Connect with Us

Najada Çomo publikon videon e rëndë nga Infektivi/ “Nuk mund t’i përbaltni të infektuarit, janë shumë”

Shëndeti

Najada Çomo publikon videon e rëndë nga Infektivi/ “Nuk mund t’i përbaltni të infektuarit, janë shumë”

Publikuar

-

Shefja e spitalit Infektiv Najada Çomo, ka reaguar ashpër ndaj personave që kanë vënë në dyshim ekzistencën e Covid-19 dhe deklaruan se pamjet e publikuara nga ministria e Shëndetësisë nuk janë të personave të infektuar.

Çomo ka publikuar një video nga spitali dhe thotë se nuk mund të përbalten personat që po luftojnë me këtë virus të padukshëm.

“Në muajin e 5, që jemi duke trajtuar dhe luftuar pafund për të shpëtuar jetë njerëzish që vuajnë nga Covid 19 .Infektologë, reanimatorë, infermierë, sanitarë, imazheristë janë sot në shërbim të mbi 100 pacienteve te shtruar! Janë shumë dhe nuk mund t’i përbaltni, po vuajnë, po luftojnë me vdekjen ! Lutuni për shëndetin e tyre. Ata janë në spital”, shkruan ajo krahas videos./ CNA.al

Për të rejat më të fundit behuni pjesë e grupit tonë në facebook : City News Albania

Komentoni

Your email address will not be published. Required fields are marked *

Shëndeti

E thonë ekspertët/ Kafeja mbron mëlçinë nga sëmundjet

Publikuar

-

Nga

Adhuruesit e kafesë mund të mbrohen nga problemet e mëlçisë në jetën e mëvonshme.Sipas tudiuesve britanikë ta kanë një rrezik prej 21 përqind më të ulët të zhvillimit të sëmundjes kronike të mëlçisë sesa ata që nuk e konsumojnë kafen.

Pija përmban përbërje të quajtur kahweol dhe cafestol të cilat mendohet se zvogëlojnë inflamacionin që mund të dëmtojë mëlçinë. Përbërjet janë në nivele më të larta në kafen e bluar.

Kafeina besohet se lufton inflamacionin në mëlçi. Dr Oliver Kennedy, autor i studimit të botuar në revistën BMC “Public Health” nga Universiteti i Southampton, tha: ‘Kafja ka përfitime që mund të ofrojë një trajtim të mundshëm parandalues.’

Sipas studiuesve ata që e konsumojnë rregullisht kafen kanë 49 përqind më pak të ngjarë të vdesin nga sëmundjet kronike të mëlçisë.

LEXO EDHE:  Sërish shifra të larta infektimesh/ Humbin jetën 21 persona

LEXO EDHE:  Një grua e infektuar me koronavirus arratiset nga spitali

Rezultatet vijnë nga pothuajse gjysmë milioni njerëz në Mbretërinë e Bashkuar, të cilët ofruan informacion mbi konsumin e tyre të kafesë dhe qasjen në të dhënat e tyre mjekësore.

Studimi shton provat se kafeja mund të jetë e mirë për mëlçinë dhe është e para që heton drejtpërdrejt lidhjen e saj me kushtet e mëlçisë në një grup kaq të madh njerëzish.

Por autorët e studimit thonë se janë të nevojshme të bëhen më shumë kërkime para se të rekomandohet tek njerëzit në rrezik të sëmundjes së mëlçisë./ CNA.al

LEXO TE PLOTE

Shëndeti

OBSH: Vaksinat, shumë efektive kundër variantit Delta

Publikuar

-

Nga

Varianti Delta i koronavirusit, i cili ka shkaktuar rritje të numrit të rasteve në të gjithë botën, mund të ketë një shkallë rezistence ndaj vaksinave të koronavirusit.

Epidemiologia e Organizatës Botërore të Shëndetësisë, Maria Van Kerkhove, tha se ka disa prova që tregojnë për efikasitet të zvogëluar të vaksinave kundër këtij varianti, i cili për herë të parë është identifikuar në Indi.

Por, në përgjithësi, shtoi ajo, “vaksinat mbeten shumë efektive”.

“Ky është një mesazh me të vërtetë i rëndësishëm që duam ta bëjmë të qartë. Edhe pse shohim një efektshmëri të zvogëluar, vaksinat mbeten të efektshme në zvogëlimin e sëmundjeve të rënda dhe të vdekjeve – përfshirë edhe ato nga varianti Delta”, tha Van Kerkhove.

Ky variant ka çuar në rritje të numrit të rasteve me koronavirus nga Portugalia në Rusi, ndërsa Britania, në fillim të këtij muaji, ka shtyrë për katër javë një fazë të rihapjes së ekonomisë, për shkak të tendosjes së variantit Delta.

Në Shtetet e Bashkuara, ku normat e vaksinimit janë relativisht të larta, zyrtarët shëndetësorë kanë paralajmëruar se varianti Delta mund të bëhet lloji dominues i koronavirusit gjatë verës.

Infeksionet dhe vdekjet nga koronavirusi kanë rënë, për shkak të vaksinave, por në mesin e të pavaksinuarve ka prova në rritje që tregojnë se varianti Delta po merr hov.

Televizioni Bloomberg ka cituar një studim nga firma e gjenomikës, Helix, e cila ka analizuar mijëra mostra nga testet për koronavirus. Analiza ka zbuluar se rastet e variantit Delta duket se po rriten më shpejt në zonat me norma më të ulëta të vaksinimit.

Në Izrael – vendin me një nga normat më të larta të vaksinimit në botë – autoritetet shëndetësore kanë bërë thirrje për vaksinimin e adoleshentëve të moshave 12 deri në 15 vjeç, për shkak të shpërthimeve lokale të rasteve me kor Të hënën, gati 90 persona në Izrael u konfirmuan si të sëmurë me koronavirus. Kjo është shifra më e lartë ditore që nga fundi i prillit dhe shumica e rasteve janë nga shpërthimet në shkolla.

LEXO EDHE:  Një grua e infektuar me koronavirus arratiset nga spitali
LEXO EDHE:  Dalin detaje nga vdekja e të riut në Përrenjas/ Merte ilaçe për virozë gripale

Sipas autoriteteve në Izrael, gati një e treta e rasteve të reja gjatë javës së kaluar, kanë qenë persona të vaksinuar dhe shumë nga të infektuarit e rinj janë prekur me variantin Delta.

Drejtori i përgjithshëm i Ministrisë së Shëndetësisë në Izrael, Hezi Levi, tha se shumica e rasteve të reja në mesin e individëve të vaksinuar janë të lehta, por u bëri thirrje prindërve që t’i vaksinojnë fëmijët e tyre adoleshentë.

Javën e kaluar, drejtorja e Qendrave për Kontrollin dhe Parandalimin e Sëmundjeve në SHBA, Rochelle Walensky, tha se derisa varianti Delta përhapet, ka shqetësime se ai mund të pësojë mutacione të tjera atje ku i shmang vaksinat ekzistuese.

Walensky tha se viruset, kur pësojnë mutacione, bëhen më të transmetueshme.

“Kjo është arsyeja pse ne po i inkurajojmë njerëzit që të vaksinohen”, tha ajo.

Çfarë dihet për variantin Delta?

Varianti Delta i koronavirusit është shfaqur për herë të parë në Indi në tetor të vitit 2020 dhe që atëherë është përhapur në më shumë se 80 vende të botës.

Organizata Botërore e Shëndetësisë, në rastin e variantit Delta, ka regjistruar transmetueshmëri më të madhe, ndërsa shkencëtarët janë duke studiuar arsyet e kësaj.

Por, sipas OBSH-së, nuk ka ende të dhëna që tregojnë se Delta është më vdekjeprurëse.

Studiuesit thonë se simptomat më të zakonshme që lidhen me variantin Delta janë: dhimbja e kokës, dhimbja e fytit dhe rrjedhja nga hunda./REL

LEXO TE PLOTE

Shëndeti

Zgjerohet fasha e vaksinimit/ Mbërrijnë të tjera doza Pfizer në Shqipëri

Publikuar

-

Nga

Zgjerohet fasha e vaksinimit/ Mbërrijnë të tjera doza Pfizer në Shqipëri

Kanë mbërritur në aeroportin Nënë Tereza të tjera doza vaksinash Pfizer.

Lajmin e ka bërë të ditur kryeministri Edi Rama, i  cili përmes një postimi në rrjetin social Facebook shkruan se janë 11.70 doza që kanë ardhur, duke e çuar në mbi 1 milion sasinë totale të vaksinave anti Covid në vendin tonë.

Aeroporti “Nënë Tereza” – Kanë mbërritur sërish edhe 11,700 doza të tjera të vaksinës Pfizer, duke e çuar në 1,079,650 sasinë e vaksinave AntiCovid të mbërritura deri tani.

Me zgjerimin e fashës së vaksinimit për qytetarët +50 vjeç, vijojmë pa u ndalur me planin kombëtar të vaksinimit dhe nuk do të ndalemi, derisa qytetari i fundit të jetë vaksinuar”, shkruan Rama./CNA.al

LEXO TE PLOTE