Connect with Us

“Hapja e kazinove rikthen skenën e krimit”/ Teliti zbulon kërkesat e miqve të Ramës: Po qarkullojnë para të pista

Politikë

“Hapja e kazinove rikthen skenën e krimit”/ Teliti zbulon kërkesat e miqve të Ramës: Po qarkullojnë para të pista

Publikuar

-

Programi i PD-së për mirëqenien sociale, Dorian Teliti flet me shifra: Do çlirojmë ekonominë

Këshilltari për Ekonominë në Partinë Demokratike, Dorian Teliti, ka folur sot për rihapjen e kazinove në qendër të Tiranës.

Teliti deklaron se rihapja e kazioneve ka në thelb interesa të ngushtë klienteliste dhe rikthen skenën e krimit.

“Është një rikthim në skenën e krimit. Atë që kryeministri me shumë pompozitet dy vjet më parë e deklaronte nga foltorja e Kuvendit dhe nga shumë ambiente të tjera, madje edhe në median tuaj, se do të mbyllte lojërat e fatit në Shqipëri, se do të mbyllte kazinotë dhe bastet, tashmë ka bërë hapa mbrapa. Aty ku po ndërtohen me dhjetëra e qindra metra katrorë kulla, mesa duket po u jepet edhe një favor shtesë që të kenë akses edhe në biznesin e kazinove. Nuk ka asnjë arsyetim ekonomik, nuk ka asnjë arsyetim financiar sepse humbjet që vijnë në ekonominë shqiptare, në mirëqenien dhe në ekonominë e familjeve shqiptare nga hapja e kazinove mund të jenë shumë më të madhe se ato 3 lekë taksa që ato mund të sjellin në buxhet”, u shpreh ai për Abc News.

Sipas tij, pas vendimit të rihapjes fshihen shumë kërkesa nga miq dhe shokë të kryeministrit Edi Rama për të hapur kazino të tjera.

LEXO EDHE:  Aksident në Tiranë/ Makina përplas të miturin

“Në këtë moment kemi një nivel të lartë evazioni, kemi një nivel shumë të lartë të parave të pista që qarkullojnë, ekonomia e familjeve shqiptare është dërrmuar fillimisht nga tërmeti dhe tani nga pandemia dhe gjëja më negative që mund të bëhej sot është rihapja e kazinove dhe lojërave të fatit. Në këtë mënyrë edhe ato pak para që mund t’i kenë ngelur në xhep qytetarëve shqiptarë rrezikojnë t’i shpenzojnë në veprimtari jo produktive”, tha Teliti./ CNA.al

Për të rejat më të fundit behuni pjesë e grupit tonë në facebook : City News Albania

Komentoni

Your email address will not be published. Required fields are marked *

Politikë

U vetshpall kandidat për kreun e PD/ Kadilli: I vetmi që e ka ditur ka qenë Basha

Publikuar

-

Nga

Fatbardh Kadilli është vetshpallur kandidat për të qenë në krye të Partisë Demokratike ka treguar arsyen se përse vendosi të marrë këtë vendim. I ftuar në emisionin “Të Paekspozuarit” në MCN Kadilli u shpreh se pikënisja për një opozitë të re ka qenë momenti i konstatimit të humbjes së PD në zgjedhjet e 25 prillit. Ai shtoi se ky është momenti më i dobët që PD ka pasur ndonjëherë.

I vetmi që e ka ditur ka qenë Basha, ia kam thënë më 8 Mars që nëse humb do më keshë përballë. Në momentin që u realizua fakti i humbjes konstatoj me zemërim që PD ka hyrë në një cikël zbritje, duhet të fillojmë që sot për një opoztitë të re. Ky është momenti më i dobët ndonjëherë i PD. Opozita ka humbur dhe Basha është përgjegjës për fitoren e Ramës. Ai është zgjedhur kryetar partie dhe jo inventarizues humbjesh”, u shpreh Kadilli./ CNA.al

LEXO TE PLOTE

Politikë

Zgjedhet e 25 Prillit/ Gjekmarkaj: Vjedhja e votave tragjedi e demokracisë shqiptare

Publikuar

-

Nga

Deputeti i zgjedhur i PD në Lezhë Agron Gjekmarkaj ka folur për zgjedhjet e 25 Prillit. Sipas tij, vjedhja në mënyrë të përsëritshme e zgjedhjeve është tragjedi e demokracisë shqiptare.

I ftuar në studion e “Real Story” ai deklaroi se kësaj here ndryshe nga herët e tjera, zgjedhjet nuk janë vjedhur në kuti, ditën e votimit, por ka pasur një inxhinieri elektorale paraprake, ku shteti dhe pushteti janë bërë një si sandwich.

Unë mendoj që temat e emisionit këto dy javë duhet të kishin pasur në fokus si u vodhën zgjedhjet. Mendoj që shumica e shqiptarëve e besojnë. Narrativa ndryshon kur je në studiot e Tiranës dhe tjetër është kur je me statusin e dëshmitarit në një histori. Ndoshta unë do kisha pasur tjetër qasje nga një studio televizive, ndryshe kur merr informacion në gjithë Shqipërinë se çfarë ka ndodhur.

Nuk është term i fortë sepse më duket term i vërtetë, tragjedia e demokracisë shqiptare, vjedhja në mënyrë të përsëritshme e zgjedhjeve, por kësaj here ndryshe nga herët e tjera, zgjedhjet nuk janë vjedhur në kuti, ditën e votimit, sigurisht ka pasur ndonjë tentativë për prishje fletësh votimi, ka pasur një inxhinieri elektorale paraprake, ku shteti dhe pushteti janë bërë një si sandëich dhe kanë ndikuar në të gjitha format e mundshme që të trukohet dhe të ndryshojë vullneti i elektorëve në kutinë e votimit dhe pjesërisht ia kanë dalë duke ia hequr një sasi mandatesh opozitës shqiptare, duke penguar ardhjen e saj në pushtet me artifice.

Kush janë këto artifice? Janë disa, i ka renditur PD në ankimin që i ka çuar KAS. Përdorimi i parave të tërmetit, menaxhimi i vaksinës dhe pandemisë, punësimet e paligjshme që u bënë, fryrja e administratës, forma më tipike siç janë aleancat në qytete të caktuara me grupe të njohura për kriminalitet”, deklaroi ai./ CNA.al

LEXO TE PLOTE

Politikë

“Lindi si parti pa ideologji”/ Mentor Kikia: LSI është fshirë nga skema politike

Publikuar

-

Nga

“Lindi si parti pa ideologji”/ Mentor Kikia: LSI është fshirë nga skema politike

Gazetari Mentor Kikia u shpreh mbrëmjne e sotme se LSI ka qenë nën objektivin e kryeministrit Edi Rama për tu fshirë nga skena politike.

Në një intervistë për emisionin PolitikOn, Kikia theksoi se PS dhe PD janë parti që lindin duke përfaqësuar një bazë ideologjike, ndërsa shtoi se LSI lindi si një parti pa ideologji, por si një parti me njerëz të pakënaqur

Të kritikosh humbësin është gjëja më e thjeshtë. Ata që kanë humbur janë në një proces legal kontestimi dhe nuk e kanë pranuar rezultatin. Për të thënë të vërtetën është më demokratike në 30 vite se po bëhet në mënyrë institucionale. Për të arritur në përfundimin nëse LSI është fshirë nga skena politika, ashtu sikurse qenë një objektiv i Ramës, që ka dashur të krijojë një pol me dy parti kryesore, duke eliminuar gjithë aktivitetin politik të LSI-së.

PS dhe PD janë parti që lindin duke përfaqësuar një bazë ideologjike. LSI lindi si një parti pa ideologji, por si një parti me njerëz të pakënaqur. LSI në këto kushte, u krijuar perceptimi i njerëzve që kanë nevoja që e shihnin partinë për të kapur një vend në administratë. LSI konsiderohej si një parti që të siguronte punë, si një parti interesi”, tha Kikia./CNA.al

LEXO TE PLOTE