LEXO PA REKLAMA!

SHKARKO APP

Skandali që i kushtoi Shqipërisë 44 milion euro/ LSI i kundërpërgjigjet MIE-së

7 Shtator 2020, 11:35, Politikë CNA
Skandali që i kushtoi Shqipërisë 44 milion euro/ LSI i

LSI ka reaguar pas deklaratës së Ministrisë së Infrastrukturës dhe Energjitikës, e cila fajësoi PD-në dhe LSI-në, për skandalin që i kushtoi Shqipërisë 44 milion euro.

Në një deklaratë për mediat, LSI akuzon Belinda Balluku, se e urdhëruar nga Edi Rama ka nxjerrë një deklaratë dezinformuese.

Në deklaratë LSI rendit përgjegjësit kryesorë, që sipas saj qëndrojnë pas kësaj çështje.

LSI akuzon Znj. Eridana Çano, ish Zv Drejtore e Kabinetit të Kryeministrit të Rilindjes Edi Rama, që ishte personi përgjegjës për mbarëvajtjes e projektit.

Më pas përmend ish-Ministrin e Financave, Arben Ahmetaj, i cili ishte personi që firmoste dhe aprovonte buxhetet, shpronësimet dhe rimbursimin e TVSH-së dhe shton faktin se arbitrazhi është humbur pikërisht për mosrimbursimin e TVSH-së dhe shpronësimeve.

Gjithashtu përmend edhe kryetarin e Këshillit Teknik, Afrim Qendron që miratonte çdo ndryshim projekti që kishte efekt në buxhet.

Ndërkaq i bën thirrje Prokurosisë të zbulojë pse janë zhdukur e-mailet e komunikimit mes Eridana Çano-s dhe drejtuesve të njësisë së menaxhimit të projektit Z. Aksel Gjurduka dhe Z. Albens Alite.

?Ankesa e firmës Greke AKTOR ka ardhur në ARRSH, një javë pasi Dashamir Xhika ka dhënë dorëheqjen. Trajtimi i këtyre ankesave duhet të ishte marrë në konsideratë nga Damian Gjiknuri dhe Afrim Qëndro?  shton LSI.

Në deklaratë theksohet edhe fakti që firma Greke e ka nisur gjyqin me qeverine shqiptare në 2019-ën, kur LSI ishte në opozitë.

?Kur LSI qenka kaq e rëndësishme, përse firma Greke ka nisur gjyqin me qeverinë shqiptare në 2019-ën, 2 vite pasi LSI ishte në opozitë dhe pse kryeministri Rama nuk ka marrë asnjë veprim ndaj informimit që Ministri i LSI-së Z. Haxhinasto i bëri në Mars 2016-ën, me anë të një letre zyrtare mbi problematikat me firmën Greke në rrugën Tiranë-Elbasan?, shkruhet në deklaratën e LSI-së.

Deklarata e plotë e LSI:

Në tentativën e radhës për të hedhur baltë ndaj LSI, Belinda Balluku e urdhëruar nga Edi Rama ka nxjerrë një deklaratë dezinformuese ndaj LSI-së.

Për të informuar Ministrinë e Infrastrukturës dhe Fugën që përgatit Deklaratat e Ministrive të Rilindjes, iu bëjmë me dije se para se të përmendni emrin e LSI duhet të thërrisni që t’iu sqarojnë:

Znj. Eridana Çano ish Zv Drejtore e Kabinetit të Kryeministrit të Rilindjes Edi Rama. Personi i ngarkuar nga Rama për ndjekjen e mbarëvajtjes së këtij projekti dhe komunikimin me ARRSH, Ministrinë dhe firmën greke AKTOR.

Z. Arben Ahmetaj, ish Ministër i Financave dhe personi që firmoste dhe aprovonte buxhetet, shpronësimet dhe rimbursimin e TVSH-së. Arbitrazhi është humbur pikërisht për mosrimbursimin e TVSH-së dhe shpronësimeve.

Z. Afrim Qendron, që ishte kryetari i Këshillit Teknik dhe ishte ai që miratonte çdo ndryshim projekti që kishte efekt në buxhet.

Dhe si mund të evitoni Taulant Ballën nga marrja në pyetje, që jo vetëm përdori kunatin dhe motrën për lëvizjen e parave por edhe listën e njerëzve që punësonte në Elbasan.

Cila është lidhja e Kristlen Kerrit me Taulantin?

Së fundmi, i bëjmë thirrje Prokurorisë, të zbulojë pse janë zhdukur e-mailet e komunikimit mes Eridana Çano-s dhe drejtuesve të njësisë së menaxhimit të projektit Z. Aksel Gjurduka dhe Z. Albens Alite?

Përpara se Znj. Balluku të bëjë deklarata inati ndaj Damian Gjiknurit, e këshillojmë që të shikojë letrat mirë. Meqënëse është dhe ish-studente e Fakultetit Juridik Tiranë.

Ankesa e firmës Greke AKTOR ka ardhur në ARRSH, një javë pasi Dashamir Xhika ka dhënë dorëheqjen. Trajtimi i këtyre ankesave duhet të ishte marrë në konsideratë nga Damian Gjiknuri dhe Afrim Qëndro.

Kur LSI qenka kaq e rëndësishme, përse firma Greke ka nisur gjyqin me qeverinë shqiptare në 2019-ën, 2 vite pasi LSI ishte në opozitë dhe pse kryeministri Rama nuk ka marrë asnjë veprim ndaj informimit që Ministri i LSI-së Z. Haxhinasto i bëri në Mars 2016-ën, me anë të një letre zyrtare mbi problematikat me firmën Greke në rrugën Tiranë-Elbasan.

Kaq për momentin…

MIE pranon humbjen me kompaninë greke/ Fajëson LSI dhe PD

Lajmet e fundit nga