Connect with Us

Serbia pezullon stërvitjet ushtarake/ Shmang pjesëmarrjen në Bjellorusi

Kosova & Rajoni

Serbia pezullon stërvitjet ushtarake/ Shmang pjesëmarrjen në Bjellorusi

Publikuar

-

Serbia pezullon stërvitjet ushtarake/ Shmang pjesëmarrjen në Bjellorusi

Qeveria e Serbisë, vendosi të mërkurën që për gjashtë muajt e ardhshëm të ndërpriten të gjitha stërvitjet ushtarake dhe veprimtaritë e tjera ushtarake me të gjithë partnerët e saj.

Vendimi u mor një ditë pasi njoftimit se forcat ushtarake të Bjellorusisë, Rusisë dhe Serbisë do të marrin pjesë në një stërvitje ushtarake në Bjellorusi nga 10 deri më 15 shtator.

Bjellorusia është përfshirë nga protestat e përditshme masive që kur presidenti Aleksander Lukashenko pretendoi fitoren në zgjedhjet e kontestuara muajin e kaluar.

Ushtritë e këtyre tri vendeve që nga viti 2015 mbajnë stërvitje ushtarake me moton “Vëllazëria sllave”.

Pas vendimit të qeverisë serbe, ministri i Mbrojtjes, Aleksandar Vulin, tha se Serbi është nën trysni të ashpër dhe të pakuptimtë nga Bashkimi Evropian.

LEXO EDHE:  Vasili: Protesta e 27 janarit, jo si të tjerat sepse…

“Prej nesh kërkohet që me çmimin e braktisjes së ardhmërisë evropiane dhe me çmimin e trysnive ëshë më të mëdha për politikën tonë, por edhe popullin ton në Kosovë dhe Republikën Serbe të braktisim stërvitjet e planifikuara ushtarake me Bjellorusinë”, tha ai.

Duke theksuar se Serbia është vend ushtarakisht neutral ai theksoi se “për të ruajtur këtë pozicion, për të shmangur apo të paktën zvogëluar pasojat e sulmeve të shtuara ndaj vendit tonë, politikën dhe ekonominë tonë, qeveria e Serbisë vendosi që për gjashtë muajt e ardhshëm të ndërpriten të gjitha stërvitjet dhe veprimtaritë ushtarake me të gjithë partnerët pa dallim”./ VOA

Për të rejat më të fundit behuni pjesë e grupit tonë në facebook : City News Albania
KLIKO PER TE KOMENTUAR

Komentoni

Your email address will not be published. Required fields are marked *

Kosova & Rajoni

Rekord infektimesh/ Mbyllet sërish Greqia. Ja oraret kur ndalohet lëvizja

Publikuar

-

Nga

Rekord infektimesh/ Mbyllet sërish Greqia. Ja oraret kur ndalohet lëvizja

Rritja e numrit të të infektuarve me koronavirus në Greqi, ka bërë që shteti fqinj të shkojë drejt izolimit sërish.

Kryeministri Kyriakos Mitsotakis njoftoi ndalimin e lëvizjeve me makinë nga ora 00:30 deri në 05:00 të mëngjesit në zonat e cilësuara si “të kuqe” apo “të verdha” në raport me numrin e rasteve me koronavirus.

Masa e re do të aplikohet duke filluar nga dita e shtunë.

“Së pari, në zonat ku ka një rritje të madhe të rasteve në nivelet 3 dhe 4, pra të konsideruara si “të verdha” apo “të kuqe” do të ketë një ndalim të lëvizjes me makinë nga ora 00:30 deri në 05:00. Sigurisht do të lejohen të lëvizin ata që shkojnë në punë apo kanë urgjenca“, tha Mitsotakis.

Gjithashtu, Mitsotakis njoftoi se maskat do të jenë të detyrueshme në ambiente të brendshme dhe në rrugë për çdo qytetar të Greqisë.

LEXO EDHE:  Korcë/Prindërit në proteste, refuzojnë italishten në shkollë

LEXO EDHE:  Protesta e dhunshme në Athinë/ Plagosen dhjetra vetë

“Maska do të bëhet e detyrueshme kudo. Jo vetëm në ambiente të brendshme, por edhe në rrugë. Sepse virusi gëlon kudo, duke mos pritur hyrjen apo daljen nga një restorant. Virusi nuk të pret të të hajë tek dera, nëse do të më lejohej të flisja me zhargonin e të rinjve“, shtoi kreu i qeverisë greke.

Greqia shënoi sot 882 raste të reja me koronavirus gjatë ditës së sotme, ndërsa humbën jetën 15 persona. /CNA.al

LEXO TE PLOTE

Kosova & Rajoni

Ivica Daçiç zgjidhet kryetar i Kuvendit të Serbisë

Publikuar

-

Nga

Ivica Daçiç zgjidhet kryetar i Kuvendit të Serbisë

Ish-ministri i Punëve të Jashtme të Serbisë, Ivica Daçiç është zgjedhur kryetari i parlamentit.

Daçiq ka marr besimin e plotë të deputetëve për të udhëhequr këtë institucion shtetëror, raporton b92.

Nga 226 deputetët e pranishëm në seancën konstituive, vetëm një prej tyre ishte kundër liderit të SPS-it, gjersa 225 votuan pro.

Deputetët nga lista “Lugina e Bashkuar – SDA”, të cilët njoftuan më herët sot se nuk do të mbështesnin liderin Socialist, nuk morën pjesë në votim.

LEXO EDHE:  Ish-deputeti bën paralajmërimin e fortë/ Nuk keni parë asgjë, Ramën do ta tërheqin zvarrë

LEXO EDHE:  Farsa e protestës së minatorëve

Zgjedhja e Kryetarit të Parlamentit u bë me votim publik, pra me thirrje individuale të deputetëve. Ndryshe, Daçiq ishte kandidat i vetëm për kryetar të kuvendit i propozuar nga partia fituese të zgjedhjeve parlamentare serbe, SNS-ë, të cilën e udhëheq presidenti, Aleksander Vuçiq./CNA.al

 

LEXO TE PLOTE

Kosova & Rajoni

Pandemia ua vë “drynin” mbi 750 bizneseve

Publikuar

-

Nga

Pandemia ua vë drynin mbi 750 bizneseve

Gjatë kohës së pandemisë COVID-19, sipas të dhënave të Agjencisë për Regjistrim të Bizneseve në Kosovë, janë mbyllur 761 biznese të cilat kanë pasur të punësuar 1,316 punëtorë në Kosovë.

Numri më i madh i bizneseve zyrtarisht të mbyllura kanë punuar në sektorin e tregtisë me shumicë dhe pakicë, pasuar nga industria përpunuese, hoteleria dhe akomodimi.

Në listën e bizneseve të mbyllura figurojnë edhe biznese në fushën e ndërtimit, informimit dhe komunikimit dhe sektorë të tjerë.

Gjokaj: U mbyllëm për t’u hapur, por nuk arritëm

Një nga bizneset e mbyllura në sektorin e gastronomisë është ai i Emanuel Gjokajt. Në një bisedë për Radion Evropa e Lirë, Gjokaj thotë se ka qenë e pamundur të mbajë të hapur biznesin, pasi që kishte rënë qarkullimi.

Ai shton se lokali frekuentohej më së shumti nga punëtorët e organizatave të huaja që ishin me zyre afër lokalit, dhe këta punëtorë filluan të punojnë nga shtëpia, në këtë mënyrë edhe kërkesat për ushqim shënuan rënie.

“Kemi pasur një ‘Sandwich Bar’, ka qenë lokacioni i dytë që kishim hapur në shkurt të këtij viti. Por, në mars kur u përballëm me pandeminë dhe u bë mbyllja totale, ne u mbyllëm përkohësisht. Kemi filluar të punojmë pastaj në qershor, kur është bërë hapja e gastronomisë, por ishte e papërballueshme, kemi punuar me humbje dhe e kemi parë që nuk mund të vazhdojmë me atë ritëm dhe është dashur të bëhet mbyllje e përkohshme”, thotë Gjokaj.

Gjokaj thotë se mbylljen e lokalit e kishte menduar fillimisht të jetë përkohësisht, por siç thotë ai, me këtë situatë e cila po vazhdon me pandeminë, nuk ka shumë shpresë që lokali të rihapet.

Krasniqi: Numri i bizneseve të mbyllura, më shumë se 761

Por, numri i bizneseve të mbyllura po konsiderohet të jetë më i lartë nga Oda e Afarizmit të Kosovës. Skender Krasniqi, drejtor në këtë organizate, thotë për Radion Evropa e Lirë se jo të gjitha bizneset të cilat kanë shuar aktivitetin e tyre gjatë pandemisë, kanë filluar procedurat e mbylljes.

“Procedurat e mbylljes së biznesit janë të shumta dhe shumica e bizneseve hezitojnë të fillojnë procedurat, pasi që kërkohen shumë dokumentacione. Numri i bizneseve që sot nuk po funksionojnë janë me mijëra. Përveç kësaj ka edhe shumë biznese të cilat kanë reduktuar edhe stafin dhe janë në prag të mbylljes”, thotë Krasniqi.

LEXO EDHE:  Vasili: Protesta e 27 janarit, jo si të tjerat sepse…

LEXO EDHE:  Paloka: Pa qeveri teknike, nuk ka zgjedhje në 18 qershor

Institucionet “po hezitojnë të pranojnë realitetin”

Për të mbyllur një biznes ekzistojnë një varg procedurash administrative. Në Administratën Tatimore të Kosovës tregojnë se për të çregjistruar biznesin, fillimisht tatimpaguesit kanë të drejtë të kërkojnë të çregjistrohen vetëm pasi të kenë paguar të gjitha detyrimet tatimore dhe pasi të kenë paraqitur bilancin e mbylljes.

Nëse tatimpaguesi ka shlyer të gjitha detyrimet tatimore, ATK do të japë një vërtetim se tatimpaguesi i ka plotësuar të gjitha kërkesat për çregjistrim.

Skender Krasniqi, drejtor në Odën e Afarizimit të Kosovës, thotë se nga vizitat në terren, te bizneset është një situatë krejt tjetër nga ajo që po thonë institucionet. Sipas tij, institucionet po hezitojnë të pranojnë realitetin që ka shkaktuar pandemia COVID-19 te bizneset.

“Nëse vazhdon edhe një valë e re e masave që ndalon aktivitetin e bizneseve dhe nuk rritet përkrahja nga shteti, ky numër i bizneseve të mbyllura dhe largimi i punëtorëve nga puna do të jetë shumë më i madh, dhe biznesi do të futet në krizë”, shton Krasniqi.

Për periudhën mars–gusht të këtij viti, sipas të dhënave të Administratës Tatimore të Kosovës, mbi një miliard euro ka pasur më pak qarkullim sesa në periudhën e njëjtë të vitit paraprak.

Bizneset në Kosovë janë ndihmuar nga Fondi për Rimëkëmbje Ekonomike i Qeverisë së Kosovës. Për këto biznese, nga ky Fond i cili kap vlerën e mbi 350 milionë euro, janë ndarë 60 milionë euro për biznese, mjete këto të cilat janë vlerësuar të pamjaftueshme.

Mekanizmat financiarë ndërkombëtarë në raportet e tyre të publikuar për efektet e pandemisë në ekonominë e Kosovë, kanë vlerësuar se janë shkaktuar dëme të mëdha. Banka Botërore në raportin e saj ka paraparë një rënie ekonomike prej 4.5 për qind në Kosovë në vitin 2020./rel

LEXO TE PLOTE