arian Çani, teksa ishte i ftuar në emisionin “Zonë e lirë”.
Në një moment, Çani i ndërpreu fjalën Metës, ndërsa ky i fundit ngriti akuzat e rënda se gazetarin e kanë paguar që të mos e lërë Kreun e Shtetit të flasë për çështje serioze.
Çani e mohoi këtë gjë, por Meta insistoi se moderatori po e ndërpret që të mbajë relata të mira me kryeministrin Edi Rama.
Debati:
Ilir Meta: Më lër more të flas, s’të pëlqen ty tani biseda…?
Arian Çani: Më lër ti tani, më duhet të menaxhoj kohën, jam i detyruar…
Ilir Meta: Po jo ore ke marrë porosi ti tani, në telefon…që ‘ndrëprite atë kur të flasë për gjëra serioze’. Lëri këto tani..
Arian Çani: Unë e kam bërë këtë?
Ilir Meta: Eee ti, lëri këto tani, se e di unë, çdo njeri ka dëshirë të ruajë disa relata.
Arian Çani: Ma fute dhe mua plak?/ CNA.al
Politikë
Meta i bën qejfin vetes/ Jam flori e shkuar floriri
Presidenti Ilir Meta është vënë përpara një sërë pyetjesh mbrëmjen e sotme, lidhur me situatën aktuale në vend.
Por në një moment vendin e moderatorit Arian Çani në “Zonë e Lirë” e ka zënë aktori Rezart Veleshnja, i cili i ka drejtuar një sërë pyetjesh Kreut të Shtetit.
“Të gjithë thonë që je djalë floriri, je dakord me këtë?”, ishte pyetja që i drejtoi Veleshnja, ndërsa Kreu i Shtetit nuk hezitoi.
“Unë jam flori e shkuar floriri”, u përgjigj Meta shkurtimisht./ CNA.al
Lajme të Rekomanduara:
Foto lajm/ Jozefina Topalli prezanton lëvizjen e saj politike
Ish-kryetarja e Kuvendit Jozefina Topalli ka prezantuar pasditen e sotme “Lëvizjen për Ndryshim”, levizjen më të re politike ku do të bëjë pjesë në garën...
Kryengritja e Fierit: Luan, Luan ti je gjallë
Dega e Partisë Demokratike në Fier ka nisur një kryengritje ndaj vendimit të Komisionit të Vlerësimit të Kandidatëve në PD, i cili la jashtë listave...
