Politikë
Ilir Meta si padrino/ Të gjithë trafikantët e presidentit dhe LSI-së
President apo padrino i trafikantëve të drogës? Cili është roli i vërtetë i Ilir Metës në politikën shqiptare?
Përtej çdo akuze politike, korrupsioni apo zullumi të tij dhe hijenave që mban nga pas Ilir Meta është hapur miku i trafikantëve të drogës që “rastësisht” janë hetuar dhe akuzohen edhe nga SHBA.
I pari është Klement Balili, i quajtur nga amerikanët “Eskobari” i Ballkanit. Aktualisht në proces gjyqësor duke pritur vendimin e dënimit. Balili njihet si mik ingushtë i Ilir Metës, ai u bë gjithashtu edhe zyrtar i lartë i LSI, duke u emëruar edhe drejtor rajonal i shërbimit të transportit rrugor në vitin 2016.
Pikërisht në këtë vit nisi edhe historia. Mediat greke në 2016 pohuan se një sasi prej 700 kilogramë Cannabis Sativa që u sekuestrua asokohe në vendin helen i përkiste Kelment Balilit. Hetimi ndaj Balilit në Greqi, është bërë nga “DEA” amerikane dhe policia greke. Balili të vetmen dalje publike e ka në 2016 duke mohuar akuzat e drejtësisë greke më pas u arratis, pasi u shpall në kërkim. Pas shpalljes në kërkim atij iu bllokuan asetet që kishte në pronësi, ndërsa dështuan disa operacione për ta prangosur.
I dyti, jo më pak i rëndësishmi është Ylli Ndroqi. I njohur në publik si pronar mediash dhe biznesmen, në fakt është një personazh me gjeneralitete të ndryshuara. Ai sipas SPAK është trafikanti i drogës Xhemail Pasmaçiu arrestuar në Turqi dhe Itali. Në disa shkrime të publikuara ditët e fundit, CNA.al tregoi me dokumente ekskluzive se pronari i medias Ora News, Ylli Ndroqi ishte një person me emër të ndryshuar. Dhe referuar raportimeve dhe një dosje hetimore të bërë në Turqi, identiteti i vërtetë i mbajtur në momentin e lindjes së Ylli Ndroqit, pra Xhemail Pasmaçiu, ishte një person i arrestuar për trafik droge në Turqi.
Pas hetimeve të SPAK, Gjykata e Posaçme Kundër Korrupsionit dhe Krimit të Organizuar urdhëroi sekuestrimin e 26 pasurive të Ylli Ndroqi, të cilat dyshohet se janë përfituar nga aktiviteti kriminal. Gjithashtu, SPAK në një njoftim zyrtar bën të ditur se
Ylli Ndroqi është i njëjti person me Xhemail Pasmaçiun, i arrestuar më parë në Turqi, për trafik droge.
Ilir Meta është presidenti i vetëm në europën perëndimore, që përveç akuzave politike duhet të hetohet për lidhjet e tij të forta me trafikantë droge të cilëve ju ka dhënë edhe mbështetje publike. Balilin e bëri drejtor, Ndroqin e dekoronte dhe emëronte këshilltar të ministrave të tij. Ky i fundit shfaqet edhe në dosje e përgjime të tjera korrupsioni të presidentit.
Ilir Meta, rolin e presidentit në fakt e luan edhe si një padrino i trafikantëve të drogës, të cilët e kanë si mburojë politike. Njëri prej tyre në të paktën një rast i ka shpëtuar arrestimit pikërisht sepse ka qenë pjesë e delegacioneve zyrtare të Ilir Metës./CNA.al
Si mund ta zbardhë Ilir Meta, dosjen e mikut të tij trafikantit të drogës Xhemail Pasmaçiu
Foto fakt/ Presidenti Meta dhe trafikanti i drogës Xhemail Pasmaçiu
BOOM-Ylli Ndroqi trafikanti i drogës Xhemail Pasmaçiu/ Dokumentet e gjendjes civile
BOOM-Dokumenti i dytë/ Ylli Ndroqi është trafikanti Xhemail Pasmaçiu
Politikë
Basha e refuzoi/ Reagon menjëherë Rama: Lëre pas politikën e sherrit
Vetëm pak minuta më parë kryetari i Partisë Demokratike Lulzim Basha, refuzoi ftesën e kryeministrit Edi Rama për bashkëqeverisje.
Por i menjëherëshëm ka qenë reagimi i Ramës, i cili i është përgjigjur me ironi Bashës, duke i drejtuar edhe pyetje.
Kryeministri kërkon të dijë nga Basha se përse nuk e pranoi ftesën e tij për bashkëqeverisje, ndërsa i thotë të lërë pas politikën e sherrit.
“Po pse vallë janë më të rëndësishëm për ty Saliu dhe Iliri se sa Shqipëria Lulëzim?! Shqiptarët duan bashkim, duan që ne të gjithë të punojmë për ta dhe ekonominë e tyre përtej pandemisë, duke e lënë pas politikën e vjetër të sherrit, dasisë, konfliktit deri në absurd! Pse ti jo?”, shkruan kreu i qeverisë në rrjetet sociale.
Ndërkohë, kujtojmë se sot Rama i bëri ftesë publikisht kryetarit të PD-së të distancohet nga presidenti Ilir Meta dhe nga ish-kryeministri Sali Berisha dhe të bashkëqeveriste me të për të mirën e Shqipërisë.
Por Basha i është përgjigjur negativisht kësaj ftese, duke thënë se koha e Ramës ka mbaruar./ CNA.al
Rama thirrje për bashkëqeverisje/ Basha i përgjigjet ftesës
Politikë
“Je mpirë nga trutë e kokës nga Basha, vjen si karabush këtu”/ Plas keq mes Murrizit dhe kandidatit të PD
Kryetari i Lidhjes Demokratike të Shqipërisë, Myslim Murrizi dhe kandidati i PD Agim Baçi janë përfshirë në një debat të ashpër mbrëmjen e sotme në Report Tv.
Debati mes tyre ndodhi teksa Murrizi komentonte deklaratat e Ramës i cili sot tha se pas fitores së 25 prillit gati të bashkëpunoj me Lulzim Bashën, me kushtin që të distancohet plotësisht nga Berisha e Meta.
Murrizi, se këto prej shumë vitesh kanë bashkëpunuar me njëri tjetrin dhe se në ideoligji nuk ndahen që nga viti ’45, pasi nuk ka një botëkuptim ndryshe për të djathtën dhe të majtën.
Në këtë moment ndërhyri kandidati për deputet i PD-së Agim Baçi, i cili i kujtoi Murrizit se ka qenë pjesë e PD-së dhe këtë gjë mund ta kishte deklaruar brenda forumeve të partisë.
Pas ngritjes së toneve Agim Baçi braktisi studion.
Debati:
Murrizi: E vërteta është se nuk është se po ndodh ndonjë qamet i madh prej 30 vitesh post komunizëm ka disa qeversje të përbashkëta dhe vendime në dëm të qytetarëve të përbashkëta. E pse u duket habi se kanë ndërmend që të qeverisiin. Vetëm hallin e shqiptarëve kanë këta, për kombin për vaksinat.Nuk janë ndarë këta, bashkë kanë qenë që nga ’45 vjet, 75 vjet. Nuk ka ndarje në ideologji, në koncept, për të djathtë edhe të majtë.
Baçi: Ke qenë pjesë e PD-së nuk e ke denoncuar këtë pjesë?
Murrizi: E kam denoncuar!
Baçi: Vetëm pasi ike nga PD-ja!
Murrizi: Kur duhet ta denoncoja?
Baçi: Gjërat thuhen brenda forumeve, i gjykojmë politikanët me akte publike, dhe jo ato që thuhet nën banak.
Murrizi: E kam denoncuar, ti e di që kam qenë kandiduar i pavaruar?
Baçi: E di ke kandiduar me partinë e Legalitetit, ke lëvizur sa andej-këtej.
Murrizi: I pavarur, a je i ftilluar nga memoria?!
Baçi: Pse nuk e përmend që ke qenë me Legalitetin?
Murrizi: Ti je i mpirë nga trutë e kokës nga Basha. Ky vjen si karabush këtu. Hape PLL-në në 2009 ka qenë me PD aleate.
Baçi: Zotëri! Mua mos mu drejto me ato fjalë!
Murrizi: Unë drejtohem me çfarë të kem qef, gishtin mos ma drejto mua, unë nuk kam ardhur këtu që të duroj dënglat e tua
Baçi: Mua mos mu drejto me këto fjalë, ndërpite!
Murrizi: Nuk duroj mashtrimet e tij! Mua më kanë zgjedhur qytetarët dy herë! (Largohet Baçi nga studio)
Politikë
Rama thirrje për bashkëqeverisje/ Basha i përgjigjet ftesës
Kryeministri Edi Rama u shpreh ditën e sotme se do të bënte një marrëveshje me kreun demokrat Lulzim Basha nëse ky i fundit do të ndahej nga Presidenti Ilir Meta dhe ish-kryeministri Sali Berisha.
Në lidhje me këtë temë ka reaguar edhe Basha i cili shprehet se me 25 prill shqiptarët do të votojnë për të larguar Ramën. Sipas tij, koha e kryeministrit ka mbaruar.
“Në 25 prill shqiptarët do votojnë numrin 9 për ta larguar Ramën dhe ai nuk do jetë kurrë pjesë e qeverisjes sonë. Koha e tij ka mbaruar. Ne do të sjellim ndryshimin dhe Shqipëria do fitojë.”, shkruan Basha./CNA.al
