Politikë
“Mos kërkoni nga ne “nënë e babë”/ Rama: E gjeta Shqipërinë rrumpallë
Kryeministri Edi Rama ka reaguar për akuzat e opozitës ndaj qeverisë me anë të një videoje.
Në një postim në rrjetet sociale, Rama thotë se PD e ka lënë Lazaratin me 40 minuta ujë në ditë për një çerek shekulli, ndërsa kërkon që askush të mos flasë.
Kreu i qeverisë mendon se kur ishte në pushtet opozita e la Shqipërinë si një rrumpallë, ndërsa sipas tij ndryshimim me qeverinë e tij është si dita me natën.
“Dakord të gjitha, po si mund të flasin akoma dhe të kërkojnë “nënë e babë” nga ne kur i thonë llafit, kur edhe Lazaratin e lanë me 40 minuta ujë në ditë për një çerek shekulli! Tani patjetër, nuk them fare se kjo është një mrekulli, po si mund të mos jetë të paktën një arsye e qartë për ta bërë dallimin, si dita me natën, mes nesh që na e lanë Shqipërinë një rrumpallë copash e çikash dhe sot e kemi vënë në shinat e progresit të qëndrueshëm, hap pas hapi e me njëmijë vështirësi natyrisht, e atyre që s’kanë ndryshuar as qime, jo më zakon dhe kanë kurajon të kërkojnë të kthehen në krye, kur ne 7 vjet në punë papushim për të ndrequr, ndërsa ata 7 vjet rrugëve pa asnjë reflektim, vetëm për të prishur!
Lazarati me mbi 40 km rrjet të ri dhe 24 orë ujë të pijshëm së shpejti është një pasqyrë e dobishme për këdo që ka sy dhe do të shohë, faktet e pamjet flasin vetë…”, shkruan Rama krahas videos./ CNA.al
Politikë
Berisha optimist, qetëson Metën/ 100 % i sigurtë që Rama humb zgjedhjet
Ish-kryeministri Berisha, ka komentuar deklaratat e presidentit Meta, i cili tha sot se nëse Rama fiton 73 mandate atëherë ai tërhiqet nga President dhe del në opozitë.
Berisha e ftoi Metën të rri i qetë, pasi është e sigurtë 100 përqind që Rama humb zgjedhjet.
“Shqetësimi madhor për Europën dhe botën është lidhja e Edi Ramës me krimin. Ishte e rëndë për ne shqiptarët kur sot Borrell e Varhelyi ngrinin si çështje kryesore inkriminimin e kandidatëve. Presidenti Meta është 100% i sigurt që Edi Rama i humb zgjedhjet.”/CNA.al
Politikë
Berisha leksion Ramës/ Po të isha kryeministër nuk do të vaksinohesha kurrë i pari!
Ish-kryeministri Berisha ka kritikuar kreun e qeverisë, Edi Rama, lidhur me menaxhimin e situatës së pandemisë.
Në një lidhje me Syri tv është shprehur se nëse ai vetë do ishte kryeministër në këtë moment nuk do të ishte vaksinuar kurrë i pari, përpara grupeve më në rrezik.
‘Kjo qeveri ka bërë një keqmenaxhim ekstrem ndaj pandemisë. Shqipëria për shkak të Edi Ramës e trajtoi me falsitet e vjedhje të fondeve. Do të vaksinohem kur të më vijë radha. Vazhdoj të jem i kujdesshëm. Nuk meriton askush të vaksinohet përpara punonjësve të shëndetësisë, medieve, policisë e mësuesve.
Në asnjë mënyrë nuk do të pranoja të vaksinohesha nëse do isha kryeministër. Ai që drejton duhet të ndajë fatin me qytetarët e tij. 10 ditë më parë, në spitalin ‘Shefqet Ndroqi’ infermieret blinin doreza me lekët e tyre. Shqipëria duhet të mbyllë shkollat në radhë të parë, çdo mbyllje tjetër duhet të shoqërohet me subvencionim. Bëhet një minimum mizerabël testesh. Testet janë shpëtim jete, është parandalim, diagnozë.
Shifrat që deklaron qeveria janë vetëm deklarimet e spitaleve Covid në Tiranë, jo rajonalet. Shifrat e viktimave nga Covid-19, të manipuluara. Njerëzit nuk diagnostikohen, nuk shtrohen në spitale.“/CNA.al
Politikë
Kryemadhi: Sot është ditë historike, marrëveshja me Bashën vlen edhe për qeverisjen
Kryetarja e LSI, Monika Kryemadhi e ka cilësuar 1 marsin si një ditë historike të një marrëveshje të madhe parazgjedhore.
Ajo tha në emisionin “Opinion” se një marrëveshje e tillë para zgjedhjeve, midis një partie të majtë dhe të djathë ndodh për herë të parë në Shqipëri.
Po ashtu kryetarja e LSI pretendon se Partia Demokratike dhe Lëvizja Socialiste për Integrim kanë shkuar dhe drejt harmonizimit të programeve.
“Sot është ditë historike. Për herë të parë ndodh një marrëveshje e tillë kaq e madhe, një parti e majtë me një parti të djathtë. Është njëlloj si në ’90.
Në 2009 ka qenë koalicion parazgjedhor dhe jo paszgjedhor. Janë dy gjëra të ndryshme. Mos harroni që nga djegia e mandateve, që nga bojkotimi i zgjedhjeve lokale, që nga protestat e përbashkëta, janë të gjitha njëra pas tjetrës një unifikim politik e social. Sigurisht që koalicioni do të vlejë edhe për qeverisjen”, theksoi kryetarja e LSI./ CNA.al
Lajme të Rekomanduara:
Lista- Tirana kthehet në fushëbetejë mes PS-PD/ Këta janë emrat surprizë të opozitës që i bashkohen Ramës
Tirana, që është edhe qarku më i madh, nga zgjedhjet e ardhshme të 25 prillit do të dalin 36 deputetë. Aty do të përqendrohet edhe...
Deputeti që duam/ Rama prezanton kandidaten për Korçën
Kryeministri Edi Rama ka prezantuar kandidaten për deputete në qarkun e Korçës. Dhora Dajko, është një e re e cila vjen nga qyteza e Maliqit,...
