Connect with Us

Asimptomatikët/ Pse shumë njerëz e bartin, por nuk sëmuren nga Covid-19?

Shëndeti

Asimptomatikët/ Pse shumë njerëz e bartin, por nuk sëmuren nga Covid-19?

Publikuar

-

Asimptomatikët/ Pse shumë njerëz e bartin, por nuk sëmuren nga Covid-19?

Një nga arsyet se përse Covid-19 u përhap kaq shpejt në të gjithë botën, është se në ditët e para pas infektimit, njerëzit ndjehen të shëndetshëm. Në vend se të qëndrojnë në shtëpi të shtrirë në shtrat, ata dalin si zakonisht, pa e ditur se kanë virusin me vete.

Por, përveç këtyre pacientëve para-simptomatikë, përhapja e heshtur e kësaj pandemie lehtësohet edhe nga një grup njerëzish edhe më misteriozë në raport me këtë sëmundje:të ashtuquajturit asimptomatikë. Sipas vlerësimeve të ndryshme, 20-45 për qind e njerëzve të prekur nga Covid-19, madje ndoshta më shumë, sipas një studimi të fundit nga Qendrat për Kontrollin dhe Parandalimin e Sëmundjeve në SHBA, e bartin infeksionin pa e kuptuar në asnjë rast këtë gjë.

Ata nuk kanë në asnjë moment ethe apo të dridhura. As humbje të nuhatjes apo shijes. Nuk kanë as vështirësi në frymëmarrje. Ata nuk ndiejnë asgjë. Rastet asimptomatike nuk janë unike për Covid-19. Ato ndodhin edhe me gripin e zakonshëm, dhe ndoshta kanë qenë të shumtë në numër edhe në pandeminë e vitit 1918, sipas epidemiologut Neil Ferguson nga Kolegji Mbretëror i Londrës.

Shkencëtarët: COVID edhe më i rrezikshëm, përhapet nga ajri

Por shkencëtarët nuk janë ende të sigurt, se përse disa njerëz e ia hedhin kaq lehtë ndaj Covid-19. “Deri më tani ky është një mister i madh”- thotë Donald Tia, ekspert i sëmundjeve infektive në Shkollën e Shëndetit Publik të Universitetit të Bostonit, SHBA.

Teoria më e përhapur është se sistemet e tyre imunitare, luftojnë kundër virusit me aq shumë efikasitet sa që nuk sëmuren kurrë. Por disa shkencëtarë janë të bindur se përgjigjja agresive e sistemit imunitar, dhe moria e madhe e antitrupave dhe molekulave të tjera për të eleminuar një infeksion, është vetëm një pjesë e përgjigjes.

Këta ekspertë po mësojnë se trupi i njeriut, nuk mund të zhvillojë gjithmonë një luftë gjithëpërfshirëse ndaj viruseve dhe patogjenëve të tjerë. Ai mund të jetë gjithashtu i aftë të presë një infeksion ndonjëherë aq lehtë, sa të mos shfaqen simptoma.

Kjo dukuri, e njohur si toleranca ndaj sëmundjeve, është e mirënjohur tek bimët, por vetëm në 15 vitet e fundit është dokumentuar tek kafshët. Toleranca ndaj sëmundjeve, është aftësia e një individi, për shkak të një predispozicioni gjenetik, apo të ndonjë aspekti të sjelljes ose mënyrës së jetesës, që të jetë i shëndetshëm pavarësisht se është infektuar me një sasi patogjeni që sëmur të tjerët.

Toleranca merr forma të ndryshme, në varësi të infeksionit. Për shembull, kur infektohet nga kolera, që shkakton diarre akute, dhe që mund të vrasë shpejt të sëmurin përmes dehidrimit, trupi mund të mobilizojë mekanizmat që ruajnë ekuilibrin e lëngjeve dhe elektrolitit.

LEXO EDHE:  Studimi i ri për imunitetin ndaj Coronës/ Infeksioni i dytë më i rëndë se i pari

Gjatë infeksioneve të tjera, trupi mund të nxisë metabolizmin ose të aktivizojë mikrobet e zorrëve apo çfarëdo rregullimi të brendshëm të nevojshëm, për të parandaluar ose riparuar dëmtimin e indeve, apo për ta bërë një mikrob më pak të dëmshëm.

Studiuesit që i studiojnë këto procese, mbështeten në eksperimente të ndryshme të cilat nuk mund të kryhen tek njerëzit. Sidoqoftë, ata i shohin asimptomatikët e Covid-19 si dëshmi se toleranca ndaj sëmundjeve, është një dukuri që ndodh edhe tek njerëzit.

Humb betejen me Covid-19/ Ndërron jetë ish-kryebashkiaku

Të paktën 90 për qind e të infektuarve me bakterin e tuberkulozit nuk sëmuren. E njëjta gjë është e vërtetë për më shumë se 1.5 miliardë njerëz në botë, që jetojnë me krimbat parazitare ‘helminths’ në zorrët e tyre. Atëherë çfarë bën trupi për të toleruar këto lloje infeksionesh? King dhe kolegët kanë identifikuar qeliza specifike imune tek minjtë që rrisin rezistencën e enëve të gjakut gjatë një infeksioni me ‘helminthit’, që çon në më pak hemorragji të zorrëve, edhe kur kanë të njëjtin numër krimbash.

“Kjo gjë është treguar tek bimët, bakteret, dhe specie të tjera gjitarësh. E përse të mos zhvillojnë edhe njerëzit këto lloj mekanizmash, për të promovuar dhe ruajtur shëndetin përballë infeksionit?”- thotë King.

Në një editorial të kohëve të fundit në “Frontiers in Immunology”, King dhe kolegu i tij McGill Maziar Divangahi, thonë se studim më i thelluar ndaj tolerancës ndaj sëmundjeve, mund të çojë në “një epokë të re të artë të kërkimit dhe zbulimit të sëmundjes infektive”.

Shkëncëtarët i shihnin dikur mikrobet si armike, një qasje që ka prodhuar antibiotikë dhe vaksina me shumë vlerë. Por kohët e fundit, studiuesit kanë kuptuar se trupi i njeriut kolonizohet nga triliona mikrobe, që janë thelbësore për një shëndet optimal, dhe se marrëdhënia midis njerëzve dhe mikrobeve është më e nuancuar.

Viruset dhe bakteret kanë ekzistuar rreth e rrotull që nga fillimi i jetës në Tokë, ndaj ka kuptim që njerëzit evoluan në mënyra për t’i luftuar si duhet ato. Pikëpamja kryesore shkencore mbi asimptomatikët, është se sistemet e tyre imune janë veçanërisht të rregulluar. Kjo mund të shpjegojë edhe faktin pse fëmijët dhe të rinjtë, përbëjnë shumicën e njerëzve pa simptoma nga Covid-19, pasi natyrisht sistemi imunitar dobësohet me kalimin e moshës./ undark.orgPërshtatur nga CNA.al

Për të rejat më të fundit behuni pjesë e grupit tonë në facebook : City News Albania

Komentoni

Your email address will not be published. Required fields are marked *

Shëndeti

Nuk ndalet vaksinimi masiv/ Manastirliu zbardh planin e radhës

Publikuar

-

Nga

Vaksinimi masiv/ Manastirliu zbulon kategorinë e rradhës që do marrë dozën e Sinovax

Ministrja e Shëndetësisë, Ogerta Manastirliu, nga qendra shëndetësore në Malin e Robit në Kavajë, ka njoftuar se brenda dy ditësh do të mbërrijnë në vend 100 mijë doza të vaksinës Coronavac.

Ndërsa 11700 doza Pfizer, do të mbërrijnë në fillim të javës.

“Kemi hapur 29 qendra shëndetësore. Ne jemi duke punuar që përgjatë sezonit veror të kemi një vëmendje të posaçme te vaksinimi. Presim që brenda 2 ditëve të ardhshme të kemi një lëvrim të kontratave të lidhura, do të jenë 100 mijë vaksina të Coronavac që pritet të mbërrijnë në ditët e ardhshme dhe 11700 Pfizer do të mbërrijnë ditë e hënë. Do zgjerojmë fashën e vaksinimit duke ulu grupmoshën në 50-vjeç duke filluar me ata me sëmundje kronike”, është shprehur Manastirliu./CNA.al

LEXO TE PLOTE

Shëndeti

Mbi 4 milionë vdekje nga COVID-19 në botë

Publikuar

-

Nga

Numri i vdekjeve të shkaktuara nga koronavirusi në të gjithë botën kaloi shifrën e zymtë të 4 milionëve të premten, sipas përllogaritjeve të bëra nga agjencia Reuters, ndërsa shumë vende përpiqen ende të sigurojnë vaksina të mjaftueshme për të vaksinuar popullsinë e tyre.

Ndërsa numri i rasteve të reja dhe vdekjeve është zvogëluar në vende si Shtetet e Bashkuara dhe Britania, disa vende kanë mungesa të vaksinave pasi varianti Delta po bëhet lloji dominues i virusit në të gjithë botën.

Sipas një analize të agjencisë Reuters, u desh mbi një vit që numri i të vdekurve nga COVID-19 të arrinte në 2 milionë njerëz, ndërsa 2 milionë vdekjet pasuese u regjistruan në vetëm 166 ditë.

Shtetet e Bashkuara, Brazili, India, Rusia dhe Meksika – kanë rreth 50% të të gjitha vdekjeve në botë, ndërsa Peruja, Hungaria, Bosnja, Republika Çeke dhe Gjibraltari kanë nivelin më të lartë të vdekjeve për nga numri i popullsisë.

Vendet në Amerikën Latine po përballen me shpërthimin më të keq që nga marsi, me 43 nga çdo 100 infeksione në botë që po raportohen në këtë rajon, sipas agjencisë Reuters. Nëntë vendet kryesore që raportuan më shumë vdekje për frymë gjatë javës së fundit ishin të gjitha në Amerikën Latine.

LEXO EDHE:  Studimi i ri për imunitetin ndaj Coronës/ Infeksioni i dytë më i rëndë se i pari
LEXO EDHE:  Studimi i ri për imunitetin ndaj Coronës/ Infeksioni i dytë më i rëndë se i pari

Spitalet në Bolivi, Kili dhe Uruguai po shohin kryesisht pacientë me COVID-19 mes moshave 25 dhe 40 vjeç. Në Sao Paulo të Brazilit, 80% e pacientëve në njësitë e kujdesit intensiv janë me COVID-19.

Shtimi i vdekjeve po ul kapacitetin operativ të krematoriumeve në vendet në zhvillim dhe varrezat në disa vende janë detyruar të zgjerojnë zonat.

Shumë ekspertë të shëndetësisë besojnë se numri zyrtar i të vdekurve duhet të jetë më i lartë.

Javën e kaluar, shteti indian i Biharit rriti ndjeshëm numrin e vdekjeve të COVID-19 pas zbulimit të mijëra rasteve të pa raportuara, duke i dhënë zë shqetësimeve se numri i përgjithshëm i vdekjeve në Indi është dukshëm më i lartë se shifrat zyrtare.

Ndërsa vendet e varfëra kanë vështirësi të vaksinojnë popullsitë e tyre për shkak të mungesës së vaksinave, vendeve më të pasura u është kërkuar që të dhurojnë më shumë furnizime për të kontrolluar pandeminë.

Grupi i Shtatë vendeve më të industrializuara të botës (G7) u zotua të sigurojë 1 miliard doza vaksinash COVID-19 për të ndihmuar vendet e varfëra të vaksinojnë popullsinë e tyre./ VOA

LEXO TE PLOTE

Shëndeti

SHBA, miliarda për pilulën kundër COVID-it dhe viruseve të tjera

Publikuar

-

Nga

SHBA, miliarda për pilulën kundër COVID-it dhe viruseve të tjera

Shtetet e Bashkuara po investojnë 3.2 miliardë dollarë për zhvillimin e pilulave antivirale për COVID-19-ën dhe viruset e tjera që mund të shkaktojnë pandemi të reja.

Eksperti i lartë amerikan i sëmundjeve infektive, Dr. Anthony Fauci, e bëri njoftimin të enjten në një konferencë shtypi në Shtëpinë e Bardhë si pjesë e një iniciative të re të quajtur Programi Antiviral për Pandemitë.

Programi do të mbështesë punën kërkimore për zhvillimin e barnave të reja për të trajtuar simptomat e shkaktuara nga koronavirusi dhe viruse të tjera potencialisht të rrezikshme.

Tabletat për COVID-19-ën janë tashmë në fazën e zhvillimit dhe mund të fillojnë të jenë në dispozicion nga fundi i vitit 2021 nëse provat klinike janë të suksesshme.

LEXO EDHE:  Po kurohet në spital pasi u konfirmua me Covid-19/ Reagon sërish Donald Trump

LEXO EDHE:  Po kurohet në spital pasi u konfirmua me Covid-19/ Reagon sërish Donald Trump

Financimi do të përshpejtojë provat dhe do të forcojë mbështetjen për kërkimin, zhvillimin dhe prodhimin e sektorit privat.

Shtetet e Bashkuara më parë aprovuan ilaçin antiviral remdesivir si një kurë për COVID-19-ën. SHBA gjithashtu kanë autorizuar për përdorim urgjent tre kombinime të antitrupave që ndihmojnë në luftimin e virusit. Por ilaçet mund të merren vetëm nga pacientë të shtruar në spital apo në klinikë mjekësore, një problem logjistik që ka rezultuar në një kërkesë të dobët.

Kompanitë farmaceutike AstraZeneca, Pfizer dhe Roche kanë filluar testimin e ilaçeve antivirale në formë pilule./ VOA

LEXO TE PLOTE