LEXO PA REKLAMA!

SHKARKO APP

Sa njerëz gjithsej kanë banuar në Tokë?

13 Shtator 2020, 06:50, Blog CNA
Sa njerëz gjithsej kanë banuar në Tokë?

Në kohën e këtij shkrimi, faqja ?worldometer? e statistikave globale raporton se bota popullohet sot nga 7 miliardë e 810 milionë e 676 mijë njerëz. Një shifër që është pak a shumë, sa 7.5 për qind e të gjithë njerëzve që kanë jetuar në Tokë, sipas vlerësimeve të Population Reference Bureau (PRB), Zyra e Referencës së Popullsisë, dhe të demografit
Karl Haub, që në vitin 1995 botoi studimin ?Sa njerëzit kanë jetuar ndonjëherë në Tokë?, i përditësuar në vitet 2002, 2011, 2018 dhe në 2020. PRB vlerëson se Toka është banuar gjithsej nga 108 miliardë njerëz. Llogaritja bazohet në premisa dhe supozime komplekse, dhe përfshin një afat kohor që fillon nga vitit 50.000 Para Erës Sonë (kur në mënyrë arbitrare studimi vendosi se u shfaq Homo Sapiens) dhe deri më sot, me parashikimet deri në vitin 2050 bazuar në prirjen e rritjes së popullsisë globale, jetëgjatësisë, dhe parametrave të tjerë të marrë nga studimet demografike të Organizatës së Kombeve të Bashkuara.

Shpejtësia e dyfishimit

Në vitin 1000 popullsia e botës ishte 400 milionë njerëz:750 vjet më vonë, ajo ishte dyfishuar, pra në 800 milionë banorë. Në vitin 1804, vit në të cilin Napoleon Bonaparti u shpall perandor i Francës, bota kishte 1 miliardë njerëz.
Një dyfishim tjetër (në 2 miliardë banorë) u regjistrua në vitin 1927, pra 123 vjet më vonë. Bota arriti popullsinë 3 miliardë banorë rreth vitit 1960. Por pastaj u deshën vetëm 40 vjet që popullata (në vitin 2000) të dyfishohej, duke arritur 6 miliardë banorë.

Në parathënien e botimit të parë të vitit 1995, është i njëjti Karl Haub, ai që shkruan se studimi mund të jetë vetëm gjysmë-shkencor, pasi nuk ka të dhëna demografike për gati 99 për qind të kohës kur Toka është populluar nga gjinia Homo, nga të cilët ne njerëzit, Homo Sapiens jemi specia e vetme e mbijetuar. Kështu, duke u nisur nga një numër shumë të çuditshëm prej vetëm ?2? Sapiensë në vitin 50.000 Para Erës Sonë, për një seri periudhash historike janë përdorur norma lindshmërie të përpunuara sipas rregullave të ndryshme. Për të filluar nga viti 8000 Para Krishtit deri në vitin e parë Pas Krishtit, është përdorur një vlerë prej 80 lindjesh për 1.000 banorë në vit, duke përfunduar në minimumin e të gjitha kohërave me 19 lindje për 1.000 banorë në vitin 2019, me vlerësimet që janë në rënie deri
në vitin 2050.

Milionat e milionave

Duke marrë parasysh vetëm shkallën progresive, sipas vlerësimeve të Haub në vitin 2002 Toka ishte e banuar gjithsej – gjatë gjithë historisë së njeriut – nga rreth 106 miliardë njerëz. Studimet e fundit statistikore, vërtetojnë vlerësimet dhe përditësimet fillestare të Haub.

Po në të ardhmen?

Edhe për mekanizmat e thjeshtë të inercisë, popullsia botërore është e destinuar të rritet të paktën deri në vitin 2050. Kjo është për shkak se pavarësisht një rënie të përgjithësuar të nivelit të lindshmërisë, ende sot Toka shtohet me 80-100 milionë të sapolindur në vit. Dhe me këtë ritëm rritjeje, sipas një raporti të Organizatës së Kombeve të Bashkuara,
në vitin 2050 planeti mund të banohet nga 10 miliardë njerëz. Por kjo tendencë nuk do të zgjasë:rritja e popullsisë botërore do të ndalet, dhe deri në vitin 2100 niveli i lindshmërisë do të bjerë pothuajse kudo, nën nivelin e zëvendësimit të humbjeve nga vdekjet.

Lajmet e fundit nga