LEXO PA REKLAMA!

SHKARKO APP

“Tetë vite gjullurdi totale për ekonominë reale”/ Mima tregon “sekretin” për të dalë nga kjo situatë

10 Gusht 2020, 06:54, Politikë CNA
“Tetë vite gjullurdi totale për ekonominë reale”/

Ish deputeti i PD, Florjon Mima ka analizuar situatën ekonomike në vendin tone gjatë këtyre 8 viteve.

Sipas tij, në 8 vite ka pasur , çoroditje, kaos, rrëmuje e gjullurdi totale për ekonominë reale, që mban e ushqen shqiptarët dhe prodhon të mirat për arkën e përbashkët.

Mima thekson se për të dalë nga kjo situatë duhet një qeveri normale që del nga zgjedhjet e njerëzve dhe jo që paracaktohet nga çunat problematikë.

?Ne 8 vite, çoroditje, kaos, rremuje e gjullurdi totale per ekonomine reale, ekonomine qe mban e ushqen shqiptaret dhe prodhon te mirat per arken e perbashket dhe …ne te njejten kohe, qartesi e precizion kirurgjikal, trajtim princeror, plot favore e privilegje per veten e miqte. Ne fillim rrisin cmimin e energjise per popullin, pastaj me radhe te gjitha taksat e tatimet, ndalojne fermeret te shesin majdanoz e rigon pa kase; dhunojne te mjeret qe rremojne per kanaçe ne plehra; akuzojne paraardhesit, pa nje dokument, per grope ne financat publike dhe marrin ca qindra milione euro borxhe; prezantojne gjoba qindramilioneshe per mosleshim kuponi; rrisin kontributet por as nuk indeksojne e jo me te rrisin pensionet; heqin tvsh per biznesin e vogel me arsyetimin se do luftoje informalitetin, me pas e vendosin me arsyetimin se do luftoje informalitetin, por pastaj…e heqin prape me arsyetimin se do luftoje informalitetin; marrin prape qindra milione euro borxhe; rrisin tatim fitimin por ulin ate mbi dividentin; vendosin takse qarkullimi shtese ne cmimin e naftes por pastaj e kuptojne qe shtesa ka nevoje edhe per nje shtese tjeter qe vendi te dale numri nje ne bote per cmimin me te shtrenjte te karburanteve; ulin cmimin e blerjes se energjise nga prodhuesit e vegjel por pastaj behen pishman qe e ulen aq pak dhe e ulin perseri; investitoreve te huaj u thyejne kembet me shkop bejzbolli dhe dalin ne te njejten dite e ftojne te tjere te investojne ne vendin e mundesive te medha, sigurisht, per t?i perzene perseri e per t?i demshperblyer me qindra milione euro nga arka e perbashket; kerkojne te prishin teatrin e ta ndertojne me koncension me arsyetimin se buxheti nuk ka para por pastaj vendosin ta shembin e ta ndertojne vete, me arsyetimin se kane para; marrin perseri miliarda euro borxhe per termetin e pandemine por prodhojne vetem zhgarravina 3D teksa ekonomia e vendit po jep shpirt ne kthetrat e krizes….

Ne anen tjeter per veten e miqte ulin cmimin e energjise, ulin taksat e tatimet e per disa i heqin fare, parate e buxhetit behen ose koncensione e PPP, ose rilindje pllakash urbane, ose rruge me 20 milione euro/km, ose autostrada blu ku 50 km kushtojne 1,2 miliarde euro; per vete e miqte ka edhe amnisti fiskale, ka edhe legalizim drogerash, per popullin ka rritje te borxhit per t’u mbartur ne shpine, por edhe duar te stergjatura te shtetit qe hyjne thelle e me thelle ne xhepat e njerezve. Si dilet nga kjo mynxyre, ku edhe kaosi dhe çoroditja, duken si nxenes inocente perpara kesaj rrumpallhane qeveritare? Me nje qeverisje normale, sherbetore te njerezve. Me nje qeveri qe del nga zgjedhjet e njerezve dhe jo qe paracaktohet nga çunat problematike. Ky eshte parakushti, te tjerat kane nevoje per llërë te perveshura dhe per te kunderten e asaj qe ka ndodhur ne keta 8 vjet: qartesi kirurgjikale per te sjelle ekonomine e njerezve te thjeshte ne binare, duke lene gjullurdine rrumpallhane te pleqeroje ne dreqnine e vet, sigurisht, atje ku populli t?ia caktoje vendin e dreqnimit!?, shkruan Mima./CNA.al

Lajmet e fundit nga