Kronika
Zjarri “përpin” disa hektarë pisha/ Ndërhyhet me helikopter në Patos, Mallakastër dhe Roskovec
Disa vatra zjarri janë regjistruar në zonën e fshatit Drenie mes 2 bashkive Roskovec dhe Mallakastër dhe në Patos.
Mësohet se zjarri është përhapur me shpejtësi dhe ka djegur disa hektarë me pisha.
Ndërhyrja e forcave zjarrfikëse ishte e pamundur për shkak të terrenit të thyer, ndaj është dashur të ndërhyhet me helikopter.
Forcat e Armatosura kanë nxjerrë në terren helikopterin “Cougar”, i cili po punon për vënien e flakëve nën kontroll.
Ndërkohë, raportohet se zjarri ka përfshirë pyllin prej tre ditësh dhe rrezikon disa banesa të banorëve aty pranë./ CNA.al
Kronika
Dhunonte djalin dhe gruan/ Arrestohet efektivi i policisë
SHÇBA ka arrestuar një punonjës policie në Laç, me dyshimin për dhunë në familje.
Në pranga është vënë shtetasi n N.GJ., 53 vjeç, punonjës policie i Patrullës së Përgjithshme, në Komisariatin e Policisë Kurbin.
Arrestimi i punonjësit të policisë u krye pas kallëzimit për “Dhunë në familje” nga ana e bashkëshortes dhe djalit të tij.
“Nga ana e specialistëve të SHÇBA u kryen të gjitha verifikimet për rastin në fjalë duke u administruar raporti mjeko-ligjor, si edhe duke i kërkuar Gjykatës së Shkallës së Parë Kurbin për nxjerrjen e urdhërit të mbrojtjes për dy shtetasit”, thuhet në njoftimin e SHÇBA./CNA.al
Kronika
Terror në Shkodër/ Mjekja tregon çfarë ndodhi në Spitalin Psikiatrik: Nuk është rasti i parë
Mjekja e spitalit psikiatrik të Shkodrës Mirela Gjokaj ka folur për rastin e dhunimit të infermierit nga një pacient i shtruar për shkak të problemeve të shëndetit mendor.
Në një prononcim për abcneës, Gjokaj ka deklaruar se i riu 25-vjeçar është shtruar në gjendje të rënduar dhe pas ndërhyrjes mjekësore ka shfaqur shenja përmirësimi.
Një orë më pas, ai është përkeqësuar sërish dhe ka shfaqur shenja agresiviteti duke sulmuar personelin dhe duke rrëzuar objekte.
Mjekja thekson që ky nuk është rasti i parë që përballen me një situatë të tillë, kjo pasi në spital mungojnë dhomat e izolimit për pacientë në gjendje të rënduar.
“Konkretisht tek ne ka ardhur për t’u hospitalizuar një djalë 25-vjeçar i cili ishte në gjendje të rëndë të shëndetit mendor. Ka ardhur i shoqëruar nga ambulance dhe forcat e rendit. I kemi bërë ndërhyrje mjekësore por tek ne mungon dhoma e izolimit. Rasti një orë pas marrjes së terapisë, është axhituar përsëri dhe ka sulmuar stafin.
Ka vazhduar më tej duke shprehur agresivitetin e tij kundrejt ambienteve të spitalit, ka tentuar të thyejë xhamat e makinave të parkuara jashtë. Kanë reaguar menjëherë forcat e rendit. Ai është dërguar në psikiatrinë e QSUT-së.
Infermieri është mirë por të gjithë si staf jemi të traumatizuar. Përballja me sulmin dhe agresionin është një traumë më vete. Ka pasur edhe raste të tjera. Te ne qëndron problemi i infrastrukturës. Nuk kemi mjete të mbrohemi nga këto forma të axhitimit”, u shpreh mjekja.
Video-Dyshemeja e larë me gjak / I droguari terrorizon spitalin psikiatrik
Kronika
Bie nga skela punëtori/ Niset me urgjencë drejt Tiranës
Një ngjarje e rëndë ka ndodhur në Pogradec, ku një punëtor ka rënë nga skela e katit të dytë teksa punonte në një banesë.
Mësohet se i plagosuri është 59 vjeçari, i identifikuar si R.L.
Ai është nisur me urgjencë drejt Tiranës për mjekim më të specializuar.
Ende nuk dihet gjendja shëndetësore e 59 vjeçarit.
