LEXO PA REKLAMA!

SHKARKO APP

Deputeti i PS fiton betejen me Covid-19/ Mirënjohje për heronjtë e Spitalit Infektiv

8 Shtator 2020, 07:19, Sociale CNA
Deputeti i PS fiton betejen me Covid-19/ Mirënjohje për heronjtë

Deputeti i Partisë Socialiste Edmond Leka e ka fituar betejën me koronavirusin dhe tashmë është rikthyer në shtëpi pranë familjarëve.

Lajmin e ka bërë të ditur vetë deputeti Leka, nëpërmjet një postimi në rrjetet sociale, ku falenderon mjekët e Infektivit të cilëve u referohet si heronj, si dhe miqtë dhe familjarët që ju gjendën pranë në ditë të vështira.

?Mbas një periudhe të gjatë disa ditore me Covid-19, më në fund pranë familjes dhe njerëzve të mi të dashur që ndenjën kaq ditë e netë pa gjumë së bashku me mua.

Mirënjohje pa fund për heronjtë e Spitalit infektiv në QSUT, prof dr Najada Como, prof dr Tritan Kalo, dr Pellumb Pipero, dr Nevila Gjermeni, reanimatorëve, dhe gjithë Stafit të Shërbimit Infektiv, infermierëve dhe sanitarëve, që cdo ditë natë gjendeshin pranë të sëmurëve duke na dhënë shpresë dhe kurajo për ta përballuar me sukses sëmundjen pa marrë parasysh asnjë rrezik për veten.(Edhe pse pothuaj i gjithë personeli ishte përballur me infeksionin Covid-19).

Faleminderit dr Skender Brati, dr Bruna Mersini, dr Dritan Leli, dr Maksi Gega, dr Kujtim Llapi që edhe pse me ngarkesën e punës tuaj nuk rreshtët së interesuari për shëndetin tim.

Faleminderit shumë kolegë, miq, shokë, të afërm që mu gjendët aq pranë në këto ditë të vështira dhe në shumë raste nuk munda t?Ju përgjigjem shumë prej mesazheve tuaja. Më dhatë energji, forcë dhe kurajo cdo ditë, për ta përballuar me sukses këtë periudhë të vështirë.

Miqtë e mi!
Jeta është e bukur kur e jetojmë me shëndet të plotë, prandaj të kujdesemi më shumë për veten dhe për njerëzit tanë të dashur.
Uroj vetëm shëndet në familjet Tuaja!

FALEMINDERIT!
JU JAM SHUME MIRENJOHES TE GJITHEVE!

Këta janë HERONJTE E CDO DITE në luftën kundër COVID -19!?-shkruan deputeti.

Kujtojmë këtu se, Leka rezultoi pozitiv ndaj Covid-19, në muajin gusht dhe më pas u shtrua te Infektivi ku nisi të trajtohej me oksigjen./ CNA.al

Lajmet e fundit nga