LEXO PA REKLAMA!

SHKARKO APP

Përtej shkencës, vaksina e Covid-19 është një çështje besimi

13 Shtator 2020, 07:10, Blog CNA
Përtej shkencës, vaksina e Covid-19 është një

Nga Etienne Lefebvre ?Les Echos?

Ajo që ndodhi ishte një zbritje e hidhur me këmbë në tokë. Të gjithë e dëgjuam lajmin, se janë pezulluar testet klinike që po kryheshin nga kompania e mirënjohur farmaceutike ?AstraZeneca?, në kuadër të përpjekjeve për të gjetur një vaksinë kundër Covid-19.

Incidenti, krejtësisht i zakonshëm në botën shkencore, ka shkaktuar shqetësim dhe dëshpërim në mbarë botën, pasi shumëkush shpresonte për gjetjen e shpejtë të një kure, që do të mund të vërë nën kontroll koronavirusin e ri.
Gara drejt gjetjes së vaksinës së duhur, do të ndjekë një trajektore të vështirë. Shkalla e madhe e burimeve që janë angazhuar në të gjithë botën për këtë qëllim, mund të ofrojë shpresë. Për shembull, Bashkimi Evropian, sapo ka përgatitur ofertën për porosinë e gjashtë për vaksinat e pritshme anti-Covid.

Por tani për tani, asgjë nuk është zgjidhur, as për efektivitetin e trajtimeve, dhe as për afatet e kërkuara. Prandaj, do të na duhet të vazhdojmë edhe për disa muaj të përballemi me këtë pandemi pa pasur asnjë kurë në dispozicion.
Dhe do të detyrohemi të marrim vendime në lidhje me shëndetin tonë, sikur të mos ketë një vaksinë të afërt kundër koronavirusit. Dhe gjatë kësaj kohe të pasigurisë globale, ekziston një rrezik i madh i një rritje të re të polemikave shkencore, pas atyre në lidhje me efikasitetin e maskave ose hidroksiklorokinës .

Këto polemika do të nxiten nga vetë shtetet. Presidenti rus Vladimir Putin, e ka nisur këtë lloj loje, duke e shndërruar në një armë politike projektin rus për vaksinën kundër virusit të rrezikshëm që është përhapur në mbarë botën.
Pekini është pozicionuar si në një pritë, ndërsa Donald Trump po ndjek me vëmendje presidentin rus, duke ushtruar një presion të madh mbi autoritetet shëndetësore amerikane, në mënyrë që një vaksinë të miratohet para zgjedhjeve presidenciale të nëntorit. E gjitha kjo me rrezikun e promovimit të vaksinave me një efikasitet të kufizuar.

Një dukuri e rrallë:në një deklaratë të përbashkët, krerët e nëntë kompanive të mëdha farmaceutike ,sapo kanë ngritur alarmin në lidhje me çdo aprovim të nxituar të një vaksine të re kundër Covid-19. Dhe e gjithë kjo, nuk do të ndihmojë në rikthimin e besimit tashmë në rënie të popullatës tek vaksina. Ndryshimi i opinionit mbi të është shqetësues edhe përtej Atlantikut, sidomos në Francë. Sondazhet e fundit, tregojnë se francezët renditen në mesin e popullatave në botë që ngurrojnë të vaksinohen kundër Covid-19, nëse një trajtim i tillë do të ishte në dispozicion.

Dhe ky është një turp për një vend që historikisht ka qenë në krye të kërkimit shkencor. Bindja e gjithë popullatës për t?u vaksinuar, nuk do të jetë prioriteti numër një. Për shkak të kohës dhe disponueshmërisë së kufizuar, do të jetë e nevojshme të fillohet me vaksinimin e njerëzve që vlerësohen si më ?të rrezikuar?:punonjësit në sektorin e shëndetësisë, të moshuarit, njerëzit që vuajnë nga patologji të caktuara, etj. Por edhe midis këtyre grupeve, mosbesimi është shumë i përhapur, siç e tregon shkalla e ulët e vaksinimeve të gripit në mesin e personelit infermieror në spitale dhe azilet e pleqve. Në fakt, fushata e vaksinimit kundër gripit që po fillon tani, do të shërbejë kësisoj si një sprovë, pasi Franca ka urdhëruar një numër më të madh dozash vaksine, me synim kufizimin e numrit të atyre që do të preken këtë vjeshtë dhe dimër nga gripi, për të shmangur mbingarkesën në sistemin e saj shëndetësor.

Çdo nismë që i lehtëson këto fushata – si vaksinimi nga farmacistët, që po jep rezultate të mira – do të jetë i mirëpritur. Ashtu si respektimi i distancimit social, edhe vaksinimi nuk është vetëm një akt i mbrojtjes individuale, por një veprim që sjell përfitime edhe më të mëdha kolektive./Përshtatur nga CNA.al

Lajmet e fundit nga