Connect with Us

Eksodi i frikshëm, nuk do ta besoni sa lojtarë i kanë mbetur Skënderbeut

Sport

Eksodi i frikshëm, nuk do ta besoni sa lojtarë i kanë mbetur Skënderbeut

Publikuar

-

Skënderbeu ka mbetur në pikën zero dhe korçarët janë ende në kaos për sa i përket rrjedhës që do të marrë sezoni i ri për ta. Pas mbylljes së sezonit deri në momentin që flasim ka pasur vetëm largime nga bardhekuqtë dhe asnjë tendencë për të nisur përgatitjen për sezonin e ri. Koliçi, Jashanica dhe Dita janë tre lojtarët që tashmë kanë gjetur një destinacion të ri dhe janë larguar nga bardhekuqtë. Pas tyre edhe Bregu, Daja dhe Imami duket se kanë dalë si lojtarë të lirë për t’u larguar nga Korça në kërkim të një ekipi të ri.

Ndërkaq, bardhekuqtë kërkojnë të arkëtojnë më shumë nga Elezi dhe Pëllumbi, me qëllim që të mbajnë bilancin vjetor të pastër dhe të sigurt. Me kaq shumë largime Skënderbeu duket i boshatisur, ndërsa nuk po bëhet asnjë përpjekje për të ringritur të paktën boshtin e ekipit për sezonin e ri. Burime pranë klubit bëjnë me dije se një gjë e tillë me shumë mundësi do të fillojë të ndërtohet pas datës 15 gusht, kohë kur Takaj do të duket në Korçë për të diskutuar me bashkëpunëtorët e tij në lidhje me sezonin që nis në shtator. Në kushte të tilla pritet që të kemi një ekip të ndërtuar me pak harxhime dhe të bazuar kryesisht te lojtarë të rinj, paga të reduktuara dhe shpenzime të zvogëluara ndjeshëm.
Takaj3
Por, nga ana tjetër ajo që numri një i klubit bardhekuq kërkon është të marrë vesh vendimin që po vonon më shumë sesa të gjithë e prisnin. Të njëjtat burime bëjnë me dije se Takaj do të takojë fillimisht lojtarët që do të jenë pjesë e Skënderbeut në vijim, duke filluar me Meksin dhe Taipin e deri te Gripshi dhe Krasniqi duke i shtuar edhe afrikanët që kanë treguar cilësi, ndonëse ka kërkesa edhe për disa nga këta. Mbi këtë kontingjent do të plotësohet ekipi në vazhdim, por tendenca e bardhekuqve është që puna të fillojë pasi Gjykata Federale të zbardhë vendimin e saj. Dukshëm që pas eksodit kontingjenti është shkurtuar ndjeshëm teksa nga një sezon më parë bardhekuqve u kanë mbetur vetëm 13 lojtarë në përbërje, të gjithë që kanë kontrata afatgjatë me Skënderbeun. Por një pjesë e mirë e tyre nuk kanë pasur minuta në sezonin e kaluar dhe nuk mund t’u besohet vijimësia. Përfundimisht, Skënderbeu është në kaos dhe ende nuk dihet se çfarë rrjedhe do të marrë sezoni për ta. Takaj nga njëra anë po qëndron në heshtje teksa nga ana tjetër të gjithë po largohen. Nisja duket e zymtë, në Korçë të gjithë presin reagimin e presidentit.

Për të rejat më të fundit behuni pjesë e grupit tonë në facebook : City News Albania
KLIKO PER TE KOMENTUAR

Komentoni

Your email address will not be published. Required fields are marked *

BundesLiga

Panik te Bayerni/ Heroi i finales së Championsit futet në karantinë

Publikuar

-

Nga

Heroi i Bajern Mynihut në finalen e Ligës së Kampioneve Kingsli Koman është vetëizoluar.

Futbollisti francez raportohet se ka patur kontakt me një person të infektuar me koronavirus.



Lajmi u dha nga klubi bavarez në faqen e tij zyrtare. Nuk dihet akoma nëse lojtari ka marrë COVID-19 apo jo.

LEXO TE PLOTE

Sport

Amarildo Dimo: Ja pse u tërhoqa nga futbolli

Publikuar

-

Nga

Pas gati dy dekadash në fushë, Amarildo Dimo i dha fund karrierës në moshën 38-vjeçare. Mesfushori mund të jetë pa frikë një model për jetëgjatësisë sportive, të cilën e ka arritur përmes një disipline të pashembullt në stërvitje dhe korrektësisë.

Ka luajtur për një sërë fanellash në Shqipëri, duke fituar edhe tituj e trofe me Skënderbeun e Korçës, por në fillim të shtatorit, ai ka marrë vendimin e pakthyeshëm për t’u tërhequr nga futbolli. Në intervistën ekskluzive për “Panorama Sport”, ish-kapiteni i Apolonisë sqaron diçka më tepër për vendimin e marrë, projektet për të ardhmen dhe nuk mund të mos ndalej te fierakët dhe pritshmëritë që ka për ekipin .

Kishit thënë se do të tërhiqeshit nga futbolli kur të mos kishit më dëshirë për t’u stërvitur dhe pasi t’i kalonit të 40-at. Pse vendosi Dimo ta mbyllte në këtë moment?

Dhe ka ndodhur pikërisht kjo, gjë që e kam thënë në një intervistë të mëhershme për ju. Pra, më humbi dëshira. Nuk kisha më dëshirë për t’u stërvitur dhe mbajta premtimin që i kisha dhënë vetes. Pavarësisht formës, nuk po merrja kënaqësi nga vetja dhe nuk po ndieja më dëshirë për stërvitje. Nuk kisha nevojë për anën monetare, nuk do të ishte e ndershme nga ana ime që të shkoja vetëm për të marrë lekët, sepse nuk është as në karakterin tim diçka e tillë.

Një karrierë e gjatë dhe e pasur me trofe. Në këtë retrospektivë sportive, si do ta vlerësonit Dimon si futbollist?

Pa mungesë modestie, do ta vlerësoja me nota maksimale, për arsye se gjithçka është arritur me shumë mund e sakrifica, sepse ka qenë shumë e vështirë për një futbollist nga rrethet për të kapur majat, pa pasur asnjë përkrahje. Unë e kam arritur vetëm falë punës dhe pasionit, pa pasur mbështetjen e askujt.

Ku spikat më tepër Amarildo, si ekonomist apo si futbollist?

(Qesh) Gjer dje si futbollist, sot e më pas pa dyshim si ekonomist.

Cilat do të jenë marrëdhëniet tuaja me futbollin pas këtij vendimi? Keni një projekt?



Unë kam marrë licencë UEFA B, por aktualisht nuk kam asnjë plan trajnimi. Dua të pushoj dhe të qëndroj sa më pranë familjes, sepse sporti më ka bërë “borxhli” ndaj familjes dhe kam qenë shumë kohë jo fort i angazhuar dhe jo aq pranë sa duhet në familjen time. Pra, për momentin, do të jem i fokusuar vetëm te familja dhe te puna ime si financier. Në një të ardhme, nuk i dihet, çdo gjë mund të ndodhë.

Cilat skuadra shihni si pretendente në Kategorinë Superiore për sezonin 2020-2021?

Me aq sa shoh nga përforcimet e bëra dhe me paraqitjen në Kupat e Evropës, mendoj se Tirana, Kukësi dhe Teuta do të jenë pretendentet kryesore për titull.

Pas dy dekadash në futboll, keni pasur shumë bashkëlojtarë dhe njëherësh trajnerë, ndaj do të donim të na zbulonit formacionin tuaj ideal?

Në gati 20 vjet karrierë, në skuadra të elitës dhe të Kategorisë së Parë, kam pasur mundësinë për të luajtur me një sërë emrash të njohur të futbollit shqiptar, ndaj e kam të vështirë të krijoj 11-shen, por po e bëj një përzgjedhje dhe është kjo: Shehi, Ademir Soza, Radas, Osmani, Arapi, Lilaj, Shkëmbi, Allmuça, Muzaka, Alikaj, F.Xhafa. Trajner: Elidon Demiraj.

Ju ka mbetur ndonjë peng në futbollin e luajtur?

Janë të pakta dhe do t’ju rikujtoj dy prej tyre. Nuk arritëm ta mbanim dot në Superiore Apoloninë në 2015-ën, gjë që u realizua këtë vit dhe tjetër është eliminimi i Skënderbeut nga Çernomorets me penallti në 2014. Nuk është se kam ndonjë peng nga futbolli, pasi e kam shijuar në maksimum.

Apolonia është rikthyer në elitë pas 5 vjetësh mungesë.  Si ish-kapiten i saj, si e parashikoni ecurinë e këtij ekipi?

Nuk është se e kam ndjekur dhe nuk jam shumë i informuar se çfarë po ndodh tek Apolonia, por shoh se nuk ka bërë ndonjë merkato kushedi. Për mendimin tim personal, them se largimi i Mërgjyshit ka qenë një gabim. Një njeri që e njeh mirë skuadrën dhe që e ka ngjitur në Superiore, nuk mund të ikte në një moment të tillë. Ata i dinë vetë gjërat e tyre, por e shoh shumë të vështirë, sepse të gjitha skuadrat thuajse janë të konsoliduara, me përjashtim të Skënderbeut, madje edhe Kastrioti që ka ardhur nga Kategoria e Parë ka bërë merkato të mirë. Qofsha i gabuar, por Superliga më duket shumë e vështirë për Apoloninë. Gjithsesi, koha do ta vërtetojë.

LEXO TE PLOTE

Sport

Shembull për t’u ndjekur/ Korça rikthen futbollin shqiptar, nesër nis kampionati

Publikuar

-

Nga

Futbolli në Shqipëri nuk po  jeton ditët e saj më të mira. Kategoria Superiore nuk ka zbritur në fushë për shak të mos-plotësimit nga qeveria të kërkesave.



Gjithsesi, nesër nis kampionati amator i futbollit në Korçë, ku prezent do jenë 20 ekipe të Bashkisë Korçë. Bëhet me dije se pjesëmarrës do jenë rreth 380 të rinj nga ekipet e Korçës, përfshirë edhe ato të Njësive Adminsitrative. Kampionati fillon me 16 shtator dhe mbyllet në 8 tetor, çka i bie tre javë futboll i luajtur.

LEXO TE PLOTE