Connect with Us

Sherri te Tirana, Egbo sqaron të vërtetën: Ja çfarë ndodhi

Sport

Sherri te Tirana, Egbo sqaron të vërtetën: Ja çfarë ndodhi

Publikuar

-

Trajneri i Tiranës Emanuel Egbo sqaroi sherrin gjatë stërvitjes së fundit mes dy lojtarëve bardheblu Uinful Kobinas dhe Mario Morinës. Në prag të finales së Kupës së Shqipërisë me Teutën, tekniku i kampionëve të rinj të Shqipërisë e cilësoi sherrin si “mosmarrëveshje brenda familjes” dhe se lojtarët nuk janë goditur me grushta, ndërsa bën me dije se çështja është zgjidhur.

Ndërkohë, Ngo iu kthye deklaratave në mediat e huaja se ka vuajtur nga fenomeni i racizmit në Shqipëri. Nigeriani saktësoi se nuk mund të “ndëshkohen 99% e shqiptarëve për veprimin e gabuar të dikujt”. Ai nuk harroi të thotë se nëse do të kishte racizëm në Shqipëri, ai nuk do të kishte mundësi të drejtonte Tiranën.

Para një finale Kupe, sa e do Tirana këtë trofe?

E kemi vlerësuar maksimalisht. Cunave i kam thënë që kupa është objektivi i dytë i klubit që nga fillimi sezonit. Do jetë jashtëzakonisht e bukur që në 100 vjetorin e klubit të marrim edhe kampionatin edhe Kupën e Shqipërisë. Emri i tyre do mbetet në historinë e klubit. Nuk e shoh vetëm si një kupë, por ka shumë gjëra brënda. Duhet ta fitojmë pasi më pas fillojnë shumë gjëra të bukura. Me marrjen me marrjen e kësaj kupe, objektivi klubit dhe ai individual është arritur.

Mendoni se festa ju ka dëmtuar pak?

Kemi 4 ditë që përgatitemi. Me cunat e biseduam që do të festojmë atë ditë dhe më pas të përgatitemi për finalen e kupës. Besoj se nesër cunat do të jenë në maksimumin e tyre dhe me kismetin e Zotit shpresojmë ta fitojmë ndeshjen.

Nga organika e ekipit kë nuk keni gati, pasi ka shumë lojtarë në pikëpytje?

Deri nesër do të shohim ata që janë gati për ndeshje. Normalisht që kur vjen fundit të gjithë janë të lodhur pasi kanë luajtur çdo 3-4 ditë. Është normale të ketë lodhje dhe dëmtime, prandaj disa lojtarë si Muçi që ka probleme, apo Doka dhe disa lojtarë të tjerë. Besoj se do jenë gati për ndeshje.

Përsëri grushta në stërvitje, çfarë ndodhi?

Ishte një keqkuptim. Gjëra që ndodhin në çdo familje. Që kur kam marrë drejtimin e skuadrës jemi munduar që ti ruajmë gjërat të mos dalin jashtë e ti zgjishim si familje si vëllezër. Më keq se dje ka ndodhur edhe më përpara por nuk i kanë marrë vesh pasi i kemi zgjidhur brënda familjes.

Dukeni më i mërzitur se ka dalë si lajm sesa për atë çka ndodhur…

E thashë që në çdo familje ka zënka, mes prindërve dhe fëmijëve. Më tregoni një familje pa probleme brënda saj apo një familje që rri 1 apo 2 vite pa sherre. Njerëzit zihen dhe sqarohen. Nuk ka pasur grushta por shtyrje. E rëndësishme është që dy lojtarët u sqaruan me njëri-tjetrin pa ndërhyrjen e stafit apo ndonjë lojtari tjetër. Të arrihet kjo, ka shumë domethënje. Kjo tregon që ekipi ka harmoni, tolerancë mirëkuptim midis njëri-tjetrit. Këtë duhet të shohim, jo atë që ka ndodhur. Kjo më jep shumë shpresë në këtë ekip.

Është bërë bërë maratonë çështja e rracizmit. Mund të na e sqaroni për herë të fundit çfarë ka ndodhur?

Kam tentuar ta sqaroj sa më tepër. Ata që e kanë marrë për interesa të vetat apo për lajme, unë mendoj se jam më shumë shqiptar se ata. E dua këtë vend dhe dëshira ime është të përmirësohemi sa më shumë. Une kam 20 vite në Shqipëri. Kjo është shtëpia ime. 99 shqiptarë nuk mund të ndëshkohen për veprimin e një tjetri.

Kur ka ndodhur ky episod?

Është shumë kohë përpara. Për mua është e mbyllur. Ajo pyetje më është bërë edhe nga gazetar shqiptar edhe në studio televizive, a ka apo nuk ka rracizëm.

Nuk ka askush shans të thotë që shqiptarët janë më rracistë se vëndet e tjera. E kam sqaruar që ka njerëz të këqinj dhe njerëz të mirë, ashtu si dhe në vendin tim në Nigeri.

Shqiptarët më kanë trajtuar mirë më kanë respektuar dhe jam ndjerë komod. Nëse shqiptarët do ishin rracistë, sipas atyre që e kanë nxjerrë nga konteksti, unë nuk do isha trajner i Tiranës. Unë nuk jam njeri i polemikave, por e kanë nxjerrë nga konteksti. Nuk mund të bëhem hipokrit por i drejtpërdrejtë si gjithmonë.

Edhe Teuta feston 100 vjetorin. Çfarë keni ju më shumë se kundërshtari për ta fituar këtë Kupë?

Përderisa fituam kampionatin, kemi vetëbesimin dhe një shtysë për ta fituar edhe Kupën. E dim që kundërshtari e ka vlerësuar maksimalisht pasi kanë 100 vjetorin, por shpresoj të japim 100% tonë. Kjo është më e rëndësishme.

Mediat në Nigeri e kanë pasqyruar shumë këtë arritje. Keni qënë në qender të vemendjes se opinionit sportiv. Çfarë domethënje ka kjo për ju?

Ka shumë domethënje pasi unë nuk e dija. Kam qënë i përqëndruar vetëm tek puna dhe klubi. Tirana është klubi më i madh në Shqipëri ku kam dhënë shumë. Kam fituar kampionat, kupë dhe superkupë si lojtar dhe klubi që duan më shumë. Nuk e dija që jam trajneri u parë afrikan që fitoj një titull kampion në Europë. Unë thjesht kam bërë punën time. Nuk merrem me statistika apo objektive individuale.

Jam bashkëpunëtor për të arritur objektivin e klubit pasi kjo është më e rëndësishme. Duke punuar për objektivin e klubit, kam arritur dhe një objektiv personal të cilin nuk e dija se ekziston. Prandaj mediat atje e kanë zbuluar dhe duke filluar nga presidenti qeveria dhe gjithë më kanë uruar dhe është dicka jashtëzakonisht e mirë. Por unë jam prapë i njëjti. Me ndihmën e Zotit kam arritur këtë sukses dhe siç kam qënë më përpara ashtu do jem përsëri, gjithmonë me këmbë në tokë.

Për të rejat më të fundit behuni pjesë e grupit tonë në facebook : City News Albania
KLIKO PER TE KOMENTUAR

Komentoni

Your email address will not be published. Required fields are marked *

Sport

Liga e Europës/ Kualifikohen Sevija dhe Shakhtar Donjetsk, Inter dhe Junajtid mësojnë kundërshtarët në gjysmëfinale (VIDEO)

Publikuar

-

Nga

U luajtën ditën e sotme 2 sfidat e vlefshme për çerekfinalet e Ligës së Europës, ku u përcaktuan edhe 2 skuadrat që do të përballen me Interin dhe Mançesterin në gjysmënfinale.

Shakhtar Donjetsk, mposhti me rezultatin 4-1 Bazelin e Taulant Xhakës, në një sfidë të dominuar totalisht nga skuadra ukrainase.

Vlen të theksohet se mesfushori i Kombëtares, la fushën e lojës i dëmtuar në minutën e 60-të. Ndërkohë në sfidën tjetër, Sevija eliminoi Uolvesin, me rezultatin 0-1, falë golit të Okampos, duke kaluar më tej. Inter-Shakhtar Donjetsk dhe Mançester Junajtid – Sevija do të jenë 2 sfidat gjysmëfinale të Ligës së Europës.

REZULTATET LIVE: 

SHAKHTAR DONJETSK – BAZEL 4-1

Moraesh 2′, Taison 22′ , Alan Patrik 75′ (p), Dodo 88; / Van Volfsvinkel 90+2 



UOLVES – SEVIJA 0-1

Okampos 88′

 

 

LEXO TE PLOTE

Sport

Situatë kaotike në Superligën Shqiptare, vetëm 50 % e klubeve të licencuara

Publikuar

-

Nga

Gjendja në të cilën ndodhet futbolli në Shqipëri është përtej alarmantes. Bëhet fjalë për një situatë kaotike dhe me klube që janë thuajse të falimentuara.

Kjo për vetë pamjaftueshmërinë financiare për të garantuar bilance pozitive. Kuptohet, jo në masën 100%. E për ta vërtetuar këtë mjafton fakti që në sezonin që sapo u mbyll, vetëm pesë skuadra ishin të licencuara për të marrë pjesë në kompeticionet europiane: Tirana, Kukësi, Laçi, Teuta dhe Partizani.



Pra, vetëm 50% e asaj që konsiderohet elita e futbollit shqiptar garanton vijueshmëri në garat europiane, dhe për rrjedhojë, bilance të pranueshme. E ndërsa as në ajkën e zgjedhur të futbollit nuk është minimizuar kjo problematikë, në ligat më poshtë alarmi është drastik.

LEXO TE PLOTE

Sport

Befason e dashura e Joao Felix, i publikon foton intime yllit portugez

Publikuar

-

Nga

Atletico Madrid, pasi ka arkivuar La Ligën, po përgatitet të përballet me Leipzig në çerekfinalen e Ligës së Kampionëve. Disa ditë para ndeshjes kundër gjermanëve ( planifikuar për ditën e enjte) sulmuesi portugez Joao Felix ishte protagonist i një episodi më tepër kurioz.

Ish Benfica ishte duke pushuar me të mbathura kur e dashura e tij Margarida Corceiro i bëri një foto dhe më pas imazhin e postoi në Instagram. Por në foton e publikuar nga e dashura e tij shihej shumë më tepër.



Fotoja menjëherë u shpërnda në rrjet duke shkaktuar komente të shumta. Me të vënë re gafën Margarida e fshiu foton, një veprim i vonshëm pasi fotoja bëri xhiron në rrjet.

 

LEXO TE PLOTE