LEXO PA REKLAMA!

SHKARKO APP

Zani Çaushi kërkon liri/ Paralajmëron Hoxha: Mund të zhvillohet një luftë e madhe...

16 Korrik 2020, 16:57, Politikë CNA
Zani Çaushi kërkon liri/ Paralajmëron Hoxha: Mund të

Ish- kreu i bandës së Vlorës, Zani Çaushi ka kërkuar lirimin me kusht dhe pritet që në seancën që do të mbahet më 17 korrik të paraqesë provat mbi të cilat mbështet kërkesën e tij.

Gazetari Artan Hoxha foli lidhur me historikun e arrestimit të Çaushit dhe bëri një paralajmërim.

Hoxha deklaroi se nëse lirohet ish-kreu i bandës së Vlorës do të zhvillohet një luftë e madhe për ta marrë nën kontroll.

?Myrteza Çaushi i njohur si Zani Çaushi i cili ka kërkuar lirimin me kusht. Çaushi është një emër i ngelur nga 97?, një emër i rëndësishëm në atë kohë. Vitin e kaluar ai ka shkuar në gjykatë dhe ka kërkuar që t?i llogaritet dhe koha e paraburgimit. Në 28 shtator të 97?, ai është arrestuar për ngjarjet e vitit 1997, për bandë të armatosur, për vepra penale të kryera në kuadër të bandës, vrasje, rrëmbim personi.

Për këto është arrestuar dhe ka qëndruar në burg deri në mars të 99? dhe kur u dha gjykimi në Tiranë, ndryshe nga kërkesa e prokurorit e ka nxjerrë të pafajshëm për të gjithë akuzat e tjera dhe e dënoi vetëm për armëmbajtje për leje. Dhe në 99? është liruar, në shtator po të atij viti është arrestuar sërish, pasi u përfshi në një vrasje që u dënua me burgim të përjetshëm, ku janë vrarë dy persona. Aty e ka kauzën për vrasje të dy personave dhe armëmbajtje pa leje.

Gjatë kohës së dënimit, gjykata kthen sërish gjykimin dhe rifilloi gjykimin për ngjarjen e 97 edhe pse një pjesë e madhe e anëtarëve të bandës së tij janë të vrarë dhe për ngjarjet u dënua me 18 vite burg për ngjarjet në vitin 97. Vitin e kaluar ai është paraqitur në gjykatë dhe gjykata tashmë po mbledh kush bos i krimit ka lekë dhe po e nxjerr jashtë dhe sot ai ka probleme me hasmin jo me shtetin.

Gjykata ka pranuar që të bashkojë dy dënimet në kuadër të kodit të vjetër penal dhe ka pranuar që ai të ketë vetëm një dënim dhe i është dhënë mundësi që të kërkojë lirinë me kushte. Kjo është seanca e tretë dhe nëse ndodh dalja e Zanit, i cili nuk ka qenë një personazh i thjeshtë në Vlorë por ka qenë një personazh politik, lirimi i tij krijon një tjetër problematikë, dhe do të zhvillohet një luftë e madhe për ta marrë nën kontroll?, u shpreh ai në Abc News.

Hoxha tha se pas kësaj fshihet një dorë e nxehtë, që sipas tij po përpiqet që të ndezë zjarrin.

?Nga burgu kanë dalë të gjithë ato që kanë lekë, pasi grupi që kanë jashtë ka bërë lekë dhe kanë blerë gjykatësit. Por në këtë rast nuk kemi një gjë të tillë pasi banda dhe familja e Çaushit është shpartalluar. Për mua përgjegjës në këtë ngjarje është një dorë e fshehtë që po përpiqet që të ndezë zjarrin. Ai që po e nxjerr e ka marrë masën se për çfarë po e nxjerr, pasi me atë që ai ka bërë ai jashtë e ka të pamundur që të jetojë i lirë?, deklaroi gazetari./ CNA.al

Lajmet e fundit nga