Politikë
Foto fakt/ Presidenti Meta dhe trafikanti i drogës Xhemail Pasmaçiu
Në datën 3 gusht 2020, pra tre ditë më parë, Prokuroria e Posaçme Kundër Korrupsionit dhe Krimit të Organizuar njoftoi se me urdhër të Gjykatës është bërë sekuestrimi i pasurisë së shtetasit Ylli Ndroqi.
Po ashtu SPAK tregoi publikisht edhe ndryshimin e emrit, nga Xhemail Pasmaçiu në Ylli Ndroqi dhe se ky i fundit kishte qënë i arrestuar më parë, për trafik droge në Itali dhe Turqi.
Një fakt ky i denoncuar në media, dhe i pranuar nën zë ndoshta nga shumë persona, por që deri tani mohohej nga Xhemail Pasmaçiu dhe “ushtarët e tij”.
Por, pas publikimit të këtyre fakteve nga SPAK, natyrshëm lind pyetja, si mundet që një ish-trafikant i arrestuar për trafik droge, ka ngritur një media dhe “fshihet” nën petkun e biznesmenit dhe pronarit të një televizioni.
Xhemail Pasmaçiu arriti ta hidhte pas shpinës, të shkuarën e tij edhe falë lidhjeve me politikanët shqiptarë, duke dalë në ekran si President i Ora News, Konsull nderi i Meksikës, biznesmen i suksesshëm etj.
Por, gjurmët e tij nuk arritën të mbulohen 100 % pasi investigimet mediatike, rrjedhja e informacionit, rivaliteti apo çdo referim tjetër që mund të japim e nxorën atë “zbuluar”, në mes të ditës.
Por, duke iu rikthyer lidhjeve të tij politike, kujtojmë këtu se Ylli Ndroqi (Xhemail Pasmaçiu) njihet si një mik i ngushtë i presidentit të vendit, Ilir Meta dhe për më tepër ata janë parë shpesh nën shoqërinë e njëri-tjetrit.
Ilir Meta e dinte se miku i tij ishte një person me emër të ndryshuar dhe i arrestuar më parë për trafik droge. Kjo për faktin se me autoritetin e kreut të shtetit e ka pasur mjaft të lehtë ti drejtohej INTERPOL-it, në Policinë e Shtetit, SHISH, apo edhe ambasadorit turk në Tiranë, i cili mund t’i dorëzonte dosjen e plotë të ngjarjes së ndodhur në dhjetor të vitit 1998, kur Ylli Ndroqi edhe pse me të dhëna të ndryshuara ishte arrestuar si Xhemail Pasmaçiu.
Megjithatë dosja Pasmaçiu është çështje e drejtësisë. Ne më poshtë do të publikojmë disa foto, të cilat nuk kanë nevojë për koment. Faktet flasin vetë./ CNA.al
Politikë
Rama nxjerr pamje nga Rruga e Arbrit/ Edhe pak dhe ëndrra 100-vjeçare është realitet
Kryeministri Edi Rama pritet të zhvillojë sot takime elektorale në Dibër.
Përmes një video që ka publikuar në ‘Facebook’, Rama ka nxjerrë pamje nga Rruga e Arbrit.
Sipas Ramës, edhe pak ngelen nga koha kur kjo ëndërr 100-vjeçare të bëhet realitet. Në video shihet tuneli i këtij aksi që ende është në ndërtim e sipër.
“Për Dibër nga Rruga e ArbëritEdhe pak dhe ëndrra 100 vjeçare është realitet💪”, shkruan Rama./CNA.al
Politikë
“Jo tërmet, por qamet më 25 Prill për horrat në pushtet”/ Luan Rama paralajmëron nga Vlora
Zëvendës kryetari i Lëvizjes Socialiste për Integrim, Luan Rama nëpërmjet një postimi në rrjetet sociale ka paralajmëruar se më 25 Prill do të jetë ditë e madhe në qytetin e Vlorës.
Rama thekson se Vlora do të jetë qamet dhe jo tërmet për horrat e pushtetit, ndërsa shton se LSI-ja ka mbështetje dhe përkrahjen e qytetarëve në këtë qark.
“Çfarë force e çfarë dashurie, çfarë energjie dhe çfarë vendosmërie për të fituar në zgjedhjet e 25 prillit ka në të gjithë votuesit e LSI-së në Vlorë. Një takim emocionues në rajonin nr. 2 të qytetit, si dëshmi e mbështetjes dhe e përkrahjes qytetare, me bindjen se LSI do të fitojë në Vlorë dhe Vlora do të fitojë me LSI-në. Ndaj jo tërmet, tërmet, por qamet, qamet do të jetë 25 prilli për horrat e pushtetit”– shkruan Rama./CNA.al
Politikë
Gjylameti takon banorët në Pogradec/ PD alternativë që infekton cep më cep qytetarët
Kandidatja për deputete e Partisë Socialiste në Korçë, Blerina Gjylameti në vijim të fushatës eletorale ka zhvilluar një takim me banorët e Pogradecit. Gjylameti theksoi se duhet të vazhdojë vaksinimi masiv në mënyrë që të hapet sa më parë sezoni turisitk, që është një sektor i rëndësishëm i zhvillimit ekonomik në këtë zonë.
“Duhet të vazhdojmë me vaksinimin në mënyrë që të heqim kufizimet dhe bizneset të punojnë lirshëm. Le të sjellim sa më parë sigurinë e shëndetit, të lirojmë ekonominë, te shtojmë vendet e punës dhe të zhvillojmë turizmin sektorin kyç të zhvillimit të ekonomisë lokale në Pogradec”, tha Gjylameti.
Gjatë takimit me banërot, Gjylameti u kërkoi atyre votën për PS, ndërsa theksoi se Partia Demokratike është aletranativa e dështimit e cila infekton qytetarët me mitingjet qytet më qytet.
“Ata janë alternative e dëmtimit, alternativë e shkatërrimit, alternativa e cila infekton tërë ditën cep e cep me takime që janë të grumbulluar 1 mbi 1. Ndryshe nga ajo që bëjmë ne duke mbajtur distancë dhe në mënyrë të veçantë te fokusi i shëndetit të njerëzve. Alternativa jonë është Edi Rama dhe qeveria me punë konkrete kanë vendosur dorë në çdo vend të Shqipërisë. Njerëzit e duhur duhet të jenë në krye të punëve të duhura”, tha Gjylameti./CNA.al
