Connect with Us

Covid-19/ Pse karantinat janë një eksperiment i dështuar, të cilin shtetet nuk duhet ta përsërisin më

Blog

Covid-19/ Pse karantinat janë një eksperiment i dështuar, të cilin shtetet nuk duhet ta përsërisin më

Publikuar

-

Covid-19/ Pse karantinat janë një eksperiment i dështuar, të cilin shtetet nuk duhet ta përsërisin më

Nga Donald L.Luskin “The Wall Street Journal”

Kur kanë kaluar 6 muaj nga shfaqja e pandemisë së Covid-19, SHBA-ja ka kryer deri tani dy eksperimente në shkallë të gjerë në sektorin e shëndetin publik. I pari, në muajt mars dhe prill, u bllokua ekonomia për të ndalur përhapjen e virusit, dhe i dyti, që nga mesi i muajit prill, me rihapjen e ekonomisë.

Dhe pasojat janë aty. Sado kundër-intuitive mund të duket, analiza statistikore tregon se mbyllja e ekonomisë nuk e frenoi përhapjen e sëmundjes, dhe se rihapja e ekonomisë nuk shkaktoi ​​një valë të dytë të madhe infeksionesh të reja.

Duke pasur parasysh se bllokimet janë ekonomikisht të kushtueshme dhe krijojnë pasoja të mirë-dokumentuara afatgjata në shëndetit publik përtej Covid-19, imponimi i tyre duket se ka qenë një gabim i madh politik. Në fillim, kur dihej shumë pak mbi koronavirusin e ri, zyrtarët vepruan në mënyra që mendohej se ishin të matura. Por tani të dhënat tregojnë se bllokimet ishin një trajtim i shtrenjtë dhe me efekte anësore serioze i pandemisë, pa sjellë përfitime për shoqërinë.

”TrendMacro”, kompania ime e analizave, mblodhi numrin kumulativ të rasteve të raportuara të Covid-19 në secilin shtet të SHBA, dhe në distriktin e Kolumbias si përqindje e popullsisë, bazuar në të dhënat e departamenteve shtetërore të shëndetit publik, të mbledhura nga Projekti i Ndjekjes së Covid-19.

Pastaj ne i krahasuam ato me kohën dhe intensitetin e masave bllokuese në secilën zonë.

Kjo matet jo me masat e vendosura nga zyrtarët qeveritarë, por më tepër duke vëzhguar atë që bënë njerëzit në secilën zonë, së bashku me sjelljen e tyre fillestare përpara masave bllokuese. Të dhëna shumë të hollësishme të gjurmimit përmes telefonave celularë të siguruara nga Google dhe kompanive të tjera, u paraqitën në një raport nga Instituti i Transportit i Universitetit të Marilendit, në “Indeksin e Distancimit Social”.

Nga matjet e bëra prej fillimit të vitit dhe deri në momentin e masave maksimale të bllokimit nga secili shtet – që variojnë nga 5-18 prilli – rezulton se masat bllokuese kanë lidhje me një përhapje më të madhe të virusit. Shtetet me bllokimet më të gjata dhe më të rrepta, patën edhe  shpërthime më të mëdha epidemike nga Covid-19.

Pesë vendet me masat bllokuese më të ashpra – Distrikti i Kolumbias, Nju Jorku, Miçigani, Nju Xhersi dhe Masaçusetsi – kishin edhe rastet më të shumta. Mund të ketë ndodhur që masat më të rrepta të bllokimit të jenë vendosur në përgjigje ndaj shpërthimeve epidemike tashmë të rënda.

LEXO EDHE:  Plani i Xhorxh Soros për të ri-formatuar Amerikën

Por lidhja negative, edhe pse statistikisht e dobët, vazhdon edhe kur përjashtohen shtetet me rastet më të shumta. Dhe nuk bën asnjë ndryshim nëse analiza përfshin faktorë të tjerë shpjegues të mundshëm si dendësia e popullsisë, mosha, përkatësia etnike, përhapja në shtëpitë e të moshuarve, shëndeti i përgjithshëm i popullatës ose temperatura.

Faktori i vetëm që duket se bën një ndryshim të dukshëm është intensiteti i përdorimit të udhëtimeve të tranzitit në masë. Ne e zhvilluam eksperimentin për herë të dytë, për të vëzhguar efektet mbi rastet e reja gjatë rihapjes që nisi në mesin e prillit. Ne përdorëm të njëjtën metodologji, por e filluam nga kulmi i masave bllokuese të secilit shtet dhe e vazhduam deri më 31 korrik.

Duke konfirmuar eksperimentin e parë, kishte një prirje (edhe pse mjaft e dobët) që shtetet që hapeshin më shumë të kishin edhe me pak rastet të reja se sa të tjetër. Shtetet që patën edhe të ashtuquajturën “vala e dytë” – Arizona, Kalifornia, Florida dhe Teksasi – nuk patën rastet më të shumta të shtuara, pavarësisht politizimi të situatës.

Leksioni që marrim nuk është se masat bllokuese e përkeqësuan përhapjen e Covid-19, por që ndoshta ato nuk ndihmuan dhe rihapja nuk dëmtoi. Ky përfundim sfidon logjikën dominuese. Në teori, përhapja e një sëmundje infektive duhet të kontrollohet nga karantina.

Por me sa duket jo në praktikë, edhe pse jemi të vetëdijshëm se asnjë studiues nuk e kupton këtë. Ne nuk jemi studiuesit e vetëm që kemi zbuluar këtë marrëdhënie statistikore. Në korrik, revista mjekësore “Lancet” botoi një studim që gjeti rezultate të ngjashme, duke analizuar të gjitha vendet dhe jo vetëm SHBA-në.

“Për një kohë të gjatë para vendosjes së masave bllokuese, pati një numër më të ulët të rasteve të zbuluara”-përfundonte studimi. Këto zbulime tani janë përmirësuar nga masat e sofistikuara të distancës aktuale sociale dhe të dhënave të reja nga faza e rihapjes.

Me provat që zotërojmë tani, edhe zyrtarët më konsvervatorë të shëndetit publik duhet të hezitojnë përpara se të kërkojnë bllokimin e radhës, dhe të shkaktojnë një tjetër recesion ekonomik./ Përshtatur nga CNA.al

Për të rejat më të fundit behuni pjesë e grupit tonë në facebook : City News Albania
KLIKO PER TE KOMENTUAR

Komentoni

Your email address will not be published. Required fields are marked *

Blog

Aplikacionet për gjurmimin e kontakteve/ A ka prova se po ndihmojnë në frenimin e Covid-19?

Publikuar

-

Nga

Gjatë valës së parë të Covid-19, studiuesit në Universitetin e Oksfordit, ndërtuan një model kompjuterik që tregonte se nëse 56 për qind e qytetarëve britanikë do të shkarkonte dhe përdorte një aplikacion për gjurmimin e kontakteve (bashkë me respektimin e masave të tjera të kontrollit), kjo mund t’i jepte fund epidemisë në vend.

Me aplikacionin që ishte i disponueshëm vetëm që nga shtatori, është shumë herët të thuhet se si po funksionon ky sistem gjurmimi. Por edhe bazuar në përvojën e deritanishme të vendeve të tjera, aplikacionet e të cilëve po përdoren prej disa muajsh, ka ende shumë pak prova se ato mund të bëjnë diferencën në luftimin e Covid-19.

Këshilli i Evropës ka ngritur pikëpyetjen, që duke pasur parasysh mungesën e provave, premtimet e bëra në lidhje me këto aplikacione “a ja vlen marrja parasysh e rreziqeve të parashikueshme sociale dhe ligjore”. Pavarësisht parashikimeve se midis 67.5-85.5 për qind e përdoruesve të mundshëm do t’i shkarkonin këto aplikacione, nivelet e shkarkimeve në mbarë botën të aplikacioneve për gjurmimin e kontakteve, deri më tani kanë qenë të ulëta, duke arritur afërsisht vetëm në nivelin 20 për qind.

Në Gjermani norma ka qenë rreth 21 për qind, në Itali 14 për qind, në Francë vetëm 3 për qind. Islanda dhe Singapori, që ishin ndër të parët që nisën të përdorin një aplikacion të tillë, kanë normat më të larta të shkarkimit deri më tani me 40 për qind.

Në terma më të gjerë, nëse vetëm 20 për qind e popullsisë është përdoruese aktive e aplikacioneve të tilla, atëherë ka vetëm një mundësi prej 4 për qind që ai të hyjë në kontakt me një përdorues tjetër aplikacionesh. Nëse norma e shkarkimit arrin në 40 për qind, shanset që të takoni një tjetër përdorues aktiv të aplikacionit janë 16 për qind.

Kjo gjithashtu funksionon me supozimin se përdoruesit kanë të njëjtin aplikacion ose të ndryshëm, por që mund të funksionojnë bashkë. Por aplikacionet mund të mos kenë nevojë për nivele të larta shkarkimi për të pasur njëfarë ndikimin në frenimin e përhapjes së pandemisë.

LEXO EDHE:  Plani i Xhorxh Soros për të ri-formatuar Amerikën

LEXO EDHE:  Rritet me shpejtësi numri i infektimeve me COVID-19 në Nju Jork

Një raport i dytë nga studiuesit e Oksfordit, sugjeroi se një sistem i gjurmimit të kontakteve që përfshinte njoftimet digjitale por edhe manuale, mund të zvogëlojë infeksionet me 4-12 për qind, dhe vdekjet me 2 -15 për qind, dhe kjo vetëm nëse aplikacioni përdoret nga 15 për qind e popullsisë.

Ministria e Shëndetësisë e Singaporit, pohon se atje ku më parë ekipeve të gjurmimit të kontakteve, u duheshin 4 ditë për të identifikuar dhe karantinuar një kontakt të ngushtë të një të sëmuri me Covid, aplikacioni u jep mundësi ta bëjnë atë brenda 2 ditësh.

Por në botën reale, shkarkimi i aplikacionit nuk është i njëjtë me përdorimin e tij, ose më e rëndësishmja:reagimi ndaj paralajmërimeve për t’u vetë-izoluar, ndodh nëse aplikacioni ju tregon se keni qenë në kontakt me një person të infektuar.

Një studim i porositur nga qeveria britanike me më shumë se 30.000 njerëz ,tregoi se vetëm 18 për qind e njerëzve ranë dakord të vetë-izoloheshin, kur dikush që punonte për sistemin manual të gjurmimit të kontaktit, i telefononte dhe u shpjegonte arsyen.

Dhe shifrat e reagimit ndaj një mesazh të automatizuar në telefonat e njerëzve, ka të ngjarë të jenë edhe më të ulëta. Po pse aplikacionet nuk patën një sukses më të dukshëm? Së pari, duket se ka një mungesë të besimit të publikut tek teknologjia, dhe mbi përdorimin që ajo i bën të dhënave personale.

Një problem tjetër është që vetëm zotëruesit e smartfonëve mund të përdorin aplikacionet. Duke pasur parasysh që në Britani, 61 për qind e të moshuarve mbi 65 vjeç nuk kanë qasje në një pajisje të lëvizshme të internetit, kjo do të thotë se grupi më i madh i rrezikuar nga koronavirusi, ka shumë më pak të ngjarë të jetë në gjendje të përfitojë nga aplikacionet për gjurmimin e kontakteve.

Një zgjidhje për këtë problem, mund të jetë përdorimi i teknologjisë alternative për të regjistruar kontaktet e njerëzve. Singapori ka prezantuar një pajisje që mund të mbahet në xhep ose çantë, dhe që përmban një teknologji që kryen të njëjtin funksion si një aplikacion gjurmimi. / The Conversation – Bota.al

LEXO TE PLOTE

Blog

Biznesi i familjes Bajden, dhe lidhjet e saj me Kinën

Publikuar

-

Nga

Biznesi i familjes Bajden, dhe lidhjet e saj me Kinën

“The Wall Street Journal”

* Shumica e mediave po e injorojnë përmbajtjen e elektronike të gjetur në laptopin e Hanter Bajden, por kjo nuk do të thotë që ato nuk përbëjnë lajm. Xho Bajden ka detyrimin t’i përgjigjet pyetjeve rreth ndikimit të djalit të tij dhe bizneseve të tij, sidomos në lidhje me Kinën.

“The New York Post” botoi javën e kaluar përmbajtjen e materialeve në një laptop që supozohet se i përkiste Hanterit. Gazeta ka qenë transparente, duke thënë se e ka marrë kopjen e hard drive-it nga avokati i Donald Trump, Rudi Xhuliani, që nga ana e tij thotë se e ka marrë atë nga pronari i një dyqani për riparimin e kompjuterave në Delauer, ku kompjuteri u braktis në vitin 2019.

Xho Bajden e përqesh këtë çështje si një “fushatë shpifjesh”, ndërsa Kryetari demokrat i Komitetit të Inteligjencës në Kongres Adam Shif, nuk e quan atë si një provë, por një “dezinformim rus”. Drejtori i Inteligjencës Kombëtare Xhon Retklif, thotë se qeveria nuk ka të dhëna që e mbështesin pretendimin për një dezinformim.

Një laptop ndodhej në një servis kompjuterësh që nga prilli 2019. Ai përmban emrin e Hanter, dhe atë që duket të jetë firmat i tij. Pronari i servisit tha se kompjuteri dhe hard disku u sekuestruan nga FBI në dhjetorin e vitit të shkuar. Ndërsa shtabi i fushatës së Bajden, nuk ka thënë që posta elektronike është e rreme.

Email-et në lidhje me biznesin e Hanterit në Ukrainë janë raportuar gjerësisht në media. Por më intriguese është një e-mail i majit 2017, që përfshin një diskutim rreth “paketave të shpërblimit” për 6 persona, si pjesë e një marrëveshje biznesi me kompaninë e madhe energjetike kineze sot të shpërbërë, CEFC China Energy.

Kompania kineze, bëri bujë në mediat ndërkombëtare disa vjet më parë, kur qeveria amerikane akuzoi një organizatë të financuar nga CEFC për pastrim parash, dhe kur drejtori i saj ekzekutiv u ndalua nga autoritetet kineze. CNN raportoi në vitin 2018 se “në kulmin e saj”, CEFC ishte “e vështirë të dallohej” nga qeveria kineze.

Sipas postës elektronike, Xho dhe Hanter Bajden ishin në të njëjtën linjë në 2017, për të përfituar nga një marrëveshje me CEFC. Një e-mail duket se identifikon Hanter Bajdenin si “kryetar/zëvendëskryetar, në varësi të marrëveshjes me CEFC”.

Ai gjithashtu i referohet pagesave financiare në termat e “20” për “H”, dhe “10 të mbajtura nga “H” për djalin e madh?”. Fox News thotë se ka konfirmuar vërtetësinë e postës elektronike, me një nga marrësit e saj, dhe burimet thonë se “djali i madh” në këtë mesele është Xho Bajden.

LEXO EDHE:  “Pandemia do të vazhdojë edhe për 18-24 muaj”/ Pipero kërkon të vihen në punë spitalet rajonale

LEXO EDHE:  Çfarë do të ndodhë, kur gripi të kombinohet me Covid-19 në vjeshtë dhe dimër?

Një e-mail i gushtit të vitit 2017 nga “Robert Biden” (emri zyrtar i Hanter), thotë se marrëveshja fillestare ishte për 10 milion dollarë në vit, por që atëherë ishte bërë “shumë më interesante për mua dhe familjen time”, pasi përfshinte një pjesë të “kapitalit dhe fitimeve”. Stafi i Xho Bajden, thotë se kthimet e taksave, nuk tregojnë ndonjë përfshirje të familjes në investimet kineze.

Refreni i mediave të majta, është se edhe nëse këto komunikime elektronike janë të vërteta – në fakt familja Bajden nuk e mohon vërtetësinë e tyre – ato nuk arrijnë të provojnë se Xho Bajden ka shkelur ndonjë ligj. Por krimet nuk janë standardi minimal për sjelljen politike të një politikani.

Bajden ishte në vitin 2017 një qytetar i thjeshtë, por po konsideronte mundësinë e garimit për president. Një transaksion që do ta bënte atë – ose djalin e tij – partner me një kompani të lidhur me qeverinë kineze, ngre shumë pikëpyetje rreth gjykimit dhe mënyrës se si ai do ta sillej me Kinën si president i SHBA-së.

Xho Bajden duhet të qartësojë të gjitha dyshime mbi lidhjet e tij ekonomike me Kinën. Kjo është në interesin e tij politik. A është ai “djali i madh” në e-maile? Çfarë ndodhi me marrëveshjen? Kina do të jetë një nga sfidat më të vështira të politikës së jashtme të Bajdenit, dhe dokumentet e pashpjegueshme nuk do të zhduken edhe nëse ai zgjidhet president.

Nëse republikanët mbajnë Senatin, është e sigurt që do të ketë më shumë investigim mbi këtë çështje. Ndoshta Xho Bajden mund të mos ketë qenë i përfshirë, dhe Hanter e ka përdorur emrin e babait të tij për të bizneset e veta.

Por është gjithashtu e mundur që Xho Bajden të ketë qenë në dijeni të biznesit të CEFC, dhe të ketë hezituar t’i thoshte të birit se nuk mund të përdorte emrin dhe pozicionin e babait të tij për punët private. Cilado qoftë e vërteta, publiku meriton të dijë të vërtetën./ Përshtatur nga CNA.al

LEXO TE PLOTE

Blog

Presidencialet e SHBA/ Pse sondazhet mund të kenë gabuar sërish

Publikuar

-

Nga

Presidencialet e SHBA/ Pse sondazhet mund të kenë gabuar sërish

Nga G.Murphy Donovan “American Thinker”

* Sondazhet dhe ekspertët e tyre, dolën bllof gjatë zgjedhjeve presidenciale të vitit 2016. Në fakt, në zgjedhjet e fundit grupimi anti-Trump ishte aq universal, me anketuesit dhe gazetarët kryesore, sa që është e vështirë të besosh se nuk kishte një komplot për të dekurajuar votuesit e Trump.

Me zgjedhjet e radhës në prag, sondazhet duket se po rikthejnë në skenë një lloj dezha vy-je. Donald Trump po sulmohet nga të gjitha anët si “kalorësi i errët”. Por këtë vit ka disa prova të qarta, se përse sondazhet dhe media mund të jenë sërish në rrugë të gabuar, ose po i paraqesin keq shifrat.

Anketuesit bien dakord për një gjë:votuesit në zonat rurale janë mjaft të vështirë për t’u arritur për të kryer sondazhe me ta. Dhe shpjegimi është i vetëkuptueshme. Punonjësit amerikanë “jakë blu”, ose të “mjerët” siç etiketohen nga demokratët janë ende në punë.

Amerikanët e zonave urbane, punonjësit e qeverisë dhe shkollave ​​publike janë me leje me pagesë për shkak të epidemisë së Covid. Një në katër amerikanë, punon për qeverinë ose shkollat e të gjitha niveleve. Ata mund të mbi-përfaqësohen në sondazhe.

Votuesit e Bajdenit, kryesisht në zonat urbane, janë sërish në shtëpi; duke iu përgjigjur telefonit, dhe duke qenë të gatshëm të shtrembërojnë kurbën e sondazhit. Nëse karantinat në zonat urbane janë një komplot për të dëmtuar Trumpin, kjo mund të ketë një efekt të kundërt në kampuset universitare.

Të rinjtë e kësaj moshe, janë zakonisht me prirje liberale, por apatikë në raport me proceset zgjedhore. Me shkollën që ka një ndërprerje për një kohë pacaktuar, kampuset nuk do të kenë këtë vit shumë votues që mund t`a hedhin votën në favor të dyshes Bajden/Herris.

Ndërkohë që nga mesi i shekullit XX, afro-amerikanët kanë qenë të prirur të votonin për demokratët; si për ironi partia e skllavërisë. Diçka ka ndryshuar këtë vit. Zezakët po vetë-deklarohen si të pavarur në një numër të konsiderueshëm, një lajm ky jo i mirë për liberalët dhe demokratët.

Këtu nuk ndihmoi as qëndrimi mbrojtës i Bajdenit ndaj zezakëve. Ndërkohë, as shenjat e tjera nuk janë të mira. 27 republikanë zezakë po garojnë këtë vit për në Kongres. Ndërkohë, një numër i konsiderueshëm amerikanësh të zakonshëm, sidomos ata që jetojnë afër qyteteve, nuk do të denjonin të tregonin hapur mbështetjen për Trump. Ata nuk mbajnë asnjë poster në oborrin e shtëpisë së tyre apo në parakolpin e makinës, pasi kjo do t’i vinte në shënjestër të banditëve liberalë, lëvizjes “Black Lives Matters” dhe aktivistëve të ANTIFA- që tashmë janë derdhur rrugëve të SHBA-së.

LEXO EDHE:  Dy raste të reja me COVID-19 në Kosovë/ Shkon në 19 numri i të infektuarve

LEXO EDHE:  "Do të marr frymë në ajrin e Covid-19"/ Madonna sfidon hapur Coronavirusin

Votuesit e ndrojtur të Trumpit, po ruajnë një profil të ulët, ndërsa “kultura e anulimit” po vijon të lulëzojë, pasi demokratët e dinë se trazirat në shtetet e tyre nuk do të shuhen shumë shpejt. Nuk ka ndonjë metrikë përveç votës, për të numëruar mbështetësit e heshtur të Trump.

Hakmarrja më e mirë është një fitore. Sondazhet politike amerikane, janë më të pandershmet në botë. Asnjëherë nuk na është thënë se sa telefonata duhet të bëhen për të marrë një përgjigje, dhe nuk ka as ndonjë mënyrë për të vlerësuar ndershmërinë e të anketuarve, demokratëve, republikanëve apo të pavarurve.

Kur nuk dimë numrin e atyre që refuzojnë të përgjigjen, dimë edhe më pak për apatinë apo armiqësinë e plotë ndaj vetë sondazheve. Faktet e harruara konsiderohen shumë rrallë. Censorët e mediave urbane, nga të cilat industria e sondazheve është një nëngrup, tani përfshijnë Komisionin e Debatit Presidencial dhe perandoritë dot.com.

“Big Brother” është qartësisht një demokrat urban. Është një bast shumë i sigurt, që të njëjtët njerëz që do të guxojnë të votojnë atë ditë Trumpin, mund të mos jenë të gatshëm të flasin, ose të jenë të sinqertë me një anketues urban. Në fakt, sondazhet popullore në mbarë vendin janë të kota, pasi një president zgjidhet shtet më shtet përmes Kolegjit Zgjedhor.

Demokracia e vërtetë funksionon sipas rregullave. Shumica e sondazheve kryesore, lidhen me një ose më shumë media. Mediat partiake po shesin profeci dhe jo ​​parashikime. Ndër shumë gjëra të tjera, në fillim të muajit tjetër është mençuria e turmave./ Përshtatur nga CNA.al

LEXO TE PLOTE