Connect with Us

Shumë zhurmë, por asgjë/ Marash Kumbulla mbetet përfundimisht te Verona

Kombëtare

Shumë zhurmë, por asgjë/ Marash Kumbulla mbetet përfundimisht te Verona

Publikuar

-

Mbrojtësi shqiptar, Marash Kumbulla, duket se nuk do të largohet as këtë sezon nga skuadra e Hellas Verona. 19-vjeçari bëri ndeshje shumë të mira për ekipin e Serie A sezonin e shkuar, duke tërhequr shumë interes.

Inter, Lazio, Milan dhe së fundmi Roma, ishin skuadrat e interesuara për kartonin e futbollistit kuqezi. Pasi tre ekipet e para dolën nga gara, shpresa ishte te skuadra kryeqytetase e Romës, por dhe verdhekuqtë duket se janë dorëzuar.

Siç raporton John Solano, drejtuesit e Romës kanë ndaluar tratativat dhe nuk do të synojnë më për firmën e Kumbullës. Përfundimisht, shqiptari duket se do të qëndrojë të paktën dhe një sezon te skuadra e Hellas Verona.

Për të rejat më të fundit behuni pjesë e grupit tonë në facebook : City News Albania
KLIKO PER TE KOMENTUAR

Komentoni

Your email address will not be published. Required fields are marked *

Kombëtare

Kaos dhe rekord në klubin e mbrojtësit të Kombëtares shqiptare, 29 të infektuar me Covid-19

Publikuar

-

Nga

Raste të reja me koronavirus te Reggiana, skuadra e Serie B ku aktivizohet Arlind Ajeti. Ditën e sotme janë regjistruar dy lojtarë të tjerë pozitiv me Covid-19.

Kaos dhe situatë negative në klubin italian, aty ku numri i të infektuarve ka shkuar në 29, nga të cilët 22 janë futbollistë dhe 7 të tjerët anëtarë të stafit teknik.

Ndeshja e fundjavës kundër Cittadellas së Kastratit u shty dhe me shumë mundësi e njëjta gjë do të ndodhë edhe me duelin e 31 tetorit kundër Salernitanës.

LEXO TE PLOTE

Kombëtare

Rrëfimi i Besnik Hasit: Tare si Kompany i Shqipërisë, më tha zgjidh Shqipërinë dhe jo Kosovën

Publikuar

-

Nga

Në mbrëmjen e nesërme Lacio do të ketë një udhëtim në transfertë në “Champions League” për t’u përballur kundër Club Brugge. Një kundërshtar që nuk mund të quhet i panjohur për ekipin e Serisë A, ose më saktësisht për Igli Taren. Ky i fundit shquhet për gjetjet e tij në tokën belge, atje ku njeh thuajse të gjithë talentet.

Shumë prej goditjeve në merkato dhe vlerësimeve që ka marrë në Itali kanë qenë pikërisht prej futbollistëve të gjetur në Belgjikë. Por nga vjen kjo histori dashurie? Në këtë mes futet Besnik Hasi. Ky i fundit i ka sugjeruar në fillim Lucas Biglian drejtorit sportiv të Lacios, që asokohe nuk ishte shumë i bindur për futbollin në Belgjikë.

Ndërkohë në një tregim të fundit që ka dhënë për “Niewsblad”, Hasi ka bërë edhe një rrëfim të rrallë për marëdhënien me Igli Taren. Gjithashtu përmendet edhe pjesa se do të ishte pikërisht Igli që do ta bindte për të zgjedhur Shqipërinë, ndërsa Hasi nuk ka ngurruar që ta cilësojë si Kompany i Kombëtares. Kjo për shkakun se Vincent do të bënte te Anderlehti rolin e lojtarit dhe të trajnerit.

“Që kur i kam rekomanduar Biglian drejtorit sportiv të Lacios, Tares, e ka ndjekur futbollin në Belgjikë me Interes të madh. E kam telefonuar Iglin në kohën kur Biglia ishte te Anderlehti. Tare nuk ishte i çmendur pas kampionatit tonë, por unë e binda që të vinte në ndeshjen Anderleht-Club Brugge. I kam thënë se i vendos duart në zjarr për Biglian. Donte që të shkonte në Botëror me Argjentinën dhe duhej ta merrte.

Igli është si një vëlla për mua. Në kohën e tij si lojtar ishte Kompany i Shqipërisë. Pra nuk ishte vetëm lojtari i Shqipërisë, por merrej edhe me organizimin e Kombëtares. Igli Tare më ka telefonuar mua personalisht dhe më tha që të mos luaja për Kosovën, por për Shqipërinë. Vetëm për shkak të kësaj zgjedhje kam bërë karrierë te Genk dhe Anderleht. I jam falënderues Iglit”, u shpreh Hasi.

LEXO TE PLOTE

Kombëtare

E ardhmja e Hysajt, befason agjenti i shqiptarit: Pas 3 muajsh do të nënshkruaj me…

Publikuar

-

Nga

Rinovimi i Elseid Hysajt, është kthyer në një “telenovelë”. Pavarësisht se nën drejtimin e Gatuzos, kapiteni i Kombëtares shqiptare ka filluar të luajë rregullisht duke gëzuar një formë të mirë, qëndrimi tek të kaltërit nuk është i garantuar.

Në një prononcim për “Radio Punto Nuovo”, agjenti i Hysajt, Mario Xhufredi, ka folur në lidhje me të ardhmen e shqiptarit, teksa nuk ka nguruar të kërcënojë drejtuesit e Napolit, se nëse nuk i bëjnë ofertën e duhur mbrojtësit, ai do të largohet.

“Napoli ka tre mbrojtës dhe është e vështirë të gjesh më mirë. Hysaj, që kur arriti Gatuzo, po bën shumë mirë. Vetëm me Ançelotin kishte një regres. Rinovimi? Nuk varet nga rinovimi i Gatuzos. Unë kam vrapuar pas Napolit për rinovimin e Hysajt prej dy vitesh.

Nëse atij do i bëhet propozimi i duhur, do të qëndrojë. Përndryshe pas tre muajsh Hysaj mund të nënshkruajë me cilin klub të dëshirojë. Ai nuk duhet të qëndrojë vetëm nëse Gatuzo qëndron, Napoli duhet të besojë te Hysaj. Lojtari dhe unë duam të presim një moment”, u shpreh Xhufredi.

LEXO TE PLOTE