Connect with Us

Franca të marrë kontrollin në Liban/ Mbi 40 mijë libanezë nënshkruajnë peticionin

Bota

Franca të marrë kontrollin në Liban/ Mbi 40 mijë libanezë nënshkruajnë peticionin

Publikuar

-

Franca të marrë kontrollin në Liban/ Mbi 40 mijë libanezë nënshkruajnë peticionin

Më shumë se 40,000 vetë nënshkruan një peticion dhe kërkojnë që Franca të vërë nën kontroll Libanit pas shpërthimit vdekjeprurës në Bejrut.

Mbi 44,000 vetë kanë nënshkruar një peticion në internet për “vendosjen e Libanit nën një mandat francez për 10 vitet e ardhshme”. Peticioni në faqen e peticioneve  Avaaz njoftohet se është iniciuar nga qytetarët libanezë pas shpërthimit që tronditi Bejrut të martën, duke vrarë mbi 140 vetë dhe duke plagosur më shumë se 5,000 të tjerë.

“Zyrtarët e Libanit kanë treguar qartë një paaftësi totale për ta siguruar dhe menaxhuar vendin,” thuhet në peticion. “Me një sistem të dështuar, korrupsion, terrorizëm dhe me milicinë vendi është në grahmat e fundit.”

“Ne besojmë se Libani duhet të rikthehet nën mandatin francez në mënyrë që të krijohet një qeverisje e pastër dhe e qëndrueshme.”

‘Libanezët janë të dëshpëruar’

Dima Tarhini, from DW’s Arabic department, said the petition had been circulating widely on Lebanese social media.

Dima Tarhini, nga departamenti arab i DW, tha se peticioni ka qarkulluar gjerësisht në mediat sociale libaneze. Ai tregon se “sa të dëshpëruar janë disa libanezë,” tha ajo. “Ata kanë humbur shumë. Ata humbën shtëpitë dhe pronat e tyre, ata nuk mund t’i shpëtojnë dot fëmijët e tyre. Ata nuk dinë se ç’të bëjnë.”

Franca e ka pasur nën kontroll Libanin nga viti 1920 deri në vitin 1945 sipas një mandati të vendosur pas Luftës së Parë Botërore.

LEXO EDHE:  Dorëzohet kryeministri i emëruar i Libanit/ Largohet nga posti

Emmanuel Macron premton ndihma

Peticioni i drejtohej presidentit francez Emmanuel Macron, i cili qe lideri i parë i huaj që shkoi të enjten në Beirut pas shpërthimit tragjik.

Macron paralajmëroi në Bejrut se Libani do të “vazhdojë të fundoset” nëse nuk do të ndërmarrë reforma.

Ai premtoi se Franca do të ndihmojë për mobilizimin e ndihmave për Bejrutin e shkatërruar, ku dëmet dhe shkatërrimet shkojnë në një vlerë prej miliarda dollarësh.

“Ju garantoj se ndihmat nuk do të shkojë në duar të korruptuara,” tha Macron para një grupi protestuesish.

Prokuroria e Francë ka nisur hetimet në lidhje me shpërthimin, sepse prej u plagosën të paktën 21 shtetas francezë dhe një u vra. /DW

Për të rejat më të fundit behuni pjesë e grupit tonë në facebook : City News Albania

Kosova & Rajoni

Si ta bësh Serbinë ta njohë Kosovën?

Publikuar

-

Nga

Si ta bësh Serbinë ta njohë Kosovën?

I dërguari i posaçëm i BE për dialogun Serbi-Kosovë, Miroslav Lajçak, theksoi në vizitën e tij në Beograd se dialogu Beograd-Prishtinë është thelbësor për të dyja palët dhe se status-quoja nuk është diçka që Evropa e mbështet. Ai vuri në dukje edhe se qeveritë nuk kanë luksin të zgjedhin prioritetet dhe se Evropa pret vazhdimin e dialogut.

Presidenti serb Aleksandar Vuçiç u shpreh se “nuk e kupton se ku është kompromisi në njohjen e ndërsjelltë të Beogradit dhe Prishtinës” dhe se “kompromisi nuk mund të jetë një deklaratë, si Gjuro do të të kërkojë ty falje, se të ka rrahur.” Ai beson se pala shqiptare nuk është e gatshme për një marrëveshje, por është i kënaqur që ajo është e gatshme për dialog.

Me këtë rast Presidenti i Serbisë promovoi edhe një frazë të re për zgjidhjen e problemit të Kosovës “asnjërit të gjithën, por për secilin mjaftueshëm”, që është një variant tjetër në temën “më shumë se autonomi, dhe më pak se pavarësi”. Prandaj edhe analistët në vijim mendojnë se presidenti i Serbisë është i gatshëm ta njohë Kosovën në një farë forme, nëse Serbia në këmbim do të marrë diçka. Duke qenë se bëhet fjalë për një proces, që nuk është transparent dhe që e mban opinionin serb në errësirë, është e vështirë të përcaktohet, se çfarë  është kjo “diçka”, që Aleksandar Vuçiç do të paraqesë si fundin e një rruge, në të cilën Serbia nuk mori “gjithçka”, por mori “mjaft”.

Presioni lëviz dialogun

Në një situatë, kur Albin Kurti merret kryesisht me referendumin për bashkimin e Shqipërisë dhe Kosovës, krijohet përshtypja se dialogu mes Beogradit dhe Prishtinës nuk është për askënd prioritet. Pala shqiptare nuk tregon shumë entusiazëm për vazhdimin e dialogut, edhe Beogradi deri diku është indiferent, nëse do të vazhdojë dialogu. Prandaj Dejan Bursaç nga Instituti për Studime Politike thotë për DW se „nuk sheh që Brukseli do të jetë në gjendje të ringjallë dialogun, nëse nuk ushtrohet presion pak më i madh, e këtë presion Brukseli nuk mund ta ushtrojë pa SHBA”.

„Këtu është edhe pyetja, se si do të paraqitet Albin Kurti, i cili opinionit të brendshëm publik i paraqitet si dikush, që i kundërvihet Perëndimit, por nga ana tjetër është dikush, që për gjitçka konsultohet me SHBA-në dhe Gjermaninë”, vlerëson Bursaç.

Kur është fjala për presionin mbi Serbinë, vazhdon Bursaç, ai në një farë mënyre është tashmë i dukshëm edhe nga raporti i Parlamentit Evropian. „Ky raport ndryshon nga ato që kemi pasur rast të shohim vitet e fundit. Këto sinjale mund t‘i shohim si një formë të vogël presioni dhe dirigjimi të Beogradit drejt dijalogut me Prishtinën”, thotë Bursaç.

Parullat boshe të Vuçiçit

Retorikën e Aleksandër Vuçiçit pas takimit me Lajçakun drejtori i Institutit për Çështjet Evropiane, Naim Leo Beshiri, e sheh si një transformim interesat. „Interesant është, se si nga koncepti ‘më shumë se autonomi, më pak se pavarësi’ kemi ardhur te momenti, kur me të vërtetë flasim për modalitetet e njohjes së Kosovës. Në këtë moment qëllimi i këtij dialogu për Serbinë është vetëm se si të gjendet ndonjë model, sipas të cilit Serbia do të njohë në mënyrë implicite apo eksplicite Kosovën. Dhe mendoj se Vuçiç prej disa vitesh përpiqet të përgatisë për këtë terrenin përmes institucioneve të ndryshme, që deri tani i janë kundërvënë kësaj, si kisha, ushtria, apo Akademia serbe e Shkencave dhe Arteve (SANU)”, vëren Beshiri.

LEXO EDHE:  Dorëzohet kryeministri i emëruar i Libanit/ Largohet nga posti

LEXO EDHE:  Vala e dytë e pandemisë/ Si po përshtatet fasoni

Pazari i njohjes së Kosovës

Komentin e Aleksandar Vuçiçit, që ai nuk sheh se njohja reciproke mund të jetë ndonjë kompromis, Naim Leo Beshiri e konsideron si diçka që mund të çojë në një konkluzion të gabuar: „Koncepti i njohjes reciproke sjell një lloj konfuzioni, sepse Serbia nuk ka domosdoshmërisht nevojë për njohjen e Kosovës. Kosova nga ana tjetër ka më shumë nevojë për njohjen nga Serbia. Pra kur flasim për presionet mbi Serbinë, ne flasim se si të gjendet mënyra më pak e dhimbshme që Serbia të njohë Kosovën. Vuçiç tani përqipet të marrë ndonjë avantazh ekonomik nga kjo, por duhet theksuar se edhe pa problemin e Kosovës Serbia ka shumë probleme të tjera, për shkak të të cilave nuk mund të llogarisë me sigurinë e anëtarësimit në BE”, thekson Beshiri.

Serbia në të vërtetë po përpiqet të tregtojë njohjen e Kosovës me anëtarësimin e garantuar në Bashkimin Evropian, shpjegon Beshiri dhe thekson se „Partia Progresive Serbe dhe presidenti i saj mendojnë se kjo mund t‘i lërë në pushtet për të paktën dhjetë vjet të tjera. Mendoj se kjo është një llogaritje krejtësisht e gabuar”.

Kërkohet formulimi

Jam i sigurtë se Vuçiç është i vetëdijshëm, që i gjithë ky proces po shkon drejt një lloj njohjeje të Kosovës, vëren edhe Dejan Bursaç, i cili thotë se „është e qartë se tani kërkohet formulimi, që në një farë mënyre do të paketohet dhe t‘i prezantohet opinionit serb, i cili është shumë i ndjeshëm në këtë çështje. Tani po kërkohet tekstualilsht, se si kjo marrëveshje e mundshme të paraqitet e tillë, sikur Serbia nuk është dorëzuar në gjithçka”.

„Që nga marrëveshja e Brukselit Serbia ka nëshkruar, të themi, gati 50 dokumente të ndryshme me Kosovën, të cilat kanë forcuar më tej sovranitetin e Kosovës dhe nga ana tjerër ajo nuk ka përfituar as Bashkësinë e komunave serbe. Pala serbe bën lëshime masive në këto bisedime, por në publik i prezanton si proces, në të cilin askush as nuk ka humbur dhe as nuk ka fituar ndonjë gjë të veçantë”, përfundon Dejan Bursaç./DW

LEXO TE PLOTE

Bota

Itinerari i qarkullimit të drogës për në Europë

Publikuar

-

Nga

Itinerari i qarkullimit të drogës për në Europë

Alexander është në mesin të 40-ve i punësuar dhe jeton në Berlin-Mitte. Ai është konsumator kokaine. Dikur, thotë ai, ka konsumuar afërsisht dy herë në javë. Që prej lockdown-it si rrjedhojë e koronavirusit konsumon më shpesh, i thotë Alexandër DW në telefon: “Me siguri katër herë në javë.”

Ai çdo mbrëmje ka shokë për vizitë në shtëpi, gjë që në fakt aktualisht në bazë të rregullores ndaj koronavirusit në Berlin është e ndaluar. “Njerëzit mërziten shumë “, thotë ai. “E ç’bëjnë ata kur mërziten? Marrin narkotikë për t’u argëtuar.”

Party në dhomën e ndenjes

Përpara pandemisë Alexander dhe shokët e tij takoheshin nëpër bare. Atje ata ndonjëherë merrnin fshehurazi kokainë. “Kur je një grup prej tetë vetësh në ndonjë lokal, jo të gjithë shkojnë njëherësh në tualet”, thotë ai. „Por kur je në shtëpi e merr kokainën në tavolinë, të gjithë njëkohësisht. Kështu e merr më shpejt e si rrjedhojë të gjithë marrin edhe në sasi më shumë.”

Ende nuk ka shifra zarytre se si ka ndryshuar konsumi i drogës gjatë pandemisë së koronavirusit. Kontakte të kufizuara, kufij të mbyllur dhe aeroporte të boshatisur u kanë krijuar shumë kokëçarje bandave kriminale. Shumë ekspertë kishin parashikuar, që do të binte tregtia dhe konsumi ilegal i drogës.

Gjetje rekord në port

Tashmë më pak kokainë në treg? Jo, përkundrazi, thotë Alexander nga Berlini. Mjafton një telefonatë, e për 20 deri në 30 minuta „taksinë e kokainës” e ke tek dera. “Më shumë se treçerek ore nuk pret”, thotë ai njësoj si me Lieferandon apo servisin e picave në shtëpi. Edhe çmimet kanë mbetur të qendrueshme, thotë ai.

Këtë e vërteton edhe René Matschke. Puna e tij është që të pengojë furnizimin e „taksive të kokainës”. Matschke është drejtues i Zyrës së hetimit të Doganën e Hamburgut. “Vendet kryesore të zbarkimit të kokainës janë gjithmonë portet e mëdha”, i thotë Matschke DW-së.

Të dhënat mbi sasitë e sekuestruara të kokainës në Gjermani nga vitit 2014 – 2021

Në portin e Hamburgut mbërrijnë çdo ditë mbi 23.000 kontejerë. Bashkëpunonënjsit e Matschkes veçojnë kontejerë të dyshimtë, që vijnë nga Amerika e Jugut, kanë kaluar një itinerar të caktuar dhe janë tregtuar prej firmave të dyshimta. Në magazinat e mëdha hetuesit e doganës i kontrollojnë këto kontejerë përmes impianteve me rreze Rëntgen.

Gjithmonë ata gjejnë kokainë, ndonjëherë të paketuar në çanta sporti, ndonjëherë të fshehur mes thasëve të mëdhenj apo në ushqimet e ngrira. “Sasia që kemi sekuestruar sot, nuk është gjetur asnjëherë më parë”, thotë Matschke. “Gjatë dy viteve të fundit kemi gjetur deri në dhjetë ton. Vitet më parë kemi sekuestruar tre deri në pesë ton në vit në të gjithië Gjermaninë.”

Por javën e kaluar Matschke prezantoi sasinë më të madhe të konstatuar ndonjëherë: 16.000 kg. kokainë në ambalazh metali, që në fakt duhej të kishte qenë allçi. Kaq shumë kokainë nuk është sekuestruar ndonjëherë gjatë një hetimi në Europë.

Përse në Europë?

Europa ndërkohë është tregu më joshës për bandat kriminale, thotë Jeremy McDermott për DW. Drejtori i Organizatës InSight Crime bën fjalë për një „linjë trasnporti kokaine për në Europë”.

“Çmimet në Europë janë shumë më të larta dhe rreziku shumë më i ulët se në Amerikën e Jugut apo të Veriut”, thotë McDermott, i cili me ekipin e tij në Medellín në Kolumbi analizon krimin e organizuar në Amerikën e Jugut. “SHBA çdo vit shpenzojnë miliarda dollarë për luftën e tyre kundër drogës. Ata kanë një ushtri të tërë në veprim për luftimin e drogës.”

Orientimi në Europë është për bandat „thjeshtë një lehtësim i arsyeshëm i biznesit”. McDermott beson, se tregu europian i kokainës do të rritet edhe më tej, „veçanërisht në Europën Lindore”.

Rrugët e kontrabandës së drogës

Itinerari brazilian

Prodhimi në vendet si Kolumbia, Bolivia apo Peruja vazhdon të jetë i lartë. Prej andej janë etabluar disa itinare për në Europë, thotë McDermott. “Itinerari më i prerferuar është nga Kolumbia në portet braziliane.” Por deri atje kokaina kalon në katër deri në pesë duar.

LEXO EDHE:  Mesazhi i samitit të Berlinit/ Angazhimi krah për krah i Francës dhe Gjermanisë

LEXO EDHE:  Shtetet e vogla dhe fuqia e butë/ Si duhet të sillet Kosova në arenën ndërkombëtare

“Atje nevojitet një bandë tjetër, që të kujdeset për ta futur kokainën në kontejerin e caktuar për në Europë. Për këtë me gjasë duhet t’u paguhet ryshfet punonjësve të portit dhe të doganës.” Ndryshe nga dikur sot në biznes janë të përfshirë grupe kriminale nga vende të ndryshme.

Në Europë kontejerët merren në dorëzim nga një ekip tjetër, që i dërgon ato në depot e tranzitit. Në këtë hallkë shpesh janë të angazhuara bandat holandeze në portet kyç të Roterdamit dhe Anversës.

Në një depo tranziti malli ndahet. „Një ngarkesë ka shpesh disa pronarë dhe shumë blerës të ndryshëm”, thotë McDermott. “Ata e marrin mallin dhe e transportojnë atë në të gjithë Europën.”

Në këtë mënyrë droga gjen rrugën për tek shpërndarësit e vegjël për të mbërritur p.sh. edhe deri tek Alexander në Berlin. Gjithsej 12 milionë europianë kanë marrë një herë kokainë, vlerëson EMCDDA, Qendra Europiane e Vëzhgimit për Drogën dhe Vesin e Drogës në Lisbonë.

Edhe Laurent Laniel nga EMCDDA mendon, se kokaina në Europë është duke u përhapur që prej disa vitesh. Kjo ka pasoja thotë ai për DW: „Ne duhet të jemi të përgatitur se mund të ketë më shumë korrupsion dhe më shumë dhunë në Europë.”

Të paktën në prote dhe aeroporte nisur nga sasitë e zbuluara bëhet e qartë, që bandat mund të kenë rekrutuar me ryshfete punonjësit. „Ka gjithnjë e më shumë shenja për raste korrupsioni në autoritetet hetimore dhe në sistemin e drejtësisë. Ne natyrisht nuk jemi si në nivelin e Amerikës së Jugut. Por mund të ndodhë, që të ketë persona të veçantë në administratë e në politikë në Europë që përfitojnë prej tregtisë me kokainën.”

Dhomë torturash në kontejer

Sa më shumë kokainë vjen në Europë, aq më shumë para është në lojë thotë Laniel. Kësisoj rritet edhe gatishmëria e bandave për përdorimin e dhunës. Ai thotë, se është zbuluar një dhomë torturash në një anije kontejerësh në Holandë, që është një shembull se me çfarë brutaliteti vepron krimit i organizuar në Europë.

Edhe në Hamburg ka pasur të shtëna në qarqet e bosëve të drogës, thotë René Matschke nga dogana e Hamburgut, “Gjatë kontrolleve ne gjejmë vazhdimisht edhe armë.” Madje edhe punonjës të doganës e të policisë janë kërcënuar.

Si duhet të reagojë shteti? T’i shpallë luftë drogës, si në SHBA? Jo, thotë Jeremy McDermott nga InSight Crime në Medellín. “Ne duhet të kemi një qasje gjithëpërfshirëse, jo vetëm represion, ndalime dhe arrestime.”

Gjermania duhet të bashkëpunojë me partnerët, me SHBA-në dhe shtetet mike në Amerikën Latine. “Shoqëria civile duhet të forcohet për t’u ofruar alternativa fermerëve të kokainës. Nëse bëhen përpjekje për ta kufizuar tregtinë e drogës, duke kontrolluar kontejerët në Hamburg, kjo nuk do të ketë efekt të madh.”

Konsumatori Alexander në Berlin e konsideron veten si hallkën e fundit të një zinxhiri të gjatë. Nëse ai do të heqë dorë nga konsumimi i kokainës, atëherë kjo nuk do të ndryshojë gjë, thotë ai. “Nëse malli është këtu, është njësoj si me derrin e therur. Nëse mishi është në tryezë dhe unë nuk e ha, derri gjithësesi është i therrur e nuk ngjallet më.”

Po si është puna me shëndetin e tij? Konsumimi rregullisht i kokainës mund të dëmtojë enët e gjakut dhe organet, mund të bëhet ves, të lerë pasoja psiqike e të shkaktojë sëmundje psiqike, tërheqin vëmendjen mjekët. “Natyrisht që ndonjëherë është e dyshimtë se çfarë injekton”, thotë Alexander. Sidoqoftë ai ka ndërmend që sapo të marrë fund lockdown-i ta pakësojë konsumin e kokainës./DW

LEXO TE PLOTE

Kosova & Rajoni

Ndahet nga jeta ish-mjeku dhe ish-deputeti shqiptar

Publikuar

-

Nga

Një muaj ‘luftë’ me Covid/ Humb jetën në Turqi mjeku i njohur i QSUT

Ish-deputeti i Kuvendit të kosovës, Sejdullah Hoxha ka humbur jetën ditën e sotme.

Lajmi është bërë me dije nga familjarët e tij në rrjetet sociale.

“Me dhimbje e pikëllim të thellë lajmërojmë farefisin, miqtë, shokët dhe dashamirët se me datë 06/03/2021 ka ndërruar jetë, bashkëshorti, babai, vëllau dhe gjyshi ynë i dashur dhe i paharruar. Varrimi i të ndjerit bëhet në rrethin familjar, në varrezat e qytetit në Arbëri (Dragodan). Për shkak të pandemisë me virusin Covid 19 nuk mbahet e pamja”, thuhet në njoftim.

Hoxha gjatë viteve 1996-1999 punoi si drejtor i maternitetit “Nënë Tereza” në Prishtinë. Më pas nga 1999 deri më 2005 qëndroi në postin e drejtorit të Klinikës së Gjinekologjisë në QKUK.

LEXO EDHE:  Aleanca për Mbrojtjen e Teatrit zbarkon në Kukës/ Mbledh firma për peticionin

LEXO EDHE:  Deputetët francezë “zbarkojnë” në Shqipëri/ Apel të fortë politikës

Në vitin 2006 ishte anëtar i bordit të QKUK-së, ndërsa në 2007 ai bëhet u.d. i kryetarit të Bordit të QKUK-së./CNA.al

LEXO TE PLOTE