Kronika
Dhunoi gruan/ Arrestohet 31-vjeçari, ja çfarë iu gjet në shtëpi
Një 31-vjeçar është vënë në pranga nga policia e Krujës, pasi kishte dhunuar bashkëshorten e tij, por gjatë kontrollit në banesë iu gjetën dhe kanabis.
Mësohet se në pranga ka rënë 31-vjeçari i identifikuar me inicialet E.S.
“Nga specialistët për Hetimin e Krimeve në Komisariatin e Policisë Krujë u arrestua në flagrancë shtetasi: E. S., 31 vjeç, banues në Burizanë, Krujë, pasi ka ushtruar dhunë fizike dhe psikologjike ndaj bashkëshortes së tij dhe pas kontrollit të ushtruar nga shërbimet e Policisë në banesën e tij, u gjet dhe sekuestrua në cilësinë e provës materiale një sasi lënde narkotike e dyshuar si cannabis sativa. Bie në prangat e Policisë një 31-vjeçar për veprat penale “Dhuna në familje” dhe “Prodhimi dhe shitja e narkotikëve”.Materialet i kaluan Prokurorisë së Rrethit Krujë, për veprime të mëtejshme”, njofton policia.
Kronika
Hidhet nga kati i pestë/ Humb jetën 56 vjeçari në Fier
Një ngjarje e rëndë ka ndodhur paraditen e sotme në Fier.
Dyshohet se një person është vetëhedhur nga kati i pestë i pallatit dhe ka ndërruar jetë shtetasi
“Sot rreth orës 10:30, në lagjen “Kryengritja”, Fier, dyshohet se është vetëhedhur nga kati i pestë i pallatit dhe ka ndërruar jetë shtetasi P. Sh., 56 vjeç, i cili vuante nga probleme të shëndetit mendor. Grupi hetimor po kryen veprimet proceduriale për zbardhjen e plotë të ngjarjes”, njofton policia./CNA.al
Kronika
Foto-Shkrumbohet një makinë në Tiranë
Një makinë është shrkumbuar nga flakët sot në Tiranë
Mësohet se ngjarja ka ndodhur pranë qendrës “Kristal”, ndërsa nuk ka persona të lënduar. Mjeti tip “Benz A Class”, me targa AA 110 GT është përfshirë nga flakët dhe me gjithë ndërhyrjen e zjarrikësve është djegur plotësisht.
Policia ndodhet në vendin e ngjarjes dhe ka nisur hetimet./CNA.al
Kronika
I shpallur në kërkim për dy vepra penale/ Arrestohet 47 vjeçari
Policia e Tiranës ka vënë në pranga një 47 vjeçar i cili ishte shpallur në kërkim për veprën penale “Armëmbajtje pa leje” dhe “Përkrahja e autorit në krim”.
Sekuestrohen 1 armë zjarri dhe municion luftarak.
Në vijim të punës për kapjen e personave të shpallur në kërkim kombëtar dhe vënien e tyre përpara përgjegjësisë penale, nga shërbimet e Komisariatit Nr. 4, në bashkëpunim me shërbimet e Komisariatin e Policisë Nr. 5, u bë kapja dhe ekzekutimi i urdhrit të ndalimit për shtetasin A. K.,. 47 vjeç, të cilit Gjykata e Rrethit Gjyqësor Tiranë i ka caktuar masën e sigurisë “Arrest në burg”, për veprat penale “Armëmbajtja pa leje” dhe “Përkrahja e autorit në krim”.
Ky shtetas, më datë 19.01.2021, ka marrë dhe ka fshehur armën e zjarrit me të cilën shtetasi S. T. (i arrestuar po në atë datë) ka kanosur shtetasin P. Ll.
Gjatë kontrollit fizik, shtetasit A. K. iu gjet dhe u sekuestrua arma e zjarrit e dyshuar e përdorur në ngjarjen e datës 19.01.2021, si dhe disa fishekë.
Materialet i kaluan Prokurorisë së Rrethit Gjyqësor Tiranë, për veprime të mëtejshme./CNA.al
