Connect with Us

Blendi Gonxhja bëhet qesharak/ Dokumenti që turpëron DPSHTRR-në

Politikë

Blendi Gonxhja bëhet qesharak/ Dokumenti që turpëron DPSHTRR-në

Publikuar

-

CNA.al prej disa ditësh ka publikuar detaje në lidhje me një automjet luksoz, me të cilin lëviz ministri i Brendshëm, Sandër Lleshaj.

Bëhet fjalë për një mjet të blerë nga Policia e Shtetit, për Oficerin e Kontaktit në Ambasadën Shqiptare në Berlin, por që më pas ky mjet ka ardhur në Shqipëri, ëhstë targuar me targa shqiptare dhe përdoret nga ministri i Brendshëm, Sandër Lleshaj.(Lexo këtu)

Dhe për të konfirmuar të gjithë informacionin që ne kemi dhe të dhënat që ne disponojmë i jemi drejtuar me një shkresë institucioneve shtetërore, për të marrë të dhëna zyrtare.

Me shkresën e mëposhtme, i jemi drejtuar Drejtorisë së Përgjithshme të Shërbimeve të Transportit Rrugor, ku kërkojmë të dhënat e mjetit zyrtar me targë AA 976 UT

      Shkresa drejtuar DPSHTRR

Pasi kemi dërguar këtë shkresë, përgjigja është qesharake, e turpshme dhe një ndyrje që i bëhet institucioneve shtetërore, institucionit që drejtohet nga Blendi Gonxhe, i cili nuk firmos vetë por ia ka kaluar nëndrejtorit firmën.

Dhe ajo që është më qesharake është fakti se thuhet se “nuk japim të dhëna personale” pa pëlqimin e personit.

                                  Përgjigja e kthyer nga DPSHTRR

Së pari i bëjmë me dije Zotit Nëndrejtor Endri Haxhiu, por edhe Blendi Gonxhes dhe të gjithë atyre që punojnë atje se nuk është një mjet privat. Mjetin që iu kemi kërkuar, bashkë me foton e mëposhtme, po ua tregojmë, është në përdorim të Ministrit të Brendshëm, Zotit Sandër Lleshaj.

           Makina me targa shqiptare, te Ministria e Brendshme

Mjeti BMW me targa AA 976 UT është fotografuar prej gati dy muajsh nga ne, edhe në Korçë ditët e fundit me këto targa.

Por, edhe në oborrin e Ministrisë së Brendshme.

     Lleshaj në Korçë

Kush qenka personi privat që na paska këto targa dhe targat ia paskeni dhënë një makine që e përdor ministri i Brendshëm Sandër Lleshaj.

LEXO EDHE:  Dita e Tokës/ Ambasada e SHBA bën apelin e fortë

Me makina private lëviz mninistri i Brendshëm? Personale e ka këtë makinën? Ku i gjeti paratë?

Është makina e shtetit. Ajo ose është në pronësi të Ministrisë së Brendshme dhe e përdor ministri, ose mjeti ka një problem tjetër, të cilin ne do ta tregojmë në ditët në vijim. Siç kemi thënë më përpara që ky është blerë për Oficerin e Kontaktit në Gjermani.

Ne nuk kërkojmë të dhëna personale të askujt, ne kërkojmë dosjen e mjetit.

Prandaj, Zoti Endri Haxhiu apo vetë Zoti Gonxhe, bëjnë mirë të mos na gënjejnë por të na kthejnë përgjigje zyrtare.

CNA.al ka vendosur që t’i drejtohet me një shkresë zyrtare Komisionerit për të Drejtën e Informimit, për t’i kërkuar që të urdhërojë Blendi Gonxhen dhe qesharakët e tij që i vijnë vërdallë që të japin të dhënat e këtij mjeti publik, në rast se ka të dhëna DPSHTRR. Në pronësi të kujt janë ato targa dhe në çfarë mjeti figurojnë?

Është detyrim ligjor, në bazë të nenit 23, pika 1 dhe 2 e Kushtetutës, dhe Ligjit për të Drejtën e Informimit, që Drejtoria e Shërbimeve të Transportit Rrugor të na japë çdo dokument dhe të na vërë në dijeni. Pasi nuk po kërkojmë asnjë të dhënë personale, por të dhënat e një mjeti që përdoret nga një zyrtar i shtetit. I cili ka të gjitha dyshimet se është me targa false, ose të një institucioni tjetër dhe përdoret nga Ministri i Brendshëm.

Mesa duket qesharakët po përpiqen të fshehin të vërtetën, por në fakt nuk po bëjnë gjë tjetër veçse po ndyjnë institucionet shtetërore dhe po tregojnë se duan të mbulojnë dhe të fshehin skandalin e Sandër Lleshajt. Por, vështirë se mund të ndodhë fshehja pasi gjurmët e lëna në Ambasadën Shqiptare në Berlin, në Policinë e Shtetit apo Ministria e Jashtme, kalimi në pikën kufitare, por edhe heqja e targave gjermane dhe vendosja e targave shqiptare, janë prova të padiskutueshme, për të cilat dikush do të duhet të japë llogari përpara shqiptarëve./ CNA.al

Për të rejat më të fundit behuni pjesë e grupit tonë në facebook : City News Albania

1 Koment

Komentoni

Your email address will not be published. Required fields are marked *

Politikë

ILD kërkon masë displinore ndaj gjyqtarit Hektor Sinanaj/ KLGJ vihet në lëvizje

Publikuar

-

Nga

Arrestimi i gjyqtares Enkelejda Hoxha/ Reagon KLGJ

Këshilli i Lartë Gjyqësor vendosi të mërkurën të pranojë kërkesën e Inspektoriatit të Lartë të Drejtësisë për shqyrtimin në seancë dëgjimore të kërkesës për vendosjen e një mase disiplinore ndaj gjyqtarit të Gjykatës së Rrethit Gjyqësor Vlorë, Hektor Sinanaj.

Sipas ILD-së në vitin 2017 dhe 2018, ndaj magjistratit janë bërë dy ankesa – nga institucioni financiar NOA sha dhe Bannka Kombëtare Tregare, për refuzimin e urdhërave të ekzekutimit të kredive në kundërshtim me ligjin.

Kërkesa e ILD-së për fillimin e procedimit disiplinor është depozituar në KLGJ me 30 korrik. Sipas ILD-së nga hetimi janë indetifikuar 7 raste kur gjyqtari nuk ka lëshuar urdhëra ekzekutimi në favor të insitucionit financiar NOA dhe në 2 raste ndaj BKT-së.

Gjyqtari Hektori Sinanj ka në karrierë 20 vjeçare në Gjykatën e Rrethit Gjyqësor Vlorë ku është emëruar në vitin 2000.

Në relacionin e paraqitur përpara KLGJ, ILD thekson së gjyqtari Hektor Sinanaj ka shqyrtuar 7 kërkesa për urdhër ekzekutimi nga shoqëria financiare NOA Sha, të cilat i ka refuzuar me argumentin se kontrata e kredimarrjes nuk është firmosur përpara noterit dhe nuk përbën titull ekezkutiv. Tre nga kërkesat janë apeluar në Gjykatën e Apelit Vlorës, e cila e ka përmbysur vendimmarjen e magjistratit Sinanaj.

LEXO EDHE:  Ambasadorja e SHBA: 100 milionë dollarë për Shqipërinë dhe vendet e tjera në luftën ndaj COVID- 19

Sipas Reportere.al, i njëjti gjyqtar ka shqyrtuar tre kërkesa për urdhër ekzekutimi nga Banka Kombëtare Tregtare, duke refuzuar dy prej tyre me arsyetimin së nuk përbëjnë titull ekzekutiv. Të dy vendimet janë apeluar dhe janë përmbysuar nga Gjykata e Apelit Vlorë.

LEXO EDHE:  Ekskluzive/ Priten arrestime të zyrtarëve të Ministrisë së Brendshme

Sipas ILD-së vendimet e Sinanajt se kontratat e kredisë nuk përbëjnë titull ekzekutiv janë hedhur poshtë në të gjitha rastet nga Gjykata e Apelit Vlorë, nga dy trupa të ndryshme gjyqësore, çfarë sipas Inspektoriatit tregon se interpretimi i ligjit nga ana e tij ka qenë i gabuar.

Pavarësisht se Inspektoriati ka indetifikuar 12 raste me shkelje të dyshuara procedurale nga magjistrati, ILD ka kërkuar vetëm vlerësimin e 5 prej tyre në procedim, për shkak se për të tjerat ka kaluar afati 5-vjeçar i parashkrimit.

Unanimisht KLGJ vendosi që seanca dëgjimore për shqyrtimin e procedimit penal ndaj gjyqtarit Hektor Sinanaj të mbahet me 16 shtator në orën 13:00./CNA.al

LEXO TE PLOTE

Politikë

Ndihma nga BE për shuarjen e zjarreve/ Meta: Mirënjohje për solidaritetin në momente kritike

Publikuar

-

Nga

Terrori në Velipojë/ Meta apel Policisë: Po vihet në rrezik jeta dhe shëndeti i dhjetëra qytetarëve, merrni masat

Presidenti Ilir Meta ka reaguar sërish përsa i përket situatës së zjarreve që kanë përfshirë Shqipërinë.

Përmes një postimi në rrjetet sociale, Meta ka shprehur mirënjohjen për solidaritetin dhe ndihmën që kanë marrë nga BE në këto momente kritike për vendin tonë.

I shumëpritur aktivizimi i Mekanizmit të Mbrojtjes Civile nga Bashkimi Europian për Shqipërinë, në kushtet e një situate tepër të rrezikshme të përballjes me zjarret.

Mirënjohje për solidaritetin dhe ndihmën e përhershme në momente kritike! 🇦🇱🇪🇺”, shprehet presidenti Meta./ CNA.al

LEXO TE PLOTE

Politikë

I shkarkuar nga Kuvendi/ Meta hakmerret, nis turin e kthimit të ligjeve

Publikuar

-

Nga

Meta ngre shqetësimin e zbrazjes së Shqipërisë/ ‘Një fatkeqësi kombëtare! Të merren masa sa nuk është vonë’

Brenda dy ditësh, Presidenti Ilir Meta ka rikthyer dy ligje pas në Kuvend.  Dje, ktheu ligjin për të huajt dhe sot njofton se ka kthyer Ligjin për buxhetin.

Presidenti Ilir Meta ka dekretuar, kthimin në Kuvend të ligjit nr. 86/2021 “Për miratimin e aktit normativ, me fuqinë e ligjit, nr. 25, datë 22.6.2021, i Këshillit të Ministrave “Për disa ndryshime dhe shtesa në ligjin nr. 9936, datë 26.6.2008 “Për menaxhimin e sistemit buxhetor në Republikën e Shqipërisë”, të ndryshuar”, për rishqyrtim.

Sipas Metës, akti normativ miratuar me ligjin nr. 86/2021, në nenet 1 dhe 2 të tij, bien ndesh me parimet e ligjit themeltar të shtetit dhe rrezikon qëndrueshmërinë financiare të vendit.

Ky ndryshim i ligjit bazë, sipas arsyetimit të nismëtarëve, është sjellë si domosdoshmëri me qëllim adresimin e çështjes:

–  së ofrimit të fleksibilitetit të domosdoshëm të manovrimit të buxhetit të shtetit si instrument kryesor stabilizues dhe nxitës të rritjes ekonomike, si dhe

– të ofrimit të kredibilitetit të qëndrueshmërisë së financave publike.

 Por në realitet, Akti Normativ i miratuar nuk influencon në mënyrë të drejtpërdrejtë vetëm çështjet e synuara nga Qeveria. Përkundrazi, kjo vendimmarrje ka një fushë veprimi dhe ndikimi më të gjerë për arsye se:

 Së pari, nëpërmjet ndryshimeve të miratura në Aktin Normativ nuk preken vetem parimet qe lidhen me qëndrueshmërinë e borxhit, si dhe të kufirit të defiçitit buxhetor, por nuk arrihen të zbatohen të gjitha parimet e parashikuara në nenin 4/1 të Ligjit Organik te Buxhetit (LOB), pikërisht të përdorimit të të ardhurave nga privatizimi për uljen e borxhit publik, si dhe parimin e displinimit të ndryshimit të ligjeve fiskale.

 Së dyti, ndryshimet e miratuara do të sjellin rrezikun real të lartë të rritjes së mëtejshme të borxhit publik, dhe të mos respektimit të disiplinës financiare për administrimin fiskal si në drejtim të burimeve, ashtu edhe në drejtim të shpenzimeve publike.

 Duke patur në konsideratë edhe raportet zyrtare të institucioneve financiare ndërkombëtare të cilat operojnë, asistojnë dhe monitorojnë vendimmarrjet ekonomike si, FMN e Banka Botërore, lidhur me masat fiskale të ndërmarra nga Qeveria me qëllim rimëkëmbjen ekonomike dhe sociale të vendit nga pasojat e tërmetit të nëntorit të vitit 2019 dhe të Covid-19, vendi ynë kuotohet pikërisht në vendet e fundit, me një nivel shumë më të ulët të mbështetjes fiskale krahasuar me vendet e rajonit.

 Qëndrimi i Presidentit të Republikës për vendimmarrje më cilësore dhe rialokimet e fondeve me qëllim krijimin dhe përballimin e pasojave ekonomike të prodhuara nga fatkeqësitë natyrore kanë qenë të adresuara në mënyrë të përsëritur si në adresë të Qeverisë, por edhe Kuvendit.

 Lidhur me argumentin se ndryshimet e miratuara me Aktin Normativ ofrojnë  fleksibilitet të domosdoshëm të manovrimit të buxhetit të shtetit si instrument kryesor stabilizues dhe nxitës të rritjes ekonomike, në realitet, Akti Normativ nëpërmjet ndryshimeve të miratuara, sjell efektin e drejtpërdrejtë në rritjen e shpenzimeve publike kryesisht nëpërmjet rritjes së investimeve si “stimul për nxitjen ekonomike”, thuhet në njoftimin e Presidencës.

LEXO EDHE:  “Flamuri shqiptar u ngrit”/ Hapet Ambasada e parë shqiptare në Australi

LEXO EDHE:  “Do jem në zgjedhje si votues…”/ Lleshaj shuan zërat për largimin e tij

Kujtojmë se Kuvendi i Shqipërisë, në seancën plenare të datës 01 korrik 2021, ka miratuar ndër të tjera edhe ligjin nr. 86/2021 “Për miratimin e Aktit Normativ, me fuqinë e ligjit, nr. 25, datë 22.6.2021, i Këshillit të Ministrave “Për disa ndryshime dhe shtesa në ligjin nr. 9936, datë 26.6.2008 “Për menaxhimin e sistemit buxhetor në Republikën e Shqipërisë”, të ndryshuar”./CNA.al

LEXO TE PLOTE