LEXO PA REKLAMA!

SHKARKO APP

20 vjet nga rënia e Kolonel Zylyftarit/ Meta mesazh për Policinë e Shtetit: Të distancohet nga lidhjet me politikën

2 Gusht 2020, 16:24, Politikë CNA
20 vjet nga rënia e Kolonel Zylyftarit/ Meta mesazh për Policinë

Presidenti Ilir Meta ka përkujtuar 20-vjetorin e rënies së kolonel Arben Zylyftarit.

Në reagimin e tij, Meta shkruan se është me rëndësi jetike që Policia e Shtetit të jetë shembulli i respektimit të ligjit për t?u shërbyer me nder, përkushtim e dinjitet qytetarëve, duke u distancuar nga lidhjet me krimin, politikën dhe praktikat arbitrare.

Populli shqiptar do t’i kujtojë përherë me krenari e respekt Heronjtë e tijm vijon Meta më tej.

?Sot nderojmë me vlerësim, mirënjohje e respekt të thellë kujtimin, veprën dhe sakrificën sublime të Dëshmorit të Atdheut, Kolonel Arben Zylyftarit, i cili ra në krye të detyrës 20 vite më parë në luftë me krimin.

Dita e sotme na risjell në vëmendje qindra Dëshmorë të Policisë së Shtetit, që të udhëhequr nga ndershmëria, përkushtimi dhe përgjegjësia e lartë qytetare e shtetërore, sakrifikuan jetën e tyre për mbrojtjen e rendit, qetësisë e sigurisë publike, por edhe të vlerave e parimeve që duhet të udhëheqin cilindo që mban veshur uniformën e shtetit.

Është me rëndësi jetike që Policia e Shtetit të jetë shembulli i respektimit të ligjit për t?u shërbyer me nder, përkushtim e dinjitet qytetarëve, duke u distancuar nga lidhjet me krimin, politikën dhe praktikat arbitrare.

Lufta kundër drogës dhe banditëve të lidhur me politikën është kusht thelbësor për integrimin europian, dhe çdo neglizhencë do të ketë pasoja tepër të rënda për të ardhmen e vendit!

Gjaku i Dëshmorëve të Atdheut, nuk do të bëhet ujë dhe mbarë populli shqiptar do t’i kujtojë përherë me krenari e respekt Heronjtë e tij!?/CNA.al

Lajmet e fundit nga