Connect with Us

SPAK po heton pasurinë e një ish-trafikanti, jo të gazetarëve

Politikë

SPAK po heton pasurinë e një ish-trafikanti, jo të gazetarëve

Publikuar

-

SPAK po heton pasurinë e një trafikanti, jo të gazetarëve

Dje Prokuroria e Posaçme Kundër Korrupsionit dhe Krimit të Organizuar nëpërmjet një njoftimi theksoi se kishte kryer hetimet dhe kishte marrë vendimin e GJKKO në lidhje me një ish-trafikant droge, të dënuar në Turqi, dhe më pas arrestuar në vitin 2015 për çështje droge në Itali.

Ky ishte shtetasi Xhemail Pasmaçiu, i identifikuar nga gjurmët e gishtave se ishte personi i njëjtë me pronarin e telvizionit Ora News Ylli Ndroqi.

Menjëherë shpërthyen reagimet, qëndrimet, duke e cilësuar si sulm politik, e të tjera si këto.

Gazetarët e Zotit Ndroqi në fakt tentuan të bënin avokatinë e eprorit të tyre, por në krah ju dolën jo pak eksponentë, kryesisht të opozitës, të cilët me gjysëm zëri thonin se kishin hallin e gazetarëve dhe jo të pronarëve.

Por, e vërteta është se SPAK nuk ka kërkuar të hetojë gazetarët dhe as të arrestojë gazetarët. Nuk po ndalon, as shoqëron gazetarë, dhe as nuk po heton pasuritë e tyre.

SPAK po heton pasurinë e një ish-trafikanti droge, i cili është pronar mediash.

LEXO EDHE:  “Gjashtë në katër biznese falimentojnë”/ Murrzi ironizon Bashën, nuk kursen as qeverinë

Pra, loja duke viktimizuar gazetarët dhe shmangur Ylli Ndroqin, është thjeshtë dhe vetëm një skemë e fëlliqur, e cila kërkon të mbrojë trafikantin dhe të nxjerrë gazetarët viktima.

Në fakt SPAK po heton pasurinë e trafikantit dhe jo të gazetarëve. Prandaj përqëndrimi duhet të jetë tek fakti se kemi të bëjmë me një ish-trafikant droge, pronar mediash.

Gazetarët që punojnë aty, ashtu siç ka ndodhur edhe në raste të tjera me mbyllje mediash, do ta gjejnë punën. Do ta gjejnë hapësirën sepse shumë prej tyre janë njerëz të zotë, me integritet dhe profesionalizëm që nuk kanë nevojë ti mbajë as një ish-trafikant droge, apo dikush tjetër, që pretendon se është opozita e vërtetë apo fjala e lirë, përballë pretendimit të tyre se po sulmohen nga kryebashkiaku i Tiranës, Erion Veliaj./ CNA.al

Nga trafiku i drogës, tek celulat terroriste/ Lidhjet kriminale të Ylli Ndroqit dhe paralajmërimet e gazetarëve

Zbulohen avokatët publikë të ish-trafikantit të drogës

Shoqërohet në polici Ylli Ndroqi/ Gjykata i sekuestron pasurinë

Për të rejat më të fundit behuni pjesë e grupit tonë në facebook : City News Albania
KLIKO PER TE KOMENTUAR

Komentoni

Your email address will not be published. Required fields are marked *

Politikë

PS-PD nxjerrin skenarin për të shkërrmoqur LSI

Publikuar

-

Nga

PS-PD nxjerrin skenarin për të shkërrmoqur LSI

Perandoria e Ilir Metës ka nisur të shkërrmoqet. Lëvizja Socialiste për Integrim, e cila u ngrit nga emra të njohur dhe arriti të kishte një mbështetje të madhe nën drejtimin e Metës, ku dhe doli forca e tretë por edhe si një forcë kyç për të formuar qeverinë, po arrin të kap fundin nën udhëheqjen e Monika Kryemadhit.

Pakti PD-PS në 17 maj 2017 ishte goditja e parë që mori partia e presidentit, e cila si një marrëveshje e fshehtë kishte për qëllim shkërmoqjen e LSI.

Edhe sot, Rama-Basha kanë nisur tentativat në prapaskenë që në zgjedhjet e 25 prillit 2021 “perandorinë” e Metës dhe Kryemadhit ta nxjerrin jashtë loje. Këtë gjë e ka pranuar edhe numri dy i PS Taulant Balla, i cili u shpreh se kanë rënë dakord me Lulzim Bashën që partinë e Metës ta çojnë skrap.

“LSI është në një proces shkërmoqje. Figura politike të tyre kanë kërkuar të afrohen në PS. Ajo që po ndodh është që me Lulzim Bashën kemi rënë dakord, ai në 2017, ne tani, që LSI-në ta çojmë për skrap. Për këtë po punojmë të gjithë së bashku”, u shpreh Balla.

Por si po shkatërrohet LSI nën drejtimin e Monës?

Duket qartë se pas largimit të Ilir Metës nga LSI, deputetët dhe këshilltarët nuk po i binden më Kryemadhit dhe kanë filluar zyrtarisht largimet nga kjo parti. Largimi i Robert Bitrit, Spartak Brahos, Lefter Kokës, Nasip Naços, Gledion Rehovicës apo edhe ish-drejtori i portit të Durrësit dhe ish-drejtori i Aviacionit Civil, Aleksandër Lipivani kanë sjellë tkurrjen e partisë së presidetit. Por mes të larguarëve ka edhe këshilltarë bashkiak, të cilët janë bashkuar me PS.

LEXO EDHE:  Mega-skandali/ Gazetarët kërcënohen me vrasje

LEXO EDHE:  Gazetarët, grushta në studion e emisionit për Stalinin, tmerrohet moderatorja (Video)

Këto veprime po tregojnë se zyrtarisht ka nisur shkrirja e LSI. Partia e Monës prej disa kohësh është përfshirë nga një krizë e brendshme. Edhe pse ajo e ka evituar këtë fakt, duke mos e pranuar, një krizë e tillë sa vjen dhe bëhet më e dukshme.

Por frika e shëmbjes së perandorisë Meta-Kryemadhi ka nisur edhe shantazhet me videopërgjime ndaj të larguarëve. Por ndonëse deri dje ishin pjesë e LSI, sot Meta po i akuzon të larguarit si persona të inkriminuar dhe se sipas tij me ikjen e tyre është pastruar partia. Kreu i shtetit zgjedh të mos i quajë më as bashkëpunëtorë ato që janë larguar nga forca politike që ai vetë themeloi, mes tyre edhe Nasip Naço.

Frika e rrënimit të LSI ka sjellë sjellje antikushtetuese nga ana e presidentit. Meta është zhveshur tërësisht nga kostumi i presidentit dhe ka nisur fushatën për LSI duke zhvilluar një sërë takimesh. Kjo lë të kuptohet që vetë Meta nuk i beson dot partinë Monës, sepse ai po e sheh që perandorinë që e ngriti vetë, po i bie para syve.

Tashmë edhe në sondazhet në mediat pranë opozitës e nxjerrin LSI më të dobët se kurrë, gjë që tregon se mbështetja e qytetarëve tek partia e Metës dhe Monës ka rënë aq shumë, saqë as televizionet e tyre nuk po i nxjerrin dot “fitimtarë”./CNA.al

LEXO TE PLOTE

Politikë

21 janari dje dhe sot!

Publikuar

-

Nga

Në 21 janar të vitit 2011, opozita e atëhershme e drejtuar nga Edi Rama organizoi një protestë, demostratë, do ta quante kryeminstri sot.
Mijëra njerëz u vërsulën në bulevardin “Dëshmorët e Kombit”, ngjarje të dhunshme, policia u masakrua nga protestuesit, pas komandave politike të dhëna nga drejtuesit e partisë. Më pas forcat e Gardës vrasin në mënyrë tragjike katër persona të pafajshëm.

Përgjegjësi dhe oragnizatori i parë ishte Edi Rama. 10 vite më pare i çoi njerëzit atje , i la në Bulevard dhe iku me vrap, nuk qendroi në krye të turmës, nuk doli të mbronte njerëzit e tij po iku në fund. I lejoi të përplaseshin dhe për gati 5-6 orë të ushtrohej dhunë e pandalur nga turma mbi policinë dhe më pas nga policia mbi turmën.

Edi Rama sot është kryeministër i Shqipërisë, sot pas 10 vitesh nuk ka drejtësi në vend. Pra, ai mori atë që deshi, pushtetin! U bë kryeministër dhe nuk mbolli drejtësi, mirëqënie apo zhvillim siç u premtoi mbështetësve të tij në atë kohë, por mbolli korrupsion dhe PPP të cilat i solli pas aleancës me Ilir Metën.

Ilir Meta në atë kohë ishte ministër i Ekonomisë, zuri vendin e Dritan Priftit ndërkohë që do të publikohej video e famshme 700 mijë eurove për Gimin, një videopërgjim i bërë nga Dritan Prifti ndaj Ilir Metës.

Një video që tregonte jo pak sesi funksionin strukturat e LSI, kreu i saj, ministrat dhe ku kishte katandisur shteti shqiptar. Video solli një reagim të ashpër nga Ilir Meta i cili e quajti Edi Ramën kreun e sektit të spiunave, përdorues droge e të tjera si këto, por çdo akuzë e harroi.

Njerëzit në fakt Edi Rama i nxorri në protestë për bllokun e Ilir Metës, por edhe Rama e harroi bllokun e Metës. Të dy bashkë bënë aleancë pas gati dy vitesh dhe erdhën në pushtet duke marrë gati 1 milion vota, mbi gjakun e të vrarëve, mbi bllokun e 21 janarit, mbi çimkat mbi spiunët.

Dhe ja ku jemi sot, Ilir Meta është president i zgjedhur nga socialistët, nga ata që dolën në protestë për bllokun e Ilir Metës, e votuan e bënë president dhe sot Ilri Meta kërkon t’i rrëzojë nga pushteti dhe me kë?

LEXO EDHE:  Urdhër arreste për dy komisionerë të vdekur/ Arben Kraja justifikon gafën e SPAK

LEXO EDHE:  Pikëpyetje mbi pasurinë e deklarim i paplotë/ Komisioneri Ballhysa do të ngelte në Veting

Lulzim Basha, minister i Brendshëm i 21 janarit, njeriu që për orë dhe ditë të tëra nuk doli nga shtëpia. Ishte i trembur, thonë që ishte lagur, u dorëzua në zyrën e ish ministrit të Brendshëm, në atë kohë ministër Transportesh, Sokol Olldashi. Rrinte i trembur dhe dridhej, ishte i zverdhur, i llahtarisur, ishte njeriu përgjegjës i trupës policore që kishte vrarë katër persona, katër viktima të pafajshme, mbështetës të Partisë Socialiste që kishin dalë për të kërkuar bllokun e Ilir Metës dhe ishin vrarë në bulevard gjatë kohës që Basha ishte ministër i Brendshëm dhe drejtonte Gardën e Republikës.

Sot, Lulzim Basha është në opozitë, ka marrë Ilri Metën bashkë me bllokun e tij dhe partinë e tij dhe kërkon të vijë në pushtet për të rrëzuar Edi Ramën, atë që erdhi në pushtet pikërisht me bllokun e Ilir Metës dhe gjakun e katër të vrarëve.

Gjakun e tyre e ka edhe Lulzim Basha i cili këtë herë kërkon që ta përdorë ashtu si Rama për të ardhur në pushtet, por ndryshe, duke marrë atë për të cilin njerëzit shkuan të protestonin, Ilir Metën, i cili sot është presidenti i zgjedhur nga socialistët dhe me Lulzim Bashën i cili ishte minister i Brendshëm i 21 janarit kërkojnë të vijnë në pushtet.

Ky është 21 janari i 10 viteve me parë, ky është 21 janari i sotëm ku Edi Rama, Ilir Meta dhe Lulzim Basha i kanë të tre duar të lyera me gjak.

Njerëzit protestuan për Ilir Metën, i organizoi Edi Rama dhe ministër i brendshëm, Edi Rama më pas mori Ilir Metën dhe qeveri katër vite dhe tani Metën e merr Lulzim Basha, por rrugës Rama dhe Basha qeverisin edhe bashkë. E pra, këta janë ata të tre të zhytyr në gjakun e viktimave të 21 janarit, një ngjarje e cila ende nuk i ka përgjegjësit në karrigen e drejtësisë, atje ku nuk do të qetësoheshin vetëm shpirtrat e familjarëve të tyre, por ndoshta do të fillonte një epokë e re në politikën shqiptare. Kjo epokë nuk fillon sepse Rama nuk e do drejtësinë e sotme sepse ka frikë për drejtësinë ndaj tij, nesër./Elvi FUNDO-CNA.al

LEXO TE PLOTE

Politikë

Kush është morali i fabulës Tomorr Alizoti?!

Publikuar

-

Nga

Tomor Alizoti: Rama analfabet në politikën e jashtme, Serbia ka fituar diplomatikisht

Ditën e djeshme kreu i PD, Lulzim Basha konfirmoi Tomorr Alizotin si drejtues politik të qarkut të Beratit.

Basha i besoi drejtimin e listës së kandidatëve për deputet në zgjedhjet e 25 prillit, Alizotit i cili ka qenë një zë kritik i fortë ndaj kreut të PD.

Por le të kthehemi pas në kohë për të parë sesi Alizoti akuzonte Bashën si përgjegjësin kryesor për humbjen në zgjdhjet e vitit 2017. Në atë kohë Alizoti dha dorëheqjen nga detyra e drejtorit të departamentit të ish të përndjekurve dhe nga ajo e anëtarit të kryesisë.

Përmes një postimi në rrjetet sociale ai shkruante se Basha duhet të dorehiqej në mënyrë që partia të niste një proces reflektimi dhe ringritjeje.

“Në përfundim të votimit të anëtarësisë së PD për kryetarin e saj jap sot dorëheqjen time nga detyra e drejtorit të departamentit të ish të përndjekurve dhe nga ajo e anëtarit të kryesisë. Unë, pas humbjes dramatike të PD-se mbrojta qendrimin se z Lulzim Basha ishte pergjegjes kryesor per kete humbje dhe duhej te dorehiqej ne menyre qe partia te niste nje proces reflektimi dhe ringritjeje. Doreheqja do te ishte nje akt demokratik i nevojshem dhe nje pranim i vertete i pergjegjesive. Vetem keshtu ne do te kishim mundesine e ndertimit te nje fryme dhe force te vertete opozitare. Z Basha zgjodhi nje qasje tjeter duke iu imponuar normave perendimore dhe duke u rizgjedhur, kesisoj une si akt qytetar dhe fisnik po zgjedh te dorehiqem. Mbetem nje mbeshtetes i paepur i PD dhe i te djathtes dhe shpresoj qe ajo shume shpejt te zere vendin qe meriton. Mirenjohje te thelle per te gjithe mbeshtetesit”, shkruante Alizoti.

Por çfarë ndodhi sot?

Siç duket Alizoti “ndryshoi” mendim për Bashën dhe u shit vetëm për të marrë një mandat deputeti.

LEXO EDHE:  Zbulohen shifrat/Ja prokurorët më të pasur dhe ata që jetojnë me qira!

LEXO EDHE:  Mega-skandali/ Gazetarët kërcënohen me vrasje

Alizoti ka hedhur “pas krahëve” pakënaqësitë që ka shprehur publikisht ndaj kreut të PD, që e akuzonte si përgjegjësin kryesor për humbjen  në zgjedhjet e 2017-ës. Tashmë ai duket se është i kënaqur me emërimin që i ka bërë Basha, si drejtues qarku në Berat.

Pra si përfundim, Tomorri u kthye tek fabula “u mbars mali e polli nje mi”, ose një mandat./CNA.al

LEXO TE PLOTE