Connect with Us

Tronditet klubi shqiptar, konfirmohen 5 futbollistë me Koronavirus

Sport

Tronditet klubi shqiptar, konfirmohen 5 futbollistë me Koronavirus

Publikuar

-

Situatë kaotike në futbollin kosovar. Klubi i Gjilanit që drejtohet nga Gentjan Mezani, ka konfirmuar që pesë futbollistë kanë dalë pozitiv. Ka qenë drejtori ekzekutiv i klubit, Sevadil Robelli, i cili për mediat kosovare, ka pohuar se plot 5 futbollistë janë prekur me Koronavirus, teksa ka shtuar se ditën e nesërme ata do t’iu nënshtrohen testeve të tjera.

“Është e vërtet që janë infektuar pesë futbollistë pas rezultateve që kemi marrë. Për shkak të privatësisë nuk dëshirojmë t’i bëjmë publike emrat e lojtarëve. Sigurisht që jemi pak të befasuar dhe duhet që sërish t’i ritestojmë lojtarët gjatë të mërkurës. Jemi afër ndeshjes dhe sigurisht që në një mënyrë jemi paska të frikësuar se çfarë mund të ndodh. Këto raste kanë ndikuar edhe te lojtarët e tjetër që janë testuar negativë dhe në atmosferën e ekipit”.

gjilani

Kujtojmë që Gjilani më 20 gusht pritet të luajë ndaj Tre Penes në San Marino në fazën e parë parakualifikuese për Ligën e Evropës. Sot UEFA anuloi ndeshjen parakualifikuese të Dritës në Ligën e Kampionëve, pasi 2 futbollistë rezultuan pozitivë.

Për të rejat më të fundit behuni pjesë e grupit tonë në facebook : City News Albania
KLIKO PER TE KOMENTUAR

Komentoni

Your email address will not be published. Required fields are marked *

La Liga

Arrihet akordi, Tottenhami merr futbollistin e Real Madridit

Publikuar

-

Nga

Totenhem ka arritur marrëveshje totale me Real Madridin për mbrojtësin Serxhio Reguilon. Klubi anglez do paguajë 30 milionë euro për spanjollin.

Marrëveshja pritet të zyrtarizohet të enjten. Në kontratë ka një klauzolë që e lejon Real Madridin ta marrë mbrapsht mbrojtësin për 35-40 milionë euro.



Për Reguilon në garë ishte edhe Mançester Junajtid.

LEXO TE PLOTE

Sport

Dinamo merkato në Kategorinë e Dytë, afron një 20-vjeçar

Publikuar

-

Nga

Dinamo duket se nuk ka ndërmend të ndalet ne merkato, teksa së fundmi aknë zyrtarizuar firmën me një tjetër lojtar.

Bëhet fjalë për portierin Englis Kodra, i cili në sezonin e fundit ishte pjesë e Butrintit, ndërsa në të kaluarën ka qenë pjesë e Luftëtarit dhe Internacionalit. Nëpërmjet faqes zyrtare klubi dinamovit njofton firmën me portierin 20-vjeçar, i cili ishte prej disa ditësh në provë me skuadrën dhe ka bindur stafin me cilësitë e tij.

Njoftimi i klubit:



Englis Kodra vishet Blu!

FK Dinamo mendon edhe për të ardhmen, duke afruar edhe lojtarë të rinj me perspektivë. I tillë është edhe rasti i portierit 20-vjeçar Kodra, i cili prej ditësh ishte bashkuar me skuadrën në stërvitje ndërsa ka bindur stafin për t’i ofruar një kontratë.
Sezonin e fundit ai ishte pjesë e Butrintit, ndërsa më parë ka qenë edhe pjesë e Luftëtarit si dhe FC Internacional.

LEXO TE PLOTE

Seria A

Transferimi i Muriqit te Lacio, befason klubi kosovar: Duam 900 mijë euro

Publikuar

-

Nga

Vedat Muriqi është lojtari më i ri i skuadrës së Lazios. Sulmuesi i njohur shkëlqeu sezonin e fundit në Turqi dhe tashmë ka bërë hapin e madh në karrierë për të luajtur në një kampionat si Seria A. Potenti i fazës ofensive ka luajtur edhe në kampionatin shqiptar duke kontribuar për Teutën dhe Besën e Kavajës.

Ndërsa fillesat e tij i ka pasur me ekipin e Lirisë në Prizren. Asokohe Kosova s’ishte pjesë e FIFA-s dhe klubet nuk përfitonin 5 përqindëshin nga shitja e lojtarit, si skuadra amë që ka rritur lojtarin. Mirëpo tashmë Liria e Prizrenit pretendon 5 përqindëshin e shumës që Fenerbahçe ka përfituar nga shitja e 26-vjeçarit.



“Ne kemi dokumentin që e vërteton se Muriqi ka qenë futbollist i joni nga viti 2006-2012. Po ashtu ne kemi kontratën profesionale dhe kartonin e futbollistit që njihet si pasaportë e futbollistit. Kemi edhe vërtetime të tjera dhe kemi procesverballët e ndeshjeve kampionale në Kosovë ku ka luajtur Muriqi. Prandaj ne do ta marrim 5 për qind të shumës”, ka thënë për “Express” sekretari i klubit të Lirisë, Bashkim Kajdomçaj.

“Ne i kemi angazhuar edhe dy avokatë holandez dhe disa këshilltar që do të merren juridikisht dhe ligjërisht me këtë transferim. Por, jo vetëm me kaq, ne do të kërkojmë 5% të Muriqit në çdo transfer tjetër pasi që lojtari ka ndërruar disa skuadra edhe në të kaluarën”, ka thënë ai. Kësisoj shuma që pretendon Liria e Prizrenit është plot 900 mijë euro, shifër e konsiderueshme kjo për një klub të kampionatit të Kosovës.

LEXO TE PLOTE