LEXO PA REKLAMA!

SHKARKO APP

Egbo entuziazmon bardheblutë: Kemi shanse për grupet e Europa League

8 Gusht 2020, 13:15, Sport CNA
Egbo entuziazmon bardheblutë: Kemi shanse për grupet e Europa League

Emanuel Egbo vazhdon të jetë një person shumë i kërkuar për mediet në Afrikë e Evropë për shkak se është trajneri afrikan i parë, që del kampion në Europë. Së fundmi ai ka dhënë një intervistë për ?Punchng?, ku ka folur rreth strategjisë së tij fituese te Tirana, objektivave dhe çështjes globale të racizmit.

KAMPION- ?Jam i kënaqur që ndihmova klubin tim të arrijë titullin kampion pas 11 vitesh. Për një klub që është mësuar të fitojë tituj dhe kupa çdo vit, të presësh 11 vite është një ndjenjë e pabesueshme. Të qenurit i pari afrikan që e bën këtë, është një ndjenjë e mrekullueshme?.

VAZHDIMËSI- ?Po shohim përpara dhe kërkojmë të tregojmë se ajo që bëmë në kampionat nuk ishte thjesht një flakë kashte apo diçka që e arritëm rastësisht. Besoj se kemi një shans të mirë për të kaluar në fazën e grupeve në Champions League ose në Europa League. Thjesht duhet të japim më të mirën dhe të besojmë te vetja. Nëse ndodh kjo, sigurisht që është e mundur. E pamundur nuk është asgjë?.

AMBIENTIMI ME SHQIPËRINË- ?Nuk ishte një rrugë e lehtë për mua, por duhet të rezistosh dhe të punosh shumë, duke besuar te vetja që mund ta bësh diçka dhe me siguri që mundesh.Duhet të njohësh dhe kuptosh mentalitetin dhe kulturën e vendit ku jeton dhe punon, të mësosh gjuhën e tyre, të përzihesh me ta dhe të pranohesh si një prej tyre. Kjo ma lehtësoi pak rrugën drejt suksesit. Mësova nga gabimet e trajnerëve të tjerë dhe mora pak nga metodologjia e punës së tyre, për të krijuar edhe filozofinë time të stërvitjes?.

FUTBOLLI SHQIPTAR- ?Futbolli shqiptar po zhvillohet dhe është rritur në çdo aspekt: në infrastrukturë, në cilësinë e stërvitjeve etj. Ata kanë përshtatur stilin italian të të luajturit, me theks te taktika dhe forca fizike. Kjo sepse shkolla e trajningut në Shqipëri ka partneritet me atë në Itali, që ka prodhuar emra si Mançini, konte e të tjerë?.

RACIZMI- ?Duait Jorke tha se të bardhët favorizohen në stërvitje? E dëgjova intervistën e tij dhe unë u nxita. Nuk mund të presim që të na e hedhin punën ne. Duhet të punojmë fort dhe të kalojmë radhët për të marrë një shans të vogël dhe ta shfrytëzojmë në maksimum për të treguar veten. Nuk do të na jepet një shans i dytë nëse dështojmë.

Racizmi është një çështje që duhet të trajtohet me kujdes ose do të përdoret në mënyrën e gabuar. Ka prej 400 vitesh dhe do të vazhdojë të ketë, na pëlqen ose jo. Thjesht duhet të zhvillojmë një forcë mendore për ta kapërcyer atë. Shpesh afrikanët janë akuzuar se luanin kartën e racizmit për t?u parë si viktima, por ne nuk duhet ta lëmë të na hedhë poshtë.

Madje duhet të na shërbejë si faktor motivues për të na shtyrë të punojmë më shumë dhe t?ua dëshmojmë atyre që na trajnojnë ashtu se nuk mund të na thyejnë pavarësisht gjithçkaje. Kjo është ajo që kam qenë në gjendje të bëj, që edhe mes vështirësive dhe njerëzve që nuk e duan suksesin tënd e nuk të japin meritat, të mund të qëndroj në këmbë dhe t?u provoj që janë gabim?, u shpreh Egbo për ?Punch?.

Lajmet e fundit nga