Connect with Us

Veton Surroi: Marrëveshja Kosovë-Serbi në Uashington ishte e varfër

Kosova & Rajoni

Veton Surroi: Marrëveshja Kosovë-Serbi në Uashington ishte e varfër

Publikuar

-

Veton Surroi: Marrëveshja Kosovë-Serbi në Uashington ishte e varfër

Publicisti Veton Surroi e konsideron marrëveshjen e nënshkruar mes Kosovës dhe Serbisë në Uashington si një marrëveshje të varfër dhe jo historike, që do të harrohet shpejt.

Në një intervistë për Ilva Now në Euronews Albania, Surroi analizoi gjatë elementët e marrëveshjes dhe përfitimet e saj, dhe u shpreh jo entuziast për fatin e bisedimeve, të cilat sipas tij duhet të kishin rinisur me një frymë të re, jo të vazhdoheshin me përfitime të pakta për Kosovën.

“Kjo marrëveshje është e varfër në rezultat, mund të ketë intensa teë tjera që nuk kanë të bëjnë as me Kosovën, as me Serbinë dhe si të tillë duhet pranuar dhe mbajtur mend herë pas here sesi nuk investohet kaq shumë për të prodhuar një produkt kaq të varfër,” u shpreh publicisti.

“Është një listë zotimesh të cilat koincidojnë te Kosova dhe Serbia… Të dy vendet kanë një dokument i cili nuk konsiderohet kontratë për aq sa duhet prezantuar kuvendeve të tyre. Pra, nuk duhet ratifikuar si marrëveshje ndërkombëtare,” shtoi Surroi.

Megjithëse e vlerësoi marrëveshjen si ndihmuese në disa aspekte, Surroi e quajti atë një koktej të çuditshëm angazhimesh, jo të zakonshëm në diplomaci.

Pyetur nga gazetarja Ilva Tare se çfarë e bënte marrëveshjen të çuditshme, ish-politikani u përgjigj se përzierja e shumë pikave si mini-Shengeni, homoseksualizmi, rrjetet 5G dhe Hezbollahu, nuk janë tregues të një marrëveshjeje historike, por lidhen me objektiva afatshkurtër politikë, që mund të ndikohen ndoshta edhe nga fushata zgjedhore e presidentit amerikan Trump.

Surroi u shpreh skeptik edhe për përfshirjen amerikane në zbatimin e marrëveshjes, sipas tij për shkak se SHBA është në fushatë elektorale dhe nuk dihet kush do të dalë fitues në zgjedhje, gjë që vë në dukje edhe mungesën e instrumentave zbatues të kontratës.

“Në fund të mandatit presidencial nuk bëhen marrëveshje. Kjo është një marrëveshje e cila, nëse quhet marrëveshje, do të kërkojë implementim,” u shpreh Surroi.

Marrëveshjet në parim nuk do duhej t’i hidhëronin palët, do duhej t’i pajtonin ato dhe ky dokument nuk do duhej të ishte i asaj natyre që do të hidhëronte Turqinë apo Rusinë apo Kinën apo këdo. Në fakt marrëveshjet e paqes duhet t’i pajtojnë të gjithë që mos të ketë shumë të pakënaqur, që të ketë më shumë të kënaqur,” shtoi publicisti.

LEXO EDHE:  Tkurrja e fletës së votimit/Ky është vendimi që do të marrë KQZ të hënën

Pyetur nga gazetarja Tare lidhur me pakënaqësitë e krijuar në Kosovë prej marrëveshjes, Surroi deklaroi se pritshmëritë për një marrëveshje në Uashington ishin të larta, por u shpreh se dakordësia nuk qe e një niveli të tillë.

“Nuk ka kapacitet të quhet historike jo e jo. Nuk ka kapacitet edhe të mbahet mend për shumë,” tha Veton Surroi.

Sipas tij, Kosova e humbi mundësinë të riniste me një frymë të re bisedimet me Serbinë, një shans i krijuar pas pezullimit nga taksa 100 për qind.

“Kemi të bëjmë me faktin se nuk ka pasur restart, rifillim të negociatave me një rikornizim. Kriza e shkaktuar nga taksa 100% ka qenë krizë e qëllimshme. Ka qenë krizë në mënyrë që të ndërpritet një formë negocimi, e cila ka qenë e dëmshme për Kosovën,” deklaroi publicisti.

Surroi nuk i kurseu as kritikat për qeverinë e re të LDK, udhëhequr nga kryeministri Avdullah Hoti duke thënë se po shkon kundër premtimit “nuk do të negociojmë gjë tjetër veç marrëveshjes përfundimtare me Serbinë me të cilin mori pushtetin”.

“Po ne kemi pasur një krizë e cila ka prodhuar një pushtet të ri, një qeveri të re. Ajo qeveri është zotuar që para se të merrte pushtetin se nuk do të negocionte për gjë tjetër post për marrëveshjen përfundimtare me Serbinë. U pa se është e gatshme të negocioje cdo gjë, pra jo vetëm marrëveshjen përfundimtare, por ç’ka do që t’i vihet në tavolinë është në gjendje ta bëjë. Dhe kjo tregon se nuk i ka përmbushur objektivat e veta. Pra, kjo formë e sjelljes së pushtetit, e qeverisë tash hap çështjen se a duhet të riformatizohet edhe kjo formë e paraqitjes së Kosovës,” tha Surroi.

“Po pra, është çështje e partive politike. Ato duhet të vendosin nëse mendojnë se mund të rikonfigurojnë, të ndërtojnë një qeveri e cila do të jetë më serioze në proces negociator, atëherë dakord. Nëse jo, atëherë duhet të shkojnë në zgjedhje,” shtoi ai.

Për të rejat më të fundit behuni pjesë e grupit tonë në facebook : City News Albania

Komentoni

Your email address will not be published. Required fields are marked *

Kosova & Rajoni

Parlamenti i Malit të Zi, shkarkon ministrin që mohoi gjenocidin në Srebrenicë

Publikuar

-

Nga

Parlamenti i Malit të Zi, shkarkon ministrin që mohoi gjenocidin në Srebrenicë

Parlamenti i Malit të Zi, të enjten mbrëma shkarkoi ministrin e Drejtësisë dhe të Drejtave të Njeriut dhe Pakicave, Vladimir Leposaviç, për shkak të qëndrimit të tij mohues ndaj gjenocidit në Srebrenicë.

Shkarkimi i tij u bë me propozimin e kryeministrit malazez, Zdravko Krivokapiç. Për shkarkimin e tij votuan 43 nga 81 deputetet e parlamentit malazez, ndërsa 27 ishin kundër. Propozimi u mbështet edhe nga Partia Demokratike Socialiste e presidentit Milo Gjukanoviç, që është në opozitë.

Kryeministri Zdravko Krivokapiç, propozoi shkarkimin e ministrit Leposaviç, pasi që në një seancë parlamentare më 26 mars të këtij viti, ai tha se është i gatshëm të pranojë se në Srebrenicë ka ndodhur gjenocid “kur një gjë e tillë të vërtetohet përtej çdo dyshimi”.

Deklarata e tij shkaktoi reagime të ashpra në opinionin vendas e ndërkombëtar. Kritikët thanë se ministri Leposaviç sfidoi edhe legjitimitetin e Gjykatës së Hagës për krime lufte në ish-Jugosllavi, që ka konstatuar se në Srebrenicë ka ndodhur gjenocid.

Kryeministri Krivokapiç tha se Vladimir Leposaviç, si ministër ka qenë i detyruar që t’i përgjigjej pyetjes parlamentare rreth Srebrenicës në frymën e politikës së qeverisë, e jo në frymën e debatit akademik.

LEXO EDHE:  Imigracioni i paligjshëm/ Marrëveshje Britani-Francë

LEXO EDHE:  Kosova ndalon zyrtarët nga Beogradi të marrin pjesë në fushatën e zgjedhjeve

“I kam kërkuar dorëheqjen sepse është më mirë që me një akt personal, të tregojmë përgjegjësi”, tha kryeministri Krivokapiç.

Megjithatë, ministri Leposaviç nuk pranoi të ofrojë dorëheqje, pasi u mbështet edhe nga një shumicë e deputetëve proserb pjesë e partive në pushtet. Partia pro-ruse në Mal të Zi, Fronti Demokratik, e mbështeti ministrin duke vlerësuar se “Leposaviç nuk tha asgjë që nuk është pozicioni i çdo serbi në Mal të Zi”.

Pjesëtarët e kësaj partie paralajmëruan se shkarkimi i tij mund të çojë në rënien e qeverisë malazeze ditëve në vijim.

Parlamenti malazez po ashtu miratoi një rezolutë me të cilën ndalohet mohimi i gjenocidit ne Srebrenicë. Në mbështetje të rezolutës votuan 55 deputetë, 19 ishin kundër dhe 7 veta abstenuan.

Në korrik të vitit 1995, forcat e serbëve të Bosnjës pushtuan Srebrenicën, një qytetit që ishte shpallur zonë e sigurt nga Kombet e Bashkuara. Më shumë se 8 mijë burra e djem boshnjakë u ekzekutuan dhe trupat e tyre u hodhën në varreza masive në zonë. Ajo ishte ngjarja më e rëndë në Evropë pas Luftës së Dytë Botërore dhe u shpall si gjenocid nga gjykatat e Kombeve të Bashkuara./ VOA

LEXO TE PLOTE

Kosova & Rajoni

Goditet nga rrufeja/ Humb jetën 51-vjeçari

Publikuar

-

Nga

Goditet nga rrufeja/ Humb jetën 51-vjeçari

Një 51-vjeçar  ka humbur jetën pasditen e sotme në Kosovë, pasi që është goditur nga rrufeja.

Lajmin për IndeksOnline e ka konfirmuar, Driton Rugova, zëdhënës i Policisë së Kosovë për Rajonin e Pejës.

“Sot, rreth 19:25 një person është sjellë në Spitalin Rajonal në Pejë, i cili sipas ekipit mjekësor, është goditur nga rrufeja dhe nuk ka arritur të mbijetojë. Vdekjen e viktimës e ka konfirmuar ekipi mjekësor”, tha Rugova./CNA.al

LEXO TE PLOTE

Kosova & Rajoni

E paprecedentë/ Në Prishtinë bie tabela e rrugës “Dritan Hoxha”

Publikuar

-

Nga

E paprecedentë/ Në Prishtinë bie tabela e rrugës

Një ngjarje e paprecedentë është regjistruar ditën e sotme në komunën e Prishtinës në Kosovë.

Në rrugën “Dritan Hoxha” ka rënë tabela me emrin e rrugës. Deri më tani askush nuk ëhstë parë që të vihet në lëvizje për të rregulluar tabelën.

Pavarësisht se komuna e Prishtinës ka vendosur që rrugës t’i vërë emrin e themeluesit të Top Medias në shenjë respekti ndaj tij, rënia e tabelës tregon papërgjegjshmëri të strukturave./ CNA.al

LEXO EDHE:  Endira Bushati “kryqëzon” Bashën/ Thumbon ambasadorët: E bindur se “do t’ua fusnin këmbët në një këpucë”

LEXO EDHE:  Endira Bushati “kryqëzon” Bashën/ Thumbon ambasadorët: E bindur se “do t’ua fusnin këmbët në një këpucë”

LEXO TE PLOTE