Connect with Us

Raporti i S&P, kritik ndaj qeverisë/ Rreziqet me të cilat përballet ekonomia shqiptare

Ekonomi

Raporti i S&P, kritik ndaj qeverisë/ Rreziqet me të cilat përballet ekonomia shqiptare

Publikuar

-

Raporti i S&P vazhdon të jetë kritik ndaj qeverisë/ Rreziqet me të cilat përballet ekonomia shqiptare

Ish-nënkryetarja e Komisionit të Ekonomisë, Jorida Tabaku, ndërsa komention Raportin e Fundit të S&P, thekson se vazhdon të jetë kritik ndaj qeverisë dhe sjelljes së saj në raport me rreziqet me të cilat përballet ekonomia shqiptare.

Sipas Tabakut, S&P kërcënon te ulë renditjen prej borxhit të lartë dhe PPP.

“Raporti i fundit i S&P vazhdon të jetë kritik ndaj qeverisë dhe sjelljes së saj në raport me rreziqet me të cilat përballet ekonomia shqiptare. Parashikimi për një kontraktim të ekonomisë me 6.5% të PBB-së, i afrohet përherë e më shumë parashikimit për një rënie ekonomike sa 9% e PBB-së.

Vlerësimi konstant i raportit vjen si pasojë e ndihmës ekonomike në formën e REPO që Banka Qendrore Europiane dhe gjithashtu FMN i kanë dhënë Shqipërisë. Raporti kritikon sjelljen e qeverisë ndaj PPP-ve, duke qenë një tjetër zë me peshë që nënvizon rrezikun fiskal dhe buxhetor të PPP-ve.

Situata është më e errët se sa përpjekjet e qeverisë për ta bojatisur atë në media. Raporti nënvizon dhe evidenton se do të ketë ulje të vlerësimit nëse ka përkeqësim të mëtejshëm, si pasojë e ekonomisë informale, rritjes së defiçitit, dhe gjithashtu problemeve me borxhet e fshehura.

Raporti evidenton borxhin e lartë prej thuajse 80% të PBB-së, sikundër argumenton problemet strukturore të qeverisë. Arka e shtetit shqiptar mbledh të ardhura sa 26% e PBB-së, vendi me të ardhurat më të ulëta në rajon, me një ndihmë ekonomike reale sa 0.85% e PBB-së, që nuk i shërben ekonomisë.”-shkruan Tabaku, në një postim në rrjetet sociale.

Po ashtu ajo thekson se ndihma është e pamjaftueshme, pasi buxheti i shtetit është keqpërdorur me PPP apo investime, që janë jo efiçente dhe janë kthyer në barrë.

LEXO EDHE:  Kryemadhi paralajmëron Ramën/ Çdo protestë është një tullë më pak për ty

“Problematika të tilla vazhdojnë të jenë të pranishme dhe në projektet e radhës të qeverisë Rama, me PPP-të e radhës si fjala vjen: rruga Milot-Fier e fryrë disa herë, ndërkohë që detyrimet e prapambetura janë rritur dhe çdo shpenzim jetik është pezulluar.

E fundit, jo nga rëndësia, S&P nuk ka dhënë asnjë vleresim negativ për asnjë vend që ka rishqyrtuar. Ajo ka paralajmëruar një qeveri që ka keqpërdorur buxhetin dhe ka rritur rrezikun nga PPP-të. Me një defiçit fiskal në rritje, borxh publik 80% e PBB, dhe me rrezikun fiskal të PPP, situata është më e errët. Qeveria nuk ka as ndjeshmërinë dhe as vizionin per të ndërmarrë reforma reale strukturore.
Sot ekonomia ka nevojë për frymëmarrje, ka nevojë për ndryshim, ka nevojë të punojë për shumicën e shqiptarëve e jo për pakicën, ka nevojë për një reformë tërësore që qeveria në ikje nuk e bëri dot kurrë, madje as në fillimet e saj!
Për këtë arsye, plani i Partisë Demokratike është për një taksë të sheshtë që të ulë informalitetin, të reduktojë pabarazinë dhe të vlerësojë punën e ndershme!”-përfundon postimin ish-deputetja demokrate./ CNA.al

 

Për të rejat më të fundit behuni pjesë e grupit tonë në facebook : City News Albania
KLIKO PER TE KOMENTUAR

Komentoni

Your email address will not be published. Required fields are marked *

Ekonomi

Rindërtimi/ Firmoset marrëveshja me qeverinë italiane për fondin 95 milionë euro

Publikuar

-

Nga

Rindërtimi/ Firmoset marrëveshja me qeverinë italiane për fondin 95 milionë euro

Sot është firmosur marrëveshja mes qeverisë shqiptare dhe asaj italiane për angazhimin e 95 milionë eurove, ku 90 milionë euro janë kredi e butë, ndërsa 5 milionë do të jenë për grantin e rindërtimit të objekteve publike.
Ka qenë ministri për Rindërtimin Arben Ahmetaj që ka firmosur marrëveshjen me ambasadorin italian Fabrizio Buçi.

Kredia 90 milionë euro me interes shumë të vogël do të përdoret në sektorin e energjisë, zhvillimin e ekonomisë së detit dhe rritjen e kapaciteteve për përballimin e fatkeqësive natyrore, me përmirësimin e flotës dhe fuqizimin e burimeve njerëzore të emergjencave civile.

LEXO EDHE:  Braçe irritohet me qeverinë: A ka mundësi të më tregojë njeri pse duhet të shkurtohet kjo rrugë?



Konkretisht, kredia 90 milionë euro do të përdoret:

LEXO EDHE:  Kryemadhi paralajmëron Ramën/ Çdo protestë është një tullë më pak për ty

a) Në sektorin e energjisë, për përmirësimin e mëtejshëm të linjave të transmetimit
b) Në zhvillimin e ekonomisë së detit, për përmirësimin e infrastrukturës portuale dhe peshkimit
c) Në rritjen e kapaciteteve për përballimin e fatkeqësive natyrore, me përmirësimin e flotës dhe fuqizimin e burimeve njerëzore të emergjencave civile,

LEXO TE PLOTE

Ekonomi

Pesëfishohen importet e maskave në janar-korrik/ Arrijnë mbi 4 milionë euro

Publikuar

-

Nga

Pesëfishohen importet e maskave në janar-korrik/ Arrijnë mbi 4 milionë euro

Maska është bërë sot një mjet i domosdoshëm që secili duhet ta mbajë me vete, për më tepër që është bërë e detyrueshme në ambientet e mbyllura. Vetëm pak muaj më parë as që imagjinohej që në rrugë të shihje njerëz me maska, ose që në një dyqan ose supermarket të mos të të linin të hyje pa të.

Sot, shpenzimi për maskë është bërë i domosdoshëm, ndoshta si kafeja, pa të cilën shumëkush nuk e fillon sot ditën. Nëse nuk ke një maskë me vete, rrezikon mos të hysh në supermarketet e mëdha, ose në dyqane të tjera, apo zyra shteti e privati.

Nga kjo kërkesë ka lulëzuar një biznes i ri. Të dhënat nga Drejtoria e Doganave bëjnë të ditur, pas kërkesës për informacion të “Monitor” se gjatë periudhës janar-korrik, importet e maskave të pëlhurës jo mjekësore arritën në 503 milionë lekë, ose mbi 4 milionë euro, duke u pesëfishuar në raport me të njëjtën periudhë të një viti më parë. Më herët, importet e këtij produkti ishin pothuajse të papërfillshme.

Krahas importeve, edhe shumë fabrika tekstili, ose edhe këpucësh në vend i janë drejtuar qepjes së maskave, kryesisht me destinacion eksportin. Kompanitë u përshtatën me shpejtësi, duke kompensuar rënien e porosive për veshje të zakonshme me kalimin e një pjese të aktivitetit për prodhimin e maskave, duke shfrytëzuar kërkesën e lartë nga partnerët europianë.



LEXO EDHE:   “Spitalet, vatra më e madhe e përhapjes së infeksionit”/ Tabaku: Qeveria përgjegjësja e vetme  

Me pandeminë që nuk dihet se kur do t’i vijë fundi, kërkesa për maska duket se do të vazhdojë gjatë, duke e shndërruar në një biznes të qëndrueshëm e fitimprurës, pasi kosto e prodhimit të një maske është e ulët dhe vështirësia e punës për ta qepur një maske pëlhure jo mjekësore është minimale.

LEXO EDHE:  Ç’duhet të bëjë qeveria që Presidenti të japë plotfuqishmërinë?/ Përgjigjet Meta

Një studim i fundit nga “Market Study Report” gjeti se deri në vitin 2026 tregu global i maskave do të arrijë në 21.2 miliardë dollarë, një shifër kjo që është gati dy herë sa Prodhimi i Brendshëm Bruto i Shqipërisë.

Tregu global i maskave të fytyrës pritet të regjistrojë rritjen të fortë deri në fund të vitit 2020. Shpërthimi i sëmundjeve infektive të rrugëve të frymëmarrjes si H1N1 dhe COVID-19 do të nxisin kërkesën për maska ​​për fytyrën midis punonjësve të vijës së parë të shëndetit, por edhe në popullatën e përgjithshme./Monitor

LEXO TE PLOTE

Ekonomi

Shpallet tenderi/ 14 milonë euro për projektin e Piramidës

Publikuar

-

Nga

Shpallet tenderi/ 14 milonë euro për projektin e Piramidës

Piramida e Tiranës do t’i kthehet kryeqytetit, sipas një projekti të prezantuar më herët, si një qendër inovacioni që do t’i përkasë kryesisht të rinjve.

Projekti i arkitektit Wini Mass është prezantuar nga bashkia, por vetëm javën e kaluar është shpallur thirrja për gjetjen e operatorëve që do të punojnë për rijetëzimin e ish-muzeut të Enver Hoxhës.

Fondi i vënë në dispozicion për zhvillimin e godinës është llogaritur 1.7 miliardë lekë, ose 14 milionë euro.



Kujtojmë se financues i këtij projekti, përveç Bashkisë së Tiranës është edhe Fondi Shqiptaro-Amerikan.

Për Piramidën ka pasur disa ide nga arkitektë vendas, por në fund projekti final u vendos ai për ngritjen e një qendre multifunksionale në qytet, duke siguruar hapësirë për të rinjtë dhe njerëzit që të angazhohen në art, kulturë dhe teknologji krijuese. Plani synon të krijojë simbolin e ri për Tiranën, ku ndërtesa është e arritshme nga të gjitha anët. Risia e rivitalizimit të qendrës qëndron në faktin se TUMO është një lloj i ri i përvojës arsimore në kryqëzimin e teknologjisë dhe dizajnit. Të rinjve do t’u jepen veglat dhe njohuritë që kanë nevojë për të arritur potencialin e tyre dhe ata do të jenë në gjendje të krijojnë rrugën e tyre të të mësuarit.

LEXO EDHE:  Ç’duhet të bëjë qeveria që Presidenti të japë plotfuqishmërinë?/ Përgjigjet Meta

LEXO EDHE:  PD djeg mandatet/ Vjen reagimi i parë nga Qeveria

Sipas dokumenteve të tenderit, pritet që punimet të zgjasin 2 vjet, pas firmosjes së kontratës me operatorin ose konsorciumin fitues, Kompanitë e interesuara kanë afat deri në 2 shtator për të dorëzuar dokumentet. /CNA.al

LEXO TE PLOTE