Connect with Us

Studimi/ Ndryshimet tek rrahjet e zemrës në 24 orë, zbulojnë nëse një person është apo jo në depresion

Shëndeti

Studimi/ Ndryshimet tek rrahjet e zemrës në 24 orë, zbulojnë nëse një person është apo jo në depresion

Publikuar

-

Studimi/ Ndryshimet tek rrahjet e zemrës në 24 orë, zbulojnë nëse një person është apo jo në depresion

Për herë të parë mjekët, kanë arritur të tregojnë se matja e ndryshimeve në rrahjet e zemrës në 24 orë, mund të tregojë me besueshmëri të madhe nëse dikush është apo jo në depresion. Në terma praktikë, kjo mund t’u japë ekspertëve një “paralajmërim të hershëm” objektiv të një depresioni të mundshëm, si dhe një tregues të shpejtë, nëse një lloj kure është duke funksionuar apo jo.

Ky zbulim, i hap rrugën një trajtimi më të shpejtë dhe të përgjegjshëm të pacientëve. Duke prezantuar rezultatet e këtij studimi pilot në kongresin virtual ECNP, studiuesja kryesore dr. Karmen Shivek e Universitetit Gëte në Frankfurt të Gjermanisë tha:Me fjalë të thjeshta studimi ynë pilot, sugjeron që duke matur thjesht rrahjet e zemrës për 24 orë, ne mund të themi me 90 për qind saktësi nëse një person është aktualisht në depresion apo jo”.

zemer atak

Shkencëtarët e kanë ditur prej kohësh, se rrahjet e zemrës janë të lidhura me depresionin. Por deri më tani, ata nuk kanë qenë në gjendje të kuptojnë saktësisht se si lidhet njëra me tjetrën. Pjesërisht, kjo për shkak se ndërsa rrahjet e zemrës mund të luhaten shpejt, depresioni dhe mbërrin dhe ikën pas një periudhë më të gjatë, me shumicën e trajtimeve që kërkojnë muaj për të filluar efektin.

Kjo e bën të vështirë vëzhgimin, nëse ndryshimet në gjendjen depresive mund të lidhen ose jo me rrahjet e zemrës. “Dy elementë të rinj në këtë studim, ishin regjistrimi i vazhdueshëm i rrahjeve të zemrës për disa ditë dhe netë, dhe përdorimi i ketaminës së re antidepresive, që mund të zhdukë depresionin pak a shumë në çast.

Kjo na dha mundësinë të shohim që rrahjet mesatare të zemrës në kushte qetësie, mund të ndryshojnë krejt papritur për të pasqyruar ndryshimin e humorit”- thotë Shivek. Ketamina ka një histori të gjatë si anestetik, por edhe si një drogë e përdorur nëpër festat e mbrëmjeve. Por në dhjetor të vitit të kaluar, ajo u licensua për të trajtuar depresionin në forma të rënda në Evropë, pasi ishte futur në përdorim në SHBA disa muaj më parë.

Barnat tradicionale kundër depresionit, mund të kërkojnë disa javë për të dhënë njëfarë efekti. Ndërkohë ketamina ka një veprim të shpejtë, me rezultate që shpesh shihen disa minutash. Siç thotë Karmen Shivek:”Ne e dinim se diçka po ndodhte midis rrahjeve të zemrës me çrregullimet psikiatrike, por nuk e dinim se çfarë ishte kjo lidhje, dhe nëse ajo do të ishte e natyrës klinike.

Në të kaluarën studiuesit kishin treguar që pacientët në depresion, kishin vazhdimisht ritme më të larta të rrahjeve të zemrës. Por për shkak të kohës që duhet për të trajtuar depresionin, kishte qenë e vështirë të ndiqej kjo lidhje. Por kur kuptuam që ketamina sjell një përmirësim të shpejtë të humorit, e kuptuam se mund ta përdorim atë për të kuptuar lidhjen midis depresionit dhe rrahjeve të zemrës”.

LEXO EDHE:  Shtatë arsyet pse duhet të nisni të mësoni një gjuhë të huaj

Dr.Shivek e kreu studimin me grupin “Mind Body Research” në Luven të Belgjikës, bashkë me dr.Stefan Klaes si studiuesin kryesor. Ekipi punoi me një grup të vogël prej 16 pacientësh me çrregullime të mëdha depresive, ku askush prej tyre nuk kishte pasur përmirësim  me kurat normale.

Ata matën rrahjet e zemrave të tyre për 4 ditë dhe 3 net, dhe më pas vullnetarëve me depresion iu dha ose trajtim me ketaminë ose një placebo. “Sikurse prisnim, ne zbuluam që ata me depresion kishin edhe rrahje zemre më të shpejta, dhe një ndryshim më të ulët të normës së tyre.

Mesatarisht, ne pamë që pacientët me depresion kishin të rrahura afërsisht 10 deri në 15 rrahje në minutë më të larta se sa gripi i kontrollit. Pas trajtimit me ketaminë, ne matëm sërish rrahjet e zemrës dhe zbuluam se si shkalla ashtu edhe luhatja e rrahjeve të zemrës së pacientëve në depresion, kishte ndryshuar për të qenë më afër normës”- tha ajo.

Gjetja më e habitshme, ishte që shkencëtarët ishin në gjendje t’i përdornin rrahjet e zemrës në 24-orë si një “biomarker” për depresionin. Ritmet e zemrës u matën duke përdorur një mini-EKG të maskuar. Të dhënat u dërguan në një program të Inteligjencës Artificiale, që ishte në gjendje të klasifikonte gati të gjitha testet dhe pacientët si në depresion, ashtu edhe të shëndetshëm.

“Normalisht rrahjet e zemrës janë më të larta gjatë ditës dhe më të ulëta gjatë natës. Interesant është fakti, që rënia e rrahjeve të zemrës gjatë natës është më e dobët në rastin e personave në depresion. Kjo duket të jetë një mënyrë për të identifikuar pacientët, që janë në rrezik të zhvillojnë depresion ose për t’iu rikthyer”- thotë Karmen Shivek./ atchnews.comPërshtatur nga CNA.al

Për të rejat më të fundit behuni pjesë e grupit tonë në facebook : City News Albania
KLIKO PER TE KOMENTUAR

Komentoni

Your email address will not be published. Required fields are marked *

Shëndeti

Skandali tek Trauma/ Shiten cigare brenda në spital

Publikuar

-

Nga

Skandali tek Trauma/ Shiten cigare brenda në spital

Çudirat në spitalet shqiptare duket se nuk kanë të sosur. Ndonëse duhet të jenë kryefjala e shëndetit, brenda ambienteve të Spitalit të Traumës, mund të blesh pa asnjë problem edhe cigare.

Nuk bëhet fjalë për shitës ambulant, që jemi mësuar të shohim rëndomë, teksa futen lirisht në dhomat e pacientëve, duke ofruar nga produktet ushqimore, tek ato kozmetike.



Në makinetat e vendosura në secilin repart të këtij spitali, mes pijeve dhe produkteve të tjera, shiten edhe cigare, ku mund të blejë kushdo.

LEXO EDHE:  Shtatë arsyet pse duhet të nisni të mësoni një gjuhë të huaj

LEXO EDHE:  Studimi/Prekja e partnerit ju lehtëson dhimbjet

CNA.al. sjell edhe disa foto që pasqyrojnë situatën në Spitalin Universitar të Traumës i cili përballon më shumë se 42 mijë urgjenca traumash në vit dhe mbi 6000 shtrime nga e gjithë Shqipëria./CNA.al

LEXO TE PLOTE

Shëndeti

Nisja e vitit të ri shkollor/ Ministria apel të fortë: Prindërit t’i masin çdo ditë temperaturën fëmijës

Publikuar

-

Nga

Ministria e Shëndetësisë miraton protokollet për testimet serologjike në spitale private

Duke marë shkas nga nisja e vitit të ri shkollor, ministria e Shëndetësisë ka bërë një apel të fortë për nxënësit, mësuesit dhe prindërit.

MInistria kërkon kontributin dhe bashkëpunimin e nxënësve, prindërve dhe mësuesve, për të zbatuar rregullat e vendosura dhe për të sinjalizuar në kohë cdo rast të dyshuar, për të frenuar përhapjen e COVID-19.

Ministria e Shëndetësisë i kërkon prindërve t’i masin çdo ditë temperaturën fëmijëve dhe të raportojnë çdo shqetësim të tyre, ndërsa mësuesve të jenë të kujdesshëm.



“Prindërit duhet t’i masin çdo ditë temperaturën fëmijës para se të niset për në shkollë. Për çdo shqetësim, mësuesit duhet të kontaktojnë koordinatorin e shkollës, i cili sinjalizon menjëherë strukturat shëndetësore. Ndërsa nxënësit, nëse gjatë qëndrimit në klasë kanë një shqetësim nga ana shëndetësore, të lajmërojnë menjëherë mësuesin e tyre.

LEXO EDHE:  Sa gjatë mund të jetojnë njerëzit?

LEXO EDHE:  “82.2% ndjekës falsë - 85.6 % votues false”/ Ish deputeti masakron Veliajn

Të gjitha institucionet arsimore që sot kanë filluar mësimin duhet të zbatojnë me rigorozitet Udhëzimin mbi masat anti-COVID19 me qëllim parandalimin e përhapjes së virusit CARSCOV2.

Strukturat e sistemit shëndetësor janë në gatishmëri për t’ju përgjigjur çdo problematike, si dhe për të identifikuar dhe izoluar në kohë çdo rast të dyshuar”, thuhet në deklaratë./ CNA.al

LEXO TE PLOTE

Shëndeti

Mbeten të larta shifrat e të infektuarve/ Shënohen katër viktima në 24 orë

Publikuar

-

Nga

Mbeten të larta shifrat e të infektuarve/ Shënohen katër viktima në 24 orë

167 raste të reja janë regjistruar në 24 orët e fundit në vendin tonë nga Covid-19.

Ministria e Shëndetësisë bën me dije se gjithashtu kanë humbur jetën 4 persona.

Raportohet se kanë humbur betejën me COVID19 një 59 vjeçar dhe një 78 vjeçar nga Tirana, një 71 vjeçare nga Shkodra dhe një 76 vjeçar nga Lezha.

Ministria e Shëndetësisë dhe Mbrojtjes Sociale u shpreh ngushëllimet familjarëve.

Ju informojmë për situatën epidemiologjike në vend për 24 orët e fundit:

Nga 862 testime të kryera janë identifikuar 167 të prekur me virusin SARS COV2, ndërsa 46 qytetarë rezultojnë të shëruar.

Të prekurit e 24 orëve të fundit janë identifikuar në këto qytete:

88 raste në Tiranë, 11 në Durrës, 9 ne Lëzhë, 8 në Elbasan, nga 7 raste Korçë, Fushë-Arrëz, 6 në Krujë, 5 në Vlorë, nga 4 raste Shkodër, Berat, 3 në Gramsh, nga 2 raste në Librazhd, Tepelenë, Bulqizë, Kuçovë, nga 1 rast në Kurbin, Mirditë, Kamëz, Gjirokastër, Dibër, Malësi e Madhe, Memaliaj.



Edhe një herë ju bëjmë thirrje për të mos e ulur vigjilencën.

LEXO EDHE:  “82.2% ndjekës falsë – 85.6 % votues false”/ Ish deputeti masakron Veliajn

LEXO EDHE:  Sa gjatë mund të jetojnë njerëzit?

Respektoni distancimin fizik

Vendoseni maskën

Kujdesuni për higjienën vetjake dhe kolektive.

Kur dyshoni se jeni i prekur, telefononi urgjencën kombëtare 127 dhe qëndroni në kontakt me mjekun e familjes. Në linjën e gjelbër 0800 40 40 mund të merrni informacionet e duhura rreth COVID19.

COVID-19 – Statistika (14 Shtator 2020)
Testime totale 74766
Raste pozitive 11520
Raste të shëruara 6615
Raste Aktive 4567
Humbje jete 338 (Qarku Tiranë 161, Durrës 45, Shkodër 39, Elbasan 21, Fier 17, Korçë 15, Lezhë 13, Kukës 8, Dibër 7, Vlorë 6, Gjirokastër 4, Berat 2).

Shpërndarja gjeografike e rasteve aktive sipas qarqeve:
Tiranë 2317
Durrës 516
Shkodër 357
Lezhë 268
Elbasan 232
Korçë 209
Fier 185
Vlorë 163
Kukës 140
Berat 84
Dibër 49
Gjirokastër 47/ CNA.al

LEXO TE PLOTE