Kronika
Lëkundje tërmeti në Durrës/ Ja sa ballë ishte
Lëkundje të lehta tërmeti janë regjistruar mëngjesin e sotëm në Durës.
Sipas EMSC, lëkundjet kanë qenë të magnitudës 3.5 ballë, të shkallës rihter, në veri të qytetit.
Lëkundjet janë ndjerë rreth orës 07:50 minuta të mëngjesit të sotëm.
Kujtojmë këtu se që prej shtatorit të vitit të kaluar dhe lëkundjeve të forta që goditën Durrësin dhe Tiranën në 26 nëntor, janë regjistruar lëkundje të herë pas hershme në këtë zonë.
Tërmeti i 26 nëntorit shkaktoi jo vetëm dëme materiale, por edhe mbi 50 viktima, ndërsa paniku tek qytetarët ende vazhdon.
Kronika
E rëndë në Tiranë/ Gjendet një person pa shenja jete
Një person është gjetur i pajetë ditën e sotme në rrugën “Gramoz Pashko”, te Qytet Studenti.
Blutë bëjnë me dije se janë njoftuar për një person rreth 45 vjeç ende të paidentifikuar, i cili është gjetur pa shenja jete.
Nga këqyrja paraprake nuk janë konstatuar shenja dhune dhe dyshohet se humbja e jetës ka ardhur si pasojë e një arresti kardiak.
Ndërkohë, grupi hetimor punon për sqarimin e rrethanave të ngjarjes./ CNA.al
Kronika
Dhunonte djalin dhe gruan/ Arrestohet efektivi i policisë
SHÇBA ka arrestuar një punonjës policie në Laç, me dyshimin për dhunë në familje.
Në pranga është vënë shtetasi n N.GJ., 53 vjeç, punonjës policie i Patrullës së Përgjithshme, në Komisariatin e Policisë Kurbin.
Arrestimi i punonjësit të policisë u krye pas kallëzimit për “Dhunë në familje” nga ana e bashkëshortes dhe djalit të tij.
“Nga ana e specialistëve të SHÇBA u kryen të gjitha verifikimet për rastin në fjalë duke u administruar raporti mjeko-ligjor, si edhe duke i kërkuar Gjykatës së Shkallës së Parë Kurbin për nxjerrjen e urdhërit të mbrojtjes për dy shtetasit”, thuhet në njoftimin e SHÇBA./CNA.al
Kronika
Terror në Shkodër/ Mjekja tregon çfarë ndodhi në Spitalin Psikiatrik: Nuk është rasti i parë
Mjekja e spitalit psikiatrik të Shkodrës Mirela Gjokaj ka folur për rastin e dhunimit të infermierit nga një pacient i shtruar për shkak të problemeve të shëndetit mendor.
Në një prononcim për abcneës, Gjokaj ka deklaruar se i riu 25-vjeçar është shtruar në gjendje të rënduar dhe pas ndërhyrjes mjekësore ka shfaqur shenja përmirësimi.
Një orë më pas, ai është përkeqësuar sërish dhe ka shfaqur shenja agresiviteti duke sulmuar personelin dhe duke rrëzuar objekte.
Mjekja thekson që ky nuk është rasti i parë që përballen me një situatë të tillë, kjo pasi në spital mungojnë dhomat e izolimit për pacientë në gjendje të rënduar.
“Konkretisht tek ne ka ardhur për t’u hospitalizuar një djalë 25-vjeçar i cili ishte në gjendje të rëndë të shëndetit mendor. Ka ardhur i shoqëruar nga ambulance dhe forcat e rendit. I kemi bërë ndërhyrje mjekësore por tek ne mungon dhoma e izolimit. Rasti një orë pas marrjes së terapisë, është axhituar përsëri dhe ka sulmuar stafin.
Ka vazhduar më tej duke shprehur agresivitetin e tij kundrejt ambienteve të spitalit, ka tentuar të thyejë xhamat e makinave të parkuara jashtë. Kanë reaguar menjëherë forcat e rendit. Ai është dërguar në psikiatrinë e QSUT-së.
Infermieri është mirë por të gjithë si staf jemi të traumatizuar. Përballja me sulmin dhe agresionin është një traumë më vete. Ka pasur edhe raste të tjera. Te ne qëndron problemi i infrastrukturës. Nuk kemi mjete të mbrohemi nga këto forma të axhitimit”, u shpreh mjekja.
Video-Dyshemeja e larë me gjak / I droguari terrorizon spitalin psikiatrik
