Connect with Us

Hong Kong, lirohet me kusht manjati i medias

Bota

Hong Kong, lirohet me kusht manjati i medias

Publikuar

-

Hong Kong, lirohet me kusht manjati i medias

Manjati i medias pro-demokracisë, Jimmy Lai u lirua me kusht pas arrestimit të tij të hënën, një zhvillim që çoi në një shfaqje publike të mbështetjes ndaj kritikut të hapur të Pekinit.

Ndërsa themeluesi i gazetës “Apple Daily” po largohej nga rajoni i policisë me një makinë tip benc mercedez, ai përshëndeti turmën e njerëzve nga sedilja e pasagjerit, duke ngritur dy gishtat e mëdhenj të dorve në shenjë miratimi. Njerëzit që prisnin lirimin e zotit Lai, valvisnin kopje të gazetës se tij dhe brohorisnin, “mbështesni Apple-n deri në fund!”

Gazeta e Jimmy Lai, “Apple Daily”, në një postim në twitter shkruante se manjati i medias u kthye në zyrë të martën në mëngjes dhe falënderoi lexuesit për “mbështetjen”.

Reagimet pas arrestimit të manjatit të medias

Sulmet kundër aktivistëve pro-demokracisë në Hong Kong morën një kthesë tejet publike këtë javë. Autoritetet arrestuan në prani të kamerave televizive pronarin e një tabloidi ndërsa ndodhej në ambjentet e gazetës. Rasti u kritikua gjerësisht duke u cilësuar si një sulm ndaj fjalës së lirë.

Gazeta “Apple Daily” në Hong Kong u hap të martën me titullin: “Apple Daily duhet të luftojë”.

Judy Do, e cila tregton gazeta në një tezgë në rrugë, thotë se pas ngjarjes shitjet e gazetës u rritën.

“Lajmi i djeshëm bëri që çdo i ri të ketë dëshirë të lexojë “Apple Daily-n”. Edhe ata që nuk blejnë gazeta”, thotë ajo.

Titulli provokues vjen pas arrestimit nga autoritetet të pronarit të gazetës dhe manjatit të medias Jimmy Lai, i cili të hënën u bë i arrestuari i profilit më të lartë sipas një ligji të ri mbi sigurinë të miratuar nga Kina.

LEXO EDHE:  Lirohet nga detyra ambasadori i Shqipërisë në Katar

Në një konferencë shtypi në Pekin ministri i Jashtëm kinez vlerësoi zbatimin e ligjit nga autoritetet e Hong Kongut, një ligj që qeveria thotë se ka në shënjestër ata që dyshohen për përpjekje për shkëputje, terrorizëm apo komplot. Blerësit e gazetës “Apple Daily” thonë se ligji i ri është vetëm mburoja për të shtypur zërat pro-demokracisë në Hong Kong.

“Ambjentet e gazetës u bastisën nga një numër i madh oficerësh policie. Kjo situatë është shumë e rëndë dhe nuk duhet të kishte ndodhur. Në mbështetje të “Apple Daily-t”, mora një taksi dhe erdha menjëherë në redaksinë e lajmeve të gazetës”, thotë Calvin Jor, përkrahës i “Apple Daily-t”.

“Dje policia ndërhyri brutalisht tek liria e shtypit. Të gjithë banorët e Hong Kongut me ndërgjegje duhet ta mbështesin “Apple Daily-n” si dhe të mbështesin Hong Kongun”, thotë Kim Yau, përkrahëse e “Apple Daily-t”.

Autoritetet ndaluan 71 vjeçarin Jimmy Lai nën dyshimet për komplot me forcat e huaja, një akuzë që mund të çojë në dënimin e tij me burgim të përjetshëm. Ligji kinez mbi sigurinë kombëtare u miratua në qershor. Vendet perëndimore e kanë dënuar atë. “Apple Daily” u shtyp në më shumë se 500 mijë kopje të martën, pesëfishi i kopjeve që gazeta shtyp zakonisht në një ditë./ VOA

Për të rejat më të fundit behuni pjesë e grupit tonë në facebook : City News Albania
KLIKO PER TE KOMENTUAR

Komentoni

Your email address will not be published. Required fields are marked *

Bota

Bizneset afro-amerikane dhe pandemia COVID-19

Publikuar

-

Nga

Anglia shtrëngon masat/ Deri në 10 mijë euro gjobë për ata që nuk vetizolohen

Në SHBA, pandemia e koronavirusit ka detyruar rreth 40% të bizneseve në pronësi të afrikano-amerikanëve të mbyllen që nga muaji shkurt, krahasuar me 17% të bizneseve në pronësi të të bardhëve. Për t’i ndihmuar ata, një firmë gjigante e pijeve freskuese ka nisur një program për të mbështetur 500 biznese restorantesh në pronësi të afrikano-amerikanëve gjatë pesë viteve të ardhshme.

Pronarja e një dyqani akulloresh në Washington, Karin Sellers është përpjekur ta mbajë gjallë biznesin e saj që nga muaji mars, kur pandemia goditi vendin. Kriza e shkaktuar nga COVID-i ka bërë që fitimet e saj të bien. Zonja Sellers shpreson të marrë ndihmë nga firma e pijeve freskuese Pepsico, e cila ka njoftuar një grant prej 10 milion dollarësh në mbështetje të restoranteve afrikano-amerikane.

“Mendoj se është diçka shumë e nevojshme për biznesin tim, prandaj do të doja të aplikoja për një grant. Kjo do të më lejonte të vazhdoj punën, të shikoj gjithashtu se sa funksionin modeli i biznesit tim dhe nëse ai mund të rritet edhe në kohëra të mira”, thotë pronarja e “Here’s The Scoop!”

Përfaqësuesit e kompanisë Pepsico thonë se nisma synon t’u japë pronarëve të restoranteve më shumë sesa thjesht një nxitje financiare. Programi i ri i krijuar në partneritet me Lidhjen Kombëtare Urbane, do t’u ofrojë bizneseve afrikano-amerikane kapital, trajnim dhe këshilla se si mund të rriten më tej.

“Ky është në thelb një program i përshtatur për këto restorante. Kryesorja është që secilit restorant t’i jepet një mbështetje varësisht nga faza e zhvillimit në të cilën ndodhet,” thotë Scott Finlow i kompanisë Pepsico.

Kompania do të fillojë të pranojë aplikime në fillim të vitit të ardhshëm, për të ndihmuar rreth 500 biznese në pronësi të afrikano-amerikanëve në 12 qytete gjatë pesë viteve të ardhshme.

LEXO EDHE:  Kriza e kapitalizmit?/ A po e ‘kryqëzojnë’ protestat demokracinë?

LEXO EDHE:  Kriza e kapitalizmit?/ A po e 'kryqëzojnë' protestat demokracinë?

Pepsico thotë se të gjithë restorantet kanë vuajtur gjatë pandemisë, por në veçanti një kategori u përball me pengesa që u rënduan edhe më shumë nga COVID-i.

“Ka pabarazi historike dhe strukturore që ekzistojnë në biznesin e restoranteve, sidomos me bizneset e afrikano-amerikanëve. Këto pabarazi po dalin në pah më shumë nga ndikimi joproporcional i COVID-it,” thotë zoti Finlow.

Virginia Ali ka në pronësi restorantin Ben’s Chili Bowl ndër më të njohurat në kryeqytetin e vendit. Ajo thotë se mbështetja është më e rëndësishme se kurrë për pronarët e restoranteve afrikano-amerikane.

“Mendoj se do të ishte mirë, ne jemi mirënjohës për mbështetjen. Ne kemi qenë pjesë e këtij qyteti prej 62 vjetësh. Është e rëndësishme t’i mbash hapur këto restorante, janë pjesë e komuniteti! Kur pandemia të ketë mbaruar, ne ende duam që këto restorante të vazhdojnë punën në komunitetin tonë,” thotë Virginia Ali.

Para krizës, zonja Sellers bëri të pamundurën për të mbështetur të rinjtë që dëshironin të bënin karrierë në biznesin e restoranteve.

“Unë doja t’u mësoja të rinjve aftësi pune për të cilat ata kanë nevojë, si shërbimi i mirë ndaj klientit, edukimi i vetes. Gjithashtu do të doja t’u mësoja nga përvoja ime personale se si të drejtojnë financiarisht një biznes,” thotë zonja Sellers.

Për të qenë në gjendje të mësojë të tjerët, vetë zonjës Sellers tani i duhet një nxitje financiare që ajo shpreson ta marrë nga kompania Pepsico.

LEXO TE PLOTE

Bota

Protestat e së dielës në Bjellorusi / Policia ndalon qindra persona

Publikuar

-

Nga

Protestat e së dielës në Bjellorusi / Policia ndalon qindra persona

Një grup që vëzhgon respektimin e të drejtave të njeriut në Bjellorusi, bëri të ditur se më shumë se 200 persona u ndaluan në Minsk të dielën, ndërsa merrnin pjesë në protesta kundër Presidentit Aleksandër Lukashenko.

Mijëra njerëz dolën në rrugë për të kërkuar dorëheqjen e zotit Lukashenko. Sipas organizatës për të drejtat e njeriut “Vesna-96”, 205 persona ndodhen në paraburgim, pavarësisht përpjekjeve të aktivistëve për t’i zhvilluar protestat në vende të ndryshme, si një mënyrë për të shmangur policinë.

Që nga zgjedhjet presidenciale të 9 gushtit në Bjellorusi janë zhvilluar protesta javore. Zgjedhjet konfirmuan qëndrimin në pushtet të udhëheqësit afatgjatë Aleksandër Lukashenko, një proces ky që nga vëzhguesit ndërkombëtarë është parë si jo i drejtë e transparent dhe gjatë të cilit u arrestuan ose u detyruan të largohen nga vendi udhëheqësit kryesorë të opozitës. Protestat kanë çuar në më shumë se 7,500 arrestime dhe dhunë policore kundër demonstruesve.

Protestat në rrugë e rifituan vrullin pas vdekjes së një demonstruesi anti-qeveritar, 31 vjeç, në fillim të këtij muaji. Aktivistët thonë se ai ishte rrahur keq nga forcat e sigurisë gjatë një tubimi.

LEXO EDHE:  Autoritetet greke lirojnë Edmond Begon

LEXO EDHE:  Nano zbardh telefonatën me Bashën/ Tregon kushtin që i vendosi për të hyrë në PD

Zoti Lukashenko ka qenë në pushtet për 26 vjet dhe vazhdon të refuzojë thirrjet për t’u larguar. Ai ka pohuar se i ka fituar zgjedhjet me një rezultat dërrmues, duke siguruar 80 për qind të votave, pavarësisht akuzave të gjera si brenda ashtu edhe jashtë vendit, se procesi u manipulua me qëllimin për ta mbajtur atë në pushtet./ VOA

LEXO TE PLOTE

Bota

Ekspertët ligjvënësve: Tërheqja nga Afganistani ishte e gabuar

Publikuar

-

Nga

Ekspertët ligjvënësve: Tërheqja nga Afganistani ishte e gabuar

Ekspertët amerikanë e cilësuan të gabuar vendimin për reduktimin e pranisë ushtarake amerikane në Afganistan nga 4 mijë e 500 në 2 mijë e 500 trupa. Ata i bënë komentet e tyre gjatë një dëshmie të premten në Kongres. Korrespondentja e Zërit të Amerikës, Carla Babb, sjell reagimet pas njoftimit për tërheqje, dhënë këtë javë nga Sekretari në detyrë i Mbrojtjes.

Pasi zëvendësoi disa nga drejtuesit kryesorë të Pentagonit, administrata e Presidentit Trump bëri një njoftim të rëndësishëm.

“Duke filluar nga 15 janari 2021, numri i trupave tona ushtarake në Afganistan do të jetë 2 mijë e 500”, njoftoi të martën Sekretari në detyrë i Mbrojtjes, Chris Miller.

Vendimi pothuajse përgjysmon numrin e trupave amerikane në Afganistan ndërsa kjo do të shënojë praninë më të vogël ushtarake të ShBA-së që nga fillimi i luftës në vitin 2001.

Por ndërsa bisedimet e paqes vazhdojnë, disa ekspertë paralajmëruan ligjvënësit se kjo lëvizje po zhbën avantazhin më të madh amerikan në negociata.

“Për mendimin tim, politika e tërheqjes njoftuar të martën ishte e gabuar. Vendimi i administratës është një variant i ngadalshëm dhe i kushtueshëm i dështimit”, thotë Stephen Biddle nga Këshilli për Marrëdhënie të Jashtme.

“Ne nuk po marrim asgjë në këmbim të tërheqjes. Ky është problemi me këto bisedime që nga fillimi. Duke biseduar me Talebanët pa praninë e qeverisë afgane, ata e dinin se ky është fillimi i negociatave për kushtet e dërozimit tonë“, tha Ruan Crocker, ish Ambasador amerikan në Afganistan.

Forcat amerikane mposhtën talebanët afganë më 2001 pas pushtimit që pati mbështetje të madhe publike e që pasoi sulmet terroriste të 11 shtatorit të kryera nga al-Kaida, udhëheqësit e së cilës po strehoheshin nga Talebanët. 19 vite më vonë opinion amerikan ndryshoi.

LEXO EDHE:  Lirohet nga detyra ambasadori i Shqipërisë në Katar

LEXO EDHE:  Nano zbardh telefonatën me Bashën/ Tregon kushtin që i vendosi për të hyrë në PD

Zoti Trump fitoi zgjedhjet më 2016 me premtimin e tërheqjes nga konfliktet e huaja. Ligjvënësi Bradley Byrne thotë se njerëzit e distriktit të tij janë lodhur nga luftërat.

“Ata mendojnë se për 19 vite u vranë dhe plagosën mijëra amerikanë. Jetët e mijëra ushtarëve dhe grave të tyre u shkatërruan si dhe u shpenzuan miliarda e miliarda dollarë. Ndaj ata thanë mjaft. Ata me siguri mbështesin përpjekjen kundër terrorizmit. Pra nuk duan rikthimin e al-Kaidës”, tha Bradley Byrne, Ligjvënës republikan.

Por egziston një kontradiktë, thonë ekspertët, sepse ndryshe nga qeveria afgane që lufton al-Kaidën, Talebanët nuk kanë dhënë prova se nuk do të vazhdojnë të mbrojnë grupin terrorist.

“Për mua nuk është vetëm një çështje kundër terrorizmit, por edhe për parandalimin e përmbysjes së një qeverie”, tha Seth Jones nga Qendra për Studime Strategjike dhe Ndërkombëtare.

Në mungesë të një marrëveshjeje paqeje, ekspertët dëshmuan se tërheqja e mëtejshme e forcave amerikane mund të zhvendosë ekuilibrin e pushtetit në fushatën ushtarake në favor të Talebanëve, duke ulur mundësitë e arritjes së një marrëveshjeje paqeje.

Ndërsa Presidenti i zgjedhur Joe Biden ka prioritet kryesor luftën kundër koronavirusit, është e paqartë se si do t’i trajtojë administrata e tij pasojat e mundshme të këtij vendimi./ VOA

LEXO TE PLOTE