Partia Socialiste beson se pas 25 prillit do të formojë e vetëm qeverinë e re. Kështu u shpreh kryeministri Edi Rama gjatë një interviste me gazetarin Neritan Sejamini në emisionin “Me pak fjalë” në Euronews Albania.

“Të jemi realistë. Kemi përballë një konglomerat forcash dhe partish, të cilat i lidh bashkë një betim: Të heqim qafe Edi Ramën. Është shumë e thjeshtë. Unë nuk shoh asnjë rrugë tjetër përveçse ne të krijojmë një shumicë të mjaftueshme për të qeverisur dhe për të vazhduar gjërat që duhet të bëjmë, shumë gjëra , të cilat u ngadalësuan për shkak të futjes në mes të tërmetit dhe pandemisë dhe shumë gjera të tjera që janë mundësuar tanimë mbi bazat që kemi vendosur”, tha ai.

Ai thekson se nuk sheh forca të ndërmjetme në këto zgjedhje, pasi sipas Ramës të gjitha partitë janë bërë bashkë për të larguar Partinë Socialiste nga qeveria.

“Është një hipotezë teorike dhe më duket jorealiste dhe është e kotë ta diskutojmë, sepse po ju them përsëri se ne jemi përballë një konglomerati, i cili është krijuar me oportunizmin e të qenit gjithë bashkë për të hequr Edi Ramën edhe për të larguar PS nga qeveria. Nuk ka forca të ndërmjetme, por janë forca që rrëmojnë në një drejtim. Unë nuk shoh forca të ndërmjetme”, tha ai.

Partia Demokratike ka filluar zaptimin e kullave të ndërtuara në Tiranë për të shpalosur sloganin e Aleancës për Ndryshim – PD, slogan ky i vjedhur nga partia e Jozefina Topallit.

Slogani i PD-së “Bashkë për Ndryshim!” është shpalosur mbrëmjen e sotme në një prej ndërtesave përballë selisë blu.

Duket se Basha ka filluar të shfrytëzojë kullat që ndodhen në Tiranë për të bërë sa më shumë përshtypje para qytetarëve, teksa po afrohen zgjehdjet parlamentare të 25 prillit.

Ndonëse kreu i opozitës bërtet në media dhe ka ngritur akuza ndaj kryeministrit Edi Rama, kryebashkiakut të Tiranës Erion Veliaj dhe pronarit të kësaj kulle, duket se po bëhet palë dhe po “ia rëmben” këto kulla PS-së, duke i shfrytëzuar për interesat e tij.

CNA.al ka mësuar se pavarësisht çfarë deklaron Basha në media, kunati i Lulit Erion Isufi ka në pronësi 20% të kësaj ndërtese.

Kreu i PD-së së bashku me kunatin kanë vazhduar të “kapin” “oligarkët” për të cilët nuk kanë lënë gjë pa thënë./ CNA.al

Kryeministri Edi Rama ka sqaruar në emisionin “Me pak Fjalë” në Euronews Albania qëndrimin e tij në lidhje me diktaturën komuniste dhe debati që nxiti deklarata e kandidates për deputete Luljeta Bozo.

Rama i tha analistit Neritan Sejamini se është “antikomunist dhe antifashist”. Ai këmbënguli se në rastin e kandidates Bozo deklarata rreth vlerësimit si “me më shumë anë pozitive se sa negative” të diktaturës, ishte “e nxjerrë nga konteksti”.

“[…] mendoj se është nxjerrë jashtë kontekstit për arsye se zonja Luljeta [Bozo] po fliste për profesionalizmin, për profesionistët, shkencëtarët, shkencën e tjerë-e tjerë, dhe besoj që referenca e saj lidhej me këtë fakt, nuk lidhej me asnjë prirje për të amnistuar krimet e komunizmit, gjë të cilën ajo pastaj e tha shumë qartë edhe vetë që ‘nuk më shkon ndërmend që të mendoj se mund të amnistohen krimet e komunizmit’ – u shpreh Rama./euronews