Connect with Us

Pala greke rinis punën në Kapshticë dhe Kakavijë

Aktualitet

Pala greke rinis punën në Kapshticë dhe Kakavijë

Publikuar

-

Pala greke rinis punën në Kapshticë dhe Kakavijë

Pas kaosit të krijuar në dy pikat kufitare të Kakavijës dhe Kapshticës nga ndërprerja e punës nga pala greke si pasojë e plotësimit prej 1050 personash, ministrja e Mbrojtjes Olta Xhaçka ka njoftuar se kjo masë kufizuese do të vihet në zbatim nga nesër.

Xhaçka shprehet se sot në këto dy pika kufitare do të punohet deri në orën 22:00, ndërkohë që nga nesër doganat do të qëndrojnë hapur deri në plotësimin e kuotës prej 1050 personash (750 në Kakavijë dhe 300 në Kapshticë).

Situata

Kaos dhe revoltë paraqiten në këto momente në pikën kufitare të Kakavijës, ku prej ditësh qytetarët janë në pritje për të kaluar kufirin.

Është arritur kuota prej 750 personash që pala greke lejon për të kaluar kufirin, por pas bisedimeve me autoritetet shqiptare, qeveria greke nxori urdhër të ri ku ku do të punohet deri në orë 22:00 të ditës së sotme, e nëse nuk përfundohen procedurat mund të zgjasë gjatë gjithë natës.

LEXO EDHE:  Kapet trafikanti malazez në Kapshticë/Ja ku e kishte fshehur drogën

Gjatë orëve të fundit, për shkak të kaosit dhe mosinforimimit, u nxitën revolta dhe protesta nga ana e emigrantëve shqiptarë. Qytetarët që presin në radhë në Kakavijë kanë debatuar me efektivët e Policisë dhe nuk pranuan të lëvizin prej aty edhe pas plotësimit të kuotave. /CNA.al

 

 

Për të rejat më të fundit behuni pjesë e grupit tonë në facebook : City News Albania
KLIKO PER TE KOMENTUAR

Komentoni

Your email address will not be published. Required fields are marked *

Politikë

Afera e mbetjeve/ Gjoni analizon komunikimin e Ramës: Tregon se është në rrezik të madh

Publikuar

-

Nga

Afera e mbetjeve/ Gjoni analizon komunikimin e Ramës: Tregon se është në rrezik të madh

Ekspertja e komunikimit Edlira Gjoni, ishte e ftuar mbrëmjen e sotme në A-shoë, ku ka analizuar komunikimin e Ramës në publik për aferën e inceneratorëve.

Gjoni tha se përdorimi i batutave nga kryeministri tregon se ky i fundit është në rrezik të madh komunikimi.

“Përdorimi i batutave është forma e propagandës që tregon se je në rrezik të madh komunikimi. Rrezikon që të dalë një informacion që nuk duhet. Batuta në komunikimin politik është dritë e kuqe e ndezur. Tregon se ai që e përdor është në fazë rreziku. Por në Shqipëri, batuta të bën hero, preferohet, pëlqehet.

Ne jemi votues që na kënaq një batutë sesa një program politik. Nga emisioni njerëzit mund të kenë kuptuar pak gjëra, por u kanë mbetur në mendje batuta si ajo që nuk ka hajdutë mbi dy metra.

LEXO EDHE:  Qytetarët i “tregojnë vendin” Ramës/ Lufta u bë për kullat, mos luani teatër me njerëzit

LEXO EDHE:  Qytetarët “masakrojnë” Ramën/ Shqiptarët nuk ta kanë frikën 

Batuta stimulon dhe provokon emocione. Nga mendimi, ajo çon te reagimi. Te ata që kërkojnë argumentin, reagimi është negativ. Por të tjerët kënaqen me batutat.

Frika ime është që njerëzit e preferojnë dhe ngopen me batutën. Pas kësaj batute fshihen të tjera probleme. Unë shqetësohem kur kryeministri përdor batuta dhe atë lloj gjuhe pasi tregon se gjërat nuk janë mirë,” tha Gjoni./CNA.al

LEXO TE PLOTE

Politikë

Skandali i inceneratorëve/ Alibeaj: Ja përse u duk sikur kishim lënë në hije denoncimin e aferës

Publikuar

-

Nga

“Rama po tenton të përçajë opozitën!”/ Alibeaj: PS ka braktisur dhe nuk njeh më Këshillin Politik

Ish-deputeti i Partisë Demokratike, Enkelejd Alibeaj, ka treguar mbrëmjen e sotme se përse i janë qepur tani pas inceneratorëve dhe nuk kanë folur gjatë gjithë kohës me të njëjtat tone.

Duke qenë se akuzat kanë qenë të shumta edhe ndaj opozitës së Lulzim Bashës, Alibeaj tha se PD ka folur gjatë gjithë kohës për inceneratorët, por theksoi se skandalet nuk kanë të mbaruar.

Sipas tij, çdo javë del nga një skandal që le paksa në hije dhe zë vendin e skandalit të mëparshëm, ndaj edhe është dukur sikur opozita nuk i ka denoncuar inceneratorët.

Ne nuk kemi folur tani, as dje. Ne kemi folur që në momentet e para kur kjo histori, po flas për koncesionet, që kur këto lindën. Ishim në parlament në atë kohë, kemi bërë edhe interprelancë.

Pse nuk e keni mbajtur si violinë të parë të debatit politik? Po kaq shumë gjëra sa ndodhin në këtë vend, prej kësaj mazhorance, kë të mbash e këtë lesh si çështje të parë të debatit publik? Në këtë vend çdo javë, del, lind një skandal i ri, i cili i zë vend skandalit të mëparshëm.

Së dyti për atë që ju pyesni, pse tani? Çfarë ka ndryshe ky? Në fakt nuk ka asgjë ndryshe nga koncesionet e mëparshme. Check up, sterlizimi e një sërë e sërë koncesionesh të tjera, shumë prej të cilave ndoshta nuk i dimë. Këto shoqërohen edhe një një mungesë totale transparence”, theksoi demokrati në emisionin “Tempora” në Ora News./ CNA.al

LEXO TE PLOTE

Politikë

Skandali me inceneratorët/ Ylli Rakipi: Më kërkuan të mos e transmetoja në emision

Publikuar

-

Nga

Skandali me inceneratorët/ Ylli Rakipi: Më kërkuan të mos e transmetoja në emision

Gazetari Ylli Rakipi ishte i ftuar  mbrëmjen e sotme në A-shoë ku po flitet për çështjen e aferës së inceneratorëve.

Ai zbuloi se për një puntatë të emisionit ‘Të Paekspozuarit’, ku është folur për këtë çështje në 2017,një njeri i njohur i medias, i kishte kërkuar që të mos e transmetonte emisionin.

“Kemi realizuar një program për inceneratorët më 30 nëntor të vitit 2017. Është programi ‘Në mbretërinë e pasur të plehrave’.

Plehrat emrat kanë të tillë, pasi mbajnë një kategori të madhe njerëzish nga të dy ekstremet. Ekstremi i parë janë ata që i shohim te koshat e plehrave, me kokën e ngulur nëpër kazana, që sigurojnë përditshmërinë e tyre. Pastaj vijnë të pasurit e mëdhenj që jetojnë me plehrat, vjen mafia. Me mafian mplekset në lojë edhe segmente të shtetit.

Tani atje në Elbasan është vendosur një teneqe, e ka marrë një emër. E bukura është se asnjë nuk kishte përgjigje se nga vjen kjo pajisje. Më kishte rastisur që të shihja në Danimarkë një fabrikë të jashtëzakonshme plehrash. Janë pajisje të jashtëzakonshme. Por kur merret një teneqe e vihet diku, atëherë ky është problem tjetër. Në këtë program paraqitëm qartësisht se çfarë ishte kjo aferë, e cila i bënte më shumë keq ambientit.

LEXO EDHE:  “Ti vetëm fjalë ke dhe jo vepra”/ Qytetarët “masakrojnë” Ramën, si përgjigjet kryeministri

LEXO EDHE:  Qytetarët “masakrojnë” Ramën/ Shqiptarët nuk ta kanë frikën 

Ne e përgatitëm këtë emision dhe më erdhi një njeri i njohur i medias, një koleg dhe me kërkoi takim. Befas ai më kërkoi që të mos publikoja këtë emision në televizion.”

I pyetur nëse kolegu i tij ia kishte kërkuar diçka të tillë për shkak të miqësisë, apo si shkëmbim për ndonjë favor, Rakipi tha: “Të gjitha bashkë”./CNA.al

LEXO TE PLOTE