Connect with Us

Sa vdekjeprurës është në fakt koronavirusi?

Shëndeti

Sa vdekjeprurës është në fakt koronavirusi?

Publikuar

-

Situata e Covid-19 shqetësuese/ Anestezisti: Përse intubimi nuk ka pasur atë sukses që ndoshta edhe pritej

Nga Justin Silverman & Alex Washburne “The Conversation”

* Raportet e hershme që nga janari i këtij viti, na dhanë një tablo të zymtë, mbi atë se sa vdekjeprurës ishte koronavirusi. Në fillim, Organizata Botërore e Shëndetit vlerësoi se përqindja e individëve të infektuar që vdesin nga Covid-19 ishte 3.4 për qind.

Kjo e dhënë quhet Shkalla e Vdekshmërisë së Infeksionit (IFR), dhe kjo do të thotë që për çdo 100 njerëz të infektuar me Covid-19, 3-4 prej tyre ndërronin jetë. Me kalimin e kohës, u bë e qartë se rreziku i vërtetë i vdekjes nga ky virus është shumë më i ulët.

Qendrat për Kontrollin dhe Parandalimin e Sëmundjeve në SHBA, thonë aktualisht se niveli i vdekshmërisë mund të jetë masimalisht 0.26 për qind. Por vlerësimet aktuale, janë diku midis 0.2 dhe 1 për qind , një interval çuditërisht i madh. Pasi kur llogaritet shkalla e vdekshmërisë së një infeksioni, duhet të jetë në parim e thjeshtë të ndash numrin e vdekjeve nga ai i infeksioneve në total.

Ne jemi dy studiues, që përdorim një qasje matematikore për zgjidhjen e problemeve epidemiologjike dhe biomjekësore. Në fillim të muajit mars, botuam një studim që tregon se miliona më shumë njerëz ishin infektuar nga Covid-19, sesa rastet zyrtare të raportuara.

Por kur u përpoqëm të përdorim llogaritjet tona, për të matur sa është niveli i vdekshmërisë së koronavirusit në SHBA, e pamë se ishte shumë e vështirë. Për të llogaritur shkallën e vërtetë të vdekshmërisë së infeksionit, studiuesit duhet të dinë 3 gjëra:  numrin në total të të infektuarve, numrin e vdekjeve nga infeksioni, dhe cilat vdekje i takojnë një infeksioni të caktuar.

Por përcaktimi i këtyre numrave është shumë më e vështirë sesa mund të duket në pamje të parë, dhe kjo shpjegon faktin pse ka pasur dhe vazhdon të ketë shumë pasiguri në lidhje me këtë çështje. Njohja e numrit të saktë të të infektuarve me koronavirus, është hapi i parë për të vlerësuar shkallën e vdekshmërisë.

Dhe rastet e raportuara zyrtarisht, pasqyrojnë vetëm numrin e rasteve të diagnostikuara, që është shumë më i vogël se sa numri i vërtetë i personave që janë infektuar. Meqë autoritetet nuk mund të testojnë të gjithë qytetarët, një mënyrë për të vlerësuar shkallën e infeksionit në një popullatë, është testimi i një grupi më të vogël njerëzish për shenja të infeksionit të mëparshëm, pavarësisht nëse ata kanë pasur ose jo simptoma.

Nëse grupi më i vogël, zgjidhet në atë mënyrë që të jetë demografikisht përfaqësues i popullatës më të gjerë, atëherë studiuesit mund të supozojnë se shkalla e infeksionit që ata konstatojnë në grupet e tyre të provës, është afër numrave realë në mesin e popullsisë .

Me këtë qasje, studiuesit kanë treguar se numri i përgjithshëm i infektimeve, ka të ngjarë shumë më i madh se sa numri i rasteve të diagnostikuara. Për shembull, studiuesit në Nju Jork tani vlerësojnë se deri në fund të marsit ishin infektuar mbi 2 milionë banorë të shtetit të Nju Jork.

LEXO EDHE:  Nuk hoqi tarifën ndaj Serbisë/ SHBA ndëshkon Kosovën

Ndërsa në atë kohë, kishte zyrtarisht vetëm 76.000 infeksione të konfirmuara. Studimi ynë përdori një qasje ndryshe. Ne shqyrtuam të dhënat e vizitave të mjekëve me pacientë që kishin simptoma të ngjashme me gripin. Duke llogaritur numrin e njerëzve, që mund të kenë pasur vetëm simptoma të lehta të Covid-19, dhe që nuk do të shkonin tek mjeku, ne vlerësuam se gjatë 3 javëve të fundit të marsit mbi 8.7 milionë amerikanë ishin infektuar me SARS-CoV-2.

Gjatë të njëjtës periudhë 3-javore, numri zyrtar i rasteve ishte rreth 100.000 infeksione të reja brenda SHBA. Duke i bashkuar të gjitha këto, tanimë është e qartë se ka pasur shumë më tepër infeksione sesa raste të konfirmuara, me gjasë 20 herë ose më shumë.

Ndërkohë përcaktimi nëse Covid-19 ishte shkaku i vdekjes, ka qenë më i vështirë nga sa mund të mendohet. Kohët e fundit, “The New York Times” raportoi se në një nivel kombëtar, vdekjet nga Covid-19 mund të nënvlerësohen në 25 për qind.

Gjatë pandemisë, shumë pacientë kanë vdekur nga simptoma të ngjashme me COVID-19, por nuk u testuan kurrë. Përveç kësaj, shumë njerëz po vdesin në shtëpi nga komplikacionet që duket se vijnë nga Covid-19, por gjithashtu nuk janë testuar kurrë.

Studimi ynë, sugjeron që autoritetet kanë identifikuar vetëm 1 në 80 infeksione, dhe afërsisht 4 në 5 vdekje. Është e rëndësishme të mbahet mend se këto vlerësime, reflektojnë rrezikun për një person mesatar. Shumë njerëz do të përballen me rrezik më të lartë, dhe shumë të tjerë me një rrezik më të ulët.

Instituti i Shëndetit Publik

Pacientët e moshuar, apo ata me sëmundje kronike si diabeti, presioni i lartë i gjakut apo sëmundjet e zemrës, ka të ngjarë të rrezikojnë më shumë sesa personi mesatar. Të rinjtë pa sëmundje kronike serioze, janë shumë më pak të rrezikuar se sa personi mesatar.

Së fundmi, shkalla e vdekshmërisë së infeksionit nuk është fikse. Ajo është një vlerësim i asaj që ka ndodhur në të kaluarën, dhe jo një parashikues i asaj që do të ndodhë në të ardhmen.

Nëse njerëzit ndjekin udhëzimet e shëndetit publik për mbajtjen e maskave, distancimin social dhe izolimin vetjak kur janë të sëmurë, mund të jetë e mundur të zvogëlohet numri i infeksioneve në popullata me rrezik të lartë, dhe të ulet përqindja e njerëzve që vdesin nga kjo sëmundje.

Por edhe e kundërta është e vërtetë. Nëse virusi përhapet gjithnjë e më shumë në popullata të prekshme, ose nëse spitalet mbingarkohen, dhe nëse të gjithë njerëzit nuk do kenë mundësi të kenë qasje në sistem për t’u kuruar, mund të vdesin më shumë njerëz./ Përshtatur nga CNA.al

Për të rejat më të fundit behuni pjesë e grupit tonë në facebook : City News Albania
KLIKO PER TE KOMENTUAR

Komentoni

Your email address will not be published. Required fields are marked *

Shëndeti

Mbi 170 të shtruar në spitalet Covid/ 18 pacientë në terapi intensive

Publikuar

-

Nga

Ish-deputeti i PD dhuron 2 respiratorë për spitalin "Shefqet Ndroqi"

Ministria e Shëndetësisë ka treguar se si paraqitet situate në spitalet Covid.

Mësohet se aktualisht situata në spitale vijon të jetë e qëndrueshme. Në spitalin Infektiv dhe “Shefqet Ndroqi” po trajtohen 171 pacientë, 18 në terapi intensive nga të cilët 8 pacientë janë të intubuar.

Ministria e Shëndetësisë bën me dije se po vijon identifikimin, gjurmimin dhe hetimin e rasteve të dyshuara me COVID19, me qëllim izolimin e vatrave të infeksionit.

“Angazhimi i shtuar i epidemiologëve në terren bëhet akoma edhe më i domosdoshëm me fillimin e viti të ri shkollor, ku mësuesit dhe nxënësit do të kenë prioritet për testimin.



Mësuesit për çdo shqetësim duhet të kontaktojnë me koordinatorin e shkollës, i cili lidhet me strukturat e shëndetësisë për t’ju përgjigjur çdo problematike, si dhe për të identifikuar dhe izoluar në kohë çdo rast të dyshuar.

LEXO EDHE:  Tensionet pas vrasjes së gjeneralit/ SHBA-ja vendos sanksione shtesë ndaj Iranit

LEXO EDHE:  Ironia e Tritan Kalos/ Ti nuk do më shkarkosh, rrënoftë Demon-kracia

Është shumë i rëndësishëm në këtë moment, kur shtohet rreziku me hapjen e shkollave, bashkëpunimi i të gjithë qytetarëve për të kufizuar përhapjen e infeksionit.

Është e rëndësishme të respektohen rregullat e higjienës, distancimit dhe përdorimit të maskës kudo në ambientet e mbyllura dhe në çdo ambient publik ku nuk mund të ruani distance”, njofton ministria./ CNA.al

LEXO TE PLOTE

Shëndeti

Bilanci nga Covid-19/ Ja sa persona janë konfirmuar pozitivë në 24 orë

Publikuar

-

Nga

143 raste të reja me Covid/ Humbin jetën 6 pacientë, shërohen 51

Dy persona kanë humbur jetën që nga dita e djeshme në vendin tonë nga Covid-19.

Në 24 orët e fundit, me gjithë përpjekjet e mjekëve, e kanë humbur betejën me COVID19 një 57 vjeçar dhe një 65 vjeçare nga Tirana, me sëmundje të bashkëshoqëruese. Ministria e Shëndetësisë dhe Mbrojtjes Sociale u shpreh ngushëllimet familjarëve.

Janë kryer në 24 orët e fundit 810 testime dhe janë konfirmuar 152 raste.

Rastet ditore të identifikuara si rezultat i gjurmimit, testimit dhe hetimit epidemiologjik janë si vijon :

68 raste në Tiranë, 16 në Elbasan, 11 në Durrës, 9 në Shkodër, 8 në Vlorë, nga 7 raste Kavajë, Berat, nga 5 raste Fier, Pukë, 3 në Lushnje, nga 2 raste në Kamëz, Gramsh, Kuçovë, nga 1 rast në Lezhë, Mirditë, Rogozhinë, Mat, Vau i Dejës, Divjakë, Dibër.



53 qytetarë janë shëruar në 24 orët e fundit, duke e çuar në 6668 që nga fillimi i epidemisë.

Ministria e Shëndetësisë dhe Mbrojtjes Sociale ju rikujton numrin unik të urgjencës kombëtare 127, në rast se keni shenja të sëmundjes dhe dyshoni se jeni i prekur nga COVID19.

LEXO EDHE:  SHBA i bën thirrje Kinës të pranojë ndihmën amerikane për koronavirusin

LEXO EDHE:  Pandemia në SHBA/ Bizneset e vogla nuk përfitojnë kompensime nga sigurimet

Qëndroni në kontakt me mjekun e familjes dhe për çdo informacion të sigurt rreth koronavirusit, mund të telefononi në linjën e gjelbër 0800 40 40 të vendosur në dispozicion nga Ministria e Shëndetësisë dhe Mbrojtjes Sociale.

COVID-19 – Statistika (15 Shtator 2020)
Testime totale 75576
Raste pozitive 11672
Raste të shëruara  6668
Raste Aktive 4664
Humbje jete 340 (Qarku Tiranë 163, Durrës 45, Shkodër 39, Elbasan 21, Fier 17, Korçë 15, Lezhë 13, Kukës 8, Dibër 7, Vlorë 6, Gjirokastër 4, Berat 2).

Shpërndarja gjeografike e rasteve aktive sipas qarqeve:
Tiranë2366
Durrës    520
Shkodër   362
Lezhë267
Elbasan  248
Korçë 209
Fier   192
Vlorë 170
Kukës 140
Berat    92
Dibër    51
Gjirokastër 47/ CNA.al

LEXO TE PLOTE

Shëndeti

Emiratet e Bashkuara Arabe miratojnë vaksinën për punonjësit shëndetësorë

Publikuar

-

Nga

Qeveria e Emirateve të Bashkuara Arabe tha se ka miratuar përdorimin e një vaksine kundër koronavirusit te punonjësit shëndetësorë, pas testimeve të suksesshme klinike.

Ministri i Shëndetësisë, Abdul Rahman Mohammed Al Oweis, tha se vaksina mund të përdoret në “raste emergjente”, duke përfshirë stafin shëndetësor të vendit.

Ai tha se vendimi u mor pasi faza e tretë e testimit të vaksinës nuk ka treguar efekte anësore, por ka dëshmuar se krijon antitrupa.



Ministri tha se 31,000 vullnetarë, që përfaqësonin 125 kombësi, kanë marrë pjesë në provat klinike.

LEXO EDHE:  Rama në konferencën “World Leaders”/ Shqipëria shembull i tolerancës fetare, njohëm të parët në Evropë të drejtën e hebrenjve

LEXO EDHE:  “Covid-19 ende “gjallon” mes nesh/ Tritan Kalo apel të fortë qytetarëve

Kompania Sinopharm CNG, me seli në Kinë, e ka zhvilluar vaksinën dhe ka kryer fazën e tretë të provës klinike së bashku me Qeverinë në Abu Dabi dhe firmën e inteligjencës artificiale, G42 Healthcare, me bazë në Emiratet e Bashkuara Arabe./CNA.al

LEXO TE PLOTE