Connect with Us

Rama “i ftohtë” ndaj ekipit të mjekëve italian në Shqipëri/ Pse nuk denjoi t’i takojë kryeministri

Politikë

Rama “i ftohtë” ndaj ekipit të mjekëve italian në Shqipëri/ Pse nuk denjoi t’i takojë kryeministri

Publikuar

-

Rama “i ftohtë” ndaj ekipit të mjekëve italian në Shqipëri/ Pse nuk denjoi t’i takojë kryeministri

Ish ministri i Shëndetësisë, Tritan Shehu ka reaguar me një status të gjatë në rrjetet sociale, ku kritikon kryeministrin Rama për pritjen e ftohtë që i bëri ekipit të mjekëve italian që erdhën në Shqipëri rreth dy javë më parë për të kontribuar në përballimin e situatës më Covid-19.

Sipas Shehut, Rama nuk e mori as mundimin ti takojë, dhe kjo sipas tij, pasi Rama i trembet transparencës e të vërtetës për dështimin   e tij me sistemin shëndetësorë.

Rama “i ftohte” ndaj prezences mjekesore italiane ne Shqiperi, as denjon t’i takoje!
Se pari nje falenderim e mirenjohje per Italine e ata kolege italine qe qendruan dy jave ne vendit tone, ne mbeshtetje ndaj ballafaqimit me Covid.
Duke njohur edhe personalisht ndonje nga ata, mund te them se ishte nje grup me nivel e pluridisiplinor, i afte te kuptoje e te transmetoje ne Itali gjendjen reale te krizes se thelle shendetesore qe po kalon vendi yne, gje kjo shume e rendesishme per tu pasuar me nje prezence te gjere, te gjate, stabel, strategjike e strukturale italiane ne vend. Prandaj jam i bindur se ndjenjat dhe mendimet e tyre kane pasur nje keqardhje te thelle per realitetin shendetesor te trishte qe gjeten duke u ballafaquar me:
—Nje sistem shendetesor ne amulli, pa strategji edhe ndaj Covid.
—Mos egzistencen e linjave te orientimit e komandimit prej lart per ne nivelet profesionale, perfshi ketu dhe prej atij Komiteti.
—Nje sistem shendetesor jo vetem te corganizuar, por dhe te pa pajisur ne mjete e struktura te pershtateshme.
—Institucionet spitalore shume larg standarteve europiane.
—Nje personel mjekesor, qe megjithese ne shumice individualisht eshte i pregatitur dhe me vullnet, te pa paguar si duhet, te pa stimuluar e pa mjetet adeguate te punes, i abandonuar, gje e ka bere pesimist.
—Nje situate kaotike e te pa kontrolluar ndaj Covid me shifrat reale shume here me te larta se zyrtaret, me numer e llojshmeri testimesh shume te vogel, me qytetaret te pa pajisur as me maska.
—Nje mungese e nje komunikimi racional te institucioneve me qytetaret.
Ne fakt kete une e ndjeva edhe ne ato pak informacione zyrtare ku spikaten dy elemente, vleresimi i kolegeve italiane per koleget shqiptare dhe shqetesimet e tyre per nivelin e organizimit.
Keto dhe mendimi i tyre qe une deduktoj, i cili eshte dhe vullneti i Italise mike per te krijuar ketu nje qendrim konstant e afat gjate ne ndihme te shqipetareve, duket se e kane merzitur e shqetesuar Ramen, qe i trembet transparences e te vertetes, pra pergjegjesise per deshtimin e tij./CNA.al

Image may contain: one or more people, people standing and outdoor

Për të rejat më të fundit behuni pjesë e grupit tonë në facebook : City News Albania

Komentoni

Your email address will not be published. Required fields are marked *

Politikë

Ilir Meta ndjeu “erën” e burgut?/ Si tentoi të minonte reformën në drejtësi

Publikuar

-

Nga

Braktisi Presidencën/ Çela vë Metën para përgjësisë: Ka kryer krim, e pret dënim i rëndë

Në kohën që flitej për reformën në drejtësi në vitin 2016, Ilir Meta në nga pozicioni i kreut të Kuvendit, tallej me burgun.

Ndërsa deklaronte se Qeveria kishte nevojë për përmirësime, në emisionin e Çim Pekës, Meta fliste për mangësi të reformës në drejtësi se ishte dominuar nga fjala “burg”, por se nuk kishin lindur ata njerëz që mund ta çonin në burg.

Nuk besoj, edhe një herë tjetër, se vërtet kanë lindur ata njerëz që mund të kenë një guxim të tillë. Po kështu nuk është ndonjë sekret që indirekt vazhdimisht është përmendur, apo është pëshpëritur se kjo reformë bëhet kundër këtij, kundër atij, dhe nuk është ndonjë sekret

që është thënë që është bërë edhe kundër Metës”, shprehej Meta në vitin 2016.

Por pas miratimit të reformës në drejtësi, duket se e nuhati erën e burgut nga larg dhe filloi ta merrte seriozisht, ndaj dyshohej se bëri përçapje për të minuar reformën në drejtësi.

Kujtojmë se në vitin 2020, Meta tashmë nga pozicioni i Presidentit kërkoi ngritjen e një Këshilli Politik për të ndërhyrë në Reformën në Drejtësi.

Ka disa institucione që duhet të ishin ndërtuar. Opozita është ajo që e votoi reformën në drejtësi, ndryshimet kushtetuese. Duhet parë nëse ka nevojë për amendime, sipas Presidentit duhet një këshill politik me përfaqësues të pozitës dhe opozitës për të arritur në një mirëkuptim sepse ndryshimet kushtetuese nuk janë çështje të Edi Ramës, por të gjithë popullit, që ka edhe një opozitë që duhet të ketë zërin e vet. Ka shumë gjëra që nuk po ecin, duhet parë nëse duam gjyqësor për Edi Ramën apo për të gjithë qytetarët“, raportohet të ketë thënë Meta në një takim me Opozitën.

Më tej në media u raportua se Meta i kishte thënë kreut të PD-së, Lulzim Basha dhe aleatëve të tij se  propozimin prej 11 pikash, ku përfshihej Reforma në Drejtësi do ua shtronte edhe ndërkombëtarëve.

Por, ishte ambasadorja amerikane Yuri Kim, që ia ndaloi hovin Presidentit.

Fillimisht ishte vetë Kim që shkoi në Presidencë me urgjencë, takim të cilin Meta e shmangu dhe la këshilltarët e tij që të takoheshin me diplomaten amerikane.

LEXO EDHE:  Imuniteti i tufës dhe variantet e reja Covid/ Epidemiologu Alimehmeti jep detaje

LEXO EDHE:  “Zgjatja e Fatkeqësisë Natyrore”/ Manjani nxjerr nenet: Nuk mund të bëhet sipas qejfit!

Kjo e fundit, kujtojmë se disa orë më pas, bëri një postim të ashpër duke i dërguar një mesazh të q

artë dhe direkt Presidentit Ilir Meta dhe të gjithë atyre që janë pjesë e planit të tij.

Ambasadorja e SHBA-së e cilësoi këtë lëvizje si një sabotim të Reformës në Drejtësi .

Shpresoj që fjalët për një marrëveshje prapa krahëve për të vrarë reformën në drejtësi në Shqipëri të mos jenë të vërteta. Reforma është e dhimbshme, e ngadaltë & jo perfekte por është e nevojshme, po bën përparim & duhet të vazhdojë“, shprehej Kim.

Meta në panik nga burgu?

Sot Ilir Meta, pasi nuk ia doli të ndërhynte në reformën në drejtësi, është në pritje të vendimin të Gjykatës Kushtetuesë, e cila do të vendosë për fatin presidencial të tij.

Që pas vo timit të Kuvendit për shkarkimin e tij Meta është tërhequr nga deklaratat e forta politike dhe nga sulmi ndaj ndërkombëtarëve.

Kujtojmë se Ilir Meta është i vetmi ish- Kryeministër shqiptar që në dy dekadat e fundit është proceduar penalisht për korrupsion. Në shkurt të vitit 2011, ai u akuzua nga Prokuroria e Përgjithshme për korrupsion aktiv, pas publikimit të një video nga emision Fiks Fare, ku dëgjohej të diskutonte një pagesë prej qindra mijëra eurosh me ish ministrin e ekonomisë, Dritan Prifti.

Akuza kundër tij u hodh poshtë në Janar të viti 2012 nga Gjykata e Lartë.

Gjithashtu emri i Ilir Metës është lakuar si i lidhur me aferën e ÇEZ edhe nga ish-kreu i bordit të drejtorëve të ÇEZ, Jozef Hejsek.

Dyshime ndaj Metës ka edhe për pasurinë, për të cilën thuhet se e ka siguruar në offshore, por ende nuk ka pasur ndonjë hetim për këtë çështje.

Pra,  janë këto disa çështje por edhe të tjera, ai ajo e zhdukjes së floririt të Krrabës, për të cilin Meta është akuzuar nga ish Kryeministri Sali Berisha, për të cilat shqiptarët kërkojnë transparencë dhe drejtësi./CNA.al

 

LEXO TE PLOTE

Politikë

“Kujdes, babëzia është vrastare”/ Paralajmërimi i fortë i ish-ministrit socialist: Pasojat janë të rënda

Publikuar

-

Nga

Sipërmarrësi i programeve anti-virus, John McAfee është gjetur i vdekur në një qeli në një burg të Barcelonës. John McAfee akuzohej zyrtarisht nga SHBA edhe për mashtrimin e investitorëve të investonin në kriptomonedha.

Në lidhje me këtë lajm, ka ardhur një reagim edhe nga ish-ministri i Ekonomisë dhe Financave në qeverisjen e socialistëve, Arben Malaj, i cili njëkohësisht bën edhe një paralajmërim të fortë për shqiptarët, ndërsa shkruan se “kush gënjen investitorët të investojnë në kriptomonedha/Bitcoin duke mashtruar për fitime marramendëse – mund të ketë pasoja të rënda jo vetëm ligjore.”

Në një postim në rrjetet sociale, Malaj i drejton një mesazh edhe Autoritetit të Mbikqyrjes Financiare, për të cilin thotë se duhet të identifikojë dhe parandalojë risqet që trondisin tregjet financiare nga spekulatorët.

Sipas Malajt AMF mund të kërkojë asistencë nga SEC, për bazën ligjore mbi të cilën ata e kanë akuzuar McAfee për mashtrim të investitorëve nëpërmjet këshillave të tij të shtrenjta për investim në Bitcoin.

Kujdes kush gënjen investitorët të investojnë në kriptomonedha/Bitcoin duke mashtruar për fitime marramendëse – mund të ketë pasoja të rënda jo vetëm ligjore. John McAfee akuzohej zyrtarisht nga SHBA edhe për mashtrimin e investitorëve të investonin në kriptomonedha. Autoriteti i Mbikqyrjes Financiare në vendin tonë ka detyrë ligjore të mbikqyrë fondet e investimeve financiare me larmi formash të sofistikuara por AMF duhet të identifikojë dhe parandalojë risqet që trondisin tregjet financiare nga spekulatorët.

AMF mund të kërkojë asistencë nga SEC, për bazën ligjore mbi të cilën ata e kanë akuzuar McAfee për mashtrim të investitorëve nëpërmjet këshillave të tij të shtrenjta për investim në Bitcoin.

Mashtruesit në tregjet financiare kanë asistencë dhe aftësi të jashtëzakonshme të gjejnë apo krijojnë “hapësira” ligjore për të “përligjur” mashtrimet e tyre.

Vdekja e papritur e J. McAfee është një fund tragjik i një prej ikonave të programeve antivirus.

Ajo sjell trishtim të thellë për familjen, miqtë, kolegët dhe adhuruesit e tij të shumtë.

Por kjo vdekje është edhe një rast konkret se sa e rëndësishme edhe për çdo individ, biznes por edhe politikanë është edukimi dhe respektimi i etikës në biznes.

Kujdes: “Greed – babëzia është vrastare“.-shkruan Arben Malaj./CNA.al

LEXO TE PLOTE

Politikë

Njëqindvjetori i turpit

Publikuar

-

Nga

Nga Edward Lucas “Center for European Policy Analysis”

Partia Komuniste Kineze mbush 100 vjeç më datën 1 korrik. Burokratët e partisë-shtet, do ta festojnë atë me pompozitetin e tyre të zakonshëm. Të gjithë ata që kanë fatin të jetojnë në liri, duhet ta përkujtojnë këtë përvjetor me marrjen e disa hapave, për t’u siguruar që të mos ketë shumë përvjetorë të tillë në të ardhmen.

Si fillim, duhet t’i jini mirënjohës fatit që keni. Asnjë nga problemet e vendeve që jetojnë në hijen e Rusisë, nuk i afrohet vuajtjes së tibetianëve, ujgurëve, kazakëve, mongolëve dhe pakicave të tjera etnike nën sundimin shovinist të partisë-shtet në Kinë.

Edhe shumë kinezë vuajnë, sidomos besimtarët praktikantë, intelektualët që besojnë tek liria e mendimit, dhe kushdo që mbështetet të drejtat e tyre. Fatmirësisht arrestimi arbitrar, censura, de-kulturalizimi, dëbimet dhe mundimet e tjera të përjetuara nga sovjetikët, po zbehen nga kujtesa e gjallë në ish-perandorinë e Kremlinit.

Por tani ato po ndodhin në Kinë. Njerëzit me para mund të bëjnë donacione. Ata që kanë kohë mund ta kursejnë atë për t’u angazhuar sadopak në këtë kauzë. Edhe përfaqësuesit e zgjedhur duhet të bëjnë më shumë (qoftë edhe diçka sadopak domethënëse) kundër regjimit të Pekinit, apo në emër të viktimave të tij.

Të burgosurit politikë variojnë nga Pançen Lama, i rrëmbyer që fëmijë, tek “Dy Majkëllat”, qytetarë kanadezët që mbahen peng në kushte të vështira. Drejtuesit e bashkive mund të riemërtojnë rrugët dhe vendet të tjera me rëndësi.

Bashkia e Budapestit në Hungari sapo e ka bërë këtë, me rrugë të emërtuara për nder të protestuesve të Hong Kongut, dëshmorëve ujgurë dhe peshkopit katolik të përndjekur Xie Shiguang. Por ndoshta kauza më e madhe përfshin Tajvanin.

Kina kontinentale është duke bërë gjithçka për  të dëmtuar demokracinë në ishull. Ndërhyrjet në ajër dhe det nga ushtria kineze, janë gjithnjë e më të shpeshta dhe të guximshme. Nëse Tajvani hakmerret, rrezikon një përshkallëzim të situatës në të cilin do të dalë humbës.

Nëse nuk hakmerret, atëherë do të duket si një vend shumë i dobët. Garancia e paqartë dypalëshe e sigurisë nga ana e SHBA-së, po vihet nën një presion në rritje. Evropa mund të ndihmojë jo pak. Për shembull, dërgimi i anijeve detare në Ngushticat e Tajvanit, do t’i tregonte regjimit të Pekinit, se Tajvani nuk është vetëm një çështje SHBA-Kinë.

LEXO EDHE:  Mustafaj: Opozita të nxjerrë njerëzit në rrugë nëse Rama zhbën marrëveshjen
LEXO EDHE:  Foto/ Kompanitë e basteve fillojnë protestën

Këtë mund ta bëjnë Franca, Gjermania dhe Britania. Por edhe vendet pa flota detare të mëdha, mund të ndihmojnë në fronte të tjera. Unë sugjeroj që shumë vende të bëhen bashkë dhe të ndërmarrin hapa, madje edhe të vegjël, për të përmirësuar marrëdhëniet e tyre me autoritetet në Taipei.

Ndër hapat kryesore në këtë drejtim mund të jenë:

Dërgimi i politikanëve dhe zyrtarëve në Tajvan për takime “joformale” apo “humanitare”;

politikanëve të opozitës, kryetarëve të bashkive dhe figurave të pavarura publike (delegacioni çek i verës së kaluar, ishte një shembull i shkëlqyer);

Përmirësimi i statusit të misioneve gati-diplomatike në Taipei (p.sh shtimi i një atasheu ushtarak); ftesa ndaj zyrtarëve tajvanezë për takime joformale apo edhe zyrtare; zmbrapsja e përpjekjeve të Kinës për të zhdukur Tajvanin nga jeta publike.

Sigurimi që ajo të shfaqet si “Tajvan, Republika e Kinës”, jo si “Taipei Kinez” apo gabime të ngjashme; inkurajimi i aleatëve të Tajvanit, veçanërisht ata me peshë si Selia e Shenjtë, Paraguai dhe Guatemala, që t’i rezistojnë presionit për të kaluar në anën e Pekinit.

Së fundmi parandalimi i kompanive perëndimore që të jenë bashkëpunëtore në ngacmimin e Tajvanit, për shembull në përkuljen ndaj presionit të Kinës, dhe refuzimin e furnizimit me vaksina të vendit ishullor.

Individualisht, asnjë nga këto masa nuk mund të ndryshojë ndonjë gjë. Por së bashku, ato ndihmojnë në rrëzimin e tabusë, dhe e bëjnë më të lehtë që vendet e tjera të ndërmarrin hapa të ngjashëm. Nëse mjaftueshëm vende e ndjekin këtë shembull, kjo mund të ndryshojnë llogaritjet e rrezikut në Pekin.

Po ashtu ne mund ta ndihmojmë Tajvanin me trajnimin e tij për luftën politike. Prej vitesh, kultura politike atje ka qenë e kujdesshme, burokratike dhe respektuese. Tani duhet të jetë e shkathët, e guximshme dhe dinamike.

Në këtë aspekt, vendet me përvojë të gjatë në marrëdhëniet me Rusinë, kanë shumë për t’i ofruar Tajvanit. Prandaj pritini në takime zyrtarë, gazetarë dhe aktivistët tajvanezë në qendrat tuaja kërkimore si dhe agjencitë qeveritare./CNA.al

LEXO TE PLOTE