Connect with Us

Mbeten të larta shifrat e të infektuarve/ Shënohen katër viktima në 24 orë

Shëndeti

Mbeten të larta shifrat e të infektuarve/ Shënohen katër viktima në 24 orë

Publikuar

-

Mbeten të larta shifrat e të infektuarve/ Shënohen katër viktima në 24 orë

167 raste të reja janë regjistruar në 24 orët e fundit në vendin tonë nga Covid-19.

Ministria e Shëndetësisë bën me dije se gjithashtu kanë humbur jetën 4 persona.

Raportohet se kanë humbur betejën me COVID19 një 59 vjeçar dhe një 78 vjeçar nga Tirana, një 71 vjeçare nga Shkodra dhe një 76 vjeçar nga Lezha.

Ministria e Shëndetësisë dhe Mbrojtjes Sociale u shpreh ngushëllimet familjarëve.

Ju informojmë për situatën epidemiologjike në vend për 24 orët e fundit:

Nga 862 testime të kryera janë identifikuar 167 të prekur me virusin SARS COV2, ndërsa 46 qytetarë rezultojnë të shëruar.

Të prekurit e 24 orëve të fundit janë identifikuar në këto qytete:

88 raste në Tiranë, 11 në Durrës, 9 ne Lëzhë, 8 në Elbasan, nga 7 raste Korçë, Fushë-Arrëz, 6 në Krujë, 5 në Vlorë, nga 4 raste Shkodër, Berat, 3 në Gramsh, nga 2 raste në Librazhd, Tepelenë, Bulqizë, Kuçovë, nga 1 rast në Kurbin, Mirditë, Kamëz, Gjirokastër, Dibër, Malësi e Madhe, Memaliaj.

Edhe një herë ju bëjmë thirrje për të mos e ulur vigjilencën.

LEXO EDHE:  Skenari italian kërcënon Shqipërinë?/ Të ndalim me çdo kusht kërdinë nga COVID-19

Respektoni distancimin fizik

Vendoseni maskën

Kujdesuni për higjienën vetjake dhe kolektive.

Kur dyshoni se jeni i prekur, telefononi urgjencën kombëtare 127 dhe qëndroni në kontakt me mjekun e familjes. Në linjën e gjelbër 0800 40 40 mund të merrni informacionet e duhura rreth COVID19.

COVID-19 – Statistika (14 Shtator 2020)
Testime totale 74766
Raste pozitive 11520
Raste të shëruara 6615
Raste Aktive 4567
Humbje jete 338 (Qarku Tiranë 161, Durrës 45, Shkodër 39, Elbasan 21, Fier 17, Korçë 15, Lezhë 13, Kukës 8, Dibër 7, Vlorë 6, Gjirokastër 4, Berat 2).

Shpërndarja gjeografike e rasteve aktive sipas qarqeve:
Tiranë 2317
Durrës 516
Shkodër 357
Lezhë 268
Elbasan 232
Korçë 209
Fier 185
Vlorë 163
Kukës 140
Berat 84
Dibër 49
Gjirokastër 47/ CNA.al

Për të rejat më të fundit behuni pjesë e grupit tonë në facebook : City News Albania
KLIKO PER TE KOMENTUAR

Komentoni

Your email address will not be published. Required fields are marked *

Shëndeti

OBSH: 3 milionë raste të reja me COVID-19 në një javë

Publikuar

-

Nga

OBSH: 3 milionë raste të reja me COVID-19 në një javë

Organizata Botërore e Shëndetësisë tha se një numër rekord prej 2.8 milionë rastesh të reja me COVID-19 janë raportuar në mbarë botën gjatë shtatë ditëve të fundit, duke përfshirë 40,000 vdekje të reja.

Agjencia shëndetësore e OKB thotë se Evropa ka përqindjen më të madhe të rasteve të reja të njoftuara për të dytën javë radhazi me më shumë se 1.3 milionë raste, një rritje prej 33% krahasuar me javën e mëparshme.

Shifrat tregojnë gjithashtu se rastet janë po ashtu në rritje në Amerikë, rajonin e Mesdheut Lindor dhe atë afrikan, ndërsa rënie vazhdon të raportohet në Azinë Juglindore. Rajoni i Paqësorit Perëndimor gjithashtu tregoi një rënie të lehtë të rasteve të reja dhe vdekjeve gjatë periudhës shtatë ditore.

OBSH-ja tha se vendet që raportuan numrin më të lartë të rasteve gjatë javës së kaluar janë India, Shtetet e Bashkuara, Franca, Brazili dhe Britania – të njëjtat vende si tre javë më parë.

Virusi ka prekur madje operacionet në selinë qëndrore të OKB-së në Nju Jork. Presidenti i Asamblesë së Përgjithshme Volkan Bozkir anuloi të gjitha takimet fizike të martën pasi pesë punonjës të misionit të Nigerit në organizatën botërore u testuan pozitivë për COVID-19.

Sipas të dhënave të përpiluara nga qendra Johns Hopkins, Shtetet e Bashkuara kanë raportuar një rekord prej 502,828 rastesh të reja me COVID-19 gjatë javës së kaluar. Rekordi i mëparshëm prej 481,519 raste të reja ishte regjistruar për javën që përfundoi më 24 tetor.

Një rajon që ka patur një numër të lartë të rasteve të reja COVID-19 në SHBA është ai qëndrës perendimore, veçanërisht shteti i Illinoit, ku guvernatori J.B. Pritzker ka vendosur një raund të ri kufizimesh, veçanërisht në Çikago, qyteti i tretë më i madh i vendit. Guvernatori njoftoi të martën një ndalim të të gjitha shërbimeve brenda në bare dhe restorante duke filluar nga e premtja në mesnatë.

LEXO EDHE:  Coronavirusi dhe shërbimet sekrete

LEXO EDHE:  “Nuk do rrezikojmë gjithçka që kemi arritur”/ Rama njofton rregulla të reja

Kryetari i bashkisë në Denver të Kolorados, Michael Hancock ka urdhëruar restorantet dhe bizneset e tjera të kufizojnë numrin e klientëve nga 50% në 25%, pasi kryeqyteti i këtij shteti raportoi një rekord ditor me 327 raste të reja të koronavirusit të dielën.

Shtetet e Bashkuara udhëheqin botën me më shumë se 8.7 milionë raste të COVID-19, dhe gati 226.700 vdekje.

Në përpjekje për të zhvilluar një vaksinë të re të koronavirusit, kompania farmaceutike amerikane Pfizer tha se provat e saj me vaksinën eksperimentale, që po zhvillon me kompaninë BioNTech të Gjermanisë, që janë në fazën përfundimtare, nuk kanë arritur një rezultat domethënës, duke e bërë të pamundur që ajo të hidhet në treg përpara zgjedhjeve presidenciale të 3 nëntorit.

Kompania tha se ka patur më pak se 32 infeksione me COVID-19 mes 44,000 vullnetarëve të saj, një pikë referimi e nevojshme për të përcaktuar nëse vaksina është e sigurt dhe e efektshme./ VOA

LEXO TE PLOTE

Shëndeti

“Rrezik i madh”/ Ekspertët japin alarmin për maskat, duhen 450 vjet që të dekompozohen

Publikuar

-

Nga

“Rrezik i madh”/ Ekspertët japin alarmin për maskat, duhen 450 vjet që të…

Ekspertët kanë dhë alarmin për maskat dhe efektet e rënda që japin pasi hidhen në ambjentet e jashtme, pasi ato shkaktojnë dëme kolosale. Kjo për arsyen se këto pajisje sanitare marrin deri në 450 vjet për t’u dekompozuar.

Vlerësimi vjen nga Departamenti për Mjedisin Detar të Shërbimit Federal të Shëndetit Publik Federal në Belgjikë, i cili nisi një fushatë ndërgjegjësimi për të inkurajuar qytetarët të hedhin maskën në një kazan plehrash, ose të përdorin një maskë e ri përdorshme.

Autoritetet kanë alarmuar se gjatë krizës së pandemisë së koronavirusit, gjithnjë e më shumë maska, doreza dhe shishe me xhel hidro-alkoolik shtohen në 8 milion tonë mbetje plastike që përfundojnë në det çdo vit. Kafshët detare mund të ngatërrohen në maska ??ose t’i ngatërrojnë me kandil deti duke i gëlltitur ato.

LEXO EDHE:  Coronavirusi dhe shërbimet sekrete

LEXO EDHE:  Mbi 1.5 milion persona të prekur nga koronavirusi/ Pothuajse 90,000 jetë të humbura në gjithë botën

Ekspertët belg na kujtojnë se këto lloj mbetjesh mund të sjellin një rrezik të madh nëse kalojnë nga gjallesat e pastaj në trupin tonë./CNA.al

LEXO TE PLOTE

Shëndeti

Koronavirusi/ Sa kohë pas infeksionit vazhdon njeriu të jetë imun?

Publikuar

-

Nga

Në studim i ri, i bërë në shkallë të gjerë në Britaninë e Madhe tregon se pas infektimit me COVID-19 imuniteti bie shumë më shpejt se sa mendohej, sidomos tek të moshuarit. Verifikimi i fakteve na tregon çfarë dimë.

“Unë jam imun”, tha Donald Trump kur u kthye në fushatën elektorale pasi kapërceu sëmundjen me COVID-19 dhe i tha publikut se do donte më mirë që ta puthte. Personi më i rëndësishëm në botë që u i infektua me Corona në fund nuk i puthi fare njerëzit në publik, dhe bëri mirë që nuk i puthi. Sepse sipas studimeve aktuale nuk dihet faktikisht nëse presidenti është imun apo jo.

Çështja e imunitetit e ka shoqëruar pandeminë e Coronës që në orët e para. Duke pasur parasysh rritjen e madhe të numrit të infeksioneve në Europë, Amerikën Veriore dhe Amerikën Jugore, çështja e imunitetit është shumë e rëndësishme. Një studim i ri ka ulur shpresat për ekzistencën e imunitetit natyror, pa vaksinë. Studiues të Imperial College London kanë bërë analizat e 365.000 vetëve në Angli dhe kanë gjetur shenja se imuniteti bie me kalimin e kohës. Çfarë dihet deri tani shiheni në verifikimin e fakteve nga DW:

Sa kohë mbetet njeriu imun mbas sëmundjes me COVID-19?

Kjo varet nga shumë faktorë. Për shembull nga mosha, siç thotë një studim i bërë nga Imperial College në Londër: Tek njerëzit me moshë më të madhe se 75 vjeç është vënë re kthim më i shpejtë i antitrupave të krijuar se sa tek më të rinjtë. Po ashtu krijimi i antitrupave varet nga grada e sëmundjes së kaluar. Për çudi numri i antitrupave ra më pak tek punonjësit e sistemit të shëndetësisë, gjë që tregon për përsëritje të infektimit ose ekspozim më të madh ndaj virusit të Coronës, thonë studiuesit. Pra imuniteti zgjat disa javë ose disa muaj, kjo varet nga personi që infektohet.

Në një studim tjetër të Harvard Medical School dhe të Universitetit të Torontos studiuesit nxorrën se sasia e madhe e antitrupave zgjaste dy deri katër javë pas infektimit, pastaj fillonte të binte. Niveli i antitrupave ka mbetur katër muaj i lartë, prandaj “ka shumë mundësi që në këtë periudhë njeriu të jetë i mbrojtur”, thotë drejtuesja e studimit, Richelle Charles. Por as ky studim nuk është dëshmi faktike për mbrojtjen. Pyetja për qëndrueshmërinë e imunitetit kundrejt virusit të ri të Coronës, mbetet fillimisht pa përgjigje.

Pse ka deklarata të ndryshme për imunitetin?

Kjo ka të bëjë me llojin e analizave, periudhën ose madhësinë e studimit. Kështu për shembull, studiuesit kanë nxjerrë në studime të ndryshme të bëra në Nju Jork se 20 përqind e popullsisë së cilës i janë bërë analizat ka pasur antitrupa, më Heinsberg të Gjermanisë kanë gjetur antitrupa tek 15 përqind dhe në pikën turistike austriake të skive, Ischgl, antitrupa ka pasur 40 përqind e të analizuarve. Të tre këto vende kanë qenë pika të nxehta gjatë valës së parë të Coronës, por vlerat e matura atje kanë qenë të ndryshme. Në Kinë, ku virusi u verifikua fillimisht, mjekët kanë gjetur në një studim të vogël, se njerëzit që kanë kaluar infektimin me Corona pa pasur simptoma, nuk kanë pasur më antitrupa në gjak pas dy muajsh. Kurse në SHBA, shkencëtarët e Universitetit të Arizonës kanë qenë më të sigurt. Duke analizuar 6 000 vetë ata kanë parë dëshmi “se imuniteti mbetet stabil të paktën pesë muaj rresht”, siç deklaron imunobiologia, Deepta Bhattacharya.

LEXO EDHE:  Basha bën thirrjen urgjente/ Të veprohet pa asnjë vonesë, pasojat do jenë të rënda

LEXO EDHE:  Rëndohet situata në burgun e Drenovës/ Shkon në 10 numri i të infektuarve me Covid

Dhe tani studiuesit e Imperial College kanë parë se nga fillimi i qershorit deri në fund të shtatorit pjesa e popullsisë që ka pasur antitrupa ka rënë nga 6 në 4,4 përqind. Kjo flet për zgjatje më të vogël të imunitetit. Por edhe verifikimi i antitrupave në gjak është gjë e vështirë. Rezultatet e studimit janë të ndryshme, edhe sepse disa studime kanë qenë deri tani në gjendje fillestare dhe nuk kanë kaluar procesin e kontrollit shkencor (edhe studimi i bërë nga Imperial College në Londër). Në fund të fundit çështja e imunitetit nuk është studiuar sa duhet. Këtë e pohojnë shumë studiues.

A duhet të vazhdojë masat mbrojtëse ai që ka kaluar sëmundjen me COVID-19?

Po, duhet. Nga pikëpamja ligjore nuk bëhen dallime midis njerëzve para ose pas sëmundjes me COVID-19. Masat mbrojtëse që janë të ndryshme nga vendi në vend, dhe në Gjermani edhe nga rajoni në rajon vlejnë për të gjithë njerëzit dhe janë pjesërisht të lidhura me dënime të mëdha. Nga pikëpamja mjekësore njerëzit duhet të respektojnë rregullat e mbrojtjes edhe pasi kanë kaluar sëmundjen me COVID-19. Sepse, e para nuk dihet sa zgjat imuniteti dhe e dyta, dihet se ka pasur disa raste të reinfektimit. “Edhe nëse një analizë e bërë tregon për antitrupa, personi duhet të vazhdojë të respektojë masat e sigurisë kombëtare si për shembull ruajtjen e distancës, mbajtjen e maskës dhe bërjen e analizave kur shfaqen simptomat,” thotë Paul Elliot, Drejtor i Imperial College në Londër.

A ka njerëz që nuk kanë imunitet pasi kanë kaluar sëmundjen me COVID-19?

Për këtë nuk ka dëshmi. Në një studim amerikan të bërë mes ushtarëve të marinës, 41 përqind e personave të cilëve iu bënë analizat nuk kanë pasur në gjak antitrupa të neutralizuar. Në një studim kinez të Universitetit Fudan në Shangai, 6 përqind e personave nuk kanë pasur antitrupa të neutralizuar në gjak. Kjo do të thotë se nuk është e sigurt nëse krijon apo jo imunitet çdo njeri, që infektohet me virusin e ri të Coronës. Instituti gjerman Robert-Koch thotë në përshkrimin e karakteristikave aktuale të virusit të Coronës, se sipas gjendjes aktuale të studimeve vazhdon të jetë e pasigurt, “sa i rregullt, sa i madh dhe sa i gjatë është imuniteti”./DW

LEXO TE PLOTE