Connect with Us

COVID-19, mësimet e korrikut/ Çfarë ndodhi në Shqipëri dhe si arriti situata deri në këtë pikë?

Shëndeti

COVID-19, mësimet e korrikut/ Çfarë ndodhi në Shqipëri dhe si arriti situata deri në këtë pikë?

Publikuar

-

“Mjaft me hipokrizi dhe amatorizëm!”/ Dasho i “hakërrehet” komitetit të ekspertëve, prezanton 5 masat emergjente

Nga Erion Dasho

* Korriku ishte një muaj i dhimbshëm. 93 jetë të humbura nga COVID-19 përkthehen në mbi 33 vdekje për 1 milion banorë. Për të njëtjën periudhë, Spanja aq e goditur gjatë muajve të parë të epidemisë dhe me një popullsi 17 herë më të lartë se Shqipëria pati vetëm 90 vdekje!

Në se krahasimet bëhen për 1 milion banorë, pamja duket qartazi më e rëndë. 33 vdekje për 1 milion banorë në Shqipëri janë 16 herë më të larta se Gjermania madje edhe 5 herë më të larta se Italia që ishte vendi më i goditur prej COVID-10 në Europë. Gjatë muajit korrik, Gjermania pati vetëm 2 vdekje dhe Italia vetëm 6 vdekje për 1 milion banorë.

ÇFARË NDODHI NË SHQIPËRI DHE SI ARRITI SITUATA DERI NË KËTË PIKË?

Së pari, dështoi drejtimi dhe organizimi i përgjigjes ndaj epidemisë. Politikanët dhe drejtuesit shqiptarë vazhdojnë t’a lidhin punën me dukjen. Për ta dalja në kamera duke dhënë këshilla, duke inspektuar apo edhe duke kërkuar llogari, është bërë sinonim i punës. Me sa duket, virusi nuk u impresionua aspak nga kjo dhe vazhdoi “punën” e vet i papenguar.

Së dyti, komiteti i ekspertëve konfirmoi edhe njëherë paaftësinë e vet. Nuk u kuptua tendenca e qartë e muajit qershor ku u konstatuan më tepër raste COVID se gjatë tre muajve të parë të epidemisë (1,398 përkundrejt 1,137) dhe një numër pothuajse i njëjtë vdekjesh (30 jetë të humbura në qershor përkundrejt 33 jetëve të humbura gjatë mars-maj). Komiteti jo vetëm që nuk e kuptoi këtë tendencë, por qëndroi refraktiv edhe ndaj paralajmërimeve që erdhën prej autoriteteve shkencore shqiptare që punojnë e jetojnë jashtë vendit. Korriku ishte pasojë e drejtpërdrejtë e qershorit.

Së treti, ende nuk po aplikohet trinomi Testo-Gjurmo-Trajto. Për nga numri i testeve Shqipëria vazhdon të jetë në vendin e fundit në Europë. Megjthëse mesatarja e rasteve gjatë muajit korrik ishte 7 herë më e lartë në krahasim me periudhën mars-maj, numri i testeve u rrit më pak se 2 herë duke arritur një shkallë pozitiviteti mbi 20%. Gjurmimi korrekt me këtë numër rastesh është i pamundur sepse personeli i angazhuar është i njëjti me periudhën e parë të epidemisë. Trajtimi vazhdon të jetë i përqendruar në QSUT dhe Shefqet Ndroqi, duke bërë që pacientëT të paraqiten me vonesë për të kërkuar kujdes të specializuar, çka mund të jetë ndër arsyet kryesore të vdekshmërisë së lartë.

LEXO EDHE:  “Nuk presim mrekulli nga vaksina”/ Pëllumb Pipero mesazh të fortë qytetarëve

Së fundi, parandalimi primar vazhdon të jetë i goditur rëndë me një publik thellësisht mosbesues ndaj masave që i komunikohen. Nuk zbatohet distancimi social, mbajtja e maskave në mjedise publike, madje as edhe izolimi i personave të diagnostikuar apo të dyshuar. Kjo sepse qeveritarët vazhdojnë të japin shembuj papërgjegjshmërie. Kryetari i Bashkisë së Tiranës nuk përdorte maskë në takime me njerëzit deri dy ditë para se të diagnostikohej me COVID, Kryministri bën gallatë në publik duke e quajtur COVID-in “stafetë”, kurse Parlamenti mblidhet në sesion të rregullt (jo online) në kohën kur një koleg i tyre nisej për trajtim të specializuar për COVID jashtë vendit. Në këto kushte, a duhet publiku të besojë refrenin e përditshëm që bën thirrje për mbajtjen e maskës në publik?!

KORRIKU VËRTETOI SE PËRGJIGJA SHQIPTARE NDAJ COVID-19 ËSHTË NJË PËRGJIGJE E DËSHTUAR!

VATRAT E TRANSMETIMIT TË COVID SOT NUK JANË VETËM SPITALET, ADMINISTRATA DHE BIZNESET, POR EDHE PARLAMENTI, BASHKITË DHE GJYKATAT! SIPAS DISA EKSPERTËVE TASHMË KEMI ARRITUR NË PIKËN E TRANSMETIMIT KOMUNITAR!

DERI TANI MINISTRIA E SHËNDETËSISË DHE KOMITETI I EKSPERTËVE KANË TREGUAR PAAFTËSI JO VETËM PËR TË ORGANIZUAR NJË PËRGJIGJE VIZIONARE DHE TË INTEGRUAR, POR EDHE PËR TË MËSUAR NGA GABIMET E TYRE.

ME GUSHTIN IKËN VAPA DHE VJEN STINA E RE E VIROZAVE. A DO TË SHËRBEJË NDONJË PREJ SHUMË PËSIMEVE TË MËSIPËRME SI MËSIM??!!

Për të rejat më të fundit behuni pjesë e grupit tonë në facebook : City News Albania
KLIKO PER TE KOMENTUAR

Komentoni

Your email address will not be published. Required fields are marked *

Shëndeti

Manastirliu këshilla qytetarëve/ Ja ku duhet të kërkoni informacion

Publikuar

-

Nga

Manastirliu këshilla qytetarëve/ Ja ku duhet të kërkoni informacion

Ministrja e Shëndetësisë Ogerta Manastirliu, ka dhënë sërish disa këshilla për qytetarët që duan të kontaktojnë me mjekun e familjes dhe kërkojnë informacion mbi Covid-19.

Në një postim në rrjetet sociale, Manastirliu deklaron se për çdo informacion duhet kontaktuar linja e gjelbër falas.



“Kërkoni informacion të sigurt mbi COVID-19? Keni nevojë të lidheni me mjekun e familjes? Telefononi falas në linjën e gjelbër 0800 40 40”, shkruan ministrja krahas një fotoje me këshilla./ CNA.al

LEXO TE PLOTE

Shëndeti

Mjeku Alimehmeti jep lajmin e mirë/ Virusi pëson mutacion, më pak raste klinike dhe vdekje

Publikuar

-

Nga

Mjeku Alimehmeti jep lajmin e mirë/ Virusi shkakton më pak raste klinike dhe vdekje

Mjeku Ilir Alimehmeti ka dhënë një lajm të mirë për qytetarët që lidhen me pandeminë e koronavirusit.

Duke cituar autorin amerikan Wayne W. Dyer, mjeku thotë: “Ndrysho mënyrën se si i sheh gjërat dhe gjërat që sheh do të ndryshojnë”.

Ai përmend faktin që virusi ka pësuar një mutacion të ri (forma G614), i cili e bën më të transmetueshëm dhe thekson se rritja e shifrave të të infektuarve ka ardhur si shkak i heqjes së masave.

Alimehmeti i referohet një studimi dhe deklaron se virusi ka pësuar mutacion dhe po shkakton më pak raste klinikë dhe vdekje.

“Forma G614 ishte e qartë që transmetohet më gjerë dhe është përgjegjës për shumicën dërrmuese të rasteve në nivel botëror, por shumë u çoroditën nga vdekjet (e shprehura në shifra absolute) që po shtoheshin. Në fakt ky shtim ndodhi kryesisht nga dy faktorë: numri më i lartë i të infektuarve (në fakt numri relativ i vdekjeve ka rënë, OBSH tani deklaron se IFR = 0.6%) dhe nga heqja e masave shtypëse në shumicën e shteteve.



Por vetë virusi po shkakton më pak klinikë dhe vdekje dhe kjo vërehet edhe nga ky studim elitar i publikuar pak ditë më parë. Studimi udhëhiqet nga Prof. Sandrasegaram Gnanakaran, ndoshta koka më e lartë e virologjisë strukturore dhe është kryer në laboratoret më të mira të virologjisë. (linku në fund të postimit) Në këtë artikull tepër teknik, të cilin këshilloj ta lexojnë virologët dhe kërkuesit shkencorë, tregohet se struktura e proteinës “spike” të SARS-CoV-2 tashmë ka një konformacion “më të zbuluar” ose “të hapur”.

LEXO EDHE:  Mashtronin se kishin gjetur kurën dhe shpërndanin ilaçe anti-Covid/ Arrestohen 2 persona

LEXO EDHE:  Video-Taulant Muka bën thirrjen urgjente/ Covid-19 është mes nesh, të mos kalojmë nga njëri ekstrem në tjetrin

Pra, domeni i lidhjes me receptorin (RBD – receptor binding domain) ka dalë më në sipërfaqe. Ky konformacion më i hapur e bën variantin G614: më të aftë për t’u lidhur me receptorët ACE2, pra ka më shumë raste infektimesh. Por më të ndjeshëm ndaj efektit të antitrupat, që mund ta neutralizojnë atë duke ulur klinikën dhe vdekshmërinë.Këto karakteristika shkojnë pikërisht në drejtim të fenomenit të homoplazisë, pra të “përshtatjes bartës-virus”. Por, duhet të presim më shumë prova dhe evidenca.

“…Specificikisht, ekspozimi i RBD-së rritet me rreth 40% (reziduet 438-506). Kjo shoqërohet nga një ekspozim më i madh edhe i zonës së lidhjes së ACE2 edhe i epitopeve të RDB-së që shënjestrohen nga antitrupat. Për shembull, ka një rritje rreth 64% të ekspozimit të rajonit të epitopit C105 kur RBD-ja është “e hapur”, në krahasim me orientimin “e mbyllur”, në të cilin ky rajoni është i varrosur nga proteinat dhe glikanet rrethuese. Si rrjedhojë, në gjendjen e re, që favorizohet nga forma G614, epitopet kyçe të RBD-së janë më të aksesueshme se sa në formën D614…”, shkruan ai.

Gjithashtu ai bën thirrje që qytetarët të mbrohen duke respektuar këshillat dhe masat!/ CNA.al

LEXO TE PLOTE

Shëndeti

“Mjaft me hipokrizi dhe amatorizëm!”/ Dasho i “hakërrehet” komitetit të ekspertëve, prezanton 5 masat emergjente

Publikuar

-

Nga

“Mjaft me hipokrizi dhe amatorizëm!”/ Dasho i “hakërrehet” komitetit të ekspertëve, prezanton 5 masat emergjente

Eksperti i Shëndetit Publik, Erion Dasho, ka reaguar sërish lidhur me situatën e Covid-19, në vendin tonë.

Me tone të forta kritike Dasho shkruan se antarët e Komitetit kanë që në prill-maj që deklarojnë kalimin e pikut, por për fat të keq, Covid nuk u bindet parashikimeve të epidemiologëve amatorë të komitetit!

Sipas tij, përgjigjja që nevojitet të ndërmerret ndaj Covid nuk është ndërhyrje e tipit të kirurgjisë robotike, por thjesht pesë masa bazë.

“A NA DUHET NJË SHTET I TILLË?!

Pas statusit të djeshëm, ku argumentoja se maskat janë TË NEVOJSHME dhe TË DOBISHME, po jo TË MJAFTUESHME si masë për kontrollin e epidemisë së COVID më bëri përshtypje komenti i një kolegu. Pak a shumë në këto linja:

“Doktor, sistemi ynë shëndetësor nuk ka mundësi të ndërtojë një përgjigje ndaj COVID. Të paktën popullata të mbajë maska dhe të ulë disi impaktin e epidemisë.”

UNË ME KËTË DEKLARATË DISFATISTE NUK JAM ASPAK DAKORD!!!

Së pari, Ministria apo Komiteti asnjëherë nuk deklaruan se nuk kanë mundësi. Përkundrazi, në prill deklarohej se ishim 10 herë më mirë se Gjermania, kurse sot akoma flitet për situatë nën kontroll dhe përgjigje efektive!

Antarët e Komitetit kanë që në prill-maj që deklarojnë kalimin e pikut. Sipas “kompetentëve” të tjerë piku i fundit ishte në fund të korrikut. Për fat të keq, COVID nuk u bindet parashikimeve të epidemiologëve amatorë të komitetit!

MJAFT ME HIPOKRIZI DHE AMATORIZËM!

Përgjigjja që nevojitet të ndërmerret ndaj COVID nuk është ndërhyrje e tipit të kirurgjisë robotike! Thjesht pesë masa bazë:

LEXO EDHE:  Italia bën bilancin/ 55 viktima në 24 orë, ja sa ka arritur numri i të infektuarve



Pesë apo dhjetë fishim i numrit të testeve për një periudhë dy ose tre mujore.

LEXO EDHE:  Amerikanët e papunë në pritje të një ndihme të re financiare

Vendosja e një sistemi të survejances epidemiologjike dixhitale (personalisht ja kam ofruar një sistem të tillë FALAS Ministrisë në 16 mars dhe akoma ua ofroj po FALAS).

Furnizimi i 1,600 mjekëve të familjes me nga 20-30 pajisje puls-oksimetër secili.

Pajisja e spitaleve rajonale me rreth 20 aparate CPAP/BiPAP secili.

Krijimi i një ëebsite ku të afishohen protokollet e trajtimit të COVID për çdo nivel kujdesi: shtëpi, spital rajonal, spital terciar dhe komplikacione (këto mundësisht të përkthyera nga anglishtja dhe jo nga kinezçja).

Kaq si fillim dhe si masa emergjente do të mjaftonin për të ndalur rritjen e mëtejshme të epidemisë në këtë stad dhe për të shmangur kongjestionin e pritshëm tek Nënë Tereza dhe Shefqet Ndroqi.

Stina e vjeshtës kërkon natyrisht masa më komplekse, por këto masa do të na nxjerrin nga kriza ku ndodhet aktualisht sistemi ynë shëndetësor.

Këto masa së bashku nuk kërkojnë burime njerëzore shtesë dhe mund të përballohen me disa milion dollarë. Pagesa mujore e konçesioneve PPP në shëndetësi!!!

Për t’u zbatuar ky plan, kërkohet vetëm vizion, planifikim dhe organizim, cilësi këto thellësisht defiçititare në drejtuesit e sistemit tonë shëndetësor.

MOSMARRJA E KËTYRE MASAVE NGA DREJTUESIT E SHTETIT SHQIPTAR ËSHTË OSE PAAFTËSI, OSE PAPËRGJEGJSHMËRI!!!

NË TË DY RASTET, KY ËSHTË NJË SHTET QË NUK NA BËN MË PUNË…”/CNA.al

LEXO TE PLOTE