Connect with Us

Priten dëshmi tronditëse/ Kur do flasin biznesmenët që u bëri presion Basha?

Politikë

Priten dëshmi tronditëse/ Kur do flasin biznesmenët që u bëri presion Basha?

Publikuar

-

“Luftë” replikash/ Basha i përgjigjet sërish Ramës: Gënjen për të larguar vëmendjen nga situata

Kryetari i Republikës së re, Lulzim Basha në pothuajse çdo dalje të tij mediatike, kryefjalë të tij ka të ashtuquajturit “oligarkë”. Megjithëse ata në Shqipëri nuk ekzistojnë, por quhen biznesmenë të mëdhenj. Se është tjetër të jesh oligark dhe tjetër biznesmen.

Por, faktet kanë treguar se Lulzim Basha është pikërisht personi i cili ditën i sulmon, ndërsa natën “fle” me oligarkët.

Tre fiksimet e Luli Bashës/ Nga blerës likesh në vizash dhe vilash
                            Vila në Long Hill

Lulzim Basha kohë më parë, sulmoi në mënyrë të përsëritur biznesmenin Agron Papuli. Më pas ra heshtje, dhe ai u harrua. Dhe fare “rastësisht” Lulzim Basha në tetor 2019, u zhvendos në vilat e oligarkut Papuli, në rezidencën “Long Hill” në Tiranë. Dhe këtë e justifikoi me pretendimin se apartamenti i tij pranë stadiumit “Qemal Stafa” kishte pësuar dëmtime pas tërmetit të shtatorit 2019.

Në fakt nga Bashkia e Tiranës thuhet se nuk ka pasur asnjë raportim për dëmtime të apartamentit në fjalë, dhe tani që gati po bëhet një vit, Basha vijon të jetojë i qetë në vilat luksoze në Long Hill, ku sigurisht të pandarë ka dhe kunatin e tij.

Nga ana tjetër kujtojmë këtu sulmet e vazhdueshme ndaj Shefqet Kastratit. Akuzat në lidhje me koncesionin Kastrati-Salillari, të Rrugës së Kombit.

   Protesta tek Rruga e Kombit

Basha betohet e stërbetohej se nuk do të lejonte vendosjen e traut. Por, i tradhëtoi djemtë kuksianë, të cilët përfunduan burgjeve dhe nuk tha asnjë fjalë ditën që u vendos trau.

Por, sërish kemi një tjetër “rastësi me Lulzim Bashën. Kunati mori zyrat te koncesionari i Rrugës së Kombit, gjë që në fakt tregon edhe pse heshti Basha.

Shkojmë më tej tek një tjetër biznesmen, të cilit Basha ka frikë tia përmendë as emrin

CNA.al, ka raportuar më parë se në resortin luksoz “Valamar” të Samir Manes në Gjirin e Lalzit, është parë të zbarkojë dhe qëndrojë në një vilë luksoze Lulzim Basha.

Po ashtu, CNA.al ka publikuar me fakte dhe detaje, faturat me emrat konkretë, se kush janë personat kryesorë të cilët kryejnë punime dhe iu priten fatura nga Landmark Communitacion, kompania e kunatit, për ta kuptuar lidhjen e Lulzim Bashës me “oligarkët”, nëpërmjet familjarëve të tij. (Lexo këtu)

Dëshmitë tronditëse, kur do të flasin këta biznesmenë?

Faktet që përmendëm më sipër të çojnë në dyshime të forta, se Lulzim Basha është një gjobaxhi ndaj biznesit. Por, tani lind pyetja a do të flasin biznesmenët, të cilëve iu ka bërë presion?

LEXO EDHE:  Ftesa për bashkëpunim/ Basha: Rama kërkon të bëhet pjesë e qeverisjes me Aleancën për Ndryshim

Në fakt po t’i pyesnim këta një e nga një do të kishin shumë për të na treguar për Lulzim Bashën.

Nëse do të pyesnim Agron Papulin, do të na tregonte si e sulmoi Lulzim Basha, dhe si e përdori foltoren e PD-së për të bërë Pazar, që më pas të marrë dy vila, një për vete dhe një për kunatin. Se nuk mund të ndodhë që të mos ketë dhe kunati.

Protesta e Rrugës së Kombit ishte kryengritje kundër oligarkisë
               Protesta tek Rruga e Kombit

Pastaj po të pyesësh çunat e Kukësit, do të flasin për oligarkët që morën me koncesion Rrugën e Kombit. Do të na tregonin sesi u lanë në baltë dhe u tradhëtuan nga Luli.

A do të na tregonte Salillari dhe Shefqet Kastrati, për Lulzim Bashën? Thjeshtë dhe vetëm që paguan tek kunati?

Dhe çfarë ndodhi? Pas historisë me Rrugën e Kombit, kunati mori 2 mijë metër katëror zyra tek Sheratoni.

Kush nuk e di po i tregojmë dhe këtë dokumentin.

Po të pyesnim Samir Manen, ç’do të na tregonte? Apo nënkontraktorët e tij çfarë do na thonin për dy vilat në “Valamar”, tek Gjiri i Lalzit?

Foto-E kujt është kjo vilë Zoti Basha?!
  Vila në Gjirin e Lalzit

Dhe këto i kemi këtu në foto.

Por, deri tani janë vetëm tre nga këta që janë biznesmenë të pasur, që Luli i quan oligarkë, nga të cilët Luli ka përfituar vila dhe ambiente të mëdha biznesi për familjarët e tij.

Kaq, është pak, ose shumë pak, se veç këtyre tre personave që përmendëm, sa biznesmenë kanë kaluar në radhët e kunatit. Lista e Lulit është shumë e gjatë me biznesmenë dhe kompani, që jo vetëm sulmohen nga foltorja e PD-së, duke e përdorur këtë të fundit si marionetë për të vënë gjoba. Pa shkuar më tej tek faturat që pret kunati për bizneset me kompaninë e hapur në vitet e fundit, që është kthyer në një nga kryesoret në vend, thjeshtë dhe vetëm duke përdorur logon e PD-së, të cilën Lulzim Basha e ka kthyer në Republikë të re.

Lulzim Basha është kthyer në “turpin” e demokratëve, pasi kreu i partisë që solli pluralizmin në Shqipëri, ai që pretendohet të mbrojë biznesin dhe sipërmarjen e lirë, sot në fakt është një gjobaxhi i biznesit.

Është e turpshme, sesi një kryetar opozite të përdorë partinë për interesa klienteliste, personale dhe familjare./ CNA.al

Dokumentet/ Të gjithë oligarkët paguajnë kunatin e Bashës

Krushqia dhe vilat që po kthejnë Bamir Topin në PD

Ekskluzive/ Vilat e fshehura të Lulzim Bashës

Vilat e Lulzim Bashës në kompleksin e Papulit/ “Fiks Fare” sjell fakte të reja për denoncimin e bërë nga CNA.al

Foto- Skandali/E kujt është kjo vilë Zoti Basha?!

Ekskluzive/ Basha merr vilë pranë Ilir Metës në gjirin e Lalzit

Skandali/ Vërtetohet me fakte, Lulzim Basha e përdor PD-në për gjoba ndaj biznesit dhe interesat e tij korruptive

Për të rejat më të fundit behuni pjesë e grupit tonë në facebook : City News Albania

1 Koment

Komentoni

Your email address will not be published. Required fields are marked *

Politikë

ILD kërkon masë displinore ndaj gjyqtarit Hektor Sinanaj/ KLGJ vihet në lëvizje

Publikuar

-

Nga

Arrestimi i gjyqtares Enkelejda Hoxha/ Reagon KLGJ

Këshilli i Lartë Gjyqësor vendosi të mërkurën të pranojë kërkesën e Inspektoriatit të Lartë të Drejtësisë për shqyrtimin në seancë dëgjimore të kërkesës për vendosjen e një mase disiplinore ndaj gjyqtarit të Gjykatës së Rrethit Gjyqësor Vlorë, Hektor Sinanaj.

Sipas ILD-së në vitin 2017 dhe 2018, ndaj magjistratit janë bërë dy ankesa – nga institucioni financiar NOA sha dhe Bannka Kombëtare Tregare, për refuzimin e urdhërave të ekzekutimit të kredive në kundërshtim me ligjin.

Kërkesa e ILD-së për fillimin e procedimit disiplinor është depozituar në KLGJ me 30 korrik. Sipas ILD-së nga hetimi janë indetifikuar 7 raste kur gjyqtari nuk ka lëshuar urdhëra ekzekutimi në favor të insitucionit financiar NOA dhe në 2 raste ndaj BKT-së.

Gjyqtari Hektori Sinanj ka në karrierë 20 vjeçare në Gjykatën e Rrethit Gjyqësor Vlorë ku është emëruar në vitin 2000.

Në relacionin e paraqitur përpara KLGJ, ILD thekson së gjyqtari Hektor Sinanaj ka shqyrtuar 7 kërkesa për urdhër ekzekutimi nga shoqëria financiare NOA Sha, të cilat i ka refuzuar me argumentin se kontrata e kredimarrjes nuk është firmosur përpara noterit dhe nuk përbën titull ekezkutiv. Tre nga kërkesat janë apeluar në Gjykatën e Apelit Vlorës, e cila e ka përmbysur vendimmarjen e magjistratit Sinanaj.

LEXO EDHE:  Basha: Vetëm një Shqipëri pa Edi Ramën është Shqipëri europiane

Sipas Reportere.al, i njëjti gjyqtar ka shqyrtuar tre kërkesa për urdhër ekzekutimi nga Banka Kombëtare Tregtare, duke refuzuar dy prej tyre me arsyetimin së nuk përbëjnë titull ekzekutiv. Të dy vendimet janë apeluar dhe janë përmbysuar nga Gjykata e Apelit Vlorë.

LEXO EDHE:  Ftesa për bashkëpunim/ Basha: Rama kërkon të bëhet pjesë e qeverisjes me Aleancën për Ndryshim

Sipas ILD-së vendimet e Sinanajt se kontratat e kredisë nuk përbëjnë titull ekzekutiv janë hedhur poshtë në të gjitha rastet nga Gjykata e Apelit Vlorë, nga dy trupa të ndryshme gjyqësore, çfarë sipas Inspektoriatit tregon se interpretimi i ligjit nga ana e tij ka qenë i gabuar.

Pavarësisht se Inspektoriati ka indetifikuar 12 raste me shkelje të dyshuara procedurale nga magjistrati, ILD ka kërkuar vetëm vlerësimin e 5 prej tyre në procedim, për shkak se për të tjerat ka kaluar afati 5-vjeçar i parashkrimit.

Unanimisht KLGJ vendosi që seanca dëgjimore për shqyrtimin e procedimit penal ndaj gjyqtarit Hektor Sinanaj të mbahet me 16 shtator në orën 13:00./CNA.al

LEXO TE PLOTE

Politikë

Ndihma nga BE për shuarjen e zjarreve/ Meta: Mirënjohje për solidaritetin në momente kritike

Publikuar

-

Nga

Terrori në Velipojë/ Meta apel Policisë: Po vihet në rrezik jeta dhe shëndeti i dhjetëra qytetarëve, merrni masat

Presidenti Ilir Meta ka reaguar sërish përsa i përket situatës së zjarreve që kanë përfshirë Shqipërinë.

Përmes një postimi në rrjetet sociale, Meta ka shprehur mirënjohjen për solidaritetin dhe ndihmën që kanë marrë nga BE në këto momente kritike për vendin tonë.

I shumëpritur aktivizimi i Mekanizmit të Mbrojtjes Civile nga Bashkimi Europian për Shqipërinë, në kushtet e një situate tepër të rrezikshme të përballjes me zjarret.

Mirënjohje për solidaritetin dhe ndihmën e përhershme në momente kritike! 🇦🇱🇪🇺”, shprehet presidenti Meta./ CNA.al

LEXO TE PLOTE

Politikë

I shkarkuar nga Kuvendi/ Meta hakmerret, nis turin e kthimit të ligjeve

Publikuar

-

Nga

Meta ngre shqetësimin e zbrazjes së Shqipërisë/ ‘Një fatkeqësi kombëtare! Të merren masa sa nuk është vonë’

Brenda dy ditësh, Presidenti Ilir Meta ka rikthyer dy ligje pas në Kuvend.  Dje, ktheu ligjin për të huajt dhe sot njofton se ka kthyer Ligjin për buxhetin.

Presidenti Ilir Meta ka dekretuar, kthimin në Kuvend të ligjit nr. 86/2021 “Për miratimin e aktit normativ, me fuqinë e ligjit, nr. 25, datë 22.6.2021, i Këshillit të Ministrave “Për disa ndryshime dhe shtesa në ligjin nr. 9936, datë 26.6.2008 “Për menaxhimin e sistemit buxhetor në Republikën e Shqipërisë”, të ndryshuar”, për rishqyrtim.

Sipas Metës, akti normativ miratuar me ligjin nr. 86/2021, në nenet 1 dhe 2 të tij, bien ndesh me parimet e ligjit themeltar të shtetit dhe rrezikon qëndrueshmërinë financiare të vendit.

Ky ndryshim i ligjit bazë, sipas arsyetimit të nismëtarëve, është sjellë si domosdoshmëri me qëllim adresimin e çështjes:

–  së ofrimit të fleksibilitetit të domosdoshëm të manovrimit të buxhetit të shtetit si instrument kryesor stabilizues dhe nxitës të rritjes ekonomike, si dhe

– të ofrimit të kredibilitetit të qëndrueshmërisë së financave publike.

 Por në realitet, Akti Normativ i miratuar nuk influencon në mënyrë të drejtpërdrejtë vetëm çështjet e synuara nga Qeveria. Përkundrazi, kjo vendimmarrje ka një fushë veprimi dhe ndikimi më të gjerë për arsye se:

 Së pari, nëpërmjet ndryshimeve të miratura në Aktin Normativ nuk preken vetem parimet qe lidhen me qëndrueshmërinë e borxhit, si dhe të kufirit të defiçitit buxhetor, por nuk arrihen të zbatohen të gjitha parimet e parashikuara në nenin 4/1 të Ligjit Organik te Buxhetit (LOB), pikërisht të përdorimit të të ardhurave nga privatizimi për uljen e borxhit publik, si dhe parimin e displinimit të ndryshimit të ligjeve fiskale.

 Së dyti, ndryshimet e miratuara do të sjellin rrezikun real të lartë të rritjes së mëtejshme të borxhit publik, dhe të mos respektimit të disiplinës financiare për administrimin fiskal si në drejtim të burimeve, ashtu edhe në drejtim të shpenzimeve publike.

 Duke patur në konsideratë edhe raportet zyrtare të institucioneve financiare ndërkombëtare të cilat operojnë, asistojnë dhe monitorojnë vendimmarrjet ekonomike si, FMN e Banka Botërore, lidhur me masat fiskale të ndërmarra nga Qeveria me qëllim rimëkëmbjen ekonomike dhe sociale të vendit nga pasojat e tërmetit të nëntorit të vitit 2019 dhe të Covid-19, vendi ynë kuotohet pikërisht në vendet e fundit, me një nivel shumë më të ulët të mbështetjes fiskale krahasuar me vendet e rajonit.

 Qëndrimi i Presidentit të Republikës për vendimmarrje më cilësore dhe rialokimet e fondeve me qëllim krijimin dhe përballimin e pasojave ekonomike të prodhuara nga fatkeqësitë natyrore kanë qenë të adresuara në mënyrë të përsëritur si në adresë të Qeverisë, por edhe Kuvendit.

 Lidhur me argumentin se ndryshimet e miratuara me Aktin Normativ ofrojnë  fleksibilitet të domosdoshëm të manovrimit të buxhetit të shtetit si instrument kryesor stabilizues dhe nxitës të rritjes ekonomike, në realitet, Akti Normativ nëpërmjet ndryshimeve të miratuara, sjell efektin e drejtpërdrejtë në rritjen e shpenzimeve publike kryesisht nëpërmjet rritjes së investimeve si “stimul për nxitjen ekonomike”, thuhet në njoftimin e Presidencës.

LEXO EDHE:  Rama tallet me programin e Bashës/ Monika fatorino, Luli pasagjer VIP

LEXO EDHE:  Rama tallet me programin e Bashës/ Monika fatorino, Luli pasagjer VIP

Kujtojmë se Kuvendi i Shqipërisë, në seancën plenare të datës 01 korrik 2021, ka miratuar ndër të tjera edhe ligjin nr. 86/2021 “Për miratimin e Aktit Normativ, me fuqinë e ligjit, nr. 25, datë 22.6.2021, i Këshillit të Ministrave “Për disa ndryshime dhe shtesa në ligjin nr. 9936, datë 26.6.2008 “Për menaxhimin e sistemit buxhetor në Republikën e Shqipërisë”, të ndryshuar”./CNA.al

LEXO TE PLOTE