LEXO PA REKLAMA!

SHKARKO APP

Cilat janë efektet e pandemisë së Covid-19 mbi shëndetin tonë mendor?

30 Gusht 2020, 06:17, Blog CNA
Cilat janë efektet e pandemisë së Covid-19 mbi shëndetin

Ndërsa pandemia Covid-19 po vazhdon të përhapet më mbarë botën, ka pak dyshime nëse
ajo po i shkakton një dëm të qëndrueshëm shëndetit mendor tek miliona njerëz.
Frika nga sëmundja, vetmia që shoqëron karantinën, dhe një ekonomi e dobët, kombinohen së bashku për të krijuar sfida të komplikuara për mirëqenien mendore të njerëzve.Studiuesit kanadezë të psikologjisë, kanë grumbulluar një mori provash që dokumentojnë se si COVID-19 po ndikon në shëndetin mendor të shumë njerëzve.

Grupi i të dhënave, është një përmbledhje e sistematike, të cilën hetuesit vazhdojnë ta përditësojnë me kërkime të reja. Deri më sot, studimi në fjalë ka kombinuar të dhëna nga 56 studime të ndryshme, që kanë vëzhguar simptomat e shëndetit mendor në lidhje me Covid -19, dhe ka identifikuar faktorët që kontribuojnë në ndryshimet mbi shëndetin mendor të njerëzve, dhe ndërhyrjet e nevojshme që synojnë përmirësimin e këtyre simptomave.
Katërmbëdhjetë studime, identifikuan simptoma specifike të shëndetit mendor në lidhje me Covid-19.Të dhënat e mbledhura kanë zbuluar disa fakte shqetësuese. Tek studentët e universitetit, pandemia e Covid-19 ka çuar në rritjen e simptomave të depresionit, dhe në një rritje të moderuar të stresit dhe ndjenjës së vetmisë.

Studime të tjera, kanë gjetur rritje të vogla të niveli të ankthit dhe depresionit tek publiku i gjerë.Njerëzit me sëmundje të rralla ose serioze, kanë më shumë të ngjarë të përjetojnë ankth të shtuar gjatë pandemisë aktuale. Ndërkohë, 22 studime kanë vëzhguar faktorët që ndikojnë
tek shëndeti mendor gjatë pandemisë së Covid-9.

Ndër gjetjet e tyre: Punonjësit në spitale që merren me kurimin e pacientëve të sëmurë me Covid-19, përjetuan nivele dukshëm më të larta të problemeve me shëndetin mendor, përfshirë depresionin, ankthin, pagjumësinë dhe stresin e lartë. Një studim i popullatës së përgjithshme në Angli, zbuloi se pjesëmarrësit kishin nivele pak më të larta të simptomave të ankthit, depresionit dhe traumës, krahasuar me studime të ngjashme të kryera para pandemisë. Më të rinjtë, që kishin fëmijë të vegjël të cilët jetonin bashkë me ta në shtëpitë e tyre, konsideroheshin si më të rrezikuar për t?u sëmurur rëndë nga Covid-19. Prandaj, ata kishin më shumë të ngjarë të përjetonin simptoma ankthi, depresioni dhe traume.

Për më tepër, njerëzit me të ardhura më të ulëta apo që kanë humbur të ardhurat gjatë muajve të fundit, kishin më shumë të ngjarë të përjetonin ankth dhe depresion.Dhe pjesëmarrësit në një studim më të vjetër, kishin më shumë të ngjarë të përjetonin një rritje të ndjeshme të ankthit gjatë pandemisë.
Një studim i kryer në Itali, zbuloi se njerëzit që kanë zakonisht nivele më të larta të stabilitetit emocional, vetëkontrollit, dhe stile pozitive të përballimit të stresit, kishin më pak të ngjarë të përjetonin shqetësime psikologjike për shkak të pandemisë.

Ndërkohë, individët me nivele më të larta të kontrollit të situatës – për shembull,ata që besojnë se kanë gjithnjë një farë kontrolli mbi rrethanat ku gjenden ? kishin gjithashtu më pak të ngjarë të përjetonin shqetësime psikologjike nga situata e krijuar nga pandemia.

Deri më sot, na mungojnë të dhënat rreth ndërhyrjeve efektive të Covid-19, që përmirësojnë gjendjen e shëndetit mendor. Dy studime të vogla, kanë treguar disa rezultate premtuese:njërizbuloi se ushtrimet e relaksimit të muskujve ndihmonin në uljen e ankthit tek një numër i vogël pacientësh të shtruar në spital me Covid-19 në Kinë.
Një studim tjetër, zbuloi se individët që lexonin tekste psikologjike pozitive, treguan përmirësime në mirëqenien e tyre.Ndërkohë janë duke u zhvilluar studime edhe më të zgjeruara, që analizojnë efektet e ndërhyrjeve virtuale të ushtrimeve, meditimit, shqetësimeve fizike dhe këshillimit.

Mesazhi që duhet të kuptojnë të gjithë:pandemia e Covid -19 ka një ndikim të rëndësishëm në shëndetin mendor dhe mirëqenien e njerëzve në të gjithë globin. Matja e ndikimit të tij, dhe planifikimi i ndërhyrjeve për të ndihmuar në përmirësimin e mirëqenies mendore është duke u shndërruar në një prioritet kryesor për studiuesit në mbarë botën./Përshtatur nga CNA.al

Lajmet e fundit nga